2 Mose 20:26 - ŊMALƐ KRƆŊKRƆŊ LƐ

²⁶ Ni okafee atrakpoi owo afɔleshãa latɛ lɛ he koni akana oyayaiaŋ yɛ atrakpoi lɛ kwɔɔ mli.’ ”

Ṅmãle̱ Kroṅkroṅ Le̱

²⁶ Ni okakwo̱ atrakpoi hũ ke̱-mīya mifo̱lešãlate̱ le̱ no̱, koni oyayaiaṅ aka-dše kpo ye̱ no̱.

2 Mose 20:26 ပူးပေါင်းရင်းမြစ်များ

Lalai 89:7

Nyɔŋmɔ ni asheɔ lɛ gbeyei yɛ mɛi krɔŋkrɔŋi agwabɔɔ lɛŋ, Nyɔŋmɔ kpeteŋkple ni he yɔɔ gbeyei fe mɛi fɛɛ ni bɔle lɛ kɛkpe lɛ.

2 Mose 28:42

Okpɛ klala tswakoto ohã amɛ koni amɛwo kɛkete amɛyayaiaŋ kɛjɛ hɛ kɛyashi shuɔ.

2 Mose 28:43

Aaron kɛ ebihii lɛ awo tswakoto nɛɛ kɛji amɛmiiba Kpee Buu lɛ mli aloo kɛ amɛmiibɛŋkɛ afɔleshãa latɛ lɛ he kɛbasɔ̃mɔ yɛ Kpee Buu Krɔŋkrɔŋ lɛ mli koni amɛkaloo musu ni amɛgboi. Enɛ atsɔ̃ akpɔ ni kã shi kɛmiiya naanɔ hã Aaron kɛ eshwiei ni baaba yɛ esɛɛ lɛ.”

Jajelɔ 5:1

Kwɛmɔ jogbaŋŋ kɛji ooya Nyɔŋmɔ We lɛ. Kɛji ooya jɛi oyabo wiemɔ toi lɛ, ehi fe oooya jɛi oyashã afɔle ni kwashiai yaa amɛyashãa lɛ; ejaakɛ amɛleee akɛ amɛmiifee nɔ fɔŋ.

Ezekiel 43:17

Eshishi sɛi lɛ kɛlɛ kɛ elɛɛmɔ fɛɛ afee pɛpɛɛpɛ: ekɛlɛ ninetalɔi nyɔŋma kɛ ejwɛ kɛ elɛɛmɔ hu ninetalɔi nyɔŋma kɛ ejwɛ. Etoi lɛɛmɔ afee ninetalɔ fã, kɛ eshishigbɛ nɔ lɛ ninetalɔ kome kɛbɔle. Atrakpoi ni akwɔɔ kɛyaa afɔleshãa latɛ lɛ nɔ lɛ aye bokãgbɛ.”

3 Mose 10:3

Kɛkɛ ni Mose kɛɛ Aaron akɛ, “Enɛ ji nɔ ni Yehowa tsɔ̃ɔ be ni ekɛɛ akɛ, ‘Mɛi fɛɛ ni sɔ̃mɔɔ mi lɛ esa akɛ abu mi akɛ mɔ krɔŋkrɔŋ; majie minunyam lɛ kpo matsɔ̃ɔ maŋ muu lɛ fɛɛ.’ ” Shi Aaron mua enaa.

1 Petro 1:16

Ejaakɛ aŋma akɛ. “Nyɛfea krɔŋkrɔŋ, ejaakɛ mɔ krɔŋkrɔŋ ji mi.”