2 Mose 3:18 - ŊMALƐ KRƆŊKRƆŊ LƐ

¹⁸ “Israel onukpai lɛ aaabo bo toi, ni okɛ amɛ aya Ijipt Maŋtsɛ lɛ ŋɔɔ ni oyakɛɛ lɛ akɛ, ‘Yehowa, Hebribii aNyɔŋmɔ lɛ, ejie ehe kpo etsɔ̃ɔ wɔ. No hewɔ lɛ, wɔmiikpa bo fai, ŋmɛɛ wɔ gbɛ ni wɔya gbii etɛ̃ gbɛ nyiɛmɔ koni wɔyashã afɔle wɔhã Yehowa, wɔNyɔŋmɔ lɛ.’

Ṅmãle̱ Kroṅkroṅ Le̱

¹⁸ Ni ame̱abo ogbē toi, ni oke̱ Israel onukpai le̱ aya Mizraim maṅtše̱ le̱ ṅõ, ni nyeyakē̱le̱ ake̱: *Iehowa, Hebribii a-Nyoṅmo̱ le̱ ke̱wo̱ ebakpe; nohewo̱ le̱ wo̱mīkpao fai, hã wo̱nyie gbĩĩ etẽ gbe̱ ke-ya ṅã le̱ no̱, koni wo̱yašã afo̱le we̱hã Iehowa, wo̱-Nyoṅmo̱ le̱. *5,1. 3.

2 Mose 3:18 ပူးပေါင်းရင်းမြစ်များ

1 Mose 12:1

Yehowa kɛɛ Abram akɛ, “Jee oshikpɔŋ nɛɛ nɔ kɛ ojakumɛi ateŋ kɛ otsɛ we lɛ kɛya shikpɔŋ ni matsɔ̃ɔ bo lɛ nɔ.

1 Mose 14:13

Shi nuu ko ni jo foi kɛjɛ ta lɛ mli lɛ ba ni ebagba Abram, Hebrinyo lɛ ni ehe shi yɛ he ni Mamre, Amornyo lɛ, wɔŋ koo lɛ yɔɔ lɛ. Shi Eshkol kɛ Aner nyɛmi ji Mamre; ni amɛkɛ Abram ekpãŋ.

1 Mose 15:1

Enɛ sɛɛ lɛ Yehowa kɛ Abram wie yɛ ninaa mli akɛ, “Kaashe gbeyei, Abram, mabu ohe, ni mabaa oyi.”

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

1 Mose 48:3

Yakob kɛɛ Yosef akɛ, “Nyɔŋmɔ Ofe lɛ jie ehe kpo etsɔ̃ɔ mi yɛ Luz yɛ Kanaan shikpɔŋ lɛ nɔ, ni ejɔɔ mi ni ekɛɛ mi akɛ,

2 Kronika 30:12

Nyɔŋmɔ nine kã Yudabii lɛ ahe, ni ehã amɛ fɛɛ amɛna jwɛŋmɔ kome kɛfee ekome, ni amɛye maŋtsɛ lɛ kɛ maŋ onukpai lɛ agbɛjianɔtoi lɛ anɔ, ni amɛkɛfee Nyɔŋmɔ suɔmɔnaanii.

Lalai 110:3

Gbi nɔ ni ooofã ta lɛ, omaŋbii lɛ aaaba oŋɔɔ yɛ amɛ diɛŋtsɛ amɛsuɔmɔ naa. Oblahii lɛ aaaba oŋɔɔ tamɔ leebi bɔ yɛ ogɔŋ krɔŋkrɔŋ lɛ nɔ.

2 Mose 10:3

Kɛkɛ ni Mose kɛ Aaron tee Farao ŋɔɔ, ni amɛyakɛɛ lɛ akɛ, “Bɔ ni Yehowa, Hebribii aNyɔŋmɔ lɛ, kɛɛ nɛ, ‘Mɛɛ beyinɔ po oookpɛ̃lɛ koni oba ohe shi ohã mi? Hã mimaŋ lɛ aya koni amɛyaja mi.

2 Mose 17:5

Yehowa kɛɛ Mose akɛ, “Halamɔ Israel onukpai lɛ ateiaŋ mɛi komɛi ofata ohe, ni okɔ otso lɛ ni okɛtswa Nilo Faa lɛ mli lɛ ohiɛ odɛ̃, ni okɛ amɛ atsɔ̃ maŋbii lɛ ahiɛ kɛya.

2 Mose 19:1

Gbi ni Israelbii lɛ yiŋ kɛjɛ Ijipt shikpɔŋ lɛ nɔ lɛ, enɔ nyɔji etɛ̃ pɛpɛɛpɛ ni amɛyashɛ Sinai ŋa lɛ nɔ.

2 Mose 25:22

Gbɛ ni kã kerubim enyɔ lɛ ateŋ yɛ Kpãŋmɔ Adeka lɛ naanɔ lɛ nɔ lɛ baatsɔ̃ mi kɛ bo kpeehe, ni jɛi majɛ mi kɛ bo aaawie nibii fɛɛ ni mifã bo akɛ okɛɛ Israelbii lɛ.

2 Mose 3:12

Nyɔŋmɔ to he akɛ, “Mi kɛ bo ni yaa lɛ, ni enɛ ji nɔ ni aaaye he odase akɛ mi mitsu bo lɛ. Kɛji oyajie Israelbii lɛ kɛje Ijipt kɛba lɛ, nyɛbaa gɔŋ krɔŋkrɔŋ nɛɛ he nyɛbajaa mi.”

2 Mose 3:16

Yaa ni oyabua Israel onukpai lɛ anaa, ni okɛɛ amɛ akɛ, Yehowa, nyɛtsɛmɛi aNyɔŋmɔ lɛ, ni ji Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ, ejie ehe kpo etsɔ̃ɔ mi, ni ekɛɛ, Mikwɛ, ni mina nyɛ kɛ nɔ ni afeɔ nyɛ yɛ Ijipt lɛ,

2 Mose 30:36

Oshimɔ eko ni ebo mɔnyɔmɔnyɔ, ni okɛ eko ama Kpãŋmɔ Adeka lɛ hiɛ, yɛ Kpee Buu lɛ mli, he ni mikɛ bo aaakpe yɛ lɛ. Tsofakɛŋma nɛɛ afee nɔ krɔŋkrɔŋ jogbaŋŋ kɛwula shi ahã nyɛ.

2 Mose 30:6

Okɛ latɛ lɛ ama muhɔɔ lɛ ni yɔɔ Kpãŋmɔ Adeka lɛ masɛi lɛ hiɛ, yɛ Kpãŋmɔ Adeka lɛ naanɔ lɛ, ni ji he ni mikɛ bo aaakpe yɛ lɛ, hiɛ.

2 Mose 4:1

Kɛkɛ ni Mose kɛɛ Yehowa akɛ, “Naa, Israelbii lɛ heŋ mi amɛyeŋ, amɛboŋ mi toi hu, ejaakɛ amɛaakɛɛ akɛ, ‘Yehowa ejieko ehe kpo etsɔ̃ko bo.’ ”

2 Mose 4:23

ni miikɛɛ bo akɛ, hã mibinuu lɛ aya, no lɛ naa, magbe okromɔ binuu lɛ.’ ”

2 Mose 4:24

Amɛyashɛ shitoohe ko yɛ gbɛteŋ, ni Yehowa bahɛŋ Mose, ni eetao lɛ egbe.

2 Mose 4:31

Maŋ lɛ he lɛ ye. Ni be ni amɛnu akɛ Yehowa ekwɛ ni ena Israelbii lɛ amanehulu lɛ, amɛmamɔ amɛyitsei ashi ni amɛja.

2 Mose 5:1

Enɛ sɛɛ lɛ Mose kɛ Aaron tee Farao ŋɔɔ amɛyakɛɛ lɛ akɛ, “Bɔ ni Yehowa, Israel Nyɔŋmɔ lɛ, kɛɛ nɛ, ‘Hã mimaŋ lɛ aya ni amɛyaye gbi jurɔ amɛhã mi yɛ ŋa lɛ nɔ.’ ”

2 Mose 5:3

Mose kɛ Aaron to he akɛ, “Hebribii aNyɔŋmɔ lɛ ejie ehe kpo etsɔ̃ɔ wɔ. No hewɔ lɛ, wɔmiikpa bo fai koni ohã wɔya gbii etɛ̃ gbɛ yɛ ŋa lɛ nɔ, ni wɔyashã afɔle wɔhã Yehowa, wɔNyɔŋmɔ lɛ, koni ekabatua wɔ kɛ gbele hela loo ta.”

2 Mose 7:16

Okɛɛ lɛ akɛ, ‘Yehowa, ni ji Hebribii lɛ aNyɔŋmɔ lɛ, tsu mi oŋɔɔ koni mibakɛɛ bo akɛ, hã mimaŋ lɛ aya ni amɛyaja mi yɛ ŋa lɛ nɔ; ni naa, okpɛ̃lɛko kɛbashi benɛ.

2 Mose 8:1

Kɛkɛ ni Yehowa kɛɛ Mose akɛ, “Yaa Farao ŋɔɔ koni oyakɛɛ lɛ akɛ, ‘Bɔ ni Yehowa kɛɛ nɛ; hã mimaŋ lɛ aya ni amɛyasɔ̃mɔ mi.

2 Mose 8:20

Agbɛnɛ Yehowa kɛɛ Mose akɛ, “Tee shi leebi maŋkpa ni oyafo Farao be mli ni eyaa faa lɛ naa, koni okɛɛ lɛ akɛ, Yehowa kɛɛ, ‘Hã mimaŋ lɛ aya ni amɛyaja mi.

2 Mose 8:23

Ni mikɛ tɛ̃ ni matɛ̃ amɛ mashi nɛɛ aaato bo okadi koni okɛna srɔto ni yɔɔ mi mimaŋ lɛ kɛ bo omaŋ lɛ teŋ. Wɔ ni ji wɔ lɛ mato nɛkɛ okadi nɛɛ.’ ”

2 Mose 9:1

Kɛkɛ ni Yehowa kɛɛ Mose akɛ, “Yaa Farao ŋɔɔ ni oyakɛɛ lɛ akɛ, bɔ ni Yehowa, Hebribii aNyɔŋmɔ lɛ, kɛɛ nɛ, ‘Hã mimaŋ lɛ aya koni amɛyasɔ̃mɔ mi.

2 Mose 9:13

Yehowa kɛɛ Mose akɛ, “Tee shi wɔ leebi maŋkpa ni oyadamɔ Farao hiɛ, ni okɛɛ lɛ akɛ, bɔ ni Yehowa, Hebribii aNyɔŋmɔ lɛ, kɛɛ nɛ, ‘Hã mimaŋ lɛ aya koni amɛyasɔ̃mɔ mi,

Yesaia 64:5

Ohereɔ mɛi ni kɛ miishɛɛ feɔ jalɛnii, mɛi ni kaiɔ bɔ ni otaoɔ akɛ amɛba amɛjeŋ amɛha lɛ atuu. Omli fu wɔ, shi wɔkã he wɔfee esha lɛ lolo. Yɛ omlifu lɛ sɛɛ lɛ, wɔkã he wɔfee esha lɛ lolo.

Yeremia 2:2

“Yaa, koni oyashiɛ owo Yerusalɛmbii atoiiaŋ, ni okɛɛ amɛ akɛ, nɔ ni Yehowa kɛɛ nɛ, ‘Mikaiɔ oblayeiaŋ anɔkwa ni oye mi lɛ, kɛ osuɔmɔ tamɔ ayɛmforo suɔmɔ lɛ. Mikaiɔ bɔ ni onyiɛ misɛɛ yɛ shiaŋa lɛ nɔ, ni ji shikpɔŋ ni aduko nii yɛ nɔ lɛ nɔ lɛ.

Yeremia 2:6

Amɛbiii akɛ, ‘Nɛgbɛ Yehowa mɔ ni jie wɔ kɛje Ijipt shikpɔŋ lɛ nɔ lɛ yɔɔ, mɔ ni nyiɛ wɔhiɛ yɛ ŋa lɛ nɔ, mɔ ni nyiɛ wɔhiɛ yɛ shiaŋa kɛ enɔ buibui lɛ nɔ, shikpɔŋ ko ni nu bɛ nɔ ni enɔ ewo duŋ kpii, shikpɔŋ ko ni mɔ ko mɔ ko nyɛɛɛ nɔ atsɔ̃ kɛho, he ni mɔ ko mɔ ko nyɛɛɛ ahi lɛ?’

Yeremia 26:5

koni nyɛye mitsuji gbalɔi lɛ ni mitsuɔ amɛ nyɛŋɔɔ kɛ hiɛdɔɔ lɛ awiemɔi lɛ anɔ, shi nyɛbooo amɛ toi,

4 Mose 17:4

Kɔlɔmɔ tsei lɛ fɛɛ kɛya Kpee Buu lɛ mli, ni okɛyashwie Kpãŋmɔ Adeka lɛ hiɛ he ni mi kɛ bo kpeɔ yɛ lɛ.

Yoshua 1:17

Bɔ ni wɔbo Mose toi lɛ, nakai nɔŋŋ wɔɔbo bo hu toi. Yehowa, oNyɔŋmɔ lɛ kɛkɛ, kɛ bo ahi shi tamɔ bɔ ni ekɛ Mose hi shi lɛ.