2 Mose 22:22 - ŊMALƐ KRƆŊKRƆŊ LƐ

²² Akawa yoo okulafo loo awusa yi.

Ṅmãle̱ Kroṅkroṅ Le̱

²² Nyekawaä yō-okũlafo ko lo awusã ko yi. Ies. 1,17.

2 Mose 22:22 ပူးပေါင်းရင်းမြစ်များ

Hiob 31:16

Kɛji mikãma ohiafoi anii ni amɛtaoɔ, aloo mihã jeŋ fee okulafo awerɛho,

Hiob 34:28

ni no hewɔ lɛ, amɛhã ohiafoi ayaafo yashɛ eŋɔɔ; ni enu mɛi ni efĩ amɛ lɛ abolɔmɔ.

Lalai 10:14

Shi bo lɛ onaa nii, lɛɛlɛŋ bo lɛ okadiɔ haomɔ kɛ awerɛhoo fɛɛ, koni kɛ mɔ ni bɛ mɔ ko lɛ tu ehe ewo odɛ̃ŋ lɛ, oye obua lɛ, ejaakɛ bo ji awusai abualɔ.

Lalai 34:7

Mɛi ni sheɔ Yehowa gbeyei lɛ Yehowa bɔfo lɛ bɔleɔ amɛhe kɛkpeɔ, ni ejieɔ amɛ.

Abe̱i 22:23

ejaakɛ Yehowa yeɔ amɛsane ehãa amɛ; ni mɛi ni haoɔ amɛ lɛ amɛ hu Yehowa aaahao amɛ.

Abe̱i 23:10

Kaatsi blema husu nɔ̃ okadi hu kɛtee sɛɛ, ni kaaŋɔ awusãi ashikpɔŋ yɛ amɛdɛ̃.

Abe̱i 23:11

Ejaakɛ amɛkpɔ̃lɔ lɛ hewalɔ ni; ni ekɛ bo baaye ehã amɛ.

Yesaia 1:17

Nyɛkasea ekpakpafeemɔ, nyɛtaoa jalɛ sane sɛɛgbɛ; nyɛkwɛa koni akayea amim, nyɛfãa awusa he, ni nyɛwiea nyɛhãa okulafo.”

Yesaia 1:23

Omli lumɔi lɛ etsɔ̃mɔ atuatselɔi kɛ julɔi ananemɛi. Amɛteŋ mɔ fɛɛ mɔ miinya nyɔɔŋnihamɔ he ni amɛhiŋmɛii etsu kɛnyiɛ mɛi adɛŋ nikee sɛɛ. Amɛfãaa awusa he lɛ, amɛyeee okulafo sane amɛhãaa lɛ.

Yesaia 10:2

Mlai nɛɛ hãa atsɔ̃ɔ ohiafo sane hiɛ abuɔ shi, ni akɛshɔɔ mimaŋbii ateŋ ohiafoi lɛ agbɛnaanii yɛ amɛdɛŋ, koni aha okulafoianii, ni ashɔ̃ awusãi agboshinii yɛ amɛdɛŋ.

Yeremia 7:6

kɛji nyɛyeee gbɔ loo awusã loo okulafo amim, ni nyɛshwieee mɔ ko ni efeko nɔ ko lá shi yɛ shikpɔŋ nɛɛ nɔ yɛ biɛ lɛ, ni nyɛyajaaa nyɔŋmɔi krokomɛi nyɛkɛfeee nyɛ diɛŋtsɛ nyɛhe efɔŋ lɛ,

Yeremia 7:7

no lɛ mahã nyɛhi shi yɛ shikpɔŋ nɛɛ ni mijɛ jeeŋmɔ mikɛhã nyɛtsɛmɛi lɛ nɔ kɛya naanɔ.

Ezekiel 22:7

Abuuu tsɛ kɛ nyɛ yɛ omli, ayeɔ gbɔ amim yɛ omli; awaa awusa kɛ okulafo yi yɛ omli.

Zakaria 7:10

Nyɛkawaa okulafo loo awusa loo gbɔ loo ohiafo yi. Ni nyɛteŋ mɔ ko mɔ ko akasusu enyɛmi he efɔŋ ko yɛ emli.’

Maleaki 3:5

Yehowa, Taiatsɛ lɛ, kɛɛ akɛ, “Mibatsi mabɛŋkɛ nyɛ koni makojo gbɔmɛi abii; mikɛ sane baashi mɛi ni sheee mi gbeyei lɛ oya nɔŋŋ, ŋkunyaayelɔi kɛ gbãlãfitelɔi kɛ mɛi ni kãmɔɔ amale kitã lɛ. Nakai nɔŋŋ maye odase mashi mɛi ni shishiuɔ apaafoi yɛ nyɔmɔwoo mli kɛ mɛi ni tsɔ̃ɔ yoo okulafo kɛ awusa kɛ gbɔ sane hiɛ buɔ shi lɛ.”

Mateo 23:14

“Kpoo hã nyɛ, mlatsɔɔlɔi kɛ Farisifoi, osatofoi! Nyɛyeɔ okulafoi agboshinii yɛ amɛdɛŋ, ni nyɛkɛ ablatoo sɔleɔ sɔlemɔi kakadaji. No hewɔ lɛ, nyɛkojomɔ aaafe nine.”]

5 Mose 10:18

Eyeɔ awusã kɛ okulafo sane ehãa amɛ, ni edɔɔ gbɔ he, ni ehãa amɛ nɔ ni amɛaaye kɛ nɔ ni amɛkɛaahã amɛhe.

5 Mose 15:9

Kwɛmɔ koni jwɛŋmɔ gbonyo akaba oyiŋ ni okɛɛ akɛ, ‘Afi ni ji kpawo ni ji heyeli afi lɛ eshɛ etã’ hewɔ lɛ, otũ ohiɛ owo onyɛmi ohiafo lɛ, ni ohãaa lɛ nɔ ni ebaa ebafa lɛ. Kɛji nyɛmi ohiafo nɛɛ fo etsɛ Yehowa lɛ, eeebu bo fɔ.

5 Mose 24:17

“Kaatsɔ̃ gbɔ loo awusã sane hiɛ obu shi; ni kaahe okulafo hebo akɛ awaba.

5 Mose 24:18

Shi nyɛkaia akɛ aye nyɛ nyɔŋ yɛ Ijipt shikpɔŋ lɛ nɔ, ni Yehowa, nyɛNyɔŋmɔ lɛ, kpɔ̃ nyɛ kɛje jɛi; no hewɔ ni miwoɔ nyɛ kitã nɛɛ koni nyɛye nɔ lɛ.

5 Mose 27:19

“‘Alomɔ mɔ ni tsɔ̃ɔ gbɔ kɛ awusã kɛ okulafo sane hiɛ ebuɔ shi.’ Ni maŋ muu lɛ fɛɛ ahere nɔ akɛ, ‘Amen!’

Yakobo 1:27

Nyɔŋmɔjamɔ ni he tse ni ehe bɛ muji ko yɛ Nyɔŋmɔ, Tsɛ lɛ, hiɛ ji enɛ, akɛ mɔ asra awusai kɛ okulafoi yɛ amɛmanehulu lɛ mli, ni ekwɛ ehe nɔ jogbaŋŋ yɛ je nɛɛ mli koni ekawo ehe muji.