2 Mose 3:14 - ŊMALƐ KRƆŊKRƆŊ LƐ

¹⁴ Ni Nyɔŋmɔ kɛɛ Mose akɛ, “Mi ji mɔ ni mi ji. Kɛɛmɔ Israelbii lɛ akɛ, ‘Mi ji mɔ ni mi ji tsu mi nyɛŋɔɔ nɛɛ.’ ”

Ṅmãle̱ Kroṅkroṅ Le̱

¹⁴ Ni Nyoṅmo̱ kē̱ Mose ake̱: *Midši moni midši. Ni ekē̱: Bo̱ni okē̱ Israelbii le ne̱: Midši tšũmi nyeṅõ ne̱. *Kpods. 1,4. 8.

2 Mose 3:14 ပူးပေါင်းရင်းမြစ်များ

Hiob 11:7

Ani ooonyɛ ona Nyɔŋmɔ teemɔŋ nibii anaa? Ani ooonyɛ ole he ni Ofe lɛ hewalɛ yatãa?

Lalai 68:4

Nyɛlaa nyɛhãa Nyɔŋmɔ, nyɛlaa nyɛkɛjiea egbɛi lɛ yi. Nyɛjea gbɛ nyɛhãa mɔ ni ta shwiili mli kɛbaa yɛ shiaŋa lɛ nɔ lɛ. Egbɛi ji Yehowa; nyɛnyãa yɛ ehiɛ!

Lalai 90:2

Be ni onako obɔ gɔji lɛ, ni onako obɔ shikpɔŋ lɛ kɛ jeŋ lɛ, bo ji Nyɔŋmɔ kɛjɛ naanɔ kɛmiiya naanɔ fɛɛ.

2 Mose 15:3

Yehowa, lɛ tawulɔ ni. Ani jeee egbɛi ji Yehowa?

2 Mose 23:21

Nyɛkwɛa ni ahia yɛ egbɛfaŋ, ni nyɛyea ewiemɔ nɔ. Nyɛkatsea ehiɛ atua; ekɛ ewiemɔ lɛ nɔtɔmɔ ekeŋ nyɛ, ejaakɛ ehiɛ mihewalɛ.

2 Mose 3:13

Ni Mose here nɔ akɛ, “Kɛji mitee Israelbii lɛ aŋɔɔ miyakɛɛ amɛ akɛ, ‘Nyɛtsɛmɛi aNyɔŋmɔ lɛ tsu mi nyɛŋɔɔ nɛɛ’, ni amɛaabi mi akɛ, ‘Te egbɛi hu?’ lɛ, te mikɛɛ amɛ tɛŋŋ?”

2 Mose 6:2

Ni Nyɔŋmɔ kɛ Mose wie ni ekɛɛ lɛ akɛ, “Mi ji Yehowa,

2 Mose 6:3

mi mijie mihe kpo mitsɔ̃ɔ Abraham kɛ Isak kɛ Yakob akɛ Nyɔŋmɔ Ofe lɛ. Shi migbɛi Yehowa lɛ, mihãaa akɛ no ale mi.

Yesaia 42:8

“Mi, mi ji Yehowa, migbɛi ji no; mikɛ minunyam haŋ mɔ kroko, ni mikɛ miyijiemɔ haŋ amãgãi.

Yesaia 44:6

Bɔ ni Yehowa, Israel maŋtsɛ, Israel Kpɔlɔ, Yehowa, Taiatsɛ lɛ, kɛɛ nɛ, “Mi ji klɛŋklɛŋ mɔ kɛ naagbee mɔ; kɛjɛ mi, misɛɛ lɛ Nyɔŋmɔ ko Nyɔŋmɔ ko bɛ dɔŋŋ.

Mateo 18:20

Ejaakɛ he ni mɛi enyɔ loo mɛi etɛ̃ ebua amɛhe naa yɛ, yɛ migbɛi mli lɛ, miyɛ amɛteŋ yɛ jɛi.”

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Yohane 8:24

No hewɔ ni mikɛɛ nyɛ akɛ nyɛaagboi yɛ nyɛhe eshai lɛ amli lɛ; ejaakɛ kɛ nyɛheee nyɛyeee akɛ mi nɛɛ ji lɛ lɛ, nyɛaagboi yɛ nyɛhe eshai lɛ amli.”

Yohane 8:28

No hewɔ lɛ, Yesu kɛɛ amɛ akɛ, “Be ni nyɛaawo Gbɔmɔ Bi lɛ nɔ lɛ, no mli nyɛaale akɛ mi ni, ni akɛ mitooo miyiŋ mifeee nɔ ko, shi moŋ bɔ ni miTsɛ tsɔ̃ɔ mi lɛ, nakai miwieɔ.

Yohane 8:58

Yesu kɛɛ amɛ akɛ, “Anɔkwale mikɛɔ nyɛ akɛ, miyɛ momo dani afɔ Abraham.”

2 Korintobii 1:20

Ejaakɛ lɛ ji Nyɔŋmɔ shiwoi abɔ ni yɔɔ nɛɛ fɛɛ “hɛɛ”; ni no hewɔ wɔtsɔ̃ɔ enɔ wɔkɛɔ “Amen” kɛwoɔ Nyɔŋmɔ hiɛ nyam lɛ.

Hebribii 13:8

Yesu Kristo lɛ, bɔ ni eyɔɔ nyɛ kɛ ŋmɛnɛ lɛ, nakai nɔŋŋ eyɔɔ kɛyaa naanɔ.

Kpojiemɔ 1:17

Ni be ni mina lɛ lɛ, migbee shi yɛ enaji anaa tamɔ gbonyo; ni ekɛ eninejurɔ ŋmɛ minɔ, ni ekɛɛ mi akɛ, “Kaashe gbeyei; mi ji klɛŋklɛŋ mɔ lɛ kɛ naagbee mɔ lɛ

Kpojiemɔ 1:4

Yohane ŋma yahã asafoi kpawo ni yɔɔ Asia lɛ. Dromɔ kɛ hejɔlɛ ahã nyɛ, kɛjɛ mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ dɛŋ; kɛ mumɔi kpawo ni yɔɔ emaŋtsɛ sɛ̃i lɛ hiɛ lɛ ŋɔɔ;

Kpojiemɔ 1:8

“Mi ji Alfa kɛ Omega lɛ, Nuŋtsɔ Nyɔŋmɔ lɛ ni ji mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ,” Nyɔŋmɔ Ofe lɛ kɛɛ.

Kpojiemɔ 4:8

Ni hiɛkãalɔi ejwɛ lɛ ateŋ mɔ fɛɛ mɔ yɛ fiji ekpaa, ni amɛhewɔ kɛ amɛmli eyimɔ obɔ̃bɔ̃ kɛ hiŋmɛii, ni amɛjɔɔɔ amɛhe nyɔɔŋ kɛ shwane ni amɛkɛɔ akɛ, “Krɔŋkrɔŋ, krɔŋkrɔŋ, krɔŋkrɔŋ ji Nuŋtsɔ Nyɔŋmɔ Ofe lɛ, mɔ ni yɛ momo lɛ kɛ mɔ ni yɔɔ lɛ kɛ mɔ ni baaba lɛ.”