2 Mose 22:30 - ŊMALƐ KRƆŊKRƆŊ LƐ

³⁰ Nakai nɔŋŋ hu ofee otsinai kɛ toi. Kooloo kromɔ nuu lɛ ehi enyɛ masɛi gbii kpawo, ni gbi ni ji kpaanyɔ lɛ ojɔɔ enɔ ohã mi.

Ṅmãle̱ Kroṅkroṅ Le̱

³⁰ Nakai noṅṅ ofe otšinai ke̱ otoi le̱: gbĩĩ kpawo eke̱ enye ahĩ ši; gbĩ ní dši gbĩ kpānyo le̱ oṅõle̱ ohãmi. 3 Mose 22,27.

2 Mose 22:30 ပူးပေါင်းရင်းမြစ်များ

1 Mose 17:12

Binuu fɛɛ binuu ni eyɔɔ nyɛteŋ ni eye gbii kpaanyɔ lɛ, afo lɛ ketia; binuu fɛɛ binuu yɛ nyɛyinɔi fɛɛ mli, mɔ ni afɔ lɛ yɛ owe lɛ jio, akɛ oshika he lɛ yɛ gbɔ ni jɛɛɛ oshwiei lɛ ateŋ jio, afo lɛ ketia.

2 Mose 13:12

binuu fɛɛ binuu ni gbeleɔ musu naa lɛ, nyɛjɔa enɔ nyɛhãa mi, Yehowa. Nyɛshiai amli kooloi akromɔ bihii hu Yehowa nii ni.

Ezekiel 4:14

Kɛkɛ ni mikɛɛ akɛ, “Ao, Nuŋtsɔ Yehowa, mibuleko mihe dã, kɛjɛ miblahiaŋ aahu kɛbashi amrɔ nɛɛ lɛ. Miyeko nɔ ko ni lɛ diɛŋtsɛ egbo loo kooloo ko tserɛ lɛ dã. Asaŋ hu loo ko ni ahiɔ esako minaa dã.

3 Mose 11:44

Mi ji Yehowa, nyɛNyɔŋmɔ lɛ. No hewɔ lɛ, nyɛfea nyɛhe krɔŋkrɔŋ; nyɛtoa nyɛhe krɔŋkrɔŋ, ejaakɛ mɔ krɔŋkrɔŋ ji mi. No hewɔ lɛ, nyɛkɛ nibii ni eyi shikpɔŋ lɛ nɔ obɔ̃ lɛ eko eko akabulea nyɛhe.

3 Mose 11:45

Mi ji Yehowa mɔ ni jie nyɛ kɛjɛ Ijipt shikpɔŋ lɛ nɔ, koni matsɔ̃ nyɛNyɔŋmɔ lɛ. No hewɔ lɛ, nyɛfea nyɛhe krɔŋkrɔŋ, ejaakɛ mɔ krɔŋkrɔŋ ji mi.

3 Mose 12:3

Gbi ni ji kpaanyɔ lɛ nɔ lɛ, afo gbekɛ lɛ ketia.

3 Mose 17:15

“Mɔ fɛɛ mɔ ni yeɔ kooloo ni egbo lɛ diɛŋtsɛ edɛŋ gbele aloo kooloo ni kooloo awuyelɔ ko tserɛ emli lɛ, Israelnyo ji lɛ jio, gbɔ ni ebato Israel shikpɔŋ lɛ nɔ ji lɛ jio, efɔ etadei ahe ni ekɛnu aju ehe; ebaahi shi kɛyashi gbɛkɛ dani ehe baatse.

3 Mose 22:8

Ekaye kooloo ni egbo lɛ diɛŋtsɛ edɛŋ gbele loo kooloi etserɛ lɛ. Kɛji eye lɛ ebaatsɔ̃ mɔ ni he tseee; mi ji Yehowa.

3 Mose 7:23

“Kɛɛmɔ Israelbii lɛ akɛ, nyɛkayea fɔ ko fɔ ko; tsina fɔ jio, gwantɛŋ fɔ jio, too abotia fɔ jio, nyɛkayea.

3 Mose 7:24

Kooloo ni egbo lɛ diɛŋtsɛ edɛŋ gbele loo kooloo ni kooloo kroko etserɛ emli lɛ, aaanyɛ akɛ efɔ lɛ afee nɔ kroko; shi loo lɛ akaye. Kooloo ni akɛshã niyenii afɔle ahã Yehowa lɛ, mɔ fɛɛ mɔ ni yeɔ efɔ lɛ eko lɛ aaatswa enane shi tu kɛaaje emɛi ateŋ.

3 Mose 7:26

He fɛɛ he ni nyɛyɔɔ lɛ nyɛkayea lá ko lá ko, loofɔlɔ lá jio, kooloo naji ejwɛ tsɛ jio.

5 Mose 14:21

“Nyɛkayea kooloo ni lɛ diɛŋtsɛ egbo. Aaanyɛ akɛ kooloo lɛ ahã gbɔ ni nyɛkɛyɔɔ nyɛmaŋ lɛ mli koni eye, aloo ahɔ̃ɔ ahã gbɔ kroko ko, ejaakɛ nyɛ lɛ, Yehowa, nyɛNyɔŋmɔ lɛ, mɛi krɔŋkrɔŋi ji nyɛ. “Nyɛkahoa toobi kɛ lɛ diɛŋtsɛ nɔŋŋ enyɛ fufɔ mli nu.”

5 Mose 15:19

“Nyɛjɔa nyɛtoi lɛ kɛ nyɛtsinai lɛ hu akromɔbii hii fɛɛ ni aaafɔ lɛ anɔ nyɛhãa Yehowa, nyɛNyɔŋmɔ lɛ. Nyɛkɛ tsinai akromɔbii lɛ akatsua nɔ ko nɔ ko; ni nyɛtoi akromɔbii lɛ hu nyɛkakua amɛhe tsɔi.