2 Mose 28:41 - ŊMALƐ KRƆŊKRƆŊ LƐ

⁴¹ Okɛ nibii nɛɛ awula onyɛmi Aaron kɛ ebihii lɛ hu ofata ehe, ni ofɔ amɛ mu, ni owo amɛ osɔfo, ni otsuu amɛhe koni amɛye osɔfo amɛhã mi.

Ṅmãle̱ Kroṅkroṅ Le̱

⁴¹ Ni oṅõ-wo onyemi Aaron ke̱ ebihìĩ le̱ hũ ofata ehe; ni *ofe̱ame̱ mũ, ni oke̱ oso̱foyeli †awo ame̱deṅ, ni ofeame̱ kroṅkroṅ, koni ame̱ye oso̱foi ame̱hãmi. *3 Mose 8,12. †2 Mose 29,9. 24.

2 Mose 28:41 ပူးပေါင်းရင်းမြစ်များ

2 Mose 28:1

“Ŋɔɔ onyɛmi Aaron kɛ ebihii lɛ, ni ji Nadab kɛ Abihu kɛ Eleazar kɛ Itamar, kɛjɛ Israelbii lɛ ateŋ koni amɛsɔmɔ mi akɛ osɔfoi.

2 Mose 28:4

Ni hewulamɔ nibii ni abaakpɛ lɛ nɛ: tsitsinɔhaanii kɛ efod kɛ atade yuu kɛ flaka ni alo nii awo mli kɛ fai kɛ mliteŋfĩinii. Amɛkpɛ hewulamɔ nibii krɔŋkrɔŋi nɛɛ amɛhã onyɛmi Aaron kɛ ebihii lɛ koni amɛkɛsɔ̃mɔ mi akɛ osɔfoi.

2 Mose 29:24

ni okɛwo Aaron kɛ ebihii lɛ adɛŋ koni amɛfɔ̃ niyenii nɛɛ amɛtsɔ̃ɔ mi akɛ afɔle ni amɛkɛhãa mi, Yehowa.

2 Mose 29:35

“Bɔ ni mifã bo nɛɛ, feemɔ Aaron kɛ ebihii lɛ nakai. Gbii kpawo okɛwo amɛ osɔfo lɛ.

2 Mose 29:7

Agbɛnɛ owo mu ni akɛfɔɔ mɔ mu lɛ koni ofɔse oshwie Aaron yiteŋ ni okɛfɔ lɛ mu.

2 Mose 29:9

ni okɛ mlifiinii lɛ afimɔ amɛmli, ni obumɔ amɛ faii lɛ. Bɔ ni owo Aaron kɛ ebihii lɛ osɔfo nɛ koni osɔfo nitsumɔ lɛ afee amɛnɔ ni kã shi akɛ naanɔ akpɔ.

2 Mose 30:35

ni okɛfee tsofakɛŋma ni ashãa. Awo mli ŋoo koni ekafite, ni afutu lɛ tamɔ bɔ ni ojeŋmafeelɔ futuɔ ojeŋma ehãa. Emli atse, ni efee krɔŋkrɔŋ.

2 Mose 40:13

No sɛɛ lɛ, okɛ hewulamɔ nibii krɔŋkrɔŋi lɛ awula Aaron, ni ofɔ lɛ mu okɛfee lɛ krɔŋkrɔŋ koni eye osɔfo ehã mi.

2 Mose 40:15

ni ofɔ amɛ hu mu tamɔ ofɔ amɛtsɛ mu lɛ koni amɛsɔ̃mɔ mi akɛ osɔfoi. Amɛmufɔɔ nɛɛ aaahã osɔfoyeli atsɔ̃ amɛ kɛ amɛshwiei abihii anɔ kɛya naanɔ.”

Yesaia 10:27

Nakai gbi lɛ nɔ lɛ mibawo Asiria jatsu lɛ kɛje nyɛkɔŋ, ni abaakumɔ apã ni kã nyɛkuɛ lɛ.”

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Ezekiel 43:26

Osɔfoi lɛ aŋɔ gbii kpawo ni amɛkɛtsuu afɔleshãa latɛ lɛ he koni amɛha ehe atse.

3 Mose 10:7

Nyɛkajea Kpee Buu lɛ shinaa lɛ naa hu ni nyɛbagboi, ejaakɛ akɛ Yehowa mufɔɔ mu lɛ efɔ nyɛ mu.” Amɛfee bɔ ni Mose kɛɛ amɛ lɛ.

3 Mose 16:24

Eju ehe kɛ nu yɛ He Krɔŋkrɔŋ lɛ, ni ekɔlɔ lɛ diɛŋtsɛ etadei lɛ. Eje kpo ni eyashã lɛ diɛŋtsɛ eshãa afɔle lɛ kɛ maŋ lɛ shãa afɔle kooloo lɛ koni ekɛkpãtã ehã lɛ diɛŋtsɛ ehe kɛ maŋ lɛ hu.

4 Mose 16:5

Kɛkɛ ni ekɛɛ Kora kɛ asafo lɛ ni ekɛba lɛ fɛɛ akɛ, “Wɔ ni ji wɔ leebi lɛ Yehowa baahã ale mɔ ni ji enɔ; mɔ ni ji mɔ krɔŋkrɔŋ lɛ, lɛ ebaahã ebɛŋkɛ lɛ. Mɔ ni Yehowa aaaŋɔ̃ lɛ, lɛ ebaahã ebɛŋkɛ lɛ yɛ afɔleshãa latɛ lɛ he.

4 Mose 3:3

Aaron fɔ ebihii nɛɛ mu, ni ewo amɛ osɔfo koni amɛtsu osɔfoyeli nitsumɔ.

Yohane 3:34

Ejaakɛ mɔ ni Nyɔŋmɔ tsu lɛ, Nyɔŋmɔ wiemɔi ewieɔ; ejaakɛ jeee susumɔ Nyɔŋmɔ susuɔ Mumɔ lɛ ehãa lɛ.

Hebribii 5:4

Ni mɔ ko eŋɔɔɔ nyam nɛɛ ehãaa lɛ diɛŋtsɛ ehe, akɛ ja Nyɔŋmɔ etsɛ lɛ, tamɔ etsɛ Aaron hu lɛ.

Hebribii 7:28

Ejaakɛ Mla lɛ, gbɔmɛi gbedelɔi eŋɔ woɔ osɔfonukpai lɛ, shi wiemɔ ni akɛkã kitã yɛ Mla lɛ sɛɛ lɛ ewo Bi ni eye emuu kɛyaa naanɔ lɛ Osɔfonukpa.

1 Yohane 2:20

Ni nyɛ lɛ, nyɛna mufɔɔ kɛjɛ Mɔ Krɔŋkrɔŋ lɛ dɛŋ, ni nyɛle nii fɛɛ.

1 Yohane 2:27

Ni nyɛ lɛ, mufɔɔ ni nyɛna kɛjɛ eŋɔɔ lɛ yɛ nyɛmli, ni ehe ehĩaaa nyɛ akɛ mɔ ko atsɔ̃ɔ nyɛ nii, shi moŋ bɔ ni emufɔɔ lɛ tsɔ̃ɔ nyɛ nii fɛɛ, ni eji anɔkwale ni jeee amale ni lɛ, bɔ ni etsɔ̃ɔ nyɛ lɛ nyɛhia emli.