2 Mose 27:21 - ŊMALƐ KRƆŊKRƆŊ LƐ

²¹ Aaron kɛ ebihii lɛ asu kane lɛ ama muhɔɔ ni etsĩ Kpãŋmɔ Adeka lɛ hiɛ lɛ hiɛ yɛ Kpee Buu Krɔŋkrɔŋ lɛ mli, ni amɛkwɛ koni kane nɛɛ atso kɛjɛ gbɛkɛ kɛyashi leebi yɛ mi, Yehowa, mihiɛ. Enɛ atsɔ̃ akpɔ ni kã shi hã Israelbii ayinɔbii fɛɛ.”

Ṅmãle̱ Kroṅkroṅ Le̱

²¹ Aaron ke̱ ebihĩĩ le̱ asa, ní etšo ke̱-dše̱ gbe̱ke̱ ke̱-yaši lebi ye̱ Iehowa hĩe ye̱ kpē-bū le̱ mli ye̱ muhō̱ le̱ ní ha odase-yelinõ le̱ hĩe le̱ hĩegbe̱. Ene̱ atšó nāno̱ akpo ni kã ši hã Israelbii le̱ ayino̱bii fẽ.

2 Mose 27:21 ပူးပေါင်းရင်းမြစ်များ

1 Mose 1:5

Nyɔŋmɔ tsɛ la lɛ shwane, ni duŋ lɛ etsɛ lɛ nyɔɔŋ. Je na, ni je tsɛre, ni no ji klɛŋklɛŋ gbi lɛ.

1 Mose 1:8

Nyɔŋmɔ tsɛ he ni atatu lɛ yɔɔ lɛ akɛ ŋwɛi. Je na, ni je tsɛre; no ji gbi ni ji enyɔ lɛ.

2 Kronika 13:11

Daa leebi kɛ gbɛkɛ lɛ amɛshãa shãa afɔlei kɛ tsofakɛŋma amɛhãa Yehowa. Amɛkɛ aboloo ni akɛmaa Yehowa hiɛ lɛ maa ehiɛ yɛ okplɔ̃ ni atsuu he lɛ nɔ, ni daa gbɛkɛ lɛ amɛsuɔ shika kanetso lɛ nɔ kanei lɛ. Wɔ lɛ, wɔhiɛ mli wɔmiifee nibii ni Yehowa eto akɛ afee lɛ; shi nyɛ lɛ nyɛkwa Yehowa.

Lalai 134:1

Nyɛjiea Yehowa yi, nyɛ Yehowa tsuji fɛɛ ni sɔmɔɔ nyɔɔŋ yɛ Yehowa we lɛ!

2 Mose 12:14

Nɛkɛ gbi nɛɛ atsɔ̃ kaimɔ gbi ahã nyɛ, ni nyɛye lɛ akɛ Yehowa gbi jurɔ, ni etsɔ̃ akpɔ ehã nyɛ kɛ nyɛshwiei kɛya naanɔ.”

2 Mose 16:34

Aaron kɛ mana lɛ yama Kpãŋmɔ Adeka lɛ hiɛ tamɔ bɔ ni Yehowa fã Mose lɛ koni akɛto.

2 Mose 25:16

Okɛ odaseyeli tɛi lɛ ni mikɛbaahã bo lɛ awo Kpãŋmɔ Adeka lɛ mli.

2 Mose 28:43

Aaron kɛ ebihii lɛ awo tswakoto nɛɛ kɛji amɛmiiba Kpee Buu lɛ mli aloo kɛ amɛmiibɛŋkɛ afɔleshãa latɛ lɛ he kɛbasɔ̃mɔ yɛ Kpee Buu Krɔŋkrɔŋ lɛ mli koni amɛkaloo musu ni amɛgboi. Enɛ atsɔ̃ akpɔ ni kã shi kɛmiiya naanɔ hã Aaron kɛ eshwiei ni baaba yɛ esɛɛ lɛ.”

2 Mose 29:28

Enɛ atsɔ̃ gbɛnaanii ni akã shi daa ni sa akɛ Israelbii lɛ atuu ahã Aaron kɛ ebihii lɛ. Ejaakɛ eji osɔfo gbɛnaanii ni yɔɔ nii ni Israelbii lɛ kɛbaashã Yehowa toiŋjɔlɛ afɔle lɛ mli.

2 Mose 29:42

Etsɔ̃ afɔle ni ashãa daa yɛ nyɛyinɔi fɛɛ amli, yɛ mi Yehowa, mihiɛ yɛ Kpee Buu lɛ shinaa lɛ shi. Jɛi mikɛ nyɛ aaakpe yɛ, ni mikɛ bo awie yɛ.

2 Mose 29:44

Mahã Kpee Buu lɛ kɛ afɔleshãa latɛ lɛ afee krɔŋkrɔŋ, ni asaŋ mafee Aaron kɛ ebihii lɛ fɛɛ krɔŋkrɔŋ koni amɛye osɔfo amɛhã mi.

2 Mose 30:21

Amɛfɔfɔlɔ amɛniji kɛ amɛnaji ahe koni amɛkagboi; ni enɛ atsɔ̃ akpɔ ahã Aaron kɛ eshwiei yɛ amɛyinɔi fɛɛ amli kɛya naanɔ.”

2 Mose 30:36

Oshimɔ eko ni ebo mɔnyɔmɔnyɔ, ni okɛ eko ama Kpãŋmɔ Adeka lɛ hiɛ, yɛ Kpee Buu lɛ mli, he ni mikɛ bo aaakpe yɛ lɛ. Tsofakɛŋma nɛɛ afee nɔ krɔŋkrɔŋ jogbaŋŋ kɛwula shi ahã nyɛ.

2 Mose 30:8

ni kɛji etee eyasu kanei lɛ gbɛkɛ lɛ, eshã tsofakɛŋma nakai nɔŋŋ yɛ nɔ. Daa tsofakɛŋmashãa nɛɛ yɛ Yehowa hiɛ lɛ akã shi ahã nyɛyinɔi fɛɛ.

2 Mose 40:3

Okɛ Kpãŋmɔ Adeka lɛ ama mli, ni okɛ muhɔɔ lɛ atsĩ hiɛ.

3 Mose 10:9

“Bo kɛ obihii lɛ, nyɛkanua wain loo dãa ni wa ko be mli ni nyɛyaa Kpee Buu lɛ mli lɛ. Kɛ nyɛnu dãa lɛ, nyɛbaagboi. Oshwiei fɛɛ aye akpɔ nɛɛ nɔ.

3 Mose 16:34

Enɛ atsɔ̃ akpɔ ni kã shi hã nyɛ kɛmiiya naanɔ, koni akɛkpãtã ahã Israelbii lɛ daa afi shi kome yɛ amɛhe eshai lɛ fɛɛ hewɔ.” Mose fee bɔ ni Yehowa wo lɛ kitã lɛ.

3 Mose 17:7

Israelbii lɛ akafee amɛhe mɛi ni yeee Yehowa anɔkwa ni amɛshãa afɔlei amɛhãa wɔji ni amɛnyiɛɔ amɛsɛɛ. Enɛ atsɔ̃ akpɔ ni yɔɔ ni kã shi hã amɛ kɛ yinɔi fɛɛ ni baaba yɛ amɛsɛɛ kɛmiiya naanɔ.

3 Mose 23:14

Ni kɛyaashi gbi nɔ ni nyɛkɛ nyɛfɔle lɛ aaabahã nyɛNyɔŋmɔ lɛ, aboloo loo abele ni ashã loo abele fɔ ko akaya nyɛdaaŋ. Akpɔ nɛɛ kã shi hã nyɛshwiei yɛ yinɔi fɛɛ anɔ kɛmiiya naanɔ yɛ he fɛɛ he ni amɛyɔɔ.

3 Mose 23:21

Ashiɛ koni nakai gbi lɛ nɔ nɔŋŋ lɛ nyɛkpe kpee krɔŋkrɔŋ kɛja, ni akatsu nitsumɔ ko nitsumɔ ko ni wa yɛ gbi nɛɛ nɔ. Naanɔ akpɔ nɛ hã nyɛyinɔi fɛɛ yɛ he fɛɛ he ni amɛyɔɔ.

3 Mose 24:2

“Fã Israelbii akɛ amɛbahã bo mutso mu krɔŋŋ ni akɛ mutso ni ashimɔ fee koni akɛ mu lɛ asu Kpee Buu lɛ mli kane lɛ, bɔ ni afee ni ahã kane lɛ ama nɔ be fɛɛ be.

3 Mose 24:3

Aaron akwɛ koni kane lɛ atso, kɛjɛ gbɛkɛ aahu kɛyashi daa jetsɛremɔ leebi, yɛ Yehowa hiɛ be fɛɛ be yɛ muhɔɔ ni fo Kpãŋmɔ Adeka lɛ hiɛ lɛ kpo nɔ gbɛ yɛ Kpee Buu lɛ mli. Enɛ afee naanɔ akpɔ ahã nyɛshwiei.

3 Mose 24:9

Aboloi lɛ atsɔ̃ Aaron kɛ eshwiei agbɛfaŋnɔ; ni amɛye nii nɛɛ yɛ he ko ni yɔɔ krɔŋkrɔŋ ejaakɛ niyenii afɔle ni abashã akɛhã Yehowa mli nii ni yɔɔ krɔŋkrɔŋ jogbaŋŋ diɛŋtsɛ ni.”

3 Mose 3:17

Israelbii akaye kooloo fɔ loo lá. Enɛ atsɔ̃ akpɔ ni akã shi ahã nyɛ kɛ nyɛshwiei fɛɛ kɛmiiya naanɔ yɛ he fɛɛ he ni nyɛaahi.”

3 Mose 3:8

ni ekɛ enine aŋmɛ kooloo lɛ yitso nɔ, ni egbe lɛ yɛ Kpee Buu lɛ shinaa lɛ hiɛ. Osɔfoi lɛ kɛ kooloo lɛ lá lɛ ashwã afɔleshãa latɛ lɛ he koji lɛ ahe kɛkpe.

3 Mose 6:15

Kɛkɛ lɛ amɛteŋ mɔ kome aŋɔ mã lɛ kɛ emli mu lɛ kɛ ohɛ ni yɔɔ ŋmãa afɔle lɛ nɔ lɛ ekɔkɔ kome ni eshã yɛ afɔleshãa latɛ lɛ nɔ. Eji okadi kɛkɛ ni tsɔ̃ɔ akɛ akɛ ŋmãa afɔle lɛ fɛɛ ehã Yehowa. Afɔle nɛɛ ŋma lɛ sa Yehowa hiɛ.

3 Mose 7:36

Nakai gbi lɛ Yehowa fã Israelbii lɛ akɛ amɛkɛhã Aaron kɛ ebii lɛ koni efee amɛgbɛfaŋnɔ ni kã shi hã amɛ daa yɛ yinɔi fɛɛ mli.

Maleaki 2:7

Ejaakɛ osɔfoi agbɛnaa nitsumɔ ji akɛ amɛtsɔ̃ɔ mɛi Nyɔŋmɔ he nilee krɔŋŋ lɛ. Amɛ amɛŋɔɔ esa akɛ mɛi aya koni amɛyakase mla lɛ he nii, ejaakɛ amɛ ji Yehowa, Taiatsɛ lɛ, bɔfoi lɛ.

4 Mose 18:23

Levibii lɛ ji mɛi ni baatsu Kpee Buu lɛ he nii; ni kɛji nɔ ko tɔ̃ yɛ he lɛ sɔ̃yeli lɛ tere amɛ. Akpɔ nɛɛ akã shi daa ahã nyɛ kɛ nyɛshwiei. Levibii lɛ, amɛnaŋ gboshinii ko yɛ Israelbii lɛ ateŋ,

4 Mose 18:5

Bo kɛ obii lɛ pɛ akwɛ He Krɔŋkrɔŋ lɛ kɛ afɔleshãa latɛ lɛ he nitsumɔi lɛ fɛɛ anɔ bɔ ni afee ni mimli akafu Israelbii lɛ dɔŋŋ.

4 Mose 19:21

Akpɔ nɛɛ akã shi ahã Israelbii lɛ daa. Mɔ ni kɛ hetsuumɔ nu lɛ shwãa lɛ, lɛ hu efɔ etadei lɛ ahe; ni mɔ ni aaata hetsuumɔ nu lɛ he lɛ, ebule ehe kɛyaashi gbi lɛ gbɛkɛ.

4 Mose 35:29

Mlai nɛɛ akã shi ahã nyɛ kɛ nyɛshwiei ayinɔi fɛɛ yɛ hei fɛɛ ni nyɛaayahi.

4 Mose 8:9

Ohã Israelbii asafo muu lɛ fɛɛ ababɔ gwa; ni ohã Levibii lɛ adamɔ Kpee Buu lɛ hiɛ.

Mateo 4:16

Maŋ ni ta duŋ mli lɛ, ena la kpeteŋkple, ni mɛi ni tara gbele shikpɔŋ, kɛ ehɔ̃ɔŋ mli lɛ, la ete shi ehã amɛ!”

Luka 12:35

“Nyɛfea klalo, ni nyɛhãa nyɛkanei lɛ atsoa;

Yohane 5:35

Yohane ji kane ni tsoɔ ni ekpɛɔ lɛ, shi nyɛ lɛ, nyɛsumɔ akɛ nyɛmli afili nyɛ be kukuoo kɛkɛ yɛ elá lɛ mli.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

2 Petro 1:19

Ni ama gbalɛ wiemɔ lɛ nɔ mi ahã wɔ fe tsutsu lɛ, ni kɛji nyɛkɛ nyɛjwɛŋmɔ fɔ̃ no nɔ akɛ là ni tsoɔ yɛ he ko ni woɔ duŋ kɛyashi beyinɔ ni je aaatsɛre ni tooloo lɛ aaate shi yɛ nyɛtsuii amli lɛ, no lɛ nyɛmiifee jogbaŋŋ.

Kpojiemɔ 2:1

“Efeso asafo lɛ bɔfo lɛ; ŋmaa oyaha lɛ akɛ, ‘Nii ni mɔ ni hiɛ ŋulamii kpawo lɛ yɛ eninejurɔ ni enyiɛɔ shika kanetsei kpawo lɛ ateŋ lɛ kɛɛ nɛ.

1 Samuel 3:3

ni Yehowa kane lɛ ma nɔ lolo ni enako egbo, ni Samuel hu kã shi yɛ Yehowa Sɔlemɔtsu lɛ mli he ni Nyɔŋmɔ Kpãŋmɔ Adeka lɛ yɔɔ lɛ.

1 Samuel 30:25

Kɛjɛ nakai gbi lɛ nɔ lɛ David wiemɔ nɛɛ tsɔ̃ akpɔ kɛ mla ehã Israelbii, ni ekã shi nakai kɛbashi ŋmɛnɛ.