2 Mose 20:3 - ŊMALƐ KRƆŊKRƆŊ LƐ

³ “Kaana nyɔŋmɔi krokomɛi yɛ misɛɛ.

Ṅmãle̱ Kroṅkroṅ Le̱

³ Kāná nyoṅmo̱i krokomei ye̱ mise̱. 5 Mose 6,4. 5. 1 Kor. 8,6.

2 Mose 20:3 ပူးပေါင်းရင်းမြစ်များ

1 Maŋtsɛmɛi 11:4

Be ni Solomon gbɔ lɛ, eŋãmɛi lɛ etsake lɛ kwraa, ni ekpa yɛ Yehowa eNyɔŋmɔ lɛ sɛɛ, ni eyayeee Yehowa anɔkwa tamɔ etsɛ David fee lɛ.

Lalai 29:2

Nyɛkɛ anunyam ni sa Yehowa gbɛi lɛ ahãa lɛ. Nyɛkɛ hewulamɔ krɔŋkrɔŋ ajaa Yehowa.

Lalai 73:25

Namɔ miyɔɔ yɛ ŋwɛi fe bo? Ni nɔ ko nɔ ko bɛ shikpɔŋ nɛɛ nɔ ni mitaoɔ yɛ bo osɛɛ.

Lalai 81:10

Mi ji Yehowa, nyɛNyɔŋmɔ lɛ, mɔ ni jie nyɛ kɛje Ijipt shikpɔŋ lɛ nɔ lɛ. Gbɛɛ odaaŋ hatoo ni mawo lɛ obɔ̃ mahã bo.

Lalai 81:9

Nyɔŋmɔ kroko ko kwraa akahi nyɛteŋ; nyɛkajaa maŋsɛɛ nyɔŋmɔ ko kwraa.

2 Mose 15:11

“Namɔ tamɔ Bo, Yehowa, yɛ nyɔŋmɔi lɛ ateŋ? Namɔ tsuɔ nyam nii ni yɔɔ gbeyei kɛ naakpɛɛ?

2 Mose 20:23

Nyɛkafea mihenɔ jwiɛtɛi loo shika amãgãi; nyɛkafea eko eko nyɛhãa nyɛhe koni nyɛja amɛ nyɛfata mihe.

2 Mose 22:19

“Mɔ fɛɛ mɔ ni kɛ kooloo aaawɔ lɛ esa akɛ agbe lɛ.

2 Mose 23:24

Nyɛkajaa ni nyɛkasɔ̃mɔa amɛnyɔŋmɔi lɛ, asaŋ nyɛkakasea gbɔmɛi nɛɛ anifeemɔ nii hu, shi moŋ nyɛbutua amɛnyɔŋmɔi lɛ, ni nyɛkumɔa amɛshiui lɛ butubutu nyɛshwiea shi.

2 Mose 32:8

Amrɔ nɛɛ nɔŋŋ lɛ amɛje gbɛ ni mitsɔ̃ɔ amɛ lɛ nɔ. Amɛkɛ shika efee tsinabi, ni amɛja lɛ, ni amɛshã afɔlei hu amɛhã lɛ, ni nɔ ni amɛkɛɛ yɛ ehe ji, ‘Israel, naa wɔnyɔŋmɔ ni jie wɔ kɛje Ijipt shikpɔŋ lɛ nɔ lɛ ei!’ ”

2 Mose 34:14

“Nyɛkajaa nyɔŋmɔ kroko ejaakɛ Yehowa, ni egbɛi ji ‘Awuŋã’ lɛ, Nyɔŋmɔ ni yeɔ awuŋã ni.

Yesaia 26:4

Nyɛkɛ nyɛhiɛ afɔa Yehowa nɔ daa ejaakɛ Yehowa, Nyɔŋmɔ lɛ, naanɔ tɛsaa ni.

Yesaia 42:8

“Mi, mi ji Yehowa, migbɛi ji no; mikɛ minunyam haŋ mɔ kroko, ni mikɛ miyijiemɔ haŋ amãgãi.

Yesaia 43:10

Yehowa kɛɛ akɛ, “Israelbii, nyɛ ji midasefoi, mɛi ni miŋɔ akɛ mitsuji koni nyɛle mi ni nyɛhe mi nyɛye, ni nyɛnu shishi akɛ, mi, mi koome ji Nyɔŋmɔ. Mi, misɛɛ lɛ, Nyɔŋmɔ ko Nyɔŋmɔ ko bɛ; eko bako dã ni ekoeko baŋ hu.

Yesaia 44:8

Nyɛhe akakpokpoa ni nyɛkashea gbeyei! Ani jeee blema beebe mijɛ mikɛɛ nyɛ, ni nyɛnu kɛjɛ minaa? Nyɛ ji midasefoi! Ani misɛɛ lɛ Nyɔŋmɔ ko yɛ? Tɛsaa ko bɛ he ko he ko, mileee eko.”

Yesaia 46:9

Nyɛkaia blema teteetenii lɛ. Mi nɔŋŋ ji Nyɔŋmɔ, ni mɔ ko mɔ ko bɛ sɛɛ dɔŋŋ. Mi ji Nyɔŋmɔ, ni mɔ ko mɔ ko bɛ ni tamɔ mi.

Yeremia 25:6

Nyɛkasɔ̃mɔa ni nyɛkajaa nyɔŋmɔi krokomɛi, asaŋ nyɛkɛ nyɛniji akafee amãgãi ni nyɛja amɛ nyɛkɛwo mimli la, ni mifee nyɛ efɔŋ.’

Yeremia 35:15

Mitsu mitsuji, ni ji gbalɔi lɛ nyɛŋɔɔ shii abɔ kɛ wiemɔ akɛ, ‘Nyɛteŋ mɔ fɛɛ mɔ ashi ejeŋba gbonyo lɛ sɛɛ koni etsake, ni nyɛkayanyiɛa nyɔŋmɔi krokomɛi asɛɛ ni nyɛsɔ̃mɔ amɛ; ja no dani nyɛaahi shikpɔŋ ni mikɛhãa nyɛ kɛ nyɛtsɛmɛi lɛ nɔ. Shi nyɛbooo mi toi, ni nyɛfeee nɔ ni mikɛɛ lɛ.

Yeremia 7:9

Aso nyɛaaju, ni nyɛaagbe gbɔmɔ, ni nyɛaafite gbãlã, ni nyɛaakãmɔ amale kitãi, ni nyɛaashã tsofakɛŋma nyɛkɛhã Baal, ni nyɛaayaja nyɔŋmɔi krokomɛi ni nyɛleee,

Daniel 3:18

Shi kɛji ehereee wɔ po, Nii, na ole akɛ wɔsɔmɔŋ onyɔŋmɔi lɛ, ni wɔjaŋ shika amãgã ni ofee oma shi lɛ.”

Hosea 13:4

Yehowa kɛɛ, “Mi ji Yehowa, nyɛNyɔŋmɔ lɛ, ni here nyɛyiwala kɛjɛ Ijipt shikpɔŋ lɛ nɔ beebe lɛ. Nyɛleee Nyɔŋmɔ ko akɛ ja mi; ni mi misɛɛ hu lɛ yiwalaherelɔ ko bɛ dɔŋŋ.

Mateo 4:10

Kɛkɛ ni Yesu kɛɛ lɛ akɛ, “Jee mihiɛ, Satan! Ejaakɛ aŋma akɛ, ‘Nuŋtsɔ oNyɔŋmɔ lɛ oja, ni lɛ kɛkɛ osɔ̃mɔ!’ ”

1 Korintobii 8:4

Agbɛnɛ nɔ ni kɔɔ wɔji afɔle nii ayeli he lɛ, wɔle akɛ wɔŋ ko wɔŋ ko jeee fɛifɛi yɛ je nɛɛ mli, ni asaŋ nyɔŋmɔ ko nyɔŋmɔ ko bɛ, akɛ ja Mɔ kome kɛkɛ.

1 Korintobii 8:6

wɔ lɛ, Nyɔŋmɔ kome pɛ wɔyɔɔ, Tsɛ lɛ, mɔ mli ni nibii fɛɛ jɛ ni wɔyɔɔ wɔhã lɛ lɛ, kɛ Nuŋtsɔ kome hu ni ji Yesu Kristo lɛ, mɔ nɔ ni nibii fɛɛ tsɔ̃ kɛba ni wɔ hu wɔtsɔ̃ enɔ lɛ.

Efesobii 5:5

Ejaakɛ nyɛnaa nyɛlea enɛ akɛ, ajwamãŋbɔlɔ ko ajwamãŋbɔlɔ ko loo hiɛjoolɔ ko ni ji wɔŋjalɔ bɛ gbɛfaŋ nɔ yɛ Kristo kɛ Nyɔŋmɔ maŋtsɛyeli lɛ mli.

5 Mose 5:7

“‘Kaana nyɔŋmɔ kroko ko yɛ misɛɛ.

5 Mose 6:14

Nyɛkayasɔmɔa nɔ kroko yɛ lɛ esɛɛ, ni ji majimaji ni jwere nyɛmasɛi lɛ anyɔŋmɔi lɛ;

5 Mose 6:5

Suɔmɔ Yehowa, wɔNyɔŋmɔ lɛ, kɛ otsui fɛɛ kɛ omumɔ fɛɛ kɛ onyɛmɔ fɛɛ.

Filipibii 3:19

Amɛnaagbee ji hiɛkpãtãmɔ, ni amɛmusu taomɔnii ji amɛnyɔŋmɔ, ni amɛhiɛgbele mli amɛnunyam yɔɔ, shikpɔŋ nɔ nii ahe amɛjwɛŋɔ.

Kolosebii 2:18

Nyɛkahãa mɔ ko kɛ taomɔ ni etaoɔ akɛ nyɛkɛ heshibaa jwɛŋmɔ aja ŋwɛi bɔfoi miishɔ̃ nyɛjuromɔnii lɛ yɛ nyɛdɛŋ. Gbɔmɔ ni tamɔ nɛkɛ lɛ, nɔ nɔ ni edamɔ ji ninai, ni eheloo jwɛŋmɔ lɛ hãa ewoɔ ehe nɔ efolo,

Kpojiemɔ 19:10

Ni miho migbee enaji anaa koni maja lɛ. Ni ekɛɛ mi akɛ, “Kwɛ, kaafee nakai! Bo kɛ onyɛmimɛi lɛ ni hiɛ Yesu odase lɛ mli lɛ anaanyo tsulɔ ji mi. Já Nyɔŋmɔ!” Ejaakɛ Yesu he odase lɛ ji gbalɛ mumɔ lɛ.

Kpojiemɔ 22:9

Ni ekɛɛ mi akɛ, “Kwɛ, kaafee nakai! Ejaakɛ bo kɛ onyɛmimɛi lɛ kɛ gbalɔi lɛ kɛ mɛi ni yeɔ nɛkɛ wolo nɛɛ mli wiemɔi lɛ anɔ lɛ anaanyo tsulɔ ji mi. Já Nyɔŋmɔ!”

Kojolɔi 6:10

Mikɛɛ nyɛ akɛ mi ji Yehowa nyɛNyɔŋmɔ lɛ, shi nyɛkashea Amorbii ni yɔɔ amɛshikpɔŋ lɛ nɔ lɛ anyɔŋmɔi lɛ agbeyei.’ Shi nyɛbooo migbee toi.”