2 Mose 22:20 - ŊMALƐ KRƆŊKRƆŊ LƐ

²⁰ “Mɔ fɛɛ mɔ ni aaashi Yehowa sɛɛ ni eeeyashã afɔle ehã nyɔŋmɔ kroko ko yɛ Yehowa sɛɛ lɛ akpãtã ehiɛ butubutu.

Ṅmãle̱ Kroṅkroṅ Le̱

²⁰ Mofẽmo ní aašã afo̱le ahã nyoṅmo̱ ko ye̱ Iehowa se̱ le̱, etšo musu. 5 Mose 13,7-13; 17,2-7.

2 Mose 22:20 ပူးပေါင်းရင်းမြစ်များ

1 Maŋtsɛmɛi 18:40

Kɛkɛ ni Elia fã maŋbii lɛ ekɛɛ, “Nyɛmɔmɔa Baal gbalɔi lɛ; akahã amɛteŋ mɔ kome nɛkɛ miijo foi!” Amɔmɔ Baal gbalɔi lɛ, ni Elia ŋɔ amɛ kɛkpeleke shi kɛtee Kishon Faa lɛ naa, ni eyagbe amɛ yɛ jɛi.

2 Maŋtsɛmɛi 10:25

Ni eba mli akɛ be ni eshã shãa afɔle lɛ egbe naa lɛ, Yehu kɛɛ bulɔi lɛ kɛ asafoiatsɛmɛi lɛ akɛ, “Nyɛyaa ni nyɛyagbea amɛ, nyɛkahãa mɔ ko mɔ ko miije kpo!” Ni amɛgbe amɛ, ni bulɔi lɛ kɛ asraafoi lɛ hole amɛ ni amɛshɛrɛ amɛ amɛshwie kpo lɛ nɔ, kɛkɛ ni amɛyiŋ amɛtee Baal we lɛ pia mli,

2 Kronika 15:13

ni asaŋ mɔ fɛɛ mɔ ni jaaa Israel Nyɔŋmɔ lɛ, mɔ lɛ gbekɛ ni jio, onukpa ni jio, nuu ni jio, yoo ni jio, abaagbe lɛ.

2 Mose 23:9

“Nyɛkawaa gbɔ yi, akɛ ni nyɛle bɔ ni gbɔ tsui nuɔ nii ahe ehãa lɛ, ejaakɛ nyɛ hu nyɛyatsɔ̃mɔ gbɔi yɛ Ijipt dã.”

2 Mose 32:8

Amrɔ nɛɛ nɔŋŋ lɛ amɛje gbɛ ni mitsɔ̃ɔ amɛ lɛ nɔ. Amɛkɛ shika efee tsinabi, ni amɛja lɛ, ni amɛshã afɔlei hu amɛhã lɛ, ni nɔ ni amɛkɛɛ yɛ ehe ji, ‘Israel, naa wɔnyɔŋmɔ ni jie wɔ kɛje Ijipt shikpɔŋ lɛ nɔ lɛ ei!’ ”

2 Mose 34:15

Ni nyɛkɛ shikpɔŋ lɛ nɔ bii lɛ akakpãŋa kpãŋmɔ ko, ejaakɛ kɛji amɛmiija amɛnyɔŋmɔi lɛ, ni amɛshã amɛfɔle lɛ, amɛteŋ mɔ ko aaatsɛ nyɛ, ni nyɛaayaye amɛfɔleshãa niyenii lɛ eko.

Ezekiel 20:7

Mikɛɛ amɛ akɛ, nyɛteŋ mɔ fɛɛ mɔ ashɛrɛ musubɔɔnii ni ehiŋmɛii nyaa he lɛ eshwie; ni nyɛkɛ Ijipt wɔji lɛ akabulea nyɛhe! Mi ji Yehowa nyɛNyɔŋmɔ lɛ!

3 Mose 17:7

Israelbii lɛ akafee amɛhe mɛi ni yeee Yehowa anɔkwa ni amɛshãa afɔlei amɛhãa wɔji ni amɛnyiɛɔ amɛsɛɛ. Enɛ atsɔ̃ akpɔ ni yɔɔ ni kã shi hã amɛ kɛ yinɔi fɛɛ ni baaba yɛ amɛsɛɛ kɛmiiya naanɔ.

3 Mose 19:33

“Kɛ gbɔ ko bato gbɔ yɛ nyɛshikpɔŋ lɛ nɔ lɛ, nyɛkawaa lɛ yi.

Maleaki 3:5

Yehowa, Taiatsɛ lɛ, kɛɛ akɛ, “Mibatsi mabɛŋkɛ nyɛ koni makojo gbɔmɛi abii; mikɛ sane baashi mɛi ni sheee mi gbeyei lɛ oya nɔŋŋ, ŋkunyaayelɔi kɛ gbãlãfitelɔi kɛ mɛi ni kãmɔɔ amale kitã lɛ. Nakai nɔŋŋ maye odase mashi mɛi ni shishiuɔ apaafoi yɛ nyɔmɔwoo mli kɛ mɛi ni tsɔ̃ɔ yoo okulafo kɛ awusa kɛ gbɔ sane hiɛ buɔ shi lɛ.”

4 Mose 21:3

Yehowa bo Israelbii lɛ atoi, ni ehã amɛye Kanaanbii lɛ anɔ kunim, ni amɛkpãtã Kanaanbii amaji lɛ ahiɛ butubutu, ni amɛwo jɛi gbɛi akɛ Horma (eshishi ji niihiɛkpãtãmɔ.)

5 Mose 10:18

Eyeɔ awusã kɛ okulafo sane ehãa amɛ, ni edɔɔ gbɔ he, ni ehãa amɛ nɔ ni amɛaaye kɛ nɔ ni amɛkɛaahã amɛhe.

5 Mose 18:20

Shi gbalɔ ni aaato lɛ diɛŋtsɛ eyiŋ ni ewie wiemɔ ko yɛ migbɛi mli, be mli ni jeee mi mifã lɛ akɛ ewie nakai wiemɔ lɛ, ja agbe lɛ; nakai nɔŋŋ gbalɔ ko ni aaawie yɛ nyɔŋmɔi krokomɛi agbɛi amli hu agbe lɛ.’

5 Mose 23:8

Amɛshwiei ayinɔ ni ji etɛ̃ kɛyaa lɛ nɔ bii baanyɛ amɛba Yehowa gwabɔɔ lɛ mli.

5 Mose 24:17

“Kaatsɔ̃ gbɔ loo awusã sane hiɛ obu shi; ni kaahe okulafo hebo akɛ awaba.