2 Mose 25:8 - ŊMALƐ KRƆŊKRƆŊ LƐ

⁸ Ohã Israelbii lɛ afee Kpee Buu Krɔŋkrɔŋ ko amɛhã mi koni mahi amɛteŋ.

Ṅmãle̱ Kroṅkroṅ Le̱

⁸ Ni ohã amefe hekroṅkroṅ ko amehãmi, koni mahĩ ame̱teṅ.

2 Mose 25:8 ပူးပေါင်းရင်းမြစ်များ

1 Maŋtsɛmɛi 6:13

Mahi shi yɛ nyɛ Israelbii ateŋ. Mikwaŋ mimaŋ Israel kɔkɔɔkɔ.”

1 Kronika 22:19

No hewɔ lɛ, agbɛnɛ nyɛkɛ nyɛtsuii kɛ nyɛnyɛmɔ fɛɛ asɔmɔa Yehowa. Nyɛtea shi ni nyɛmaa Yehowa Nyɔŋmɔ lɛ Sɔlemɔ we lɛ koni akɛ Yehowa Kpãŋmɔ Adeka lɛ kɛ tsɛnsii kɛ nibii krɔŋkrɔŋi ni akɛjaa lɛ lɛ fɛɛ abamamɔ tsu ni ama ni aja Yehowa yɛ jɛi lɛ mli.”

2 Mose 15:17

Okɛ amɛ aaaba ni obato amɛ shi yɛ bo diɛŋtsɛ ogɔŋ lɛ nɔ.

2 Mose 15:2

Yehowa ji mihewalɛ kɛ milala, ni lɛ etsɔ̃ miyiwalaherelɔ. Lɛ ji miNyɔŋmɔ, ni majie eyi, mitsɛmɛi aNyɔŋmɔ ni, ni mawo ehiɛ nyam.

2 Mose 29:45

Ni mahi Israelbii lɛ ateŋ, ni matsɔ̃ amɛNyɔŋmɔ.

2 Mose 29:46

Ni amɛaana amɛle akɛ mi ji Yehowa, amɛNyɔŋmɔ lɛ, mɔ ni jie amɛ kɛje Ijipt shikpɔŋ lɛ nɔ koni mahi amɛteŋ lɛ; mi Yehowa, amɛNyɔŋmɔ lɛ.”

Yesaia 12:6

Ao, nyɛ Zion maŋbii, nyɛbolɔa, ni nyɛnyaa, ejaakɛ Israel Mɔ Krɔŋkrɔŋ Koome ni da lɛ yɛ nyɛteŋ.”

Ezekiel 37:26

Mikɛ amɛaakpãŋ toiŋjɔlɛ kpãŋmɔ; ni ebaafee naanɔ kpãŋmɔ yɛ mi kɛ amɛ teŋ. Majɔɔ amɛ ni mahã amɛshwere, ni mikɛ mihe krɔŋkrɔŋ lɛ, ni ji Sɔlemɔ we lɛ, baama amɛteŋ, ni ebaahi jɛi kɛya naanɔ tɔ̃ɔ.

Ezekiel 37:28

Kɛji mihe krɔŋkrɔŋ, ni ji Sɔlemɔ we lɛ yɛ amɛteŋ kɛmiiya naanɔ lɛ, no majimaji kɛaale akɛ mi, Yehowa, mi mitsuɔ Israel he, mifeɔ lɛ krɔŋkrɔŋ.”

Ezekiel 43:7

Ekɛɛ mi akɛ, “Gbɔmɔ Adesa, mimaŋtsɛ sɛi lɛ shimaahe ji biɛ nɛɛ, ni biɛ nɛɛ nɔŋŋ ji minane maahe. Biɛ nɛɛ mahi yɛ Israelbii lɛ ateŋ kɛaatee naanɔ; ni Israel we lɛ woŋ migbɛi krɔŋkrɔŋ lɛ he muji dɔŋŋ. Amɛ, loo amɛmaŋtsɛmɛi lɛ kɛ wɔji krokomɛi ajamɔ kɛ amɛmaŋtsɛmɛi agbohii buleŋ migbɛi krɔŋkrɔŋ lɛ dɔŋŋ.

3 Mose 10:4

Kɛkɛ ni Mose tsɛ Mishael kɛ Elzafan, Aaron tsɛkwɛ Uziel bii lɛ kɛba, ni ekɛɛ amɛ akɛ: “Nyɛbaa nyɛbaholea nyɛnyɛmimɛi lɛ agbohii lɛ kɛjea He Krɔŋkrɔŋ lɛ kɛyaa shitoohe lɛ sɛɛ.”

3 Mose 26:11

Mahi nyɛteŋ yɛ miBuu Krɔŋkrɔŋ lɛ mli, ni minyaŋeŋ nyɛ.

3 Mose 4:6

ni ekɛ ewao atsɔ lá lɛ mli, koni ekɛ la lɛ eko ashwã shii kpawo yɛ Muhɔɔ Krɔŋkrɔŋ lɛ hiɛ yɛ Yehowa hiɛ.

Zakaria 2:10

“Nyɛlaa, ni nyɛmii ashɛa, nyɛ Yerusalɛmbii, shi naa, miba mibahi nyɛteŋ.”

Zakaria 8:3

Bɔ ni Yehowa kɛɛ ekoŋŋ nɛ, mibaku misɛɛ kɛba Zion, ni mibahi Yerusalɛm maŋ lɛ mli, ni abaatsɛ Yerusalɛm akɛ anɔkwale maŋ, kɛ Yehowa Taiatsɛ lɛ gɔŋ lɛ hu akɛ, ‘Krɔŋkrɔŋ.’

4 Mose 5:3

Nuu kɛ yoo fɛɛ, nyɛjiea amɛ kɛyaa koni amɛkabule shitoohe lɛ he ni mihiɔ nyɛteŋ yɛ lɛ.”

Bɔfoi 7:44

“Wɔtsɛmɛi lɛ hiɛ Odase Buu lɛ yɛ ŋa lɛ nɔ. Afee lɛ tamɔ bɔ ni mɔ ni kɛ Mose wie lɛ tsɔ̃ɔ akɛ efee lɛ lɛ, no ji efee lɛ tamɔ nɔ ni ena lɛ.

2 Korintobii 6:16

Ni asaŋ mɛɛ ekomefeemɔ yɔɔ Nyɔŋmɔ Sɔlemɔtsu kɛ amãgãi ateŋ? Ejaakɛ Nyɔŋmɔ hiɛkãalɔ lɛ Sɔlemɔtsu ji nyɛ, tamɔ bɔ ni Nyɔŋmɔ kɛɛ akɛ, “Mahi amɛmli, ni manyiɛ yɛ amɛteŋ. Ni matsɔ̃ amɛNyɔŋmɔ, ni amɛ hu amɛaatsɔ̃ mimaŋ.”

5 Mose 12:11

Nakai be lɛ, he ni Yehowa, nyɛNyɔŋmɔ lɛ eŋɔ akɛ aja lɛ yɛ lɛ, jɛi nyɛkɛ nibii fɛɛ ni miwoɔ nyɛ kitã yɛ he lɛ ayaa. Nibii nɛɛ ji kooloi ni agbeɔ akɛ nyɛfɔlei kɛ afɔlei ni ashãa lɛ kɛ nyɛŋmɔshi nii amlijaa nyɔŋma mli ekomekomei lɛ kɛ nyɛniyenii afɔlei lɛ kɛ nɔ fɛɛ nɔ ni nyɛ diɛŋtsɛ nyɛwo Yehowa shi yɛ he lɛ.

Hebribii 3:6

Shi Kristo lɛ, eye anɔkwa akɛ Bi yɛ lɛ diɛŋtsɛ ewe; lɛ ewe ji wɔ, kɛji wɔhiɛ nɔhiɛkãmɔ mli ekãa kɛ shwãa lɛ mli kpɛŋŋ kɛyashi naagbee lɛ.

Yoshua 22:31

Kɛkɛ ni Finehas, Osɔfo Eleazar bi lɛ, kɛɛ Rubenbii lɛ kɛ Gadbii lɛ kɛ Manasebii lɛ akɛ, “Wɔna wɔle ŋmɛnɛ akɛ nyɛ kɛ wɔ fɛɛ hiɛ Yehowa jamɔ lɛ mli, ejaakɛ nyɛtɔ̃ko Yehowa nɔ kɛ nɔ ni nyɛfee lɛ. No hewɔ lɛ, nyɛhere Israel yɛ etoi ni kulɛ Yehowa baagbala lɛ mli.”

Kpojiemɔ 21:3

Ni minu gbee kpeteŋkple ko jɛ maŋtsɛ sɛ̃i lɛ mli kɛɛ, “Naa, Nyɔŋmɔ shihilɛhe lɛ yɛ gbɔmɛi ateŋ, ni eeehi shi yɛ amɛteŋ, ni amɛaatsɔ̃ emaŋ, ni Nyɔŋmɔ diɛŋtsɛ kɛ amɛ aaahi shi.