2 Mose 22:25 - ŊMALƐ KRƆŊKRƆŊ LƐ

²⁵ “Kɛji ofa mimaŋbii ni kɛ bo yɔɔ lɛ ateŋ ohiafo ko shika lɛ, kaaye lɛ wie, ni kaahe hekpa hu.

Ṅmãle̱ Kroṅkroṅ Le̱

²⁵ Ke̱dši ofa mimaṅbĩi le̱ ateṅ ohĩafo ko ní ke̱o yo̱ šika le̱, kāšile̱ akaple, ni kāhele̱ hekpa hũ. 3 Mose 26,36. 5 Mose 23,20; 24,10.

2 Mose 22:25 ပူးပေါင်းရင်းမြစ်များ

2 Maŋtsɛmɛi 4:1

Gbalɔi aku lɛ mli bii lɛ ateŋ mɔ kome ŋa okulafo tee Elisha ŋɔɔ, ni eyakɛɛ lɛ akɛ, “Ataa, naa, otsulɔ ni ji miwu lɛ egbo, ni ole akɛ esheɔ Yehowa gbeyei. Shi amrɔ nɛɛ mɔ ko ni miwu lɛ hiɛ lɛ nyɔmɔ ebamɔmɔ mibihii lɛ kɛtee eyafee amɛ enyɔji.”

2 Maŋtsɛmɛi 4:7

Yoo okulafo lɛ tee Elisha, Nyɔŋmɔ gbɔmɔ lɛ, ŋɔɔ ni eyabɔ lɛ amaniɛ. Elisha kɛɛ lɛ akɛ, “Yaa ni oyahɔ̃ɔ mu lɛ koni okɛwo onyɔmɔ lɛ; ni nɔ ni aaashwɛ lɛ, okɛ obihii lɛ, nyɛkɛkwɛa nyɛhe.”

Nehemia 5:7

ni mito miyiŋ nɔ ni sa akɛ mafee. Saji ni ayɔɔ yɛ abladei lɛ kɛ nɔyelɔi lɛ ahe lɛ hewɔ lɛ, mikɛɛ amɛ akɛ, “Nyɛteŋ mɔ fɛɛ mɔ heɔ enyɛmi hekpa ni fe nine.” Mibɔ gwa kpeteŋkple miwo amɛ;

Lalai 15:5

Mɔ ni kɛ eshika efaaa eheee hekpa ni fe nine; ni eheee nyɔɔŋnii koni ewie eshi mɔ ni yeɔ bem. Mɔ ni feɔ enɛɛmɛi fɛɛ lɛ, edidãŋ kɔkɔɔkɔ.

Abe̱i 28:8

Mɔ ni kɛ hekpa ni fe nine kɛ wieyeli hãa enii faa lɛ, eebua naa ehã mɔ ni naa ohiafo mɔbɔ lɛ.

Yeremia 15:10

Minyɛ Awo, kpoo hã mi akɛ ofɔ mi! Naa mi ni shikpɔŋ muu lɛ fɛɛ kɛ mi miibe, ni akɛ mi miitaa naa sɔŋŋ. Mifako mɔ ko nɔ ko lɛ, mɔ ko hu efako nɔ ko yɛ midɛŋ; shi loomɔ sɔŋŋ kɛkɛ mɔ fɛɛ mɔ lomɔɔ mi.

Ezekiel 18:13

Efaa shika ni eheɔ hekpa fe nine. Aso nɛkɛ gbɔmɔ yi aaana wala? Eyi naŋ wala. Akɛni efee nɛkɛ musubɔɔnii nɛɛ fɛɛ eko hewɔ lɛ gbo kɛ̃ eeegbo; ela aaabua lɛ diɛŋtsɛ eyiteŋ.

Ezekiel 18:17

Ewiɔ ehe yɛ eshafeemɔ he, ni ekɛ shika efaaa ni ehe hekpa ni fe nine. Ni eyeɔ mimlai lɛ anɔ, ni ebaa ejeŋ yɛ mikpɔi lɛ anaa. Nɛkɛ gbɔmɔ lɛ egboŋ yɛ eshai ni etsɛ efee lɛ ahewɔ, shi moŋ eyi aaana wala kɛ̃.

Ezekiel 18:7

Ewaaa mɔ yi; shi ekpaleɔ nyɔmɔtsɛ awabatoonii ehãa lɛ; ni etswaaa ojo; ehaaa mɔ ko nɔ ko, shi moŋ ehãa mɔ ni hɔmɔ miiye lɛ nii eyeɔ; asaŋ mɔ ni nyiɛ yayai lɛ ebuɔ lɛ mama.

Ezekiel 18:8

“Ekɛ shika efaaa ni ehe hekpa fe nine. Ewiɔ ehe yɛ eshafeemɔ he, ni ekojoɔ mɔ kɛ mɔ teŋ yɛ jalɛ naa.

Ezekiel 22:12

Mɛi heɔ nyɔɔŋnii, koni ashwie lá shi yɛ omli; aheɔ hekpa ni fe nine, ni atswaa nanemɛi ojo. Nyɛhiɛ ekpa minɔ.” Nuŋtsɔ Yehowa kɛɛ.

Amos 2:8

Amɛkãmɔɔ atadei ni akɛbato amɛ awaba anɔ yɛ afɔleshãa latɛ fɛɛ afɔleshãa latɛ naa, ni amɛnuɔ wain ni ahe yɛ mɛi ni abu amɛ fɔ adɛŋ yɛ amɛNyɔŋmɔ lɛ Sɔlemɔ we lɛ.

Mateo 25:27

kulɛ ogbɛnaa ji akɛ oŋɔɔ mishika lɛ owoɔ tsakelɔi adɛŋ, ni kɛ miba lɛ ni mibahe minii kɛ ehekpa.

Luka 19:23

mɛɛ hewɔ mɔ ni okɛ mishika lɛ eyawooo shikatoohe lɛ, koni kɛ miba lɛ, ni mibahe minii kɛ ehekpa?’

5 Mose 15:7

“Kɛji nyɛnyɛmi Israelnyo ko miiye ohia yɛ maŋ ko mli yɛ nyɛshikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ lɛ, akawa lɛ yi, musuŋ akajoo yɛ nyɛmi ohiafo lɛ nɔ.

5 Mose 24:13

Kpalemɔ ohã lɛ kɛji hulu yaanyɔ shi, bɔ ni afee ni ohiafo lɛ ana ehebo lɛ ebu kɛwɔ koni eda bo shi; ni osane baasa Yehowa, oNyɔŋmɔ lɛ hiɛ.