2 Mose 27:2 - ŊMALƐ KRƆŊKRƆŊ LƐ

² Feemɔ akloŋtoi omamɔ ekoji ejwɛ lɛ anɔ. Akloŋtoi lɛ kɛ latɛ lɛ fɛɛ afee nɔ muu kome, ni okɛ akɔɔble aha latɛ muu lɛ fɛɛ he.

Ṅmãle̱ Kroṅkroṅ Le̱

² Ni ofe eklontoi le̱ omãme̱ ekodši edſe̱ le̱ no̱; eklontoi le̱ atšăra no̱ noṅṅ; ni oke akō̱ble aha he.

2 Mose 27:2 ပူးပေါင်းရင်းမြစ်များ

1 Maŋtsɛmɛi 1:50

Adonia diɛŋtsɛ lɛ eshe gbeyei, hewɔ lɛ etee kpee Buu Krɔŋkrɔŋ lɛ mli, ni eyamɔmɔ afɔleshãa latɛ lɛ he aklontoi lɛ amli koni akagbe lɛ.

1 Maŋtsɛmɛi 2:28

Yoab waaa Absalom shi moŋ ewa Adonia. No hewɔ lɛ, be ni enu akɛ Adonia egbo lɛ ejo foi kɛtee Yehowa Kpee Buu lɛ mli, ni eyamɔmɔ afɔleshãa latɛ lɛ he aklontoi lɛ amli.

1 Maŋtsɛmɛi 8:64

Nakai gbi lɛ nɔ nɔŋŋ lɛ maŋtsɛ jɔɔ kpo lɛ ni yɔɔ Sɔlemɔtsu lɛ hiɛ lɛ nɔ efee lɛ krɔŋkrɔŋ, ejaakɛ jɛi eshã shãa afɔlei kɛ niyenii afɔlei kɛ kooloo muu afɔlei lɛ fɛɛ afɔi lɛ yɛ. Efee nakai ejaakɛ akɔɔble afɔleshãa latɛ ni mã Yehowa hiɛ lɛ edaaa, bɔ ni shãa afɔlei lɛ kɛ niyenii afɔlei lɛ kɛ shidaa afɔlei lɛ ahe fɔi lɛ aaaho nɔ.

2 Maŋtsɛmɛi 16:14

Akɔɔble afɔleshãa latɛ ni ma Yehowa hiɛ lɛ, Ahaz tsi kɛje Yehowa we lɛ hiɛgbɛ he ni ema, yɛ efɔleshãa latɛ lɛ kɛ Yehowa we lɛ teŋ lɛ, ni ekɛyama lɛ diɛŋtsɛ efɔleshãa latɛ lɛ kooyigbɛ.

2 Kronika 4:1

Maŋtsɛ Solomon hã afee akɔɔble afɔleshãa latɛ ni ekɛlɛ ji ninetalɔi nyɔŋmai enyɔ, elɛɛmɔ hu ninetalɔi nyɔŋmai enyɔ kɛ ekwɔlɛ ninetalɔi nyɔŋma.

Lalai 118:27

Yehowa lɛ ji Nyɔŋmɔ, ni ehã la etso ehã wɔ. Nyɛhiɛa gbijurɔ blɛo lɛ kɛyaa afɔleshãa latɛ lɛ koji lɛ ahe tɔ̃ɔ.

2 Mose 27:3

Ofee latɛ lɛ he ŋɛsui ni akɛloo elamlu lɛ, asaŋ ofee ehe sofii kɛ ekpolui kɛ fakai kɛ lajee tsɛnsii hu. Okɛ akɔɔble afee nibii nɛɛ fɛɛ.

2 Mose 29:12

Oŋɔ tsina lá lɛ eko koni okɛ owao atsɔ eko okpa afɔleshãa latɛ lɛ he akloŋtoi lɛ ahe, ni ofɔse lá ni eshwɛ lɛ fɛɛ oshwie afɔleshãa latɛ lɛ shishi.

2 Mose 38:30

Ni no akɛfee nibii ni Kpee Buu lɛ shinaa lɛ akulashiŋi lɛ mamɔ nɔ lɛ, kɛ akɔɔble ntaŋ ni kãa latɛ lɛ teŋ tuuŋtu lɛ, kɛ afɔleshãa latɛ lɛ he nibii lɛ fɛɛ.

Ezekiel 43:15

Afɔleshãa latɛ lɛ yiteŋ he ni akɛ afɔle lɛ fɔ̃ɔ ni ashãa lɛ, ninetalɔi ejwɛ, ni kɛjɛ jɛi kɛyaa ŋwɛigbɛ lɛ akloŋtoi ejwɛ yɛ he.

3 Mose 16:18

No sɛɛ lɛ, eje kpo kɛya afɔleshãa latɛ ni ma Yehowa hiɛ lɛ he, ni etsuu he. Ekɛ tsinanuu lɛ lá lɛ eko kɛ too kpakpo lɛ lá lɛ eko asra koji ni yɔɔ afɔleshãa latɛ lɛ he lɛ ahe kɛkpe.

3 Mose 4:18

Ekɛ lá lɛ eko adiki tsofakɛŋma afɔleshãa latɛ ni yɔɔ Yehowa hiɛ, yɛ Kpee Buu lɛ mli, lɛ koji lɛ ahe. Enɛ sɛɛ lɛ etsi tsinanuu lɛ lá ni eshwɛ lɛ fɛɛ eshwie shãa afɔleshãa latɛ ni yɔɔ Kpee Buu lɛ shinaa lɛ naa lɛ shishi.

3 Mose 4:25

Agbɛnɛ osɔfo lɛ kɛ ewao atsɔ esha afɔle too lɛ lá lɛ mli, ni ekɛ lá lɛ adiki shãa afɔle afɔleshãa latɛ lɛ koji lɛ ahe. Enɛ sɛɛ lɛ etsi la ni eshwɛ lɛ fɛɛ eshwie shãa afɔle afɔleshãa latɛ lɛ shishi.

3 Mose 4:7

Osɔfonukpa lɛ kɛ lá lɛ eko adiki tsofakɛŋmashãa latɛ ni yɔɔ Yehowa hiɛ yɛ Kpee Buu lɛ mli lɛ koji lɛ ahe. Enɛ sɛɛ lɛ etsi tsinanuu lɛ lá ni eshwɛ lɛ fɛɛ eshwie afɔleshãa latɛ ni yɔɔ Kpee Buu lɛ shinaa lɛ naa lɛ shishi.

3 Mose 8:15

Mose gbe tsinanuu lɛ. Ekɛ ewao tsɔ lá lɛ eko, ni ekɛkpa afɔleshãa latɛ lɛ koji lɛ ahe kɛkpe, koni ekɛtsuu he. Mose tsi lá ni eshwɛ lɛ eshwie afɔleshãa latɛ lɛ shishi. Efee enɛ ekɛtsuu afɔleshãa latɛ lɛ he, ni ejɔɔ nɔ ehã Yehowa.

Zakaria 9:15

Yehowa, Taiatsɛ lɛ, aaabu emɛi ahe; Amɛaatserɛ amɛhenyɛlɔi amli, ni amɛaanaanaa amɛ nɔ. Amɛaashwie amɛhenyɛlɔi alá shi ni lá lɛ aaaho tamɔ afɔleshãa kooloo lá ni afɔse kɛmiijɛ okpolu mli aashwie afɔleshãa latɛ nɔ.

4 Mose 3:31

Nibii ni atu awo amɛdɛŋ ji Kpãŋmɔ Adeka lɛ, kɛ okplɔ̃ lɛ, kɛ kanetso lɛ, kɛ afɔleshãa latɛi lɛ, kɛ nibii fɛɛ ni osɔfoi lɛ kɛ sɔ̃mɔɔ yɛ He Krɔŋkrɔŋ lɛ kɛ muhɔɔ lɛŋ lɛ. Nɔ fɛɛ nɔ ni kɔɔ nibii nɛɛ ahe lɛ amɛnitsumɔ ni.

Hebribii 6:18

koni wɔtsɔ̃ saji enyɔ ni tsakeee ni Nyɔŋmɔ nyɛŋ emale yɛ mli lɛ anɔ wɔna miishɛjemɔ ni wa, ni wɔ mɛi ni wɔyaba abo lɛ wɔkɛmɔ hiɛnɔkãmɔ ni kã wɔhiɛ lɛ mli;