2 Mose 3:20 - ŊMALƐ KRƆŊKRƆŊ LƐ

²⁰ No hewɔ lɛ, majie mihewalɛ kpo matsɔ̃ɔ Ijipt, ni mikɛ naakpɛɛ nii ni mafee yɛ jɛi lɛ aaagbala Ijipt toi, ni no sɛɛ dani eeehã nyɛya.

Ṅmãle̱ Kroṅkroṅ Le̱

²⁰ Ni makpã minine mli, ni mike̱ minākpe̱nii fẽ ní mafe ye̱ dše̱i le̱ atſia Mizraim nii, ni no se̱ dãni eehã nyeya.

2 Mose 3:20 ပူးပေါင်းရင်းမြစ်များ

1 Mose 15:14

Shi nakai jeŋmaŋ lɛ hu ni amɛaasɔ̃mɔ lɛ, magbala amɛtoi, ni no sɛɛ lɛ, oshwiei lɛ aaashi jɛi kɛ nii babaoo.

Nehemia 9:10

Ofee okadii, ni otsu naakpɛɛnii yɛ Farao kɛ etsuji lɛ fɛɛ kɛ eshikpɔŋ lɛ nɔ bii lɛ fɛɛ ahiɛ, ejaakɛ ole akɛ Farao kɛ etsuji lɛ wo amɛhe amɛwo wɔtsɛmɛi lɛ; okɛ enɛ he gbɛi ohã ohe, tamɔ bɔ ni eyɔɔ ŋmɛnɛ nɛɛ.

Lalai 105:27

Amɛtsu Nyɔŋmɔ naakpɛɛ nitsumɔi lɛ yɛ Ijipt; amɛfee naakpɛɛ nii lɛ yɛ Ijipt shikpɔŋ lɛ nɔ.

Lalai 105:38

Ijipt nya yɛ amɛjɛijee lɛ hewɔ, ejaakɛ Israelbii lɛ ahe ŋmiŋmi emɔmɔ amɛ.

Lalai 106:22

Lɛ Nyɔŋmɔ, mɔ ni efee naakpɛɛnii yɛ Ijipt shikpɔŋ lɛ nɔ, ni efee gbeyei nibii yɛ Ŋshɔ Tsuru lɛŋ lɛ.

2 Mose 11:1

Kɛkɛ ni Yehowa kɛɛ Mose akɛ, “Eshwɛ amanehulu wulu kome ni mahã aba Farao kɛ Ijipt nɔ, ni no sɛɛ lɛ eeehã nyɛje biɛ nyɛya. Be ni eeehã nyɛ fɛɛ nyɛya kwraa lɛ, shwiemɔ tete ebaashwie nyɛ kɛje biɛ.

2 Mose 12:39

Ni amɛkɛ mã ni amɛkɛjɛ Ijipt lɛ eko shã mã akpiti keeki ejaakɛ eshako akɛ ni Ijiptbii lɛ shwie amɛ bɔ ni amɛwooo mɛɛ koni mã lɛ asha lɛ, ni no hewɔ hu lɛ amɛsako niyenii amɛtoko gbɛnyiɛmɔ lɛ.

2 Mose 13:3

Mose kɛɛ Israelbii lɛ akɛ, “Nyɛkaia nɛkɛ gbi nɛɛ, ni ji gbi nɔ ni nyɛje Ijipt nyɔŋyeli shishi lɛ, ejaakɛ nineshiwalɛ naa Yehowa jie nyɛ kɛje jɛi. No hewɔ lɛ, nyɛkayea masha nii.

2 Mose 13:9

Nyɛkaia gbijurɔ nɛɛ. Nyɛhãa efea tamɔ okadi ko ni fi nyɛnineshi aloo ni kpɛtɛ nyɛhiɛŋtso nɔ koni Yehowa mla lɛ akã nyɛdaaŋ, ejaakɛ nineshiwalɛ naa Yehowa jie nyɛ kɛje Ijipt.

2 Mose 15:11

“Namɔ tamɔ Bo, Yehowa, yɛ nyɔŋmɔi lɛ ateŋ? Namɔ tsuɔ nyam nii ni yɔɔ gbeyei kɛ naakpɛɛ?

2 Mose 15:6

Yehowa, ohewalɛ lɛ hiɛ eba nyam, Yehowa, ohewalɛ lɛ tserɛɔ henyɛlɔ mli.

2 Mose 4:21

Yehowa kɛɛ Mose ekoŋŋ akɛ, “Kɛji oyashɛ Ijipt lɛ kwɛmɔ ni naakpɛɛ nibii fɛɛ ni mikɛ amɛnɔ hewalɛ ewo odɛ̃ŋ lɛ, ofee yɛ Farao hiɛ; shi mi lɛ mahã Farao akpliŋ etsui, ni ehãŋ maŋ lɛ aya.

2 Mose 6:1

Kɛkɛ ni Yehowa kɛɛ Mose akɛ, “Kpaako obaana nɔ ni mibafee Farao. Ja minineshiwalɛ naa dani eeehã Israelbii lɛ aya. Anɔkwa, minineshiwalɛ naa hu dani eeeshwie amɛ kɛje eshikpɔŋ lɛ nɔ.”

2 Mose 6:6

No hewɔ lɛ, kɛɛmɔ Israelbii lɛ akɛ mikɛɛ, ‘Mi ji Yehowa, ni majie nyɛ, ni mawo Ijiptbii lɛ ajatsu lɛ yɛ nyɛkuɛ nɔ, ni mahere nyɛ kɛje nyɔŋ ni amɛyeɔ nyɛ lɛ mli. Mikɛ mihewalɛ aaakpɔ̃ nyɛ, ni no nɔŋŋ mikɛaagbala Ijiptbii lɛ atoi.

2 Mose 9:15

Kulɛ bɛnɛ mijie mihewalɛ kpo mitsɔ̃ɔ, ni mihã gbele hela etswa bo kɛ omaŋbii, ni nyɛhiɛ ekpãtã momo yɛ shikpɔŋ lɛ nɔ.

Yesaia 19:22

Yehowa aaagbala Ijiptbii atoi, eeetswia amɛ nii, ni lɛ nɔŋŋ eeetsa amɛ ekoŋŋ, ni amɛaakpale kɛaaba Yehowa ŋɔɔ, ni eeebo amɛfaikpamɔ toi, ni eeetsa amɛ.

Yesaia 26:11

Ao Yehowa, owo onine nɔ, shi kɛ̃lɛ amɛnaaa. Hã amɛna joomɔ ni ojoɔ yɛ omaŋbii ahe lɛ koni amɛhiɛ agboi. Hã la ni oto hã ohenyɛlɔi lɛ akpãtã amɛhiɛ.

Ezekiel 20:33

Nuŋtsɔ Yehowa kɛɛ akɛ, “Gbii abɔ ni mi ji Nyɔŋmɔ hiɛkãalɔ lɛ nɛɛ lɛ, mikɛ nineshiwalɛ kɛ hewalɛ kɛ mlila ni naa wa baaye nyɛnɔ maŋtsɛ.

Mika 7:15

Mafee naakpɛɛnii matsɔ̃ɔ amɛ tamɔ be ni mijie amɛ kɛjɛ Ijipt shikpɔŋ lɛ nɔ lɛ.

Bɔfoi 7:36

Ni lɛ nɔŋŋ ekpala amɛ kɛje kpo, ni efee naakpɛɛnii kɛ okadii yɛ Ijipt shikpɔŋ lɛ nɔ kɛ Ŋshɔ Tsuru lɛ mli kɛ ŋa lɛ nɔ afii nyɔŋmai ejwɛ lɛ.

5 Mose 4:34

Aloo nyɛnu nyɔŋmɔ ko eka dã akɛ eeeya maŋ ko nɔ, ni eyakpɔ̃ mɛi komɛi kɛje nakai maŋ lɛ mli ni ebafee mɛi lɛ lɛ diɛŋtsɛ emɛi tamɔ bɔ ni Yehowa, nyɛNyɔŋmɔ lɛ, tsɔ̃ kai kɛ okadii kɛ naakpɛɛ nii, kɛ ta kɛ nineshiwalɛ kɛ hewalɛ kpeteŋkple nɔ efee ehã nyɛ yɛ Ijipt, yɛ nyɛ diɛŋtsɛ nyɛhiŋmɛiiaŋ lɛ?

5 Mose 6:22

Yehowa fee okadii kɛ naakpɛɛ nii ni yɔɔ gbeyei eshi Ijipt kɛ Ijipt maŋtsɛ lɛ kɛ ewebii fɛɛ yɛ wɔhiɛ,

Kojolɔi 6:8

Yehowa tsu gbalɔ ko kɛba maŋbii lɛ aŋɔɔ, ni ebakɛɛ amɛ akɛ, “Bɔ ni Yehowa, Israel Nyɔŋmɔ lɛ, kɛɛ nɛ, ‘Miŋɔ nyɛ kɛjɛ Ijipt kɛba, ni mijie nyɛ kɛjɛ nyɔŋyeli mli.

Kojolɔi 8:16

Kɛkɛ ni Gideon mɔmɔ Sukot maŋ lɛ mli onukpai lɛ, ni ekɛ ŋã mli ŋmeii kɛ aklatii yi amɛ waa.