2 Mose 27:1 - ŊMALƐ KRƆŊKRƆŊ LƐ

¹ “Okɛ tso lɛ eko akpɛ afɔleshãa latɛ lɛ. Ekɛlɛ afee ninetalɔi enumɔ kɛ elɛɛmɔ hu ninetalɔi enumɔ, ekɛlɛ kɛ elɛɛmɔ aye egbɔ; ekwɔlɛ afee ninetalɔi etɛ̃.

Ṅmãle̱ Kroṅkroṅ Le̱

¹ Ni oke̱ yō̱itšo afe afo̱lešãlate̱ le̱: eke̱le̱ ninetale̱i enumo̱ ke̱ elē̱mo̱ ninetalo̱i enumo̱; afo̱lešãlate̱ le̱ ahĩe kodši edſe̱; ni ekwo̱le̱ hũ ninetalo̱i etẽ.

2 Mose 27:1 ပူးပေါင်းရင်းမြစ်များ

2 Samuel 24:18

Nakai gbi lɛ gbɛkɛ lɛ Gad ba David ŋɔɔ, ni ebakɛɛ lɛ akɛ, “Yaa ni oyama afɔleshãa latɛ ohã Yehowa yɛ Arauna, Yebusnyo lɛ ŋmãagbeemɔhe lɛ.”

2 Maŋtsɛmɛi 16:14

Akɔɔble afɔleshãa latɛ ni ma Yehowa hiɛ lɛ, Ahaz tsi kɛje Yehowa we lɛ hiɛgbɛ he ni ema, yɛ efɔleshãa latɛ lɛ kɛ Yehowa we lɛ teŋ lɛ, ni ekɛyama lɛ diɛŋtsɛ efɔleshãa latɛ lɛ kooyigbɛ.

1 Kronika 6:49

Aaron kɛ eshwiei lɛ ji mɛi ni kɛ tsofakɛŋma kɛ afɔlei lɛ yaa afɔleshãa latɛ lɛ nɔ amɛyashãa. Amɛnitsumɔ ji jamɔ ni ajaa yɛ He Krɔŋkrɔŋ Fe Fɛɛ lɛ mli lɛ he sɔ̃ɔmɔ; asaŋ amɛkpãtãa amɛhãa maŋ lɛ koni Nyɔŋmɔ kɛ tɔ̃mɔ ni Israelbii etɔ̃ lɛ afa amɛ. Amɛtsuɔ nitsumɔi nɛɛ bɔ ni Nyɔŋmɔ tsulɔ Mose ewo he kitã lɛ pɛpɛɛpɛ.

2 Kronika 4:1

Maŋtsɛ Solomon hã afee akɔɔble afɔleshãa latɛ ni ekɛlɛ ji ninetalɔi nyɔŋmai enyɔ, elɛɛmɔ hu ninetalɔi nyɔŋmai enyɔ kɛ ekwɔlɛ ninetalɔi nyɔŋma.

Ezra 3:2

Kɛkɛ ni Yeshua, Yehozadak bi lɛ, kɛ enanemɛi osɔfoi lɛ kɛ Zerubabel, Shealtiel bi lɛ, kɛ ewekumɛi kɛ nitsumɔ wo mli, ni amɛma Israel Nyɔŋmɔ lɛ afɔleshãa latɛ lɛ koni amɛshã shãa afɔlei yɛ nɔ, tamɔ bɔ ni aŋma yɛ Nyɔŋmɔ Gbɔmɔ Mose Mla lɛ mli lɛ.

2 Mose 17:15

Ni Mose ma afɔleshãa latɛ yɛ jɛi, ni ewo lɛ gbɛi akɛ “Yehowa ji miflaŋaa”,

2 Mose 24:4

Mose ŋmala Yehowa wiemɔi lɛ fɛɛ eshwie shi. Kɛkɛ ni ete shi leebi maŋkpa, ni ema afɔleshãa latɛ yɛ gɔŋ lɛ shishi, ni ehole tɛi nyɔŋma kɛ enyɔ edamɔ shi yɛ Israel akutsei nyɔŋma kɛ enyɔ lɛ anaa.

2 Mose 31:9

kɛ afɔleshãa latɛ lɛ kɛ ehenii lɛ fɛɛ, kɛ akɔɔble okpolu lɛ.

2 Mose 35:16

kɛ afɔleshãa latɛ lɛ kɛ akɔɔble ntaŋ ni kãa afɔleshãa latɛ lɛ teŋ tuuŋtu lɛ, kɛ latɛ lɛ he tsei bloblobii lɛ, kɛ ehe nibii krokomɛi lɛ fɛɛ kɛ okpolu lɛ kɛ eshishitamɔ nii lɛ.

2 Mose 39:39

Ekrokomɛi ji akɔɔble afɔleshãa latɛ lɛ kɛ ehe akɔɔble ntaŋ ni kãa latɛ lɛ mli lɛ, kɛ latɛ lɛ he tsei bloblobii lɛ kɛ ehenii lɛ fɛɛ, kɛ okpolu lɛ kɛ eshishitamɔ nii lɛ.

2 Mose 40:10

Ofɔ shãa afɔle latɛ lɛ kɛ ehe nibii lɛ fɛɛ mu ni okɛfee latɛ lɛ krɔŋkrɔŋ koni etsɔ̃ afɔleshãa latɛ ni yɔɔ krɔŋkrɔŋ fe fɛɛ.

2 Mose 40:29

Ekɛ shãa afɔle latɛ lɛ ma Kpee Buu Krɔŋkrɔŋ lɛ shinaa lɛ naa, ni eshã shãa afɔle kɛ niyenii afɔle yɛ nɔ tamɔ bɔ ni Yehowa fã lɛ lɛ.

2 Mose 40:6

Agbɛnɛ okɛ shãa afɔle latɛ lɛ ama Kpee Buu Krɔŋkrɔŋ lɛ shinaa lɛ hiɛgbɛ.

4 Mose 3:31

Nibii ni atu awo amɛdɛŋ ji Kpãŋmɔ Adeka lɛ, kɛ okplɔ̃ lɛ, kɛ kanetso lɛ, kɛ afɔleshãa latɛi lɛ, kɛ nibii fɛɛ ni osɔfoi lɛ kɛ sɔ̃mɔɔ yɛ He Krɔŋkrɔŋ lɛ kɛ muhɔɔ lɛŋ lɛ. Nɔ fɛɛ nɔ ni kɔɔ nibii nɛɛ ahe lɛ amɛnitsumɔ ni.

4 Mose 4:13

Amɛloo lamlu fɛɛ yɛ afɔleshãa latɛ lɛ nɔ, ni amɛkɛ mama afaseo aha latɛ lɛ nɔ;

4 Mose 4:14

ni amɛkɛ nibii fɛɛ ni akɛsɔ̃mɔɔ yɛ afɔleshãa latɛ lɛ he lɛ ashwie latɛ lɛ nɔ. Nibii nɛɛ ji lajee tsɛnsii lɛ, kɛ fakai lɛ kɛ sofii lɛ kɛ tsɛnsii lɛ kɛ nibii krokomɛi fɛɛ. Akɛ abotia hewolo aha nibii nɛɛ fɛɛ anɔ; ni no sɛɛ lɛ akɛ tsei bloblobii ni akɛwoɔ afɔleshãa latɛ lɛ ahɔlɔ amɛfɔji lɛ amli.

Hebribii 13:10

Wɔyɛ afɔleshãa latɛ ko ni mɛi ni sɔ̃mɔɔ yɛ buu lɛ mli lɛ bɛ hegbɛ akɛ amɛyeɔ enɔ nii.