2 Mose 27:3 - ŊMALƐ KRƆŊKRƆŊ LƐ

³ Ofee latɛ lɛ he ŋɛsui ni akɛloo elamlu lɛ, asaŋ ofee ehe sofii kɛ ekpolui kɛ fakai kɛ lajee tsɛnsii hu. Okɛ akɔɔble afee nibii nɛɛ fɛɛ.

Ṅmãle̱ Kroṅkroṅ Le̱

³ Ni ofe ehe ṅe̱sũi ní aṅõ-lõ elamlu le̱, ke̱ elōmo̱nii ke̱ elalakãi ke̱ ekpodši ke̱ eladšē-ṅe̱sũi le̱; ehenii le̱ fẽ le̱ oke̱ akō̱ble afe.

2 Mose 27:3 ပူးပေါင်းရင်းမြစ်များ

1 Maŋtsɛmɛi 7:40

Huram fee gbɛi kɛ jwɛiloomɔnii kɛ lalakãi. Huram gbe nitsumɔ ni etsu ehã Maŋtsɛ Solomon yɛ Yehowa we lɛ fɛɛ naa.

1 Maŋtsɛmɛi 7:45

Huram fee gbɛ́i kɛ jwɛiloomɔnii kɛ lalakãi. Nɛkɛ nibii nɛɛ fɛɛ lɛ akɔɔble ni atsuu he kaŋkaŋ akɛfee ahã Maŋtsɛ Solomon koni akɛsaa Yehowa shĩa lɛ mli.

1 Maŋtsɛmɛi 7:50

Akɛ shika ŋmiiŋmi fee kãi kɛ lalakãi kɛ likɔlikɔi kɛ lajee ŋɛsui; He Krɔŋkrɔŋ Fe Fɛɛ lɛ kɛ Sɔlemɔtsu lɛ naa shinai lɛ asɛɛ sai lɛ hu shika akɛfee.

2 Maŋtsɛmɛi 25:14

Ni kukwɛii lɛ kɛ sofii lɛ kɛ kaklai lɛ kɛ atoi lɛ kɛ akɔɔble nibii lɛ fɛɛ ni akɛsɔ̃mɔɔ yɛ Sɔlemɔ we lɛ, amɛkɔlɔ kɛtee.

2 Maŋtsɛmɛi 25:15

Nɔ fɛɛ nɔ ni akɛ shika aloo jwiɛtɛi fee lɛ amɛkɔlɔ kɛtee. Ŋɛsui lɛ kɛ lalakãi lɛ hu asraafoiatsɛ lɛ kɔlɔ fɛɛ kɛtee.

1 Kronika 28:17

kɛ bɔ ni shika ŋmiiŋmi ni akɛbaafee fakai lɛ kɛ okpolui lɛ kɛ kpuji lɛ aŋmɛ̃, kɛ bɔ ni jwiɛtɛi okpolui lɛ hu aŋmɛ̃.

2 Kronika 4:11

Huram fee tsɛnsii kɛ sofii kɛ okpolui hu. Ena egbe nibii fɛɛ ni eba tsumɔ ehã Maŋtsɛ Solomon yɛ Yehowa Sɔlemɔtsu lɛ he lɛ naa. Nibii lɛ ji

2 Kronika 4:16

Tsɛnsii lɛ kɛ sofii lɛ kɛ nibii krokomɛi fɛɛ ni fata amɛhe lɛ, Huram, mitsɛ gbɔmɔ ŋaalɔ kpanaa lɛ, ji mɔ ni kɛ akɔɔble ni kpɛlɛɔ nyramnyram fee ehã Maŋtsɛ Solomon koni akɛtsu Yehowa Sɔlemɔtsu lɛ mli nii.

2 Mose 24:6

Mose kɛ lá lɛ fã wo lalakãi amli, ni lá lɛ fã ni shwɛ lɛ efɔ̃ eshwie afɔleshãa latɛ lɛ he.

2 Mose 27:19

Ni nibii fɛɛ ni akɛbaatsu Kpee Buu Krɔŋkrɔŋ lɛ mli nii kɛ ehe shiŋmlitsei lɛ kɛ kpo lɛ hu shiŋmlitsei lɛ akɛ akɔɔble afee fɛɛ.”

2 Mose 27:2

Feemɔ akloŋtoi omamɔ ekoji ejwɛ lɛ anɔ. Akloŋtoi lɛ kɛ latɛ lɛ fɛɛ afee nɔ muu kome, ni okɛ akɔɔble aha latɛ muu lɛ fɛɛ he.

2 Mose 27:4

Ofee akɔɔble ntaŋ, ni okɛ akɔɔble nɔŋŋ afee gai owo ntaŋ lɛ koji ejwɛ lɛ.

2 Mose 38:3

Efee afɔleshãa latɛ lɛ he nibii lɛ fɛɛ: kukwɛii lɛ kɛ sofii lɛ kɛ okpolui lɛ kɛ fakai lɛ kɛ lajee nii lɛ. Ehe nibii nɛɛ fɛɛ lɛ akɔɔble ekɛfee.

3 Mose 16:12

Eloo ŋai kɛ la ŋɛsu obɔ̃ yɛ afɔleshãa latɛ lɛ nɔ, yɛ Yehowa hiɛ, kɛ tsofakɛŋma ni ashi bɔdɔbɔdɔ ekɔkɔi obɔbɔi enyɔ, ni ekɛbote muhɔɔ lɛ sɛɛ.

4 Mose 4:14

ni amɛkɛ nibii fɛɛ ni akɛsɔ̃mɔɔ yɛ afɔleshãa latɛ lɛ he lɛ ashwie latɛ lɛ nɔ. Nibii nɛɛ ji lajee tsɛnsii lɛ, kɛ fakai lɛ kɛ sofii lɛ kɛ tsɛnsii lɛ kɛ nibii krokomɛi fɛɛ. Akɛ abotia hewolo aha nibii nɛɛ fɛɛ anɔ; ni no sɛɛ lɛ akɛ tsei bloblobii ni akɛwoɔ afɔleshãa latɛ lɛ ahɔlɔ amɛfɔji lɛ amli.