2 Mose 21:6 - ŊMALƐ KRƆŊKRƆŊ LƐ

⁶ no lɛ enuŋtsɔ lɛ kɛ lɛ aya Nyɔŋmɔ hiɛ, ni ehã edamɔ jamɔhe lɛ shinaa lɛ naa loo shinaatso lɛ he, ni enuŋtsɔ lɛ kɛ fitii agbu nyɔŋ lɛ toi, ni nyɔŋ lɛ asɔ̃mɔ enuŋtsɔ lɛ ewala gbii abɔ fɛɛ.

Ṅmãle̱ Kroṅkroṅ Le̱

⁶ no le̱ enuṅtšo̱ le̱ ke̱le̱ aba *Nyoṅmo̱ hĩe, ni asaṅ eke̱le̱ aba šĩnā lo šãnātšo he, ni enuṅtšo̱ le̱ ke̱ fitī agbu etoi; ni esúmo̱le̱ ke̱-ya nāno̱. *22,8. 9. 28. 5 Mose 1,17. Lal. 82.

2 Mose 21:6 ပူးပေါင်းရင်းမြစ်များ

1 Maŋtsɛmɛi 12:7

Amɛhã lɛ hetoo akɛ, “Kɛji ooofee ohe tsulɔ ohã nɛkɛ maŋ nɛɛ, ni ooosɔ̃mɔ, ni ooobo amɛtoi, ni okɛ amɛ aaawie yɛ tsuijurɔ naa lɛ, no lɛ amɛaatsɔ̃mɔ otsuji kɛya naanɔ.”

Lalai 82:1

Naa Nyɔŋmɔ ta ŋwɛi gwabɔɔ wulu lɛŋ; eta nyɔŋmɔi lɛ ateŋ eekojo.

2 Mose 12:12

“Ejaakɛ matsɔ̃ Ijipt shikpɔŋ lɛ nɔ kɛho nakai nyɔɔŋ lɛ mli, ni magbe Ijipt shikpɔŋ lɛ nɔ kromɔbi fɛɛ kromɔbi, gbɔmɔ ni jio, kooloo ni jio, koni mahã Ijipt nyɔŋmɔi lɛ fɛɛ ahe guɔ agbo, mi ji Yehowa.

2 Mose 21:22

“Kɛji hii miinɔ ni amɛkɛ nɔmɔ lɛ yapila yoohɔlɔ, ni emusu lɛ fite, shi eyeee lɛ awui kroko kɛfataaa he lɛ, agbe nuu mɔ ni pila yoohɔlɔ lɛ shika gbele. Yoo wu lɛ aaatsɔ̃ɔ nyɔmɔ ni ekɛfɔ̃ɔ nuu lɛ nɔ nɛ, shi moŋ bɔ ni saneyelɔi lɛ aaatsɔ̃ɔ lɛ nakai nuu lɛ awo.

2 Mose 21:5

Shi kɛji nyɔŋ lɛ gba mli kpoo ekɛɛ akɛ, ‘Miisumɔ minuŋtsɔ lɛ kɛ miŋa kɛ mibii lɛ, ni misumɔɔɔ akɛ mashi amɛ maya mayaye mihe lɛ,’

2 Mose 21:7

“Kɛji nuu ko hɔ̃ɔ ebiyoo akɛ nyɔŋ lɛ, biyoo nɛɛ akatsɔ̃ gbɛ nɔ ni hii nyɔji tsɔ̃ɔ yeɔ amɛhe lɛ nɔ eye ehe.

2 Mose 22:28

“Kaawie oshi Nyɔŋmɔ, ni kaalomɔ maŋ onukpa.

Yesaia 1:26

Mato kojolɔi mahã bo tamɔ eyɔɔ tsutsu ko lɛ, kɛ ajinafoi hu tamɔ blema lɛ. No sɛɛ lɛ, bo Yerusalɛm, aaatsɛ bo jalɛ maŋ.”

3 Mose 25:23

“Akafo shikpɔŋ yibaa ni ahɔ̃ɔ lɛ owura kosɛɛ, ejaakɛ shikpɔŋ lɛ mi minɔ ni; ni nyɛ lɛ miwe kɛ mishĩa mli gbɔi kɛkɛ ji nyɛ.

3 Mose 25:40

shi moŋ etsɔ̃ tamɔ apaafonyo loo gbɔ ni ebadɔmɔ bo. Esɔmɔ bo kɛyashi Nikpɔ̃mɔ Afi lɛ nɔ.

Zefania 3:3

Emli lumɛi lɛ jatai ni huuɔ ni, emli kojolɔi lɛ hu klãji hɔmɔwɔlɔi ni shiii niyenii ko niyenii ko ni je atsɛre nɔ.

5 Mose 1:16

“Miwo nyɛkojolɔi lɛ kitã nakai be lɛ mli, ni mikɛɛ amɛ akɛ, ‘Nyɛkuraa saji ni aaaba nyɛnyɛmimɛi lɛ ateŋ lɛ ni nyɛkojoa mɔ kɛ enyɛmi teŋ loo maŋnyo kɛ gbɔ teŋ sane yɛ jalɛ naa.

5 Mose 15:16

Shi kɛji nyɔŋ lɛ aaakɛɛ bo akɛ esumɔɔɔ akɛ eshi bo, akɛni esumɔɔ bo kɛ owe lɛ ejaakɛ eyɛ jogbaŋŋ yɛ oŋɔɔ lɛ,

5 Mose 15:17

no lɛ ŋɔɔ nyɔŋ lɛ kɛba shinaa lɛ naa, ni akɔ fitii ni akɛgbu nyɔŋ lɛ toi. Enɛ tsɔ̃ɔ akɛ etsɔ̃ onyɔŋ kɛmiiya naanɔ. Nakai nɔŋŋ afee yoo nyɔŋ hu.

5 Mose 16:18

“Nyɛwoa kojolɔi kɛ maŋnɔkwɛlɔi yɛ nyɛmaji fɛɛ ni Yehowa, nyɛNyɔŋmɔ lɛ, hãa nyɛ lɛ amli, yɛ nyɛkutsei lɛ anaa, koni amɛkojo maŋbii ateŋ yɛ jalɛ naa.

1 Samuel 1:22

Shi Hana eyaaa eko ejaakɛ ekɛɛ ewu Elkana akɛ, “Mamɛ kɛyashi matse gbekɛ lɛ fufɔ dani mikɛ lɛ ayapue yɛ Yehowa hiɛ koni ehi jɛi kwraa.”

1 Samuel 27:12

Akish he David eye, ni ekɛɛ yɛ ehe akɛ, “Bɔ ni ehã esane eje emaŋ Israelbii amɛtsine hewɔ lɛ eeesɔmɔ mi daa.”

1 Samuel 28:2

David to he ehã Akish akɛ, “Ojogbaŋŋ, obaana nɔ ni otsulɔ baatsu.” Akish kɛɛ David akɛ, “Mo! Mibafee bo mihebulɔ owalabe fɛɛ.”