2 Mose 23:7 - ŊMALƐ KRƆŊKRƆŊ LƐ

⁷ Kaafo sane ofɔ̃ mɔ nɔ, ni kaagbe jalɔ kɛ mɔ ni he bɛ sane ko mli ejaakɛ mihaŋ efɔŋfeelɔ aye ehe kɔkɔɔkɔ.

Ṅmãle̱ Kroṅkroṅ Le̱

⁷ Tši ohe ye̱ apasa-sane mli ke̱-ya se̱ fle̱ṅṅ. Ni moni efõṅ be̱ ehe ní edši dšalo̱ le̱, kāgbele̱; edšake̱ mibuṅ efõṅfelo̱ bem.

2 Mose 23:7 ပူးပေါင်းရင်းမြစ်များ

1 Mose 18:23

Kɛkɛ ni Abraham tsi ebɛŋkɛ Yehowa ni ekɛɛ akɛ, “Ani oookpãtã jalɔ kɛ gbɔmɔ fɔŋ fɛɛ hiɛ shi kome lo?

Hiob 22:23

Kpalemɔ kɛya Ofe lɛ ŋɔɔ, ni oba ohe shi. Kpa nibii ni ejaaa feemɔ lɛ yɛ owe lɛ mli.

Lalai 119:29

Kaahã amale jeŋba miigbale mi; ni omlihilɛ naa lɛ, tsɔ̃ɔmɔ mi omla lɛ.

Lalai 94:21

Amɛkpãŋɔ jalɔ yinɔ, ni amɛbuɔ lá ni efeko efɔŋ ko gbele fɔ.

2 Mose 20:13

“Kaagbe gbɔmɔ.

2 Mose 20:16

“Kaaye amale odase yɛ onaanyo he.

2 Mose 23:1

“Kaawie nɔ ni bɛ mli. Kaafi gbɔmɔ fɔŋ sɛɛ kɛmiiye kutumpɔo odase.

2 Mose 34:7

mɔ ni yɔɔ suɔmɔ hã mɛi akpei abɔ, ni ekɛ tɔ̃mɔ kɛ esha faa, shi ehãaa tɔ̃lɔ ko aye ehe tswaa, ni ewoɔ bii nyɔmɔ yɛ amɛtsɛmɛi lɛ anajiaŋ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ lɛ nɔ lɛ.”

Abe̱i 11:21

Na ole akɛ bɔ fɛɛ bɔ ni fee lɛ efɔŋfeelɔ yeŋ ehe; shi jalɔ lɛ aaahere eyiwala.

Abe̱i 17:15

Mɔ ni buɔ efɔŋfeelɔ bem, kɛ mɔ ni buɔ jalɔ fɔ lɛ, Yehowa miihi amɛyi enyɔ lɛ fɛɛ.

Yesaia 33:15

Mɔ ni feɔ jalɛnii, ni ewieɔ nɔ ni ja, mɔ ni nyaaa wieyeli mli nii he, ni eheee nyɔɔŋ nii, mɔ ni tsimɔɔ etoi koni ekanu láshishwiemɔ yiŋtoi ahe, ni eŋamɔɔ ehiŋmɛii koni ekana nɔfɔŋfeemɔ lɛ,

Yesaia 5:20

Kpoo hã mɛi ni tsɛɔ nɔ fɔŋ akɛ nɔ kpakpa ni amɛtsɛɔ nɔ kpakpa akɛ nɔ fɔŋ lɛ. Kpoo hã mɛi ni ŋɔɔ duŋ amɛfeɔ la, ni amɛŋɔɔ la hu amɛfeɔ duŋ lɛ. Kpoo hã mɛi hu ni ŋɔɔ nɔ ni joɔ amɛfeɔ nɔ ni ŋɔɔ, ni amɛŋɔɔ nɔ ni ŋɔɔ amɛfeɔ nɔ ni joɔ lɛ.

3 Mose 19:11

“Kaaju; kaashishiu onaanyo gbɔmɔ, kaalaka lɛ.

3 Mose 19:16

Kaanyiɛ kɛmiiya kɛmiiba ni ooye osheku yɛ omaŋ lɛ mli; ni kaate shi oshi onaanyo gbɔmɔ ni okɛ gbɔmɔgbee sane fɔ̃ enɔ; mi ji Yehowa.

Nahum 1:3

Yehowa mli fuuu mra, ni ehewalɛ da kpele; ehãaa tɔ̃lɔ aŋɔ ehe aye. Ahum kɛ lasuogbele teɔ shi yɛ he ni Yehowa etsɔ̃ kɛho, ni enaneshi mlu ji atatui.

Luka 3:14

Ni asraafoi hu babi lɛ akɛ, “Ni wɔ hu mɛni wɔɔfee?” Ni ekɛɛ amɛ akɛ, “Nyɛkafea mɔ ko soisoi; nyɛkafolɔa mɔ ko naa yakatswaa; ni nyɛhãa nyɛnyɔmɔwoo asaa nyɛhiɛ.”

Romabii 1:18

Ejaakɛ ajieɔ Nyɔŋmɔ mlifu kpo kɛjɛɔ ŋwɛi kɛbaa gbɔmɛi ni kɛ nishaianii tsĩɔ anɔkwale lɛ gbɛ lɛ amusubɔɔ kɛ nishaianii lɛ fɛɛ nɔ,

Efesobii 4:25

No hewɔ lɛ, nyɛshɛa amale nyɛfɔa ni nyɛteŋ mɔ fɛɛ mɔ kɛ enaanyo awie anɔkwale, ejaakɛ gbɔmɔtso kome henii ji wɔ.

5 Mose 25:1

“Kɛji mɛi enyɔ miibe, ni amɛkɛ amɛsane lɛ tee kojomɔhe koni akojo lɛ, mɔ ni yeɔ bem lɛ abu lɛ bem, ni mɔ ni yeɔ fɔ lɛ abu lɛ fɔ.

5 Mose 27:25

“‘Alomɔ mɔ ni heɔ nyɔɔŋnii koni eyagbe mɔ ko ni efeko nɔ ko lɛ.’ Ni maŋ muu lɛ fɛɛ ahere nɔ akɛ, ‘Amen!’

1 Tesalonikabii 5:22

Nyɛtsia nyɛhe kɛjɛa nɔ fɛɛ nɔ ni hiɛ efɔŋ su lɛ he.