2 Mose 23:12 - ŊMALƐ KRƆŊKRƆŊ LƐ

¹² “Otsu nii gbi ekpaa, shi gbi ni ji kpawo lɛ okɛjɔɔ ohe, bɔ ni afee ni otsina kɛ oteji ajɔɔ amɛhe, ni nyɔŋ yoo bi kɛ ogbɔ awo amɛtsui.

Ṅmãle̱ Kroṅkroṅ Le̱

¹² Gbĩĩ ekpa oke̱-tšu onii, ni gbĩ ni dši gbĩ kpawo le̱ oke̱-dšō̱ ohe; koni otšina ke̱ otedši adšō̱ amehe, ni oweyō bi ke̱ gbo̱ awo ame̱tšui. 20,8-11.

2 Mose 23:12 ပူးပေါင်းရင်းမြစ်များ

Nehemia 13:16

Tirobii komɛi ni yɔɔ Yerusalɛm lɛ kɛ loo kɛ guɔnii srɔtoi fɛɛ baa amɛbahɔ̃ɔ amɛhãa Yudabii lɛ yɛ hejɔɔmɔ gbi lɛ nɔ tete yɛ Yerusalɛm.

2 Mose 16:23

Kɛkɛ ni Mose kɛɛ akɛ, “Nɛkɛ ji bɔ ni Yehowa fã: ‘Wɔ lɛ hejɔɔmɔ gbi ni, Yehowa hejɔɔmɔ gbi krɔŋkrɔŋ lɛ ni. Nyɛshãa nɔ ni nyɛyɔɔ shãa, ni nyɛhoa nɔ ni nyɛyɔɔ hoomɔ. Nɔ ni baashwɛ lɛ nyɛkɛtoa ni je atsɛrea nɔ.’ ”

2 Mose 23:11

shi afi ni ji kpawo lɛ nɔ lɛ ahã shikpɔŋ lɛ ajɔɔ ehe ni ekã shi efolo koni omaŋ lɛ mli ohiafoi lɛ ana enɔ nii amɛkɔlɔ amɛye, ni nɔ ni aaashwɛ lɛ ŋaŋ kooloi hu ana aye. Nakai nɔŋŋ ofee owain trom kɛ omutso trom.

2 Mose 34:21

“Atsu nii gbii ekpaa, shi gbi ni ji kpawo lɛ nɔ lɛ ajɔɔ he, humɔ be mli jio, nikpamɔ be mli jio, ajɔɔ he.

2 Mose 35:2

Aŋɔ gbii ekpaa akɛtsu nii, shi gbi ni ji kpawo lɛ atsɔ̃ gbi krɔŋkrɔŋ ahã nyɛ, Yehowa hejɔɔmɔ gbi krɔŋŋ ni. Mɔ fɛɛ mɔ ni aaatsu nii yɛ nɔ lɛ aaagbe lɛ.

2 Mose 35:3

Nyɛkashɛrea la yɛ nyɛshihilɛhei lɛ eko eko mli yɛ hejɔɔmɔ gbi lɛ nɔ.”

Yesaia 58:3

Amɛkɛɔ akɛ, “Mɛɛba wɔhiɔ ŋmaa, ni bo, Yehowa, onaaa lɛ? Mɛɛba wɔhumiɔ shi, ni onaaa lɛ?” Shi Yehowa kɛɛ, “Naa, nyɛŋmãahilɛ gbi lɛ nɔ lɛ, nyɛ diɛŋtsɛ nyɛnɔ mli nyɛfoɔ, ni nyɛwaa nyɛnitsulɔi fɛɛ ayi.

3 Mose 23:3

Atsu nii gbii ekpaa; shi gbi ni ji kpawo lɛ, hejɔɔmɔ gbi ni; akatsu nitsumɔ ko nitsumɔ ko yɛ hejɔɔmɔ gbi lɛ nɔ yɛ hei fɛɛ ni nyɛaahi; akpe kpee krɔŋkrɔŋ kɛja

Marko 2:27

Ni Yesu kɛɛ amɛ akɛ, “Gbɔmɔ hewɔ ato hejɔɔmɔ gbi lɛ, shi jeee hejɔɔmɔ gbi lɛ hewɔ abɔ gbɔmɔ.

Luka 13:14

Shi kpeehe onukpa lɛ mli wo la akɛni Yesu tsa mɔ yɛ hejɔɔmɔ gbi lɛ nɔ lɛ, ni ekɛɛ asafo lɛ akɛ, “Gbii ekpaa yɔɔ ni sa akɛ atsuɔ nii yɛ mli no hewɔ lɛ, nyɛbaa yɛ nomɛi amli, koni atsa nyɛ, shi jeee hejɔɔmɔ gbi lɛ nɔ!”