2 Mose 20:23 - ŊMALƐ KRƆŊKRƆŊ LƐ

²³ Nyɛkafea mihenɔ jwiɛtɛi loo shika amãgãi; nyɛkafea eko eko nyɛhãa nyɛhe koni nyɛja amɛ nyɛfata mihe.

Ṅmãle̱ Kroṅkroṅ Le̱

²³ Nyekafea mino̱ dſietei nyoṅmo̱i lo šika nyoṅmo̱i; nyekafea eko nyehãa nyehe.

2 Mose 20:23 ပူးပေါင်းရင်းမြစ်များ

2 Maŋtsɛmɛi 17:33

No hewɔ lɛ, amɛjaa Yehowa, ni asaŋ amɛjaa amɛ diɛŋtsɛ amɛnyɔmɔi lɛ hu, tamɔ bɔ ni eyɔɔ yɛ jeŋmaji ni ayaloo amɛ kɛjɛ mli kɛba lɛ akusumi yɔɔ lɛ.

2 Maŋtsɛmɛi 17:41

No hewɔ lɛ, nɛkɛ jeŋmaji nɛɛ ja Yehowa, shi amɛsɔ̃mɔ amɛmãgãi lɛ hu. Amɛbii kɛ amɛbii abii hu, bɔ ni amɛtsɛmɛi lɛ fee lɛ, nakai nɔŋŋ amɛ hu amɛfeɔ kɛbashi ŋmɛnɛ gbi nɛɛ.

2 Mose 32:31

Ni Mose ku esɛɛ etee Yehowa ŋɔɔ, ni ekɛɛ, “Ao, maŋ nɛɛ efee esha kpeteŋkple diɛŋtsɛ akɛ amɛfee shika amãgã amɛhã amɛhe.

2 Mose 34:17

“Kaafee dade amãgã ko ohã ohe.

Ezekiel 20:39

Nuŋtsɔ Yehowa kɛɛ, “Ao, nyɛ Israel we, (nyɛ lɛ kɛji nyɛboŋ mi toi lɛ, kɛjɛ kɛyaa nɛɛ lɛ) nyɛyaa ni nyɛteŋ mɔ fɛɛ mɔ ayasɔmɔ lɛ diɛŋtsɛ ewɔji lɛ; shi kɛfee sɛɛ lɛ nyɛabo mi toi kɛ̃, ni migbɛi krɔŋkrɔŋ lɛ nyɛkɛ nyɛnikeenii lɛ kɛ nyɛwɔŋjamɔ lɛ babuleŋ lɛ dɔŋŋ.”

Ezekiel 43:8

Amɛmaŋtsɛmɛi lɛ tswa amɛkpoku lɛ yɛ mikpoku lɛ masɛi; ni amɛkɛ amɛshinaatso lɛ ma mishinaatso lɛ masɛi; gbogbo kɛkɛ fo mikɛ amɛteŋ. Amɛkɛ musubɔɔnii ni amɛfee lɛ wo migbɛi krɔŋkrɔŋ lɛ he muji, no hewɔ lɛ, miplene amɛ yɛ mimlifu naa.

Daniel 5:23

shi moŋ owo ohe nɔ yɛ Nuŋtsɔ ni yɔɔ ŋwɛi lɛ hiɛ. Otee oyaloo kpuji kɛ okpolui ni yɔɔ ewe lɛ kɛba, ni bo kɛ onukpai lɛ kɛ oŋamɛi lɛ kɛ ohemɛi lɛ kɛbanu dãa. Enɛ sɛɛ hu lɛ nyɛjie wɔji srɔtoi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ ayi, nibii ni amɛnãaa nii, ni amɛnuuu nii, ni amɛleee nɔ ko nɔ ko lɛ yi. Shi Nyɔŋmɔ lɛ, ni lɛ edɛŋ owala kɛ oyaakɛbaa fɛɛ yɔɔ lɛ, ojieee lɛ moŋ eyi.

Daniel 5:4

Be ni amɛnuɔ dãa lɛ, amɛkafo nyɔŋmɔi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ fɛɛ.

3 Mose 19:4

“Nyɛkayanyiɛa yakayaka wɔji asɛɛ, ni nyɛkafea dade wɔji hu ni ashwie nyɛhã nyɛhe; mi ji Yehowa, nyɛNyɔŋmɔ lɛ.

Zefania 1:5

Mibakpãtã mɛi fɛɛ ni kwɔɔ kɛyaa tsui ayiteiaŋ amɛyajaa hulu kɛ nyɔɔŋtsere kɛ ŋulamii yɛ jɛi lɛ ahiɛ. Mibakpãtã mɛi hu ni kotoɔ Yehowa lɛ, ni amɛkãa lɛ kitã akɛ amɛbaaye lɛ anɔkwa, shi amɛkɛ jemawɔŋ Molek gbɛi lɛ kãa kitã ahiɛ.

5 Mose 27:15

“‘Alomɔ mɔ fɛɛ mɔ ni tsɔ̃ɔ ŋaalɔ nilee nɔ ekɛ su loo tso loo dade feɔ amãgã ni ejaa lɛ yɛ teemɔŋ, ejaakɛ Yehowa miihi.’ Ni maŋ muu lɛ fɛɛ ahere nɔ akɛ, ‘Amen!’

5 Mose 29:17

Nyɛna maji nɛɛ amusubɔɔ nibii ni ji amɛmãgãi ni akɛ tso kɛ tɛ kɛ jwiɛtɛi kɛ shika fee ni amɛyɔɔ yɛ amɛteŋ lɛ.

Kpojiemɔ 22:15

Shi maŋ lɛ sɛɛ lɛ gbei lɛ kɛ sulɔi lɛ kɛ ajwamãŋbɔlɔi lɛ kɛ gbɔmɔgbelɔi lɛ kɛ amãgãjalɔi lɛ kɛ mɔ fɛɛ mɔ ni sumɔɔ amale ni emaleɔ yɔɔ jɛi.

Kojolɔi 17:3

Mika kɛ jwiɛtɛi kukuji akpe kɛ oha lɛ ku sɛɛ hã enyɛ. Kɛkɛ ni enyɛ kɛɛ, “Mijie jwiɛtɛi nɛɛ yɛ midɛŋ, ni mijɔɔ nɔ mihã Yehowa yɛ mibi lɛ hewɔ; akɛfee amãgã ni akpɛ kɛ nɔ ni ashwie; enɛ hewɔ lɛ mikɛmiiku sɛɛ mahã bo.”