2 Mose 24:6 - ŊMALƐ KRƆŊKRƆŊ LƐ

⁶ Mose kɛ lá lɛ fã wo lalakãi amli, ni lá lɛ fã ni shwɛ lɛ efɔ̃ eshwie afɔleshãa latɛ lɛ he.

Ṅmãle̱ Kroṅkroṅ Le̱

⁶ Ni Mose ṅõ lá le̱ fã ewo lalakãi amli, ni lá le̱ fã ní ſe̱ le̱ eṅõ-ſã afo̱lešãlate̱ le̱ no̱.

2 Mose 24:6 ပူးပေါင်းရင်းမြစ်များ

2 Maŋtsɛmɛi 17:15

Amɛkwa ekpɔi lɛ kɛ ekpãŋmɔ ni ekɛ amɛtsɛmɛi lɛ kpãŋ lɛ, kɛ kɔkɔ ni ebɔ amɛ lɛ. Amɛyaja yakayaka amãgãi, ni amɛtsɔ̃mɔ yaka gbɔmɛi; ni amɛyanyiɛ jeŋmaji ni ebɔle amɛ kɛkpe ni Yehowa ewo amɛ kitã yɛ amɛhe akɛ amɛkafee amɛnii tamɔ amɛ lɛ asɛɛ.

Lalai 99:6

Mose kɛ Aaron fata osɔfoi lɛ ahe; ni Samuel hu shi mɛi ni ja Yehowa lɛ anɔ. Amɛbo amɛtsɛ Yehowa, ni ehere amɛ nɔ.

2 Mose 12:22

Nyɛkɛ lá lɛ awoa lalakã mli, ni nyɛkɛ ŋshɔŋ kotsa atsɔ lá nɛɛ mli koni nyɛkɛdiki agbo lɛ shinaatsei enyɔ lɛ kɛ yiteŋ nɔ lɛ hu, ni nyɛteŋ mɔ ko mɔ ko akajea kpo kɛba shinaashi kɛyashi leebi.

2 Mose 12:7

Akɛ lá lɛ eko adiki shĩai hei ni abaaye yɛ lɛ agboi lɛ ashinaatsei enyɔ lɛ kɛ yiteŋ nɔ lɛ hu he.

2 Mose 24:8

Enɛ sɛɛ lɛ Mose wo lá lɛ, ni ekɛshwã maŋbii lɛ anɔ, ni ekɛɛ amɛ akɛ, “Naa, kpãŋmɔ ni Yehowa kɛ nyɛ ekpãŋ yɛ nɛkɛ wiemɔi nɛɛ fɛɛ he lɛ nɔ lá nɛ.”

2 Mose 29:16

ni ogbe too lɛ, ni okɛ elá lɛ ashwã afɔleshãa latɛ lɛ he fɛɛ kɛkpe.

2 Mose 29:20

ni ogbe too lɛ, ni okɛ too lá lɛ eko asa Aaron ninejurɔ toi naa kɛ ebihii lɛ hu aninejurɔ toii anaa kɛ amɛninejurɔ kɛ nanejurɔ gɔŋtii anaa, ni okɛ lá ni eshwɛ lɛ ashwã afɔleshãa latɛ lɛ he fɛɛ kɛkpe.

Yeremia 31:32

Kpãŋmɔ hee nɛɛ tamɔɔɔ kpãŋmɔ ni mi kɛ amɛtsɛmɛi lɛ kpãŋ be ni mimɔ amɛnine shi ni mikpala amɛ kɛjɛ Ijipt shikpɔŋ lɛ nɔ lɛ. Nakai mikpãŋmɔ lɛ amɛku mli, tsɛbelɛ mi ji amɛwu.

3 Mose 1:11

Egbe kooloo lɛ yɛ afɔleshãa latɛ lɛ masɛi yɛ ekooyigbɛ yɛ Yehowa hiɛ. Aaron bihii osɔfoi lɛ kɛ kooloo lɛ lá lɛ aba ni amɛkɛbashwã afɔleshãa latɛ lɛ he koji ejwɛ lɛ he kɛkpe.

3 Mose 1:5

Enɛ sɛɛ lɛ egbe tsinanuu lɛ yɛ Yehowa hiɛ, ni Aaron bihii osɔfoi lɛ kɛ kooloo lɛ lá lɛ aba ni amɛkɛbashwã afɔleshãa latɛ lɛ ni ma Kpee Buu lɛ shinaa lɛ naa koji ejwɛ lɛ he lɛ kɛkpe.

3 Mose 3:2

Mɔ lɛ kɛ enine aŋmɛ tsina lɛ yitso nɔ, ni egbe kooloo lɛ yɛ Kpee Buu lɛ shinaa lɛ naa, ni Aaron bihii osɔfoi lɛ kɛ kooloo lɛ lá lɛ abashwã afɔleshãa latɛ lɛ he koji ejwɛ lɛ he kɛkpe.

3 Mose 3:8

ni ekɛ enine aŋmɛ kooloo lɛ yitso nɔ, ni egbe lɛ yɛ Kpee Buu lɛ shinaa lɛ hiɛ. Osɔfoi lɛ kɛ kooloo lɛ lá lɛ ashwã afɔleshãa latɛ lɛ he koji lɛ ahe kɛkpe.

3 Mose 4:6

ni ekɛ ewao atsɔ lá lɛ mli, koni ekɛ la lɛ eko ashwã shii kpawo yɛ Muhɔɔ Krɔŋkrɔŋ lɛ hiɛ yɛ Yehowa hiɛ.

1 Korintobii 11:25

Nakai nɔŋŋ ewo kpulu lɛ hu yɛ niyenii lɛ asɛɛ, ni ekɛɛ, “Nɛkɛ kpulu nɛɛ ji kpãŋmɔ hee lɛ yɛ milá lɛ mli; nyɛfea enɛ, shii abɔ ni nyɛaanu lɛ ni nyɛkɛkaia mi.”

Kolosebii 1:20

Nyɔŋmɔ tsɔ̃ esɛŋmɔtso nɔ lá lɛ nɔ ekɛ hejɔlɛ ba, ni etsɔ̃ enɔ ekɛ nibii fɛɛ kpãtã, nii ni yɔɔ shikpɔŋ lɛ nɔ kɛ nii ni yɔɔ ŋwɛi lɛ.

Hebribii 12:24

kɛ kpãŋmɔ hee mlidaamɔlɔ Yesu lɛ, kɛ lá ni atsɔ ashwã ni wieɔ wiemɔ kpakpa fe Habel nɔ lɛ, aŋɔɔ.

Hebribii 8:9

jeee tamɔ kpãŋmɔ ni mikɛ amɛtsɛmɛi lɛ kpãŋ Gbi nɔ ni mimɔ amɛnine shi ni mikɛ amɛ je Ijipt shikpɔŋ lɛ nɔ lɛ, ejaakɛ amɛyeee mikpãŋmɔ lɛ nɔ. Ni mi hu mijwɛŋŋ amɛnɔ, Nuŋtsɔ lɛ kɛɛ.

Hebribii 9:18

No hewɔ ni klɛŋklɛŋ nɔ lɛ hu ashiii lá sɛɛ awooo lɛ.

Hebribii 9:19

Ejaakɛ be ni Mose ejaje kitã etsɔ̃ɔ maŋ muu lɛ fɛɛ yɛ Mla lɛ naa lɛ, eŋɔ tsinabii kɛ too kpakpoi lɛ alá lɛ kɛ nu kɛ too gwantɛŋ hetsɔi tsuru kɛ hisopo, ni ekɛ shwã wolo lɛ diɛŋtsɛ kɛ maŋ muu lɛ fɛɛ nɔ

Hebribii 9:21

Ni buu lɛ hu kɛ Nyɔŋmɔjamɔ he nii lɛ fɛɛ lɛ, ekɛ lá lɛ shwã nɔ nakai nɔŋŋ.

1 Petro 1:19

shi moŋ Kristo, mɔ ni tamɔ Toobi ni he bɛ kpa loo ŋmamɔ nɔ ko lɛ lá ni jara wa lɛ akɛkpɔ̃ nyɛ.

1 Petro 1:2

yɛ Tsɛ Nyɔŋmɔ lɛ le ni ele eto momo lɛ naa. Nyɔŋmɔ fee enɛ kɛtsɔ̃ Mumɔ lɛ hetsuumɔ nɔ, koni amɛkase toiboo ni akɛ Yesu Kristo lá lɛ ashwã amɛnɔ. Dromɔ kɛ hejɔlɛ afa ahã nyɛ!