2 Mose 20:24 - ŊMALƐ KRƆŊKRƆŊ LƐ

²⁴ Nyɛshɔ̃a su afɔleshãa latɛ nyɛhãa mi, ni no nɔ nyɛshãa afɔlei yɛ, shãa afɔlei kɛ shidaa afɔlei kɛ gwantɛŋi kɛ tsinai lɛ yɛ. He fɛɛ he ni mato mahã nyɛ akɛ aja mi yɛ lɛ, maba nyɛŋɔɔ yɛ jɛi ni majɔɔ nyɛ.

Ṅmãle̱ Kroṅkroṅ Le̱

²⁴ *Sũ-afo̱lešãlate̱ ofe ohãmi, ni ošā̃-afo̱lei le̱ ke̱ ošidā-afo̱lei le̱, ogwanteṅi le̱ ke̱ otšinai le̱ ošã ye̱ no̱; hefẽhe ní mahã akai migbe̱i le̱ ye̱ le̱, †maba oṅõ; ni madšō̱o. *27,1. 8. †29,42. 43. 5 Mose 12,6.

2 Mose 20:24 ပူးပေါင်းရင်းမြစ်များ

1 Mose 12:2

Mahã otsɔ̃ maŋ kpeteŋkple, ni majɔɔ bo, ni mahã ogbɛi ahehee, ni oootsɔ̃ jɔɔmɔ!

2 Samuel 6:12

Abagba Maŋtsɛ David akɛ, “Yehowa ejɔɔ Obed-Edom we lɛ kɛ nɔ fɛɛ nɔ ni eyɔɔ yɛ Kpãŋmɔ Adeka lɛ hewɔ.” No hewɔ lɛ, David tee, ni eyawo Kpãŋmɔ Adeka lɛ yɛ Obed-Edom we lɛ kɛba Yerusalɛm kɛ nyamɔ.

1 Maŋtsɛmɛi 8:29

Ofainɛ, ohiŋmɛi ahi nɛkɛ tsu nɛɛ he nyɔɔŋ kɛ shwane, he ni okɛɛ yɛ he akɛ, ‘Migbɛi aaahi jɛi lɛ’, koni obo mi, otsulɔ, mifai ni mikpaa bo yɛ biɛ nɛɛ toi.

1 Maŋtsɛmɛi 8:43

no lɛ bo lɛ toi yɛ ŋwɛi ni ji oshihilɛhe lɛ, ni ofee nɔ fɛɛ nɔ ni gbɔ lɛ boɔ tsɛɔ bo yɛ he lɛ ohã lɛ. Enɛ baahã shikpɔŋ lɛ nɔ majimaji fɛɛ ale ogbɛi lɛ koni amɛja bo tamɔ omaŋ Israelbii feɔ lɛ. Ni amɛsaa amɛaana amɛle akɛ ogbɛi aŋɔ wo nɛkɛ Sɔlemɔtsu ni mimã kɛhã ojamɔ nɛɛ.

1 Maŋtsɛmɛi 9:3

Yehowa kɛɛ lɛ akɛ, “Minu osɔlemɔ kɛ ofai ni okpa yɛ mihiɛ lɛ. Mitsuu Sɔlemɔ we ni omã nɛɛ he, koni aja mi yɛ jɛi kɛya naanɔ. Mihiŋmɛi kɛ mitsui aaahi he daa.

2 Maŋtsɛmɛi 5:17

Kɛkɛ ni Naaman kɛɛ akɛ, “Kɛji oheee midɛŋ nikee lɛ, belɛ ofainɛ ni ohã ni ahã mi sũ, bɔ ni teji okpɔŋɔi enyɔ aaatere; ejaakɛ kɛjɛ ŋmɛnɛ kɛyaa nɛɛ lɛ, mi otsulɔ, mishaŋ shãa afɔle loo afɔle kroko mihaŋ nyɔŋmɔ ko nyɔŋmɔ ko dɔŋŋ, akɛ ja Yehowa kɛkɛ.

2 Kronika 12:13

Maŋtsɛ Rehoboam nane mɔ shi yɛ Yerusalɛm, ni eye emaŋtsɛ lɛ. Rehoboam eye afii nyɔŋmai ejwɛ kɛ ekome be ni ebɔi emaŋtsɛyeli lɛ, ni eye emaŋtsɛ lɛ afii nyɔŋma kɛ kpawo yɛ Yerusalɛm, ni ji maŋ ni Yehowa diɛŋtsɛ kɔ yɛ Israel shikpɔŋ lɛ nɔ maji fɛɛ ateŋ akɛ he krɛdɛɛ ni aja lɛ yɛ lɛ. Rehoboam nyɛ gbɛi ji Naama, ni Amonyoo ji lɛ.

2 Kronika 6:6

Shi agbɛnɛ mikɔ Yerusalɛm akɛ he ni aja mi yɛ, ni mikɔ David hu akɛ mɔ ni aye mimaŋ Israelbii anɔ.’

2 Kronika 7:16

ejaakɛ miŋɔ Sɔlemɔtsu nɛɛ, ni mitsuu he mifee lɛ krɔŋkrɔŋ koni aja mi yɛ mli kɛya naanɔ. Mihiŋmɛi baakã he, ni mitsui aaakã nɔ, ni mabu he daa.

Ezra 6:12

Nyɔŋmɔ mɔ ni fee shĩa nɛɛ ejamɔhe lɛ abutu maŋtsɛ fɛɛ maŋtsɛ kɛ maŋ fɛɛ maŋ ni aaaka akɛ eeetsake fãmɔ nɛɛ hiɛ aloo akɛ eeekumɔ nɛkɛ Nyɔŋmɔ We nɛɛ ni yɔɔ Yerusalɛm lɛ. Mi, Dario, miwo akpɔ nɛɛ. Aye nɔ pɛpɛɛpɛ.”

Nehemia 1:9

shi kɛji nyɛkpale kɛba miŋɔɔ, ni nyɛye mikitãi lɛ anɔ lɛ, kɛji mɛi ni agbɛ ashwã lɛ yaje jeŋ naagbeehe tete lɛ, mabua amɛnaa kɛaajɛ jɛi tɔ̃ɔ, ni makpala amɛ kɛaaba he ni mito ni aja mi yɛ lɛ.’

Lalai 101:2

Mikɛ nilee baaba mijeŋ koni shwamɔ ko akahi mihe. Te be ni manyɛ enɛ he mashɛ hu? Mikɛ tsui krɔŋŋ aaaba mijeŋ yɛ miwe lɛŋ.

Lalai 122:2

Oo Yerusalɛm, wɔnaji mamɔ ogboi lɛ mli.

Lalai 128:5

Yehowa aaajɛ Zion ajɔɔ bo! Ooona Yerusalɛm shweremɔ lɛ owala gbii abɔ fɛɛ.

Lalai 134:3

Yehowa ni bɔ ŋwɛi kɛ shikpɔŋ lɛ ajɛ Zion ajɔɔ bo!

Lalai 74:7

Ni amɛma Ohe Krɔŋkrɔŋ lɛ naa la, ni amɛbule he ni ajaa bo yɛ lɛ kwrakwra.

Lalai 76:2

Eshihilɛhe yɛ Salem, ni Zion Gɔŋ lɛ nɔ eyɔɔ.

Lalai 78:68

Shi moŋ eŋɔ Yuda akutso lɛ, Zion Gɔŋ lɛ ni esumɔɔ lɛ.

2 Mose 10:25

Shi Mose kɛɛ Farao akɛ, “Ja ohã wɔna kooloi hu ni akɛshãa gbee afɔle kɛ shãa afɔlei wɔhiɛ wɔdɛ̃ ni wɔkɛyashã afɔle wɔhã Yehowa, wɔNyɔŋmɔ lɛ.

2 Mose 18:12

Ni Yetro, Mose shaanuu lɛ, yashã shãa afɔle kɛ afɔlei krokomɛi ehã Yehowa, ni Aaron kɛ Israel onukpai lɛ fɛɛ ba koni amɛ kɛ Mose shaanuu lɛ abaye nii yɛ he krɔŋkrɔŋ lɛ.

2 Mose 20:25

Kɛji nyɛkɛ tɛ miima afɔleshãa latɛ nyɛhã mi lɛ, akɛ tɛ ni ako akama ejaakɛ ŋaa dade naa ni aaasa tɛ lɛ he pɛ ebule lɛ.

2 Mose 24:4

Mose ŋmala Yehowa wiemɔi lɛ fɛɛ eshwie shi. Kɛkɛ ni ete shi leebi maŋkpa, ni ema afɔleshãa latɛ yɛ gɔŋ lɛ shishi, ni ehole tɛi nyɔŋma kɛ enyɔ edamɔ shi yɛ Israel akutsei nyɔŋma kɛ enyɔ lɛ anaa.

2 Mose 24:5

Ni etsu Israelbii lɛ ateŋ oblahii komɛi, ni amɛkɛ tsina hii yashã afɔle kɛ shidaa afɔle amɛhã Yehowa.

2 Mose 27:1

“Okɛ tso lɛ eko akpɛ afɔleshãa latɛ lɛ. Ekɛlɛ afee ninetalɔi enumɔ kɛ elɛɛmɔ hu ninetalɔi enumɔ, ekɛlɛ kɛ elɛɛmɔ aye egbɔ; ekwɔlɛ afee ninetalɔi etɛ̃.

Yesaia 64:5

Ohereɔ mɛi ni kɛ miishɛɛ feɔ jalɛnii, mɛi ni kaiɔ bɔ ni otaoɔ akɛ amɛba amɛjeŋ amɛha lɛ atuu. Omli fu wɔ, shi wɔkã he wɔfee esha lɛ lolo. Yɛ omlifu lɛ sɛɛ lɛ, wɔkã he wɔfee esha lɛ lolo.

3 Mose 17:9

afɔle kroko ehãa Yehowa yɛ he kroko ni ekɛbaaa Kpee Buu lɛ shinaa lɛ naa lɛ, abuŋ lɛ ashiŋ Nyɔŋmɔ maŋbii lɛ anɔ.

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

Mateo 18:20

Ejaakɛ he ni mɛi enyɔ loo mɛi etɛ̃ ebua amɛhe naa yɛ, yɛ migbɛi mli lɛ, miyɛ amɛteŋ yɛ jɛi.”

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

5 Mose 12:11

Nakai be lɛ, he ni Yehowa, nyɛNyɔŋmɔ lɛ eŋɔ akɛ aja lɛ yɛ lɛ, jɛi nyɛkɛ nibii fɛɛ ni miwoɔ nyɛ kitã yɛ he lɛ ayaa. Nibii nɛɛ ji kooloi ni agbeɔ akɛ nyɛfɔlei kɛ afɔlei ni ashãa lɛ kɛ nyɛŋmɔshi nii amlijaa nyɔŋma mli ekomekomei lɛ kɛ nyɛniyenii afɔlei lɛ kɛ nɔ fɛɛ nɔ ni nyɛ diɛŋtsɛ nyɛwo Yehowa shi yɛ he lɛ.

5 Mose 12:21

Kɛji nyɛmaji lɛ kɛ he koome ni Yehowa, nyɛNyɔŋmɔ lɛ, eŋɔ akɛ aja lɛ yɛ jɛi lɛ teŋ jɛkɛ lɛ, no lɛ nyɛgbea nyɛtoi kɛ nyɛtsinai lɛ ni Yehowa kɛduro nyɛ lɛ, yɛ nyɛmaji lɛ amli, koni nyɛye bɔ fɛɛ bɔ ni nyɛaanyɛ tamɔ bɔ ni miwo nyɛ ehe kitã lɛ.

5 Mose 12:5

Shi moŋ he ni Yehowa, nyɛNyɔŋmɔ lɛ, baaŋɔ yɛ nyɛkutsei lɛ fɛɛ mli akɛ jɛi afee eshihilɛhe kɛ he ni aja lɛ yɛ lɛ, jɛi nyɛyaa.

5 Mose 14:23

ni nyɛkɛyaa he koome ni Yehowa diɛŋtsɛ eŋɔ akɛ jɛi aja lɛ yɛ lɛ. Nyɛyayea nyɛtoi kɛ nyɛtsinai akromɔbii kɛ nyɛbele kɛ nyɛmu ni nyɛnu nyɛwain mli mlijaa nyɔŋma mli ekomekomei lɛ yɛ Yehowa, nyɛNyɔŋmɔ lɛ, hiɛ, koni nyɛkɛkase Yehowa, nyɛNyɔŋmɔ lɛ, gbeyeishemɔ nyɛwala gbii abɔ fɛɛ.

5 Mose 16:11

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli kɛ maŋsɛɛ gbɔi kɛ awusãi kɛ okulafoi hu ni yɔɔ nyɛteŋ lɛ. Nyɛyea gbijurɔ nɛɛ yɛ he ni Yehowa, nyɛNyɔŋmɔ lɛ, eŋɔ akɛ jɛi aja lɛ yɛ lɛ.

5 Mose 26:2

okɛ klɛŋklɛŋnii ni obaakpa, yɛ oŋmɔ mli yɛ shikpɔŋ ni Yehowa eŋɔ ehã bo lɛ nɔ lɛ, eko awo kɛntɛŋ mli koni okɛya he koome ni Yehowa, oNyɔŋmɔ lɛ, eŋɔ akɛ jɛi aja lɛ yɛ lɛ.

5 Mose 7:13

Ebaasumɔ nyɛ, ni ebaajɔɔ nyɛ, ni ebaahã nyɛyi afa. Ebaajɔɔ nyɛmusuŋbii hu kɛ nyɛŋmɔshi nibaanii bɔ ni nyɛbele kɛ nyɛwaintsei kɛ mu kɛ nyɛtsinai kɛ nyɛtoi baashwere yɛ shikpɔŋ lɛ ni ewo nyɛtsɛmɛi lɛ shi yɛ he akɛ ekɛbaahã nyɛ lɛ nɔ.

1 Timoteo 2:8

No hewɔ lɛ, miitao akɛ hii asɔle yɛ he fɛɛ he ni amɛhole niji ni he tse nɔ ni mlifu loo naataamɔ akaba mli.