2 Mose 24:17 - ŊMALƐ KRƆŊKRƆŊ LƐ

¹⁷ Yehowa anunyam lɛ, kɛji Israelbii lɛ miikwɛ lɛ, amɛnaa lɛ yɛ gɔŋ lɛ yiteŋ tamɔ la grigri ni kpãtãa nii ahiɛ.

Ṅmãle̱ Kroṅkroṅ Le̱

¹⁷ Ni Iehowa anumnyam le̱, ké̱ akwe̱ le̱, etamo̱ *la ní šãa nii ye̱ goṅ le̱ yiteṅ ye̱ Israelbii le̱ ahĩe. *5 Mose 4,24; 9,3. Heb. 12,29.

2 Mose 24:17 ပူးပေါင်းရင်းမြစ်များ

2 Samuel 22:13

Ŋai ni miitso kpɛlɛ la kɛjɛ ehiɛ ni kpɛɔ hɛŋŋ lɛ mli.

2 Samuel 22:9

Lasu fã kɛjɛ egugɔ mli, ni la ni kpãtãa nii ahiɛ jɛ edaaŋ; ŋai ni miitsɛ̃ hu jɛ edaaŋ.

2 Mose 19:11

ni amɛsaa amɛhe amɛto gbi ni ji etɛ̃ lɛ, ejaakɛ nakai gbi lɛ Yehowa baakpleke shi kɛba gɔŋ lɛ nɔ yɛ maŋ muu lɛ fɛɛ hiŋmɛiŋ.

2 Mose 19:18

Sinai Gɔŋ muu lɛ fɛɛ miije lasu, ejaakɛ Yehowa ekpeleke shi kɛba gɔŋ lɛ nɔ yɛ la mli. Lasu lɛ fãa kɛyaa ŋwɛi tamɔ flɔnɔɔ mli lasu, ni gɔŋ muu lɛ fɛɛ hoso waa naakpa.

2 Mose 3:2

Kɛkɛ ni Yehowa bɔfo bajie ehe kpo etsɔ̃ɔ lɛ akɛ lalilɛi, yɛ ŋmeitso ko mli. Mose kwɛ ŋmeitso lɛ gãa ejaakɛ eetso nɛ, shi eshãaa.

Ezekiel 1:27

Mina akɛ kɛjɛ he ni tamɔ ehɛ lɛ kɛyaa eŋwɛigbɛ lɛ miikpɛlɛ tamɔ akɔɔble; ekpɛlɛmɔ lɛ tamɔ la ni ebɔ tɔo. Mina hu akɛ kɛjɛ nɔ ni tamɔ ehɛ lɛ kɛbaa eshishigbɛ lɛ tamɔ la. Ehewɔ fɛɛ etse haŋŋ.

Ezekiel 1:28

Bɔ ni anaa kwaabuɛtɛ su kɛji efo yɛ atatuiaŋ yɛ nunɛmɔ be mli lɛ, nakai ehe ni ekpɛ haŋŋ lɛ yɔɔ. Bɔ ni Yehowa anunyam su yɔɔ nɛ.

Nahum 1:6

Namɔ aaanyɛ emlila naa adamɔ? Namɔ aaanyɛ emlifu ni naa wa lɛ naa ekpee? Emlifu tsɛ̃ɔ kɛbaa tamɔ la, ni efɛlɛɔ tɛsai amli.

5 Mose 4:24

ejaakɛ Yehowa, nyɛNyɔŋmɔ lɛ, etamɔ la grigri ni shãa nii wɛɛ; ni Nyɔŋmɔ ni yeɔ awuŋã ni.

5 Mose 4:36

Ŋwɛi tɔ̃ɔ ehã nyɛnu egbee kɛjɛ koni ekɛtsɔse nyɛ; ni ehã nyɛna ela kpeteŋkple lɛ yɛ shikpɔŋ lɛ nɔ, ni nyɛnu ewiemɔ kɛjɛ la mli.

5 Mose 9:3

Shi moŋ nyɛnaa nyɛlea ŋmɛnɛ gbi nɛɛ akɛ mɔ ni nyiɛ nyɛhiɛ kɛyaa lɛ etamɔ la grigri ni kpãtãa nii ahiɛ. Lɛ ji Yehowa, nyɛNyɔŋmɔ lɛ. Ebaaye amɛnɔ, ni ebaajɔɔ amɛhe yɛ nyɛhiɛ koni nyɛshwie amɛ yɛ shikpɔŋ lɛ nɔ, ni nyɛkpãtã amɛhiɛ oya tamɔ bɔ ni lɛ Yehowa ewo nyɛ shi eto momo lɛ.

Hebribii 12:18

Jeee Sinai Gɔŋ ni tsoɔ kɛ la ni anaa kɛ hiŋmɛi kɛ atatu kpii kɛ duŋ kabitii kɛ ahum,

Hebribii 12:29

Ejaakɛ wɔNyɔŋmɔ lɛ, la ni fiteɔ nii hu ji lɛ.