2 Mose 20:2 - ŊMALƐ KRƆŊKRƆŊ LƐ

² “Mi ji Yehowa, oNyɔŋmɔ lɛ, ni mi mijie bo yɛ nyɔŋyeli mli kɛjɛ Ijipt shikpɔŋ lɛ nɔ lɛ.

Ṅmãle̱ Kroṅkroṅ Le̱

² Midsi Iehowa, o-Nyoṅmo̱ le̱, ní dšieo ke̱-dše̱ Mizraim šikpoṅ le̱ no̱, ke̱-dše̱ nyṍdši awe le̱.

2 Mose 20:2 ပူးပေါင်းရင်းမြစ်များ

1 Maŋtsɛmɛi 18:39

Be ni maŋ lɛ fɛɛ na nɔ ni eba lɛ, amɛkɛ amɛhiɛiaŋ bumɔ shi, ni amɛbolɔ amɛkɛɛ, “Yehowa lɛ, lɛ ji Nyɔŋmɔ! Yehowa lɛ, lɛ ji Nyɔŋmɔ!”

2 Maŋtsɛmɛi 17:12

Ni amɛja wɔji ni tsɛbelɛ Yehowa ewo amɛ shi yɛ he akɛ, “Nyɛkafea nɛkɛ nɔ ko” lɛ.

2 Maŋtsɛmɛi 17:7

Samaria gbee shi, ejaakɛ Israelbii lɛ fee esha shi Yehowa, amɛNyɔŋmɔ, mɔ ni kpɔ̃ amɛ kɛjɛ Farao, Ijipt maŋtsɛ lɛ dɛŋ, ni ejie amɛ kɛjɛ Ijipt shikpɔŋ lɛ nɔ lɛ. Ejaakɛ amɛyaja nyɔŋmɔi krokomɛi moŋ.

2 Kronika 28:5

Ahaz jeŋba nɛɛ hewɔ lɛ, Yehowa, eNyɔŋmɔ lɛ, ŋmɛɛ ehe ehã Siria maŋtsɛ ni ebaye enɔ kunim yɛ ta mli, ni eŋɔ Yudabii babaoo diɛŋtsɛ nom kɛtee Damasko. Nakai nɔŋŋ Israel maŋtsɛ lɛ hu baye Ahaz nɔ kunim, ni ekpãtã Yudabii ahiɛ musúmusú,

Lalai 50:7

Oo mimɛi, nyɛboa toi, mibawie. Oo Israel, maye odase mashi bo. Mi ji Naa Nyɔŋmɔ, oNyɔŋmɔ lɛ.

Lalai 81:10

Mi ji Yehowa, nyɛNyɔŋmɔ lɛ, mɔ ni jie nyɛ kɛje Ijipt shikpɔŋ lɛ nɔ lɛ. Gbɛɛ odaaŋ hatoo ni mawo lɛ obɔ̃ mahã bo.

Lalai 81:11

“Shi mimaŋ lɛ booo migbee toi; Israel baaa ehe shi ehãaa mi.

Lalai 81:7

Nyɛhaomɔ mli lɛ, nyɛtsɛ mi, ni mihere nyɛ. Mihere nyɛ yɛ ŋwɛi shiimɔhe lɛ. Mika nyɛ mikwɛ yɛ Meriba nu lɛ he.

2 Mose 13:14

Kɛji nyɛbii bi nyɛ wɔsɛɛ ko akɛ, ‘Ni te gbijurɔ nɛɛ shishi hu lɛ,’ nyɛkɛa amɛ akɛ, ‘Nineshiwalɛ naa Yehowa jie wɔ kɛje Ijipt he ni aye wɔ nyɔŋ yɛ lɛ.

2 Mose 13:3

Mose kɛɛ Israelbii lɛ akɛ, “Nyɛkaia nɛkɛ gbi nɛɛ, ni ji gbi nɔ ni nyɛje Ijipt nyɔŋyeli shishi lɛ, ejaakɛ nineshiwalɛ naa Yehowa jie nyɛ kɛje jɛi. No hewɔ lɛ, nyɛkayea masha nii.

2 Mose 15:13

Osuɔmɔ ni tsakeee lɛ naa lɛ okpala maŋ ni okpɔ̃ nɛɛ. Ohewalɛ naa lɛ otsɔ̃ɔ amɛ gbɛ kɛshɛ oshihilɛhe krɔŋkrɔŋ lɛ.

2 Mose 15:16

Gbeyei kɛ ŋmiŋmi eloo amɛ, onineshi tsiimɔ sɔŋŋ ehã amɛmu shi dɛoo kɛyaashi beyinɔ ni Yehowa, omaŋ lɛ aaaho, kɛyaashi mɛi ni okpɔ̃ lɛ aaaho.

2 Mose 15:26

ni ekɛɛ, “Kɛji nyɛaaye Yehowa, ni ji nyɛNyɔŋmɔ lɛ, gbee nɔ kadikadi, ni nyɛaafee nɔ ni ja gbɛ yɛ ehiɛ, ni nyɛaaye ekpɔi kɛ kitãi fɛɛ anɔ lɛ, no lɛ helai ni mihã ye Ijiptbii lɛ eko eko yeŋ nyɛ, ejaakɛ mi ji Yehowa, nyɛtsalɔ lɛ.”

2 Mose 20:1

Ni Nyɔŋmɔ wie wiemɔi nɛɛ fɛɛ ekɛɛ:

2 Mose 29:46

Ni amɛaana amɛle akɛ mi ji Yehowa, amɛNyɔŋmɔ lɛ, mɔ ni jie amɛ kɛje Ijipt shikpɔŋ lɛ nɔ koni mahi amɛteŋ lɛ; mi Yehowa, amɛNyɔŋmɔ lɛ.”

2 Mose 6:6

No hewɔ lɛ, kɛɛmɔ Israelbii lɛ akɛ mikɛɛ, ‘Mi ji Yehowa, ni majie nyɛ, ni mawo Ijiptbii lɛ ajatsu lɛ yɛ nyɛkuɛ nɔ, ni mahere nyɛ kɛje nyɔŋ ni amɛyeɔ nyɛ lɛ mli. Mikɛ mihewalɛ aaakpɔ̃ nyɛ, ni no nɔŋŋ mikɛaagbala Ijiptbii lɛ atoi.

Yesaia 43:3

Ejaakɛ mi ji Yehowa, oNyɔŋmɔ lɛ, Israel Mɔ Krɔŋkrɔŋ, oYiwalaherelɔ lɛ. Miŋɔ Ijipt miha akɛ okpɔmɔnii; miŋɔ Kush kɛ Sheba miha mikɛtsake bo.

Yeremia 16:14

Yehowa kɛɛ akɛ, “Naa, be miiba ni akɛ Yehowa gbɛi kãŋ kitã lɛ, akɛŋ hu dɔŋŋ akɛ, ‘Mina Yehowa, mɔ ni jie Israelbii kɛje Ijipt shikpɔŋ lɛ nɔ lɛ,’

Yeremia 2:6

Amɛbiii akɛ, ‘Nɛgbɛ Yehowa mɔ ni jie wɔ kɛje Ijipt shikpɔŋ lɛ nɔ lɛ yɔɔ, mɔ ni nyiɛ wɔhiɛ yɛ ŋa lɛ nɔ, mɔ ni nyiɛ wɔhiɛ yɛ shiaŋa kɛ enɔ buibui lɛ nɔ, shikpɔŋ ko ni nu bɛ nɔ ni enɔ ewo duŋ kpii, shikpɔŋ ko ni mɔ ko mɔ ko nyɛɛɛ nɔ atsɔ̃ kɛho, he ni mɔ ko mɔ ko nyɛɛɛ ahi lɛ?’

Yeremia 31:1

Yehowa kɛɛ akɛ, “Be ko miiba, ni nakai be lɛ mibatsɔ̃ Israel akutsei lɛ fɛɛ aNyɔŋmɔ, ni amɛ hu amɛbaatsɔ̃ miwebii.

Yeremia 31:33

Kpãŋmɔ hee ni mikɛ Israel baakpãŋ yɛ nakai gbi lɛ sɛɛ nɛ: Mibaŋɔ mimla lɛ mawo amɛmli, ni mibaŋmã mlai lɛ mawo amɛtsuii amli, ni mibatsɔ̃ amɛNyɔŋmɔ, ni amɛbaatsɔ mimaŋ.

Yeremia 34:13

“Nɔ ni mi, Yehowa, Israel Nyɔŋmɔ lɛ, kɛɔ nɛ, ‘Mikɛ nyɛblematsɛmɛi lɛ kpãŋ be mli ni miyakpɔ̃ amɛ yɛ Ijipt shikpɔŋ lɛ nɔ, he ni aye amɛ nyɔŋ yɛ lɛ akɛ,

Ezekiel 20:19

Yehowa, mi ji nyɛNyɔŋmɔ; nyɛbaa nyɛjeŋ yɛ mimlai lɛ moŋ anaa; ni nyɛyea mimlai lɛ anɔ pɛpɛɛpɛ.

Ezekiel 20:5

Bɔ ni Nuŋtsɔ Yehowa kɛɛ nɛ, gbi ni miŋɔ Israel lɛ mikã Yakob shwiei lɛ akitã ni mihã amɛle mi yɛ Ijipt shikpɔŋ lɛ nɔ. Mikã amɛ kitã akɛ, ‘Mi ji Yehowa, nyɛNyɔŋmɔ lɛ.’

Ezekiel 20:7

Mikɛɛ amɛ akɛ, nyɛteŋ mɔ fɛɛ mɔ ashɛrɛ musubɔɔnii ni ehiŋmɛii nyaa he lɛ eshwie; ni nyɛkɛ Ijipt wɔji lɛ akabulea nyɛhe! Mi ji Yehowa nyɛNyɔŋmɔ lɛ!

Hosea 12:10

“Mi mikɛ gbalɔi lɛ wie, ni mijie ninaa srɔtoi mitsɔ̃ɔ amɛ; asaŋ mitsɔ̃ amɛnɔ mibubuu mimɛi lɛ abɛi lɛ.

Hosea 13:4

Yehowa kɛɛ, “Mi ji Yehowa, nyɛNyɔŋmɔ lɛ, ni here nyɛyiwala kɛjɛ Ijipt shikpɔŋ lɛ nɔ beebe lɛ. Nyɛleee Nyɔŋmɔ ko akɛ ja mi; ni mi misɛɛ hu lɛ yiwalaherelɔ ko bɛ dɔŋŋ.

3 Mose 11:45

Mi ji Yehowa mɔ ni jie nyɛ kɛjɛ Ijipt shikpɔŋ lɛ nɔ, koni matsɔ̃ nyɛNyɔŋmɔ lɛ. No hewɔ lɛ, nyɛfea nyɛhe krɔŋkrɔŋ, ejaakɛ mɔ krɔŋkrɔŋ ji mi.

3 Mose 19:36

Nyɛhiɛa nsɛnii kpakpai kɛ niŋmɛɛ tɛi kpakpai kɛ nisusumɔ nii kpakpai. Mi ji Yehowa ni jie nyɛ kɛjɛ Ijipt shikpɔŋ lɛ nɔ lɛ.

3 Mose 23:43

koni nyɛshwiei kɛna amɛle akɛ be ni miyakpala Israel kɛje Ijipt shikpɔŋ lɛ nɔ lɛ, asesei amli mihã amɛhi. Mi ji Yehowa, nyɛNyɔŋmɔ lɛ.”

3 Mose 25:38

Mi ji Yehowa, nyɛNyɔŋmɔ lɛ, mɔ ni jie nyɛ kɛje Ijipt shikpɔŋ lɛ nɔ koni maŋɔ Kanaan shikpɔŋ lɛ mahã nyɛ, ni matsɔ̃ nyɛNyɔŋmɔ lɛ.”

3 Mose 25:42

Ejaakɛ Israelbii lɛ mitsuji ni mijie amɛ kɛje Ijipt shikpɔŋ lɛ nɔ ji amɛ; no hewɔ lɛ, ebɛ akɛ ahɔ̃ɔ amɛteŋ mɔ ko akɛ nyɔŋ.

3 Mose 25:55

Ejaakɛ Israelbii lɛ mitsuji ni; amɛ ji mitsuji ni mijie yɛ Ijipt shikpɔŋ lɛ nɔ lɛ. Mi ji Yehowa, nyɛNyɔŋmɔ lɛ.”

3 Mose 26:1

Kɛkɛ ni Yehowa kɛɛ akɛ, “Nyɛkafea amãgãi nyɛhãa nyɛhe, ni nyɛkɛ tɛ akamaa shiu ko, ni nyɛkakpɛa nɔ ko mfoniri yɛ tɛ mli hu nyɛkɛma shi yɛ nyɛshikpɔŋ lɛ nɔ, ni nyɛkoto shi nyɛja lɛ, ejaakɛ mi ji Yehowa, nyɛNyɔŋmɔ lɛ.

3 Mose 26:13

Mi ji Yehowa, nyɛNyɔŋmɔ lɛ, mɔ ni jie nyɛ yɛ Ijipt shikpɔŋ lɛ nɔ koni nyɛkahi shi akɛ amɛnyɔji dɔŋŋ lɛ. Mikumɔ tsei ni akɛwo nyɛ apã lɛ, ni mihã nyɛnyiɛ ni apã kãaa nyɛkuɛ.”

Amos 2:10

Mijie nyɛ yɛ Ijipt shikpɔŋ lɛ nɔ, ni mikpala nyɛ afii nyɔŋmai ejwɛ sɔŋŋ yɛ shiaŋa lɛ nɔ kɛba koni nyɛbaŋɔ Amorbii lɛ ashikpɔŋ lɛ.

Romabii 10:12

Ejaakɛ srɔto ko bɛ Yudanyo kɛ Helanyo teŋ; ejaakɛ Nuŋtsɔ kome amɛ fɛɛ amɛyɔɔ, ni niiatsɛ hu ji lɛ ha mɛi fɛɛ ni boɔ tsɛɔ lɛ lɛ.

Romabii 3:29

Aloo Nyɔŋmɔ lɛ Yudafoi kɛkɛ aNyɔŋmɔ ni? Ani jeee jeŋmaji lɛ hu aNyɔŋmɔ ni? Hɛɛ, jeŋmaji lɛ hu aNyɔŋmɔ

5 Mose 13:10

Atswia lɛ tɛi ni egbo, ejaakɛ eetao akɛ akpala nyɛ kɛje Yehowa, nyɛNyɔŋmɔ lɛ sɛɛ, mɔ ni jie nyɛ kɛje Ijipt shikpɔŋ lɛ nɔ, he ni aye nyɛ nyɔŋ yɛ lɛ.

5 Mose 15:15

Kaimɔ akɛ bo hu kulɛ nyɔŋ ji bo yɛ Ijipt shikpɔŋ lɛ nɔ, ni Yehowa kpɔ̃ bo. No hewɔ ni miwoɔ bo nɛkɛ kitã nɛɛ ŋmɛnɛ gbi nɛɛ lɛ.

5 Mose 20:1

“Kɛji nyɛmiiya nyɛkɛ nyɛhenyɛlɔi ayawu ta, ni nyɛna amɛkpɔŋɔi kɛ tawuu shwiilii kɛ tabilɔi babaoo ni ayi fa fe nyɛ lɛ, nyɛkashea gbeyei, ejaakɛ Yehowa, nyɛNyɔŋmɔ lɛ, ni yakpɔ̃ nyɛ yɛ Ijipt shikpɔŋ lɛ nɔ lɛ kɛ nyɛ yɛ.

5 Mose 5:15

Nyɛkaia akɛ nyɛ hu nyɔji ji nyɛ yɛ Ijipt shikpɔŋ lɛ nɔ, ni Yehowa, nyɛNyɔŋmɔ lɛ, kɛ nineshiwalɛ yakpɔ̃ nyɛ kɛje jɛi yɛ ehewalɛ naa. No hewɔ ni Yehowa, nyɛNyɔŋmɔ lɛ, wo nyɛ kitã akɛ nyɛye hejɔɔmɔ gbi lɛ akɛ gbi krɔŋkrɔŋ lɛ.

5 Mose 5:6

‘Mi ji Yehowa, oNyɔŋmɔ lɛ, mi mijie bo yɛ nyɔŋyeli mli kɛje Ijipt shikpɔŋ lɛ nɔ lɛ.

5 Mose 7:8

Shi moŋ suɔmɔ ni esumɔɔ nyɛ hewɔ, shi bɔ ni afee ni eye shi ni ewo nyɛtsɛmɛi lɛ nɔ lɛ, no hewɔ ni Yehowa kɛ nineshiwalɛ jie nyɛ, ni ekpɔ̃ nyɛ kɛje nyɔŋ ni Ijipt maŋtsɛ lɛ yeɔ nyɛ lɛ mli lɛ.

Kojolɔi 2:1

Agbɛnɛ Yehowa bɔfo jɛ Gilgal kɛba Bokim ni ebakɛɛ Israelbii lɛ akɛ, “Mijie nyɛ kɛjɛ Ijipt ni mikɛ nyɛ ba shikpɔŋ ni mikã nyɛtsɛmɛi lɛ akitã yɛ he lɛ nɔ, ni mikɛɛ: ‘Mikuŋ mikpãŋmɔ ni mi kɛ nyɛ ekpãŋ lɛ mli gbi ko gbi ko,

Kojolɔi 6:10

Mikɛɛ nyɛ akɛ mi ji Yehowa nyɛNyɔŋmɔ lɛ, shi nyɛkashea Amorbii ni yɔɔ amɛshikpɔŋ lɛ nɔ lɛ anyɔŋmɔi lɛ agbeyei.’ Shi nyɛbooo migbee toi.”