2 Mose 23:2 - ŊMALƐ KRƆŊKRƆŊ LƐ

² Kaanyiɛ mɛi ni yi fa sɛɛ kɛyafee efɔŋ, ni kaanyiɛ nɔ ni mɛi pii kɛɔ sɛɛ ni okɛɛ nɔ ko ni aaahã atsɔ sane hiɛ abu shi,

Ṅmãle̱ Kroṅkroṅ Le̱

² Kānyie mei pī ase̱ ke̱-yafe efõṅ; ni asaṅ kāwie ye̱ sane ko mli ni oṅõ ohe obo̱ mei pī ahe ní atšṍ sane hĩe abu ši.

2 Mose 23:2 ပူးပေါင်းရင်းမြစ်များ

1 Mose 19:4

Shi dani gbɔi lɛ yakamɔ shi lɛ, maŋ lɛ mli hii ni ji Sodom hii lɛ, oblahii kɛ hiimeji fɛɛ, maŋ muu lɛ fɛɛ eshwɛɛɛ mɔ kome nɛkɛ po, babɔle shĩa lɛ kɛkpe.

1 Mose 6:12

Nyɔŋmɔ na akɛ shikpɔŋ lɛ nɔ efite ejaakɛ gbɔmɛi fɛɛ efite amɛjeŋba yɛ shikpɔŋ lɛ nɔ.

1 Mose 7:1

Kɛkɛ ni Yehowa kɛɛ Noa akɛ, “Bo kɛ owe lɛ fɛɛ nyɛbotea adeka lɛ mli ejaakɛ bo ji mɔ ni mina akɛ jalɔ yɛ mihiɛ yɛ yinɔ nɛɛ mli.

1 Maŋtsɛmɛi 19:10

Elia to he ekɛɛ, “Miye Yehowa, Nyɔŋmɔ Taiatsɛ lɛ, he awuŋã kɛ hiɛdɔɔ, ejaakɛ Israelbii lɛ ekwa Bo kɛ amɛteŋ kpãŋmɔ lɛ, amɛkumɔ ofɔleshãa latɛi lɛ, ni amɛkɛ klante egbe ogbalɔi lɛ hu, ni mi, mi pɛ eshwɛ, ni amɛmiitao mi hu amɛgbe.”

Hiob 31:34

Miishe mɛi asafo lɛ gbeyei, ni bɔ ni wekui baanyaŋe mi hu woɔ mihe gbeyei, ni no hewɔ ni mifee diŋŋ, ni mishiii shĩa mijeee kpo ejaakɛ miishe amɛ gbeyei.

Lalai 72:2

Hã ekojo omaŋ lɛ yɛ jalɛ naa koni eye jalɛ sane ehã omɛi ni ji ohiafoi.

Abe̱i 1:15

Mibi, okɛ nɛkɛ gbɔmɛi akabɔ. Tsi ohe kɛje amɛhe kwraa.

Abe̱i 18:5

Ehiii akɛ akwɛ efɔŋfeelɔ hiɛ ni abu lɛ bem, aloo atsɔ̃ jalɔ sane hiɛ abu shi.

Abe̱i 4:14

Kaayi yiwalɔi agbɛ nɔ, ni mɛi fɔ̃ji agbɛ hu okanyiɛ nɔ.

Yeremia 37:15

Lumɛi lɛ gri wo Yeremia, ni amɛhã agwao lɛ, ni no sɛɛ lɛ awo lɛ kpabuŋ yɛ woloŋmalɔ Yonatan shĩa lɛ mli, ejaakɛ akɛ eshĩa lɛ efee tsuŋwoohe.

Yeremia 37:21

No hewɔ lɛ, Maŋtsɛ Zedekia fã, ni agbɛnɛ awo Yeremia kpabuŋ yɛ maŋtsɛ we lɛ hebulɔi lɛ akpo lɛ nɔ. Jɛi ehi, ni daa gbi lɛ ahãa lɛ aboloo akwaabɔ kome kɛjɛɔ abolooshãlɔi lɛ adɛŋ. Nɛkɛ ji bɔ ni afee aahu kɛyashi beyinɔ ni maŋ lɛ mli aboloo fɛɛ tã.

Yeremia 38:9

“Minuŋtsɔ Maŋtsɛ, hii nɛɛ efee Gbalɔ Yeremia efɔŋ jogbaŋŋ diɛŋtsɛ kɛ shɛmɔ ni amɛshɛ lɛ amɛfɔ̃ nubu lɛ mli lɛ. Ebaagbo kɛ hɔmɔ yɛ jɛi ejaakɛ amrɔ nɛɛ niyenii bɛ maŋ lɛ mli dɔŋŋ.”

Ezekiel 9:9

Kɛkɛ ni Nyɔŋmɔ kɛɛ mi akɛ, “Israel kɛ Yuda efee esha kpele, ni shikpɔŋ lɛ nɔ eyi obɔ̃ tɔ kɛ lashishwiemɔ, ni toikɔdɔmɔ saneyeli hu eyi maŋ lɛ mli obɔ̃; ejaakɛ amɛkɛɔ akɛ, ‘Yehowa ekwa shikpɔŋ lɛ, ni Yehowa enaaa wɔ.’

3 Mose 19:15

“Kaatsɔ̃ jalɛ sane hiɛ obu shi ni oye ohã ohiafo aloo ohiɛ shwie gbɔmɔ wulu hiɛ. Kojomɔ onaanyo gbɔmɔ yɛ jalɛ naa.

Hagai 1:4

“Miwebii, aso esa nyɛhiɛ akɛ nyɛhi nyɛtsui ni asɛŋ nɔ amli, be mli ni miwe nɛɛ kã shi amaŋfɔ̃ lɛ lo?

Marko 15:15

Ni akɛni Pilato taoɔ akɛ efee nɔ ni asafo lɛ taoɔ hewɔ lɛ, eŋmɛɛ Baraba he ehã amɛ; ni Yesu lɛ, ekɛ kpelebii yi lɛ, ni ekɛ lɛ hã ni ayasɛŋ lɛ.

Luka 23:51

Ni ejɛ Arimatia, Yudafoi lɛ amaji lɛ eko nɔ, lɛ lɛ ekpɛlɛ̃ɛɛ amɛyiŋtoo kɛ amɛnifeemɔnii lɛ nɔ, ni eekwɛ Nyɔŋmɔ maŋtsɛyeli lɛ gbɛ;

Bɔfoi 24:27

Shi afii enyɔ sɛɛ lɛ, Porkio Festo ba baye Felike najiaŋ; ni akɛni Felike miisumɔ akɛ efee nɔ ni sa Yudafoi lɛ ahiɛ hewɔ lɛ, eshi Paulo yɛ tsu lɛ mli.

Bɔfoi 25:9

Shi akɛni Festo miisumɔ akɛ efee nɔ ni sa Yudafoi lɛ ahiɛ hewɔ lɛ, ekɛɛ Paulo akɛ, “Oosumɔ akɛ oya Yerusalɛm ni miyakojo bo yɛ jɛmɛ yɛ nɛkɛ saji nɛɛ ahewɔ lo?”

Romabii 1:32

Amɛle Nyɔŋmɔ mla lɛ krɛdɛɛ nɛ, akɛ mɛi ni tsuɔ nakai nii lɛ sa gbele, shi kɛ̃lɛ jeee feemɔ kɛkɛ amɛfeɔ, shi moŋ amɛnaa mɛi ni tsuɔ nakai nii lɛ ahe miishɛɛ hu.

5 Mose 1:17

Nyɛkakwɛa hiɛiaŋ nyɛkɛkojoa; nyɛboa mɔ bibioo kɛ mɔ wulu fɛɛ toi pɛpɛɛpɛ, ni nyɛkashea gbɔmɔ hiɛ sanekɛɛmɔ gbeyei, ejaakɛ Nyɔŋmɔ ji mɔ ni baakudɔ nyɛ kɛkojo. Shi sane ni mli wa tsɔ̃ hã nyɛ lɛ, nyɛkɛbahãa mi koni maye.’

5 Mose 16:19

Amɛkaye toikɔdɔmɔ sane; amɛkakwɛ mɛi ahiɛiaŋ lɛ, amɛkahe nyɔɔŋnii hu, ejaakɛ nyɔɔŋniihemɔ shwilaa nilelɔi tete po ahiŋmɛi, ni ehãa atsɔ̃ɔ jalɔ sane hiɛ abuɔ shi.

5 Mose 24:17

“Kaatsɔ̃ gbɔ loo awusã sane hiɛ obu shi; ni kaahe okulafo hebo akɛ awaba.

Yoshua 24:15

Kɛji esaaa nyɛhiɛ akɛ nyɛaasɔ̃mɔ Yehowa lɛ, no lɛ ŋmɛnɛ gbi nɛɛ lɛ nyɛkɔa mɔ ni nyɛaasɔ̃mɔ, nyɔŋmɔi ni nyɛtsɛmɛi atsɛmɛi lɛ sɔ̃mɔ yɛ Mesopotamia shikpɔŋ lɛ nɔ lɛ ni jio, Amorbii ni nyɛyɔɔ amɛshikpɔŋ nɔ nɛɛ anyɔŋmɔi lɛ ni jio, nyɛkɔa; shi mi lɛ, mi kɛ miwe lɛ wɔbaasɔmɔ Yehowa.”

1 Samuel 15:24

Saul kɛɛ Samuel akɛ, “Mifee esha, ejaakɛ mitɔ̃ Yehowa fãmɔ lɛ kɛ bo hu owiemɔi lɛ anɔ, ejaakɛ miyashe tabilɔi lɛ agbeyei ni miyabo amɛnaawiemɔ toi.

1 Samuel 15:9

Saul kɛ etabilɔi lɛ baa Agag yi. Asaŋ amɛbaa toi kɛ tsinai kɛ tsinabii kɛ gwantɛŋi abii lɛ ateŋ kooloi kpakpai fe fɛɛ lɛ hu yi; ni amɛkpãtãaa amɛhiɛ; shi nɔ fɛɛ nɔ ni he bɛ sɛɛnamɔ kpakpa ko, aloo ni abɛ he nɔ ko feemɔ lɛ amɛkpãtã hiɛ.