2 Mose 22:29 - ŊMALƐ KRƆŊKRƆŊ LƐ

²⁹ “Kɛji oŋmɔshi nii ba, ni kɛ oŋa owain kɛ omu lɛ, kaashashao shi ni okɛ Nyɔŋmɔ nɔ lɛ abahã lɛ. Jɔɔmɔ obihii ateŋ kromɔ lɛ nɔ ohã mi.

Ṅmãle̱ Kroṅkroṅ Le̱

²⁹ *Onikpame̱nii ke̱ owein mli kleṅ-kleṅnõ hãmo le̱, kāṅo-šašao ši. Obihĩĩ ateṅ †kromo̱bi le̱, ṅõ-hãmi. *5 Mose 18,4. †2 Mose 13,2. 13.

2 Mose 22:29 ပူးပေါင်းရင်းမြစ်များ

2 Maŋtsɛmɛi 4:42

Be kroko lɛ, nuu ko jɛ Baal-Shalishah ba ni ebahã Nyɔŋmɔ gbɔmɔ, Elisha, akoko kpokploku aboloi akwaabɔi nyɔŋmai enyɔ kɛ abelefɔ hu yɛ kotoku mli. Ni Elisha kɛɛ etsulɔ lɛ akɛ, “Ŋɔɔ ohã gbalɔi aku lɛ mli bii lɛ ni amɛye.”

2 Kronika 31:5

Amrɔ nɔŋŋ ni anu famɔ nɛɛ he lɛ, Israelbii lɛ kɛ klɛŋklɛŋ abele kɛ wain kɛ mu kɛ wo kɛ ŋmɔshinii srɔtoi ni amɛkpa lɛ amli nii babaoo ba. Amɛkɛ nɔ fɛɛ nɔ ni amɛyɔɔ lɛ mlijaa nyɔŋma mli ekomekome babaoo hu ba.

2 Mose 13:12

binuu fɛɛ binuu ni gbeleɔ musu naa lɛ, nyɛjɔa enɔ nyɛhãa mi, Yehowa. Nyɛshiai amli kooloi akromɔ bihii hu Yehowa nii ni.

2 Mose 13:2

“Kromɔbi nuu fɛɛ kromɔbi nuu, ni ji binuu fɛɛ binuu ni gbeleɔ musu naa, yɛ Israelbii ateŋ lɛ ajɔɔ enɔ ahã mi, gbɔmɔ ni jio, kooloo ni jio, ajɔɔ enɔ ahã mi, ejaakɛ minɔ ni.”

2 Mose 23:15

Nyɛyea Akpiti Gbijurɔ lɛ. Bɔ ni miwo nyɛ ehe kitã lɛ, nyɛyea aboloo ni akɛ mã akpiti shã. Nyɛyea lɛ gbii kpawo yɛ be ni ato lɛ, ni ji Abib nyɔɔŋ lɛ nɔ, ejaakɛ no nɔ nyɛshi Ijipt shikpɔŋ lɛ nɔ. No be lɛ mli lɛ mɔ ko akaba mi jamɔ ni ehiɛɛɛ edɛŋ afɔle.

2 Mose 23:16

“Nyɛyea Nikpamɔ Gbijurɔ lɛ ni ji ŋmɔshinii lɛ mli klɛŋklɛŋ yibii agbijurɔ lɛ; ni nyɛyea Ŋmaa naabuamɔ kɛtoo Gbijurɔ lɛ yɛ afi lɛ naagbee mli, be ni nyɛbuaa ŋmɔshi nii anaa nyɛtoɔ lɛ.

2 Mose 23:19

“Klɛŋklɛŋ ŋmɔshinii ni nyɛbaakpa lɛ nyɛkɛbaa Yehowa, nyɛNyɔŋmɔ lɛ, we lɛ. Akahoo toobi kɛ lɛ nɔŋŋ enyɛ fufɔ mli nu.”

2 Mose 34:19

“Nɔ fɛɛ nɔ ni ji nuu ni gbeleɔ musu naa lɛ minɔ ni, tsina ni jio, too ni jio.

2 Mose 34:20

Shi teji kromɔbi lɛ akɛ toobi akpɔ̃ lɛ, shi kɛji asumɔŋ ni akpɔ̃ lɛ lɛ no lɛ aku ekuɛŋ. Okpɔ̃ bihii ateŋ kromɔbii fɛɛ. “Mɔ ko mɔ ko akapue kɛ edɛ̃ folo yɛ mihiɛ.

Ezekiel 20:40

Nuŋtsɔ Yehowa kɛɛ, “Shi migɔŋ krɔŋkrɔŋ lɛ, ni ji Israel Gɔŋ ni kwɔ lɛ nɔ lɛ, jɛi Israel we lɛ fɛɛ ni yɔɔ shikpɔŋ lɛ nɔ lɛ aaasɔmɔ mi yɛ; mana amɛhe tsui yɛ jɛi, ni mabi nyɛfɔlei lɛ kɛ nyɛnikeenii kpakpai lɛ kɛ nyɛkeenii krɔŋkrɔŋi lɛ fɛɛ shi.

Mika 7:1

Kpoo hã mi! Mitsɔ̃ tamɔ mɔ ko ni hɔmɔ miiye lɛ ni eetao tsoyibii loo wainyibii ko eye, ejaakɛ akpa wainyibii kɛ agbãmii ni ŋɔɔ lɛ fɛɛ atã, ni shao ko bɛ ni aaana aye; agbãmi hee ni mitsui shweɔ lɛ eko bɛ.

4 Mose 18:13

Klɛŋklɛŋ aduawai ni amɛtseɔ yɛ amɛŋmɔji amli ni amɛkɛhãa mi Yehowa lɛ, onɔ ni. Mɔ fɛɛ mɔ ni ehe tse yɛ oshwiei ateŋ lɛ aaanyɛ aye eko.

Mateo 6:33

Shi nyɛtaoa Nyɔŋmɔ Maŋtsɛyeli lɛ kɛ ejalɛ lɛ tsutsu ni akɛ nii nɛɛ fɛɛ aaafata he ahã nyɛ.

Romabii 8:23

Shi jeee amɛ kɛkɛŋ, shi moŋ wɔ diɛŋtsɛ tete, wɔ ni wɔyɔɔ Mumɔ lɛ klɛŋklɛŋ yibii lɛ, wɔ diɛŋtsɛ hu wɔkɛ̃mɔ̃ɔ yɛ wɔmli, ni wɔkwɛɔ gbɛ akɛ wɔbaatsɔ̃mɔ bii, no ji abaakpɔ̃ wɔgbɔmɔtso lɛ.

5 Mose 15:19

“Nyɛjɔa nyɛtoi lɛ kɛ nyɛtsinai lɛ hu akromɔbii hii fɛɛ ni aaafɔ lɛ anɔ nyɛhãa Yehowa, nyɛNyɔŋmɔ lɛ. Nyɛkɛ tsinai akromɔbii lɛ akatsua nɔ ko nɔ ko; ni nyɛtoi akromɔbii lɛ hu nyɛkakua amɛhe tsɔi.

Yakobo 1:18

Lɛ diɛŋtsɛ esuɔmɔ naa ekɛ anɔkwale wiemɔ lɛ fɔ wɔ, koni wɔfee tamɔ enibɔɔnii lɛ amli klɛŋklɛŋ yibii.