2 Mose 26:31 - ŊMALƐ KRƆŊKRƆŊ LƐ

³¹ “Okɛ kuŋtu ni alo kɛ kpãa bluu kɛ kpãa afaseo kɛ kpãa tsuru fɔɔ kɛ kpãa yɛŋ futafuta ni anyɛne afee muhɔɔ. Akɛ ŋaa alo kerubim awo muhɔɔ nɛɛ mli.

Ṅmãle̱ Kroṅkroṅ Le̱

³¹ Ni muhō le̱ oke̱ mama, ní ake̱ kpã blū ke̱ afaseo ke̱ etšuru ke̱ eye̱ṅ futā ní anyẽne elò kerubim ní dši niiaṅlòlo̱ nitsumo̱ ewo mli, afe. Mat. 27,51.

2 Mose 26:31 ပူးပေါင်းရင်းမြစ်များ

2 Kronika 3:14

Akɛ mama bluu kɛ mama afaseo tsuru faa kɛ klala kpakpa fee muhɔɔ, ni alo kerubim awo mli.

Lalai 137:5

Oo Yerusalɛm, kɛji mihiɛ kpa onɔ lɛ, no lɛ, hã mininejurɔ agbo yɛ mihe.

2 Mose 25:18

Otswia shika, ni okɛfee kerubim enyɔ omamɔ naanɔ lɛ nɔ koji lɛ anɔ.

2 Mose 25:4

kɛ kuŋtu bluu kɛ kuŋtu afaseo kɛ kuŋtu tsuru fɔɔ kɛ klala kɛ abotia he tsɔi,

2 Mose 26:1

“Okɛ mamai nyɔŋma ni alo kɛ klala yɛŋ futaa kɛ kuŋtu bluu kɛ kuŋtu afaseo kɛ kuŋtu tsuru fɔɔ ni anyɛne afee Kpee Buu Krɔŋkrɔŋ lɛ. Alo kerubim awo mli.

2 Mose 26:32

Okɛ muhɔɔ lɛ atsotsoro kpoji anaa yɛ tso akulashiŋi ni aha amɛhe shika lɛ ahe. Akɛ shika afee kpoji lɛ, ni akulashiŋ lɛ amãmɔ jwiɛtɛi nibii ejwɛ anɔ.

2 Mose 27:16

Kpo lɛ nɔ agbo lɛ naahaa nii lɛ akɛ mama ni alo kɛ kpãa bluu kɛ kpãa afaseo kɛ kpãa tsuru kɛ kpãa yɛŋ srãsrã ni anyɛne, asaŋ ni akɛ abui elo nii ewo mli afee. Ekɛlɛ afee ninetalɔi nyɔŋmai enyɔ kɛ ehe akulashiŋi ejwɛ kɛ amɛshishi nibii ejwɛ ni amɛmamɔ nɔ.

2 Mose 27:21

Aaron kɛ ebihii lɛ asu kane lɛ ama muhɔɔ ni etsĩ Kpãŋmɔ Adeka lɛ hiɛ lɛ hiɛ yɛ Kpee Buu Krɔŋkrɔŋ lɛ mli, ni amɛkwɛ koni kane nɛɛ atso kɛjɛ gbɛkɛ kɛyashi leebi yɛ mi, Yehowa, mihiɛ. Enɛ atsɔ̃ akpɔ ni kã shi hã Israelbii ayinɔbii fɛɛ.”

2 Mose 28:15

“Okɛ ŋaa afee tsitsinɔhaanii lɛ ohã osɔfonukpa lɛ, ni ekɛtao Nyɔŋmɔ suɔmɔnaanii ele. Nibii ni okɛfee efod lɛ okɛ no nɔŋŋ eko afee tsitsinɔhaa nii lɛ: kuŋtu wuɔfɔ kɛ kuŋtu bluu kɛ kuŋtu afaseo kɛ kuŋtu tsuru fɔɔ kɛ klala kpakpa.

2 Mose 35:12

Ekomɛi hu ji Kpãŋmɔ Adeka lɛ kɛ ehe tsei bloblobii, kɛ enaanɔ ni bu naa lɛ, kɛ muhɔɔ lɛ ni tsĩɔ ehiɛ lɛ,

2 Mose 35:25

Kɛkɛ ni yei fɛɛ ni le kpãatsɛ̃mɔ kɛ amɛnine tsɛ̃ kpãa, ni amɛkɛ nii ni amɛtsɛ̃ lɛ ba, no ji kpãa bluu kɛ kpãa afaseo kɛ kpãa tsuru fɔɔ kɛ kpãa yɛŋ futaa.

2 Mose 35:35

Eduro amɛ nilee koni amɛkɛŋa ŋai srɔtoi fɛɛ, tamɔ samayeli loo niloo kɛ kuŋtu bluu kɛ kuŋtu afaseo kɛ kuŋtu tsuru fɔɔ kɛ klala kpakpa mliwoo nɛkɛ, kɛ mamaloo diɛŋtsɛ hu. No ji amɛle nitsumɔ fɛɛ nitsumɔ ni ŋaalɔ tsuɔ lɛ tsumɔ.”

2 Mose 35:6

kɛ kuŋtu bluu kɛ kuŋtu afaseo kɛ kuŋtu tsuru fɔɔ kɛ klala fɛɛfɛo, kɛ abotia he tsɔi

2 Mose 36:35

Amɛkɛ kuŋtu ni alo kɛ kpãa bluu kɛ kpãa afaseo kɛ kpãa tsuru fɔɔ kɛ kpãa yɛŋ futafuta ni anyɛne fee muhɔɔ, ni akɛ ŋaa ni mli wa lo kerubim samai amɛwo mli.

2 Mose 36:36

Amɛkɛ tso lɛ eko fee akulashiŋi ejwɛ amɛto muhɔɔ lɛ he; amɛshwie akulashiŋi nɛɛ ahe shika, ni amɛkɛ shika nɔŋŋ fee akulashiŋi lɛ ahe kpoji lɛ, ni amɛkɛ jwiɛtɛi fee nibii ejwɛ amɛwo akulashiŋi lɛ ashishi ni amɛmamɔ nɔ.

2 Mose 36:8

Mɛi ni tsuɔ Kpee Buu Krɔŋkrɔŋ lɛ he nii lɛ ateŋ mɛi ni ŋaa yɔɔ amɛhiŋmɛiiaŋ lɛ ŋɔ mamai nyɔŋma amɛkɛfee Kpee Buu Krɔŋkrɔŋ lɛ. Amɛkɛ klala yɛŋ futaa kɛ kuŋtu bluu kɛ kuŋtu afaseo kɛ kuŋtu tsuru fɔɔ fee buu mamai nɛɛ, ni amɛkɛ ŋaa ni mli wa ye kerubim samai amɛwo mli.

2 Mose 38:23

Mɔ ni fata ehe ji Ahisamak ni jɛ Dan akutso lɛ mli lɛ bi Oholiab, mɔ ni he esa kɛ ŋaayeli kɛ samajiemɔ lɛ, ni asaŋ ele bɔ ni akɛ kpãa bluu kɛ kpãa afaseo kɛ kpãa tsuru fɔɔ kɛ kpãa yɛŋ futafuta loɔ nii awoɔ mama mli lɛ.

2 Mose 40:21

Kɛkɛ ni Mose wo Kpãŋmɔ Adeka lɛ kɛtee Kpee Buu Krɔŋkrɔŋ lɛ mli, ni eshi muhɔɔ lɛ ekɛtsi Adeka lɛ hiɛ tamɔ bɔ ni Yehowa fã lɛ lɛ.

2 Mose 40:3

Okɛ Kpãŋmɔ Adeka lɛ ama mli, ni okɛ muhɔɔ lɛ atsĩ hiɛ.

Salomo Lalai 7:1

Bo lumɔ biyoo, Onajifãamɔi yɛ otokotai amli yɛ fɛo naakpa! Oshuɔji yɛ fɛo tamɔ jwinei ni ŋaalɔ nukpa kɛ eniji fee.

3 Mose 16:15

“No sɛɛ lɛ, egbe too kpakpo ni ji maŋ lɛ nɔ ni akɛbaashã esha afɔle lɛ. Ekɛ lá lɛ abote He Krɔŋkrɔŋ fe fɛɛ lɛ mli, ni etsɔ eko eshwã mɔbɔnalɛ sɛi lɛ hiɛgbɛ kɛ Kpãŋmɔ Adeka lɛ hiɛgbɛ tamɔ bɔ ni ekɛ tsina lá lɛ fee lɛ.

3 Mose 16:2

“Okɛ onyɛmi Aaron awie koni ekabote He Krɔŋkrɔŋ lɛ mli kɛmiiya muhɔɔ lɛ sɛɛ, yɛ mɔbɔnalɛ sɛi ni bu Kpãŋmɔ Adeka lɛ nɔ lɛ hiɛ lɛ, be fɛɛ be kɛkɛ, koni ekagbo, ejaakɛ mapue yɛ atatu mli yɛ naanɔ ni bu Adeka lɛ nɔ lɛ nɔ.

4 Mose 4:5

“Kɛji maŋ lɛ baafã nyiɛmɔ lɛ, Aaron kɛ ebihii lɛ aya Kpee Buu lɛ mli, ni amɛyajie muhɔɔ ni tsiɔ Kpãŋmɔ Adeka lɛ hiɛ lɛ koni amɛkɛ muhɔɔ nɛɛ aha Kpãŋmɔ Adeka lɛ he.

Mateo 27:51

Ni naa, Sɔlemɔtsu lɛ mli muhɔɔ lɛ mli gba enyɔ kɛjɛ ŋwɛi kɛbayi shi, ni shikpɔŋ hoso, ni tɛsai gbala;

Marko 15:38

Ni Sɔlemɔtsu lɛ mli muhɔɔ lɛ mli gba enyɔ kɛjɛ ŋwɛi kɛbayi shi.

Luka 23:45

ni hulu wo duŋ, ni Sɔlemɔtsu lɛ mli muhɔɔ lɛ mli gba kɛyi shi yɛ teŋ tuuŋtu.

Efesobii 2:14

Ejaakɛ lɛ ji wɔhejɔlɛ lɛ, mɔ ni ŋɔ kui enyɔ lɛ fɛɛ efee ekome, ni ekumɔ gbogbo afabaŋ ni yɔɔ teŋ ni ji nyɛɛ lɛ.