2 Mose 26:36 - ŊMALƐ KRƆŊKRƆŊ LƐ

³⁶ “Ni buu lɛ naa shinaa lɛ, okɛ mama ni akɛ kpãa bluu kɛ kpãa afaseo kɛ kpãa tsuru fɔɔ kɛ kpãa yɛŋ futafuta ni anyɛne elo, asaŋ ni akɛ abui elo nii awo mli afee.

Ṅmãle̱ Kroṅkroṅ Le̱

³⁶ Ni bū le̱ nā šĩnā le̱ oke̱ mama, ní ake̱ kpã blū ke̱ afaseo ke̱ etšuru ke̱ eye̱ṅ futā nī anyẽne elò abuinānitšumo̱ ewo mli, afe.

2 Mose 26:36 ပူးပေါင်းရင်းမြစ်များ

2 Samuel 7:6

Kɛjɛ be nɔ ni miyakpala Israelbii yɛ Ijipt aahu kɛbashi ŋmɛnɛ gbi nɛɛ lɛ, mihiko tsu mli dã, fe buu mli sɔŋŋ kɛkɛ miyɔɔ.

Lalai 78:60

Ekwa eshihilɛhe ni yɔɔ Shilo lɛ, ni ji buu mli ni ehi yɛ gbɔmɛi ateŋ lɛ.

2 Mose 26:31

“Okɛ kuŋtu ni alo kɛ kpãa bluu kɛ kpãa afaseo kɛ kpãa tsuru fɔɔ kɛ kpãa yɛŋ futafuta ni anyɛne afee muhɔɔ. Akɛ ŋaa alo kerubim awo muhɔɔ nɛɛ mli.

2 Mose 27:16

Kpo lɛ nɔ agbo lɛ naahaa nii lɛ akɛ mama ni alo kɛ kpãa bluu kɛ kpãa afaseo kɛ kpãa tsuru kɛ kpãa yɛŋ srãsrã ni anyɛne, asaŋ ni akɛ abui elo nii ewo mli afee. Ekɛlɛ afee ninetalɔi nyɔŋmai enyɔ kɛ ehe akulashiŋi ejwɛ kɛ amɛshishi nibii ejwɛ ni amɛmamɔ nɔ.

2 Mose 28:15

“Okɛ ŋaa afee tsitsinɔhaanii lɛ ohã osɔfonukpa lɛ, ni ekɛtao Nyɔŋmɔ suɔmɔnaanii ele. Nibii ni okɛfee efod lɛ okɛ no nɔŋŋ eko afee tsitsinɔhaa nii lɛ: kuŋtu wuɔfɔ kɛ kuŋtu bluu kɛ kuŋtu afaseo kɛ kuŋtu tsuru fɔɔ kɛ klala kpakpa.

2 Mose 28:39

Ni okɛ kpãa yɛŋ futafuta alo flaka lɛ, ni okɛ klala fɛɛfɛo akpɛ fai lɛ, ni okɛ abui alo nii owo mlifiinii lɛ mli.

2 Mose 35:11

nomɛi ji Kpee Buu Krɔŋkrɔŋ lɛ kɛ ebuu lɛ kɛ nɔ ni haa nɔ lɛ, kɛ ekpoji lɛ kɛ ehe mplaŋi lɛ kɛ emliblɛmɔ nii lɛ, kɛ ekulashiŋi lɛ kɛ nibii ni akulashiŋi lɛ mamɔɔ nɔ lɛ.

2 Mose 35:15

Ekrokomɛi ji tsofakɛŋmashãa latɛ lɛ kɛ ehe tsei bloblobii lɛ, kɛ Kpee Buu Krɔŋkrɔŋ lɛ shinaa lɛ naa mama lɛ,

2 Mose 36:37

Amɛkɛ kuŋtu ni alo kɛ kpãa bluu kɛ kpãa afaseo kɛ kpãa tsuru fɔɔ kɛ kpãa yɛŋ futafuta ni anyɛne, asaŋ ni akɛ abui elo nii ewo mli fee Kpee Buu lɛ shinaa lɛ naahaa mama lɛ.

2 Mose 38:18

Kpo lɛ nɔ agbo lɛ naahaa mama lɛ akɛ kpãa bluu kɛ kpãa afaseo kɛ kpãa tsuru fɔɔ kɛ kpãa yɛŋ futaa ni anyɛne lo nii wo mli kɛ abui. Ekɛlɛ ji ninetalɔi nyɔŋmai enyɔ, ni ekwɔlɛ hu ji ninetalɔi enyɔ tamɔ kpo lɛ nɔ muhɔi lɛ fɛɛ.

2 Mose 39:29

Ni amɛkɛ klala kpakpa kɛ kuŋtu bluu kɛ kuŋtu afaseo kɛ kuŋtu tsuru fɔɔ fee mlifii nɔ lɛ, ni alo nii awo mli tamɔ bɔ ni Yehowa fã Mose lɛ.

2 Mose 39:33

Kɛkɛ ni amɛkɛ Kpee Buu Krɔŋkrɔŋ lɛ batsɔ̃ɔ Mose, no ji Buu lɛ kɛ ehe tsɛnsii srɔtoi lɛ fɛɛ, kɛ ekpoji lɛ kɛ eplaŋi lɛ kɛ amɛmlibɛlɛmɔ nii lɛ, kɛ akulashiŋi lɛ kɛ nibii ni amɛmamɔɔ nɔ lɛ,

2 Mose 40:5

Okɛ shika latɛ ni akɛbaashã tsofakɛŋma lɛ ama Kpãŋmɔ Adeka lɛ hiɛ, ni okɛ shinaa lɛ naa mama lɛ aha Kpee Buu Krɔŋkrɔŋ lɛ naa.

Ezekiel 16:10

Mibu bo mama hu ni aye samai yɛ mli, ni miwo bo nuŋgbee wolo tokota; mifi bo duku yɛŋ, ni mibu bo sliki mama.

4 Mose 3:25

Amɛ amɛdɛŋ atu nibii nɛɛ anɔkwɛmɔ kɛ kuramɔ awo: Kpee Buu Krɔŋkrɔŋ lɛ, kɛ buu lɛ yiteŋ nɔhaanɔ lɛ, kɛ eshinaa lɛ naa mama lɛ,

4 Mose 9:15

Gbi nɔ ni ashi Kpee Buu Krɔŋkrɔŋ lɛ amã shi lɛ, atatu lɛ baha nɔ. Gbɛkɛ lɛ kɛ aakwɛ lɛ atatu lɛ tsoɔ tamɔ la yɛ Kpee Buu Krɔŋkrɔŋ lɛ nɔ kɛyashiɔ leebi.

Yohane 10:9

Mi ji shinaa lɛ. Mi lɛ, kɛji mɔ ko tsɔ̃ minaa etee mli lɛ, aaahere eyiwala, ni eeetee mli ni eeeje kpo, ni eeena lɛɛnii.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.