2 Mose 27:9 - ŊMALƐ KRƆŊKRƆŊ LƐ

⁹ “Ofee kpo owo Kpee Buu Krɔŋkrɔŋ lɛ he. Ewuoyigbɛ lɛ akɛ klala kpakpa ni ekɛlɛ feɔ ninetalɔi oha afee muhɔɔ ahã jɛi.

Ṅmãle̱ Kroṅkroṅ Le̱

⁹ Ni ofe kpo owo šihĩle̱he le̱ he: ewuoyigbe̱ le̱ ake̱ klala kpakpa, ní ke̱le̱ hĩe ninetalo̱i oha, afe muhō̱ ahã dše̱igbe̱,

2 Mose 27:9 ပူးပေါင်းရင်းမြစ်များ

1 Maŋtsɛmɛi 6:36

Ni akɛ tɛ ni ako kɛ tsenedru mplaŋi mã mligbɛ kpo lɛ. Kɛ atswa tɛ klɛmpɛi etɛ̃ lɛ, akɛ tsenedru mplaŋ klɛmpɛ kome foɔ mli.

1 Maŋtsɛmɛi 8:64

Nakai gbi lɛ nɔ nɔŋŋ lɛ maŋtsɛ jɔɔ kpo lɛ ni yɔɔ Sɔlemɔtsu lɛ hiɛ lɛ nɔ efee lɛ krɔŋkrɔŋ, ejaakɛ jɛi eshã shãa afɔlei kɛ niyenii afɔlei kɛ kooloo muu afɔlei lɛ fɛɛ afɔi lɛ yɛ. Efee nakai ejaakɛ akɔɔble afɔleshãa latɛ ni mã Yehowa hiɛ lɛ edaaa, bɔ ni shãa afɔlei lɛ kɛ niyenii afɔlei lɛ kɛ shidaa afɔlei lɛ ahe fɔi lɛ aaaho nɔ.

2 Kronika 33:5

Eku sɛɛ ekoŋŋ emamɔ afɔleshãa latɛi yɛ Yehowa we lɛ kpoi enyɔ lɛ anɔ koni akɛja nibii ni yɔɔ ŋwɛi lɛ.

2 Kronika 4:9

Afo shĩaŋgbɛ kpo akɛ osɔfoi lɛ akpo, ni afo kpo nɔ gbɛ kpo wulu hu, ni afee shinai awo kpoi enyɔ lɛ ateŋ, ni aha shinai nɛɛ ahe kɛ akɔɔble.

Lalai 100:4

Nyɛbotea egboi lɛ amli kɛ shidaa! Nyɛbaa ekpoi lɛ anɔ kɛ yijiemɔ! Nyɛdaa lɛ shi, nyɛjiea egbɛi lɛ yi!

Lalai 116:19

yɛ Yehowa we lɛ kpoi lɛ anɔ yɛ bo omli. Oo Yerusalɛm! Nyɛjiea Yehowa yi.

Lalai 84:10

Gbi kometoo shihilɛ yɛ oSɔlemɔ we lɛ, ehi fe gbii akpe ni aaaye yɛ he kroko. Masumɔ matsɔ̃ shinaa naabulɔ yɛ miNyɔŋmɔ lɛ we lɛ, fe nɔ ni mahi efɔŋfeelɔi awe mli.

Lalai 92:13

Amɛtamɔ tsei ni atɛo yɛ Yehowa we lɛŋ; amɛfrɔkeɔ yɛ wɔNyɔŋmɔ lɛ kpoi lɛ anɔ.

2 Mose 27:10

Amãmɔ muhɔɔ lɛ he akulashiŋi nyɔŋmai enyɔ kɛ amɛshishi akɔɔble nibii nyɔŋmai enyɔ koni amɛmamɔ nɔ. Akulashiŋi lɛ ahe kpoji lɛ kɛ mlibɛlɛmɔ nii lɛ akɛ jwiɛtɛi afee.

2 Mose 35:17

Ekrokomɛi hu ji kpo lɛ he muhɔi lɛ kɛ akulashiŋi lɛ kɛ amɛhe nibii ni amɛmamɔɔ nɔ lɛ, kɛ kpo lɛ nɔ agbo lɛ naa mama lɛ,

2 Mose 36:17

Amɛŋmɔlɔ aflãi nyɔŋmai enumɔ yɛ mamai enumɔ ni atsara afee emuu kome lɛ naa, ni amɛŋmɔlɔ aflãi nyɔŋmai enumɔ yɛ mama muu kome lɛ hu naa.

2 Mose 39:40

Ekrokomɛi hu ji kpo lɛ muhɔi lɛ kɛ ekulashiŋi lɛ kɛ nibii ni akulashiŋi lɛ mamɔɔ nɔ lɛ, kɛ kpo lɛ nɔ agbo lɛ naa mama lɛ, kɛ kpo lɛ he taŋkpei lɛ kɛ nibii srɔtoi fɛɛ ni akɛbaasɔ̃mɔ yɛ Kpee Buu Krɔŋkrɔŋ lɛ mli lɛ,

2 Mose 40:33

Ni Mose tee kpo lɛ shi ema shi kɛbɔle Kpee Buu Krɔŋkrɔŋ lɛ kɛ afɔleshãa latɛ lɛ, ni ekɛ kpo lɛ nɔ agbo lɛ naa mama lɛ ha naa. Kɛkɛ ni Mose gbe nitsumɔ lɛ fɛɛ naa.

2 Mose 40:8

No sɛɛ lɛ, owo kpo lɛ oma shi kɛbɔle Kpee Buu Krɔŋkrɔŋ lɛ he fɛɛ tswɛm, ni okɛ kpo lɛ nɔ agbo lɛ naa mama lɛ aha naa.

Ezekiel 40:14

Esaa esusu gbɛ ni kã koi lɛ shi kɛboteɔ agbo lɛ naa kpo lɛ nɔ lɛ. No hu fee ninetalɔi nyɔŋmai enyɔ.

Ezekiel 40:17

Agbɛnɛ nuu lɛ kɛ mi tee agbonaagbɛ kpo lɛ nɔ; ni naa, piai nyɔŋmai etɛ̃ yɛ mli, ni aka kpo lɛ nɔ tɛ kɛkpe yɛ piai lɛ ahiɛ.

Ezekiel 40:20

Agbɛnɛ eyi mihiɛ kɛtee kooyigbɛ. Agbo ko yɛ jɛi ni hiɛ kwɛɔ kooyigbɛ ni atsɔ̃ɔ mli kɛyaa agbonaa kpo lɛ nɔ. Kɛkɛ ni esusu ekɛlɛ kɛ elɛɛmɔ.

Ezekiel 40:23

Tamɔ bɔ ni agbo yɔɔ bokãgbɛ kpo lɛ he lɛ, nakai nɔŋŋ agbo ko yɔɔ kooyigbɛ agbo lɛ ŋlɛnɔ; ni eboteɔ mligbɛ kpo lɛ nɔ. Esusu kɛjɛ agbo kome he kɛtee agbo kome he, ni efee ninetalɔi oha.

Ezekiel 40:28

Kɛkɛ ni nuu lɛ kɛ mi tsɔ̃ wuoyigbɛ agbo lɛ mli kɛbote mligbɛ kpo lɛ nɔ. Esusu wuoyigbɛ agbo lɛ, ni edalɛ lɛ tamɔ ekrokomɛi lɛ nɔŋŋ.

Ezekiel 40:32

Kɛkɛ ni nuu lɛ kɛ mi bote mligbɛ kpo ni yɔɔ bokãgbɛ lɛ mli, ni esusu agbo lɛ; ni edalɛ lɛ tamɔ ekrokomɛi lɛ nɔŋŋ.

Ezekiel 40:44

Agbɛnɛ ekɛ mi jɛ agbonaagbɛ kpo lɛ nɔ kɛba mligbɛ kpo lɛ nɔ, ni naa piai enyɔ yɛ jɛi, ekome yɛ kooyigbɛ agbo lɛ ni hiɛ kwɛɔ wuoyigbɛ lɛ masɛi, ni ekroko lɛ hu yɛ wuoyigbɛ agbo lɛ ni hiɛ kwɛɔ kooyigbɛ lɛ masɛi.

Ezekiel 42:3

Tsu nɛɛ afã kome miikwɛ kpo ko ni elɛɛmɔ ji ninetalɔi nyɔŋmai enyɔ. Tsu nɛɛ yɛ Sɔlemɔ we lɛ he. Tsu lɛ afã kroko lɛ miikwɛ agbonaagbɛ kpo ni aka nɔ tɛ lɛ nɔ. Ama tsu nɛɛ srɔdoi etɛ̃, ni eko fɛɛ eko lɛ srɔdoi ni ye shikpɔŋgbɛ lɛ mli lɛɛ fe nɔ ni ma enɔ lɛ.

4 Mose 3:26

kɛ kpo ni bɔle Kpee Buu Krɔŋkrɔŋ lɛ kɛ afɔleshãa latɛ lɛ fɛɛ kpula lɛ he mamai lɛ, kɛ mamai lɛ ahe taŋkpei lɛ, kɛ kpo lɛ agbo lɛ naa mama lɛ hu. Nɔ fɛɛ nɔ ni kɔɔ nibii nɛɛ ahe lɛ amɛnitsumɔ ni.

4 Mose 4:26

Amɛ nɔŋŋ amɛtere kpo lɛ ni bɔle Kpee Buu Krɔŋkrɔŋ lɛ kɛ afɔleshãa latɛ lɛ fɛɛ kpula lɛ mamai lɛ, kɛ kpo lɛ agbo lɛ naa mamai lɛ, kɛ mamai nɛɛ ahe taŋkpei lɛ, kɛ kpo lɛ he nibii krokomɛi lɛ fɛɛ. Nɔ fɛɛ nɔ ni kɔɔ nibii nɛɛ ahe lɛ amɛnitsumɔ ni.

4 Mose 4:32

kɛ kpo lɛ he akulashiŋi lɛ kɛ amɛhe nibii ni amɛmamɔ̃ɔ nɔ lɛ, kɛ shiŋmlitsei lɛ kɛ taŋkpei lɛ kɛ amɛhe nibii krokomɛi lɛ fɛɛ hu. Ni nyɛtsɔ̃a mɔ fɛɛ mɔ ejatsu ni ebaatere lɛ gbɛi.