2 Mose 24:3 - ŊMALƐ KRƆŊKRƆŊ LƐ

³ Mose ba ni ebajaje Yehowa wiemɔi lɛ kɛ akpɔi lɛ fɛɛ etsɔ̃ɔ maŋ lɛ. Ni maŋ lɛ fɛɛ here nɔ kɛ gbee kome amɛkɛɛ, “Wiemɔi fɛɛ ni Yehowa ewie lɛ wɔɔye nɔ.”

Ṅmãle̱ Kroṅkroṅ Le̱

³ Ni Mose ba ni ebadšadše Iehowa wiemo̱i le̱ ke̱ kodsomo̱i le̱ fẽ etšõ maṅ le̱. Ni maṅ le̱ fẽ here no̱ ke̱ gbẽ kome ni ame̱kē̱: Wiemoi fẽ ni Iehowa wie le̱, wo̱o̱fe. 19,8.

2 Mose 24:3 ပူးပေါင်းရင်းမြစ်များ

2 Kronika 15:14

Amɛkɛ gbee walɛ kã Yehowa kitã lɛ, kɛkɛ ni amɛbɔ oshe, ni akpã tɛtɛrɛmantɛrɛ kɛ koofɛŋ.

2 Kronika 15:15

Yuda tso muu fɛɛ nya kitã ni amɛkã lɛ he akɛ amɛjɛ amɛtsuiŋ fɛɛ ni amɛkã; ejaakɛ amɛtao Yehowa sɛɛgbɛ kɛ amɛtsui fɛɛ, ni amɛna lɛ. Yehowa hã amɛna toiŋjɔlɛ yɛ amɛhe fɛɛ he kɛkpe.

Lalai 50:5

Ekɛɛ akɛ, “Nyɛbuaa mimɛi anɔkwafoi lɛ anaa nyɛhãa mi; mɛi ni etsɔ̃ afɔle nɔ amɛkɛ mi ekpãŋ lɛ.

2 Mose 19:8

Ni maŋ tso muu lɛ fɛɛ here nɔ shi kome amɛkɛɛ, “Nibii fɛɛ ni Yehowa ekɛɛ lɛ wɔɔfee.” Mose hã Yehowa le hetoo ni maŋ lɛ hã lɛ.

2 Mose 24:2

Mose, okome pɛ otsi obɛŋkɛ Yehowa; mɛi ni eshwɛ lɛ akatsi amɛbɛŋkɛ, ni maŋbii lɛ hu kɛ bo akakwɔ kɛmiiba.”

2 Mose 24:7

Agbɛnɛ ekɔ kpãŋmɔ wolo lɛ, ni ekane yɛ maŋbii lɛ atoiŋ. Kɛkɛ ni maŋbii lɛ kɛɛ akɛ, “Nii fɛɛ ni Yehowa ekɛɛ lɛ wɔɔfee, ni wɔɔbo lɛ toi.”

Yeremia 11:4

Kpãŋmɔ nɛɛ ji kpãŋmɔ ni mi kɛ nyɛtsɛmɛi lɛ kpãŋ, asaŋ ni miwo amɛ kitã yɛ he be ni mijie amɛ kɛjɛ Ijipt shikpɔŋ lɛ nɔ, he ni amɛhe dɔ la yɛ, tamɔ dade flɔnɔɔŋ lɛ. Mifã nyɛ akɛ nyɛbo migbee toi, ni nyɛye nibii ni mikɛɛ nyɛ lɛ fɛɛ nɔ, koni nyɛtsɔ̃ mimaŋ, ni mi hu matsɔ̃ nyɛNyɔŋmɔ,

Yeremia 34:13

“Nɔ ni mi, Yehowa, Israel Nyɔŋmɔ lɛ, kɛɔ nɛ, ‘Mikɛ nyɛblematsɛmɛi lɛ kpãŋ be mli ni miyakpɔ̃ amɛ yɛ Ijipt shikpɔŋ lɛ nɔ, he ni aye amɛ nyɔŋ yɛ lɛ akɛ,

Hagai 2:5

tamɔ bɔ ni miwo nyɛ shi be ni nyɛshi Ijipt lɛ. Mimumɔ lɛ kɛ nyɛ yɛ, no hewɔ lɛ, nyɛkashea gbeyei.” Yehowa kɛɛ.

Maleaki 2:10

Ani jeee tsɛ kome wɔ fɛɛ wɔyɔɔ lo? Aso jeee Nyɔŋmɔ kome ni bɔ wɔ lo? Mɛni hewɔ mɔ ni wɔteŋ mɔ fɛɛ mɔ yeee enyɛmi anɔkwa, ni wɔyeee kpãŋmɔ ni Nyɔŋmɔ kɛ wɔtsɛmɛi lɛ kpãŋ lɛ nɔ lɛ?

5 Mose 11:1

“No hewɔ lɛ, esa akɛ nyɛsumɔ Yehowa, nyɛNyɔŋmɔ lɛ, ni nyɛye egbei kɛ ekpɔi lɛ kɛ emlai lɛ kɛ ekitãi lɛ fɛɛ nɔ daa nɛɛ.

5 Mose 4:1

Agbɛnɛ Mose kɛɛ Israelbii lɛ akɛ, “Nyɛyea akpɔi kɛ mlai ni mitsɔ̃ɔ nyɛ lɛ anɔ koni nyɛyi ana wala koni nyɛya nyɛyaŋɔ shikpɔŋ ni Yehowa, nyɛtsɛmɛi aNyɔŋmɔ lɛ, kɛhãa nyɛ lɛ.

5 Mose 4:45

no mɛi odaseyeli saji kɛ akpɔi kɛ mlai ni ejaje etsɔ̃ɔ Israelbii be ni amɛjɛ Ijipt amɛbaa,

5 Mose 4:5

“Naa, mitsɔ̃ɔ nyɛ akpɔi kɛ mlai lɛ bɔ ni Yehowa, miNyɔŋmɔ lɛ, fã akɛ mifee lɛ, koni nyɛye nɔ yɛ shikpɔŋ ni nyɛyaa nyɛyaŋɔ lɛ nɔ.

5 Mose 5:1

Mose tsɛ Israelbii lɛ fɛɛ kɛbakpe, ni ekɛɛ amɛ akɛ, “Israelbii, nyɛboa akpɔi kɛ mlai ni mibajaje mawo nyɛtoiiaŋ ŋmɛnɛ nɛɛ toi; nyɛkasea ni nyɛjwɛŋa nɔ jogbaŋŋ ni nyɛye nɔ.

5 Mose 5:31

Shi bo lɛ, daamɔ biɛ yɛ mimasɛi, ni matsɔ̃ɔ bo kitãi lɛ kɛ akpɔi lɛ kɛ mlai lɛ fɛɛ, koni oyatsɔ̃ɔ maŋ lɛ akɛ amɛye nɔ yɛ shikpɔŋ ni mikɛhãa amɛ akɛ amɛnɔ lɛ nɔ.’

5 Mose 6:1

“Agbɛnɛ kitãi lɛ kɛ akpɔi lɛ kɛ mlai lɛ ni Yehowa, nyɛNyɔŋmɔ lɛ, fã akɛ mitsɔ̃ɔ nyɛ lɛ nɛ, koni nyɛyaye nɔ yɛ shikpɔŋ ni nyɛyaa ni nyɛyaŋɔ lɛ nɔ.

Yoshua 24:21

Maŋbii lɛ here Yoshua nɔ akɛ, “Dabi! Yehowa nɔŋŋ wɔbaasɔmɔ.”

Yoshua 24:22

Yoshua kɛɛ maŋbii lɛ akɛ, “Nyɛ diɛŋtsɛ nɔŋŋ ji midasefoi mɔ akɛ nyɛkɔ Yehowa akɛ mɔ ni nyɛbaasɔ̃mɔ.” Maŋbii lɛ to he akɛ, “Wɔmiiye he odase.”

Yoshua 24:24

Maŋbii lɛ here Yoshua nɔ akɛ, “Yehowa, wɔNyɔŋmɔ lɛ, lɛ wɔɔsɔ̃mɔ, ni lɛ toi wɔɔbo!”