2 Mose 23:1 - ŊMALƐ KRƆŊKRƆŊ LƐ

¹ “Kaawie nɔ ni bɛ mli. Kaafi gbɔmɔ fɔŋ sɛɛ kɛmiiye kutumpɔo odase.

Ṅmãle̱ Kroṅkroṅ Le̱

¹ Kāhe amale sanetãmo oye. Kāfĩ gbomo fõṅ se̱ ke̱-mīye kũtũmpo̱o odase. 20,16.

2 Mose 23:1 ပူးပေါင်းရင်းမြစ်များ

1 Mose 39:17

Kɛkɛ ni eyajaje sane lɛ etsɔ̃ɔ ewu lɛ ekɛɛ, “Nyɔŋnuu Hebrinyo lɛ ni okɛba shĩa nɛɛ lɛ, eba ni ebahɔlɔ mi.

2 Samuel 16:3

Kɛkɛ ni David bi Ziba akɛ, “Ni nɛgbɛ onuŋtsɔ bi Mefiboshet yɔɔ?” Ziba here maŋtsɛ lɛ nɔ akɛ, “Eyɛ Yerusalɛm ejaakɛ esusumɔ ji akɛ Israelbii baakpale enii, Saul, maŋtsɛyeli lɛ ahã lɛ agbɛnɛ.”

2 Samuel 19:27

ni ebafo minaa moŋ efite mi ehã maŋtsɛ. Shi maŋtsɛ tamɔ Nyɔŋmɔ bɔfo, no hewɔ lɛ, miyɛ odɛ̃ŋ, bɔ ni ooofee mi.

Lalai 101:5

Mɔ ni yeɔ enaanyo he osheku yɛ teemɔ mli lɛ, makpãtã ehiɛ. Mɔ ni yɔɔ gegeege kɛ henɔwomɔ tsui lɛ mikɛ lɛ yeŋ.

Lalai 120:3

Bo shishiulɔ, mɛni Yehowa baahã bo, ni mɛni hu ebaafee efata he ehã bo?

Lalai 15:3

mɔ ni kɛ elilɛi yeee mɔ he osheku ni efeee enaanyo efɔŋ ko; ni ebɔɔɔ enaanyo gbɔmɔ ahora.

Lalai 27:12

Kaaŋmɛɛ mihe ohã tamɔ bɔ ni mihenyɛlɔi lɛ taoɔ lɛ; ejaakɛ amale odasefoi ete shi ewo mi, ni amɛmiishwe ni amɛwa mi yi.

Lalai 35:11

Odasefoi yiwalɔi teɔ shi woɔ mi. Amɛbiɔ mi nibii ni mileee he nɔ ko.

2 Mose 20:16

“Kaaye amale odase yɛ onaanyo he.

2 Mose 23:7

Kaafo sane ofɔ̃ mɔ nɔ, ni kaagbe jalɔ kɛ mɔ ni he bɛ sane ko mli ejaakɛ mihaŋ efɔŋfeelɔ aye ehe kɔkɔɔkɔ.

Abe̱i 10:18

Mɔ ni kɛ nyɛɛ teɔ lɛ, amalelɔ ni; mɔ ni yeɔ mɔ he osheku lɛ, kwashia ji lɛ.

Abe̱i 12:17

Mɔ ni wieɔ anɔkwale lɛ, eyeɔ anɔkwa odase; shi amale odasefonyo lɛ mɔ elakaa.

Abe̱i 14:5

Odasefonyo anɔkwafo maleee; shi apasa odasefonyo maleɔ pam.

Abe̱i 17:4

Efɔŋfeelɔi boɔ mɛi fɔ̃ji awiemɔ toi, ni amalelɔ kaa etoi ehãa wiemɔi ni fiteɔ mɔ.

Abe̱i 19:28

Odasefonyo fɔŋ ŋmɔɔ jalɛ saneyeli; ni efɔŋfeelɔ naabu nyaa nɔ fɔŋ he.

Abe̱i 19:5

Amale odasefonyo yeŋ ehe; ni amalelɔ he ejeŋ sane mli.

Abe̱i 19:9

Amale odasefonyo yeŋ ehe; ni amalelɔ hiɛ aaakpãtã.

Abe̱i 21:28

Amale odasefonyo hiɛ aaakpãtã; shi wiemɔ ni jɛɔ mɔ ni nu sane daaŋ lɛ, ehiɔ shi daa.

Abe̱i 24:28

Kaaye odase oshi onaanyo yakatswaa, ni okɛ onaabu hu akashishiu mɔ ko.

Abe̱i 25:18

Mɔ ni yeɔ amale odase yɛ enaanyo he lɛ, etamɔ tsokpoti loo klante loo gãimlibi ni naa ba.

Abe̱i 25:23

Bɔ ni kooyigbɛ kɔɔyɔɔ kɛ nunɛmɔ baa lɛ, nakai nɔŋŋ mɔhewiemɔ kɛ hiɛtumɔ baa.

Abe̱i 6:19

Mɔ ni yeɔ amale odase, ni efoɔ sane ni bɛ mli etãa; mɔ ni woɔ nanemɛi ateŋ bei.

Yeremia 20:10

Minuɔ akɛ aawie ablɛbi akɛ, “He fɛɛ he efee gbeyei. Nyɛfolɔa enaa, nyɛhãa wɔfolɔ enaa!” Minanemɛi tete ni kɛɔ enɛ nɛɛ, ni amɛmiikwɛ akɛ minane aaatɔ̃tɔ̃ lo. Amɛkɛɛ akɛ, “Eko lɛ aaalaka lɛ ni wɔnine aaashɛ enɔ, ni wɔɔtɔ wɔhe owele yɛ enɔ.”

3 Mose 19:11

“Kaaju; kaashishiu onaanyo gbɔmɔ, kaalaka lɛ.

3 Mose 19:16

Kaanyiɛ kɛmiiya kɛmiiba ni ooye osheku yɛ omaŋ lɛ mli; ni kaate shi oshi onaanyo gbɔmɔ ni okɛ gbɔmɔgbee sane fɔ̃ enɔ; mi ji Yehowa.

Mateo 19:18

Ebi lɛ akɛ, “Te nii ni jiŋ?” Ni Yesu kɛɛ, “Kaagbe gbɔmɔ; kaafite gbãlã; kaaju; kaaye amale odase;

Luka 19:8

Shi Zakeo ho damɔ shi ni ekɛɛ Nuŋtsɔ lɛ akɛ, “Nuŋtsɔ, naa, miiŋɔ minii fã make ohiafoi, ni kɛji mikɛ yaka naafolɔmɔ eshɔ̃ mɔ ko nɔ ko yɛ edɛŋ lɛ, miiku mabɔ he toi ejwɛ mahã lɛ.”

Luka 3:14

Ni asraafoi hu babi lɛ akɛ, “Ni wɔ hu mɛni wɔɔfee?” Ni ekɛɛ amɛ akɛ, “Nyɛkafea mɔ ko soisoi; nyɛkafolɔa mɔ ko naa yakatswaa; ni nyɛhãa nyɛnyɔmɔwoo asaa nyɛhiɛ.”

Yohane 7:51

“Kɛ anuko mɔ ko daaŋ gbee ni aaale nɔ ni efee lɛ, wɔmla lɛ buɔ le fɔ lo?”

Romabii 3:8

Ani jeee tamɔ bɔ ni afoɔ sane afɔ̃ɔ wɔnɔ ni mɛi komɛi kɛɔ yɛ wɔhe akɛ wɔkɛɛ akɛ, “Nyɛhãa wɔfea efɔŋ koni ekpakpa aba” lɛ? Nakai mɛi lɛ afɔbuu lɛ ja pɛ.

Efesobii 4:25

No hewɔ lɛ, nyɛshɛa amale nyɛfɔa ni nyɛteŋ mɔ fɛɛ mɔ kɛ enaanyo awie anɔkwale, ejaakɛ gbɔmɔtso kome henii ji wɔ.

5 Mose 5:20

“Kaaye amale odase yɛ onaanyo he.

2 Timoteo 3:3

mɛi ni edɔɔɔ mɔ he, kpãŋmɔmlikulɔi, oshekuyelɔi, mɛi ni nyɛɛɛ amɛkɔnɔ nɔ amɛye, mɛi ni hiɛ yɔɔ la, mɛi ni sumɔɔɔ ekpakpa,

1 Petro 3:16

shi nyɛkɛ hejɔlɛ kɛ bulɛ ahãa hetoo, ni nyɛhiɛ henilee kpakpa, koni be ni aawie nyɛhe efɔŋ lɛ, mɛi ni gbeɔ nyɛjeŋba kpakpa ni nyɛyɔɔ akɛ Kristofoi lɛ he guɔ lɛ ahiɛ agboi.

Kpojiemɔ 12:10

Ni minu gbee wulu ko yɛ ŋwɛi miikɛɛ, “Agbɛnɛ yiwalaheremɔ lɛ kɛ hewalɛ lɛ kɛ maŋtsɛyeli lɛ etsɔ̃ wɔNyɔŋmɔ lɛ nɔ, ni hegbɛ lɛ etsɔ̃ eKristo lɛ nɔ, ejaakɛ ashɛ wɔnyɛmimɛi lɛ anaaflɔlɔ lɛ ni folɔɔ amɛnaa yɛ wɔNyɔŋmɔ lɛ hiɛ nyɔɔŋ kɛ shwane lɛ afɔ̃.