2 Mose 23:8 - ŊMALƐ KRƆŊKRƆŊ LƐ

⁸ Kaahe nyɔɔŋnii ejaakɛ nyɔɔŋnii shwilaa nɔkwɛlɔ, ni efiteɔ mɔ ni sane ja sane.

Ṅmãle̱ Kroṅkroṅ Le̱

⁸ Ni nikēnii hũ kāhe; ši nikēnii ſilaä ninalo̱i, ni ekõdõo̱ dšale̱i awieme̱i. 5 Mose 16,19; 27,25.

2 Mose 23:8 ပူးပေါင်းရင်းမြစ်များ

Lalai 15:5

Mɔ ni kɛ eshika efaaa eheee hekpa ni fe nine; ni eheee nyɔɔŋnii koni ewie eshi mɔ ni yeɔ bem. Mɔ ni feɔ enɛɛmɛi fɛɛ lɛ, edidãŋ kɔkɔɔkɔ.

Lalai 26:10

Kaaŋɔ mi ofata mɛi ni feɔ nifɔɔjianii, ni amɛheɔ nyɔɔŋnii lɛ ahe.

Abe̱i 15:27

Hiɛjoolɔ hãa haomɔ baa ewe nɔ; shi mɔ ni sumɔɔɔ nyɔɔŋnii hemɔ lɛ, eyi aaana wala.

Abe̱i 17:23

Efɔŋfeelɔ heɔ nyɔɔŋnii koni etsɔ̃ jalɛ hiɛ ebu shi.

Abe̱i 17:8

Nyɔɔŋnihamɔ yɛ mɔ ni hãa lɛ hiɛ lɛ, etamɔ ashwã awuja; ni he fɛɛ he ni etsɔ̃ɔ lɛ, efeɔ lɛ akɛ ebaashwere.

Abe̱i 19:4

Ninamɔ hãa anaa nanemɛi pii; shi ohiafo lɛ enaanyo tete tsiɔ ehe yɛ ehe.

Jajelɔ 7:7

Niseniianii hãa nilelɔ tsɔ̃ɔ kwashia, ni nyɔɔŋnihamɔ fiteɔ gbɔmɔ jwɛŋmɔ.

Yesaia 1:13

Nyɛkɛ nyɛyakayaka afɔlei akabaa dɔŋŋ; amɛhe bɛ sɛɛnamɔ. Miihi tsofakɛŋma ni ashãa lɛ kɛ nyɔŋ hee gbii juji lɛ, kɛ hejɔɔmɔ gbi kɛ gwai ni nyɛbɔɔ lɛ. Eshai efite gbii juji ni nyɛyeɔ lɛ, no hewɔ lɛ, mitaooo.

Yesaia 1:23

Omli lumɔi lɛ etsɔ̃mɔ atuatselɔi kɛ julɔi ananemɛi. Amɛteŋ mɔ fɛɛ mɔ miinya nyɔɔŋnihamɔ he ni amɛhiŋmɛii etsu kɛnyiɛ mɛi adɛŋ nikee sɛɛ. Amɛfãaa awusa he lɛ, amɛyeee okulafo sane amɛhãaa lɛ.

Yesaia 33:15

Mɔ ni feɔ jalɛnii, ni ewieɔ nɔ ni ja, mɔ ni nyaaa wieyeli mli nii he, ni eheee nyɔɔŋ nii, mɔ ni tsimɔɔ etoi koni ekanu láshishwiemɔ yiŋtoi ahe, ni eŋamɔɔ ehiŋmɛii koni ekana nɔfɔŋfeemɔ lɛ,

Yesaia 5:22

Kpoo hã mɛi ni feɔ ekãa kɛ wainnumɔ! Kpoo hã mɛi ni waa amɛ kɛ dãa ni wa futumɔ!

Yesaia 5:23

Kpoo hã mɛi ni heɔ nyɔɔŋnii ni no hãa amɛŋmɛɔ mɔ ni efe efɔŋ he tswaa lɛ, ni amɛhãa mɔ ni sane ja gbɛnaanii ŋmɛɔ lɛ lɛ!

Ezekiel 22:12

Mɛi heɔ nyɔɔŋnii, koni ashwie lá shi yɛ omli; aheɔ hekpa ni fe nine, ni atswaa nanemɛi ojo. Nyɛhiɛ ekpa minɔ.” Nuŋtsɔ Yehowa kɛɛ.

Hosea 4:18

Kɛji amɛnunuu dãi ni amɛtɔrɔ sɛɛ lɛ kɛkɛ lɛ amɛkɛ ajwamãŋbɔɔ lɛ etsa nɔ, ejaakɛ amɛsumɔɔ hiɛgbele moŋ fe hiɛnyam.

Amos 5:12

Ejaakɛ mile akɛ nyɛmlanɔtɔ̃mɔi lɛ fa, ni mile eshai ni nyɛfeefee anaawalɛ. Nyɛgbaa jalɔ naa, ni nyɛheɔ nyɔŋnii, ni nyɛŋmɛɛɛ gbɛ koni ohiafo kɛ esane ashɛ koishi koni aye ahã lɛ.

Mika 7:3

Amɛhe esa kɛ efɔŋfeemɔ, ni amɛfeɔ lɛ kɛ ŋaa. Lumɛi kɛ kojolɔi lɛ heɔ nyɔɔŋnii. Nɔ fɔŋ ni yɔɔ hiɛnaanɔ gbɔmɔ tsuiŋ lɛ, ejeɔ enaa; kɛkɛ lɛ amɛ fɛɛ amɛkpãŋ amɛto.

5 Mose 10:17

Ejaakɛ Yehowa, nyɛNyɔŋmɔ lɛ, lɛ ji nyɔŋmɔi fɛɛ aNyɔŋmɔ kɛ nuŋtsɔmɛi anuŋtsɔ; lɛ ji Nyɔŋmɔ Ofe ni je agbo, ni he yɔɔ gbeyei lɛ; mɔ ni kwɛɛɛ hiɛiaŋ, ni asaŋ eheee nyɔɔŋnii lɛ.

5 Mose 16:19

Amɛkaye toikɔdɔmɔ sane; amɛkakwɛ mɛi ahiɛiaŋ lɛ, amɛkahe nyɔɔŋnii hu, ejaakɛ nyɔɔŋniihemɔ shwilaa nilelɔi tete po ahiŋmɛi, ni ehãa atsɔ̃ɔ jalɔ sane hiɛ abuɔ shi.

1 Samuel 12:3

Mi nɛ; nyɛyea odase nyɛshia mi yɛ Yehowa hiɛ, kɛ emɔ̃ ni efɔ lɛ mu lɛ hu hiɛ. Namɔ tsina mishɔ̃, ni namɔ teji mishɔ̃? Aloo namɔ ojo mitswa, aloo namɔ yi miwa? Ni namɔ dɛŋ mihe nyɔɔŋnii yɛ koni maku mihiɛ mafɔ esane nɔ? Nyɛwiea koo, koni mato nyɛ najiaŋ.”

1 Samuel 8:3

Shi Samuel bihii lɛ eyakɔɔɔ amɛtsɛ jeŋba kwraa. Amɛyadi ninamɔ sɛɛ ni amɛhehee nyɔɔŋnii, ni amɛtsɔ̃mɔ saji ahiɛ amɛbumɔ shi.