2 Mose 22:24 - ŊMALƐ KRƆŊKRƆŊ LƐ

²⁴ Mimlifu naa aaawa naakpa, ni magbe nyɛ yɛ ta mli, ni nyɛŋamɛi aaatsɔ̃mɔ okulafoi, ni nyɛbii aaatsɔ̃mɔ awusai.

Ṅmãle̱ Kroṅkroṅ Le̱

²⁴ ni mimlifũ le̱ nā aawa naakpa, ni mike̱ klante aagbenye, ni nyeṅãmei aatšṍmo̱ okũlafoi, ni nyebii aatšṍmo̱ awusãi.

2 Mose 22:24 ပူးပေါင်းရင်းမြစ်များ

Nehemia 5:7

ni mito miyiŋ nɔ ni sa akɛ mafee. Saji ni ayɔɔ yɛ abladei lɛ kɛ nɔyelɔi lɛ ahe lɛ hewɔ lɛ, mikɛɛ amɛ akɛ, “Nyɛteŋ mɔ fɛɛ mɔ heɔ enyɛmi hekpa ni fe nine.” Mibɔ gwa kpeteŋkple miwo amɛ;

Hiob 31:23

Ejaakɛ misheɔ Ofe lɛ dɛŋ hiɛkpãtãmɔ lɛ gbeyei. Ni minyɛŋ Ofe lɛ hiɛ madamɔ.

Lalai 109:2

Ejaakɛ mɛi fɔ̃ji kɛ osatofoi miitswa mi lilɛi; amɛmiimale mihe.

Lalai 109:9

Hã ebii atsɔ̃mɔ awusãi, ni eŋa atsɔ̃ okulafo.

Lalai 15:5

Mɔ ni kɛ eshika efaaa eheee hekpa ni fe nine; ni eheee nyɔɔŋnii koni ewie eshi mɔ ni yeɔ bem. Mɔ ni feɔ enɛɛmɛi fɛɛ lɛ, edidãŋ kɔkɔɔkɔ.

Lalai 69:24

Fɔsemɔ omlila lɛ oshwie amɛnɔ, ni okɛ omlifu ni naa wa lɛ anina amɛ.

Lalai 76:7

Shi bo lɛ, ohe yɛ gbeyei naakpa. Kɛji omli efu lɛ, namɔ aaanyɛ ohiɛ adamɔ?

Lalai 90:11

Namɔ le omlifu lɛ mli walɛ? Namɔ le gbeyei ni esa akɛ asheɔ bo yɛ omlila lɛ hewɔ?

Yeremia 15:8

Mihã amɛyei okulafoi ayi efa fe ŋshɔnaa shia. Mihã sane fɔŋ eye oblahii anyɛmɛi, ejaakɛ mihã hiɛkpãtãlɔ lɛ ekpãtã amɛblahii ahiɛ shwane fintiŋŋ. Mihã ŋmiŋmi kɛ tsuifãa sane eba amɛnɔ trukaa.

Yeremia 18:21

No hewɔ lɛ, hã amɛbii lɛ aye hɔmɔ, ni amɛ diɛŋtsɛ lɛ amɛnyɔnyɔi yɛ klante naa; hã amɛŋamɛi lɛ atsɔ̃mɔ okulafoi kɛ mɛi ni amɛmusuŋbii egboi yɛ amɛhe. Gbele hela abagbe amɛteŋ hii lɛ, ni amɛblahii lɛ anyɔnyɔi yɛ klante naa yɛ ta mli.

Yāfó 5:3

Wɔtsɔ̃mɔ awusãi, wɔbɛ tsɛmɛi, ni wɔnyɛmɛi etsɔ̃mɔ okulafoi.

3 Mose 25:35

“Kɛji onyɛmi Israelnyo ni yɔɔ omasɛi ye ohia bɔ ni enyɛɛɛ ehe ekwɛ dɔŋŋ lɛ, omɔ mli ohã lɛ ni okwɛ lɛ; okɛ lɛ ahi shi akɛ gbɔ ni ebadɔmɔ bo.

3 Mose 25:36

Kaahe lɛ nɔ ko he kpa, ni kaaŋmɛ nyɔmɔ ko ni ewoɔ bo nɔ; shi oshe oNyɔŋmɔ lɛ gbeyei; ni oŋmɛ onyɛmi Israelnyo lɛ gbɛ koni ehi omasɛi.

Nahum 1:6

Namɔ aaanyɛ emlila naa adamɔ? Namɔ aaanyɛ emlifu ni naa wa lɛ naa ekpee? Emlifu tsɛ̃ɔ kɛbaa tamɔ la, ni efɛlɛɔ tɛsai amli.

Luka 6:38

Nyɛhãa ni aaahã nyɛ; nii ni asusu jogbaŋŋ ni ahoso ni anyɛmɔ nɔ ni eyi obɔ̃ kɛteke nɔ mɛi kɛaashãkã nyɛtsitsi, ejaakɛ nɔ susumɔnɔ ni nyɛkɛsusuɔ lɛ, no nɔŋŋ aaaku sɛɛ akɛsusu ahã nyɛ.”

5 Mose 23:20

Mɔkpɔŋ lɛ, hemɔ lɛ nii lɛ he kpa; shi Israelnyo lɛ kaahe lɛ nii he kpa. Nyɛyea mla nɛɛ nɔ, ni Yehowa, nyɛNyɔŋmɔ lɛ, baajɔɔ nɔ fɛɛ nɔ ni nyɛaatsu nɔ yɛ shikpɔŋ ni nyɛyaa nyɛyaŋɔ nɛɛ nɔ.

5 Mose 23:21

“Kɛji owo Yehowa, oNyɔŋmɔ lɛ, shi lɛ kaahã shiwoo lɛ nɔyeli lɛ sɛɛ miitsɛ, ejaakɛ Yehowa, baabi bo nyɔmɔ yɛ shiwoo lɛ he; ni no aaafee esha ehã bo.

Hebribii 10:31

Nyɔŋmɔ hiɛkãalɔ lɛ dɛŋ gbeemɔ yɛ gbeyei pam.