2 Mose 24:12 - ŊMALƐ KRƆŊKRƆŊ LƐ

¹² Ni Yehowa kɛɛ Mose akɛ, “Kwɔɔ kɛba miŋɔɔ yɛ gɔŋ lɛ nɔ ni obamɛ, ni mikɛ tɛi tɛtɛrɛbii ni maŋmala mlai lɛ kɛ kitãi lɛ yɛ nɔ lɛ baahã bo, ni okɛtsɔ̃ɔ maŋ lɛ nii.”

Ṅmãle̱ Kroṅkroṅ Le̱

¹² Ni Iehowa kē̱ Mose ake̱: Kwo̱ ke̱-ba miṅõ ye̱ goṅ le̱ no̱, ni ohĩ bie̱; ni *maṅõ te̱i te̱tre̱bii ke̱ mlai ke̱ kitãi ní miṅmã mahão, koni otšõame̱. *31,18.

2 Mose 24:12 ပူးပေါင်းရင်းမြစ်များ

1 Maŋtsɛmɛi 19:11

Yehowa kɛɛ Elia akɛ, “Jee kpo koni oyadamɔ gɔŋ lɛ nɔ, ejaakɛ Yehowa baaho.” Kɛkɛ ni Yehowa baho: ahum ni naa wa ko tswa, ni egbala gɔji, ni ejwra tɛsai kɛnyiɛ Yehowa hiɛ; shi Yehowa bɛ ahum lɛ mli. Ahum lɛ sɛɛ lɛ shikpɔŋ hoso, shi Yehowa bɛ shikpɔŋhosomɔ lɛ mli.

Ezra 7:10

Ejaakɛ nɔ ni kã Ezra tsui nɔ ji akɛ eeekase Yehowa mla lɛ ni eye nɔ, ni etsɔ̃ɔ mɛi akpɔi lɛ kɛ mlai lɛ yɛ Israel maŋ lɛ mli.

Nehemia 9:13

Okpeleke shi kɛba Sinai Gɔŋ lɛ nɔ, ni ojɛ ŋwɛi okɛ amɛ wie; ohã amɛ mlai kpakpai kɛ akpɔi kɛ kitãi kpakpai.

Nehemia 9:14

Ohejɔɔmɔ gbi krɔŋkrɔŋ lɛ, ohã amɛle, ni otsɔ̃ otsulɔ Mose nine nɔ owo amɛ kitãi kɛ akpɔi kɛ mlai.

Lalai 19:12

Namɔ aaanyɛ lɛ diɛŋtsɛ etɔmɔi ena? Yehowa, jiemɔ mi kɛjɛ midujiaŋ tɔ̃mɔi amli.

2 Mose 19:3

Kɛkɛ ni Mose kwɔ gɔŋ lɛ kɛtee Nyɔŋmɔ ŋɔɔ. Yehowa jɛ gɔŋ lɛ nɔ etsɛ Mose, ni ekɛɛ lɛ akɛ, “Kɛɛmɔ Yakob shwiei, ni ji Israelbii, lɛ akɛ,

2 Mose 24:15

Kɛkɛ ni agbɛnɛ Mose kwɔ gɔŋ lɛ kɛtee eyiteŋ, ni atatu lɛ baha gɔŋ lɛ nɔ.

2 Mose 24:18

Mose kwɔ gɔŋ lɛ, ni ebote atatu lɛ mli. Eye nyɔɔŋnyɔɔŋ kɛ shwaneshwane gbii nyɔŋmai ejwɛ yɛ gɔŋ lɛ nɔ.

2 Mose 24:2

Mose, okome pɛ otsi obɛŋkɛ Yehowa; mɛi ni eshwɛ lɛ akatsi amɛbɛŋkɛ, ni maŋbii lɛ hu kɛ bo akakwɔ kɛmiiba.”

2 Mose 31:18

Be ni Yehowa kɛ Mose ewie egbe naa yɛ Sinai Gɔŋ lɛ nɔ lɛ, ekɛ tɛi enyɔ ni ji tɛi tɛtɛrɛbii ni lɛ Nyɔŋmɔ lɛ diɛŋtsɛ kɛ ewao eŋma nii yɛ nɔ lɛ hã Mose.

2 Mose 32:1

Be ni Israelbii lɛ na akɛ Mose eyatsɛ yɛ gɔŋ lɛ nɔ ni ekpelekeee shi lɛ, amɛbua amɛhe naa, ni amɛtee Aaron ŋɔɔ amɛyakɛɛ lɛ akɛ, “Tee shi ni ofee nyɔŋmɔ kroko ohã wɔ koni enyiɛ wɔhiɛ kɛya, shi nɛkɛ Mose nɛɛ, ni ji nuu ni yajie wɔ kɛjɛ Ijipt shikpɔŋ lɛ nɔ kɛba biɛ nɛɛ lɛ, wɔleee nɔ koome ni efee lɛ.”

2 Mose 34:1

Yehowa kɛɛ Mose akɛ, “Ko tɛi tɛtɛrɛbii enyɔ tamɔ klɛŋklɛŋnii lɛ koni maŋma klɛŋklɛŋ tɛi tɛtɛrɛbii ni ojwara lɛ anɔ wiemɔi lɛ mawo nɔ.

Yeremia 31:33

Kpãŋmɔ hee ni mikɛ Israel baakpãŋ yɛ nakai gbi lɛ sɛɛ nɛ: Mibaŋɔ mimla lɛ mawo amɛmli, ni mibaŋmã mlai lɛ mawo amɛtsuii amli, ni mibatsɔ̃ amɛNyɔŋmɔ, ni amɛbaatsɔ mimaŋ.

Mateo 5:19

No hewɔ lɛ, mɔ fɛɛ mɔ ni aaagoi kitãi bibii nɛɛ ateŋ ekome ni eeetsɔ̃ɔ mɛi nakai lɛ, aaatsɛ lɛ bibioo fe fɛɛ yɛ ŋwɛi maŋtsɛyeli lɛ mli; shi mɔ fɛɛ mɔ ni aaaye Mla lɛ nɔ ni eeetsɔ̃ɔ lɛ, lɛ lɛ aaatsɛ lɛ agbo yɛ ŋwɛi maŋtsɛyeli lɛ mli.

2 Korintobii 3:3

ni ajie nyɛ faŋŋ atsɔ̃ɔ akɛ nyɛ ji Kristo wolo ni wɔsɔ̃mɔɔ yɛ he, ni jeee blɛgi akɛŋma, shi moŋ Nyɔŋmɔ hiɛkãalɔ lɛ Mumɔ lɛ, jeee yɛ tɛi tɛtɛrɛi anɔ, shi moŋ yɛ tsuii ni ji heloo taoi anɔ.

2 Korintobii 3:7

Shi kɛ gbele sɔ̃ɔmɔ ni akpɛ yɛ tɛi tɛtɛrɛi anɔ lɛ yɛ nyam bɔ ni Israelbii lɛ nyɛɛɛ Mose hiɛ akwɛ yɛ ehiɛ nyam ni sɛɛ foɔ lɛ hewɔ po lɛ,

5 Mose 4:14

Yehowa wo mi kitã yɛ nakai be lɛ mli akɛ mitsɔ̃ɔ nyɛ akpɔi lɛ kɛ mlai lɛ, bɔ ni afee ni nyɛye nɔ yɛ shikpɔŋ ni nyɛfoɔ mli kɛya ni nyɛyaŋɔ lɛ nɔ.

5 Mose 5:22

“Nɛkɛ kitãi nɛɛ Yehowa kɛ gbee ni wa jɛ la lɛ kɛ atatu kpii lɛ mli ewo nyɛsafo muu lɛ fɛɛ yɛ gɔŋ lɛ nɔ; ni ekɛ nɔ ko fataaa he. Kɛkɛ ni eŋma ewo tɛi tɛtɛrɛbii enyɔ nɔ, ni ekɛhã mi.”

5 Mose 5:31

Shi bo lɛ, daamɔ biɛ yɛ mimasɛi, ni matsɔ̃ɔ bo kitãi lɛ kɛ akpɔi lɛ kɛ mlai lɛ fɛɛ, koni oyatsɔ̃ɔ maŋ lɛ akɛ amɛye nɔ yɛ shikpɔŋ ni mikɛhãa amɛ akɛ amɛnɔ lɛ nɔ.’

Hebribii 9:4

Jɛi shika tsofakɛŋma shãa nɔ lɛ kɛ Kpãŋmɔ Adeka ni akɛ shika eha he fɛɛ lɛ yɔɔ; no mli shika kpulu kɛ emli mana lɛ kɛ Aaron tso ni gba afofro lɛ kɛ kpãŋmɔ tɛi tɛtɛrɛbii lɛ yɔɔ.