2 Mose 20:18 - ŊMALƐ KRƆŊKRƆŊ LƐ

¹⁸ Be ni Israelbii lɛ na bɔ ni ŋwɛi shimɔɔ, ni srawa gbalaa, ni tɛtɛrɛmantɛrɛ gbɛɔ, ni gɔŋ lɛ fãa lasu lɛ, amɛshe gbeyei, ni amɛkpokpo, ni amɛdamɔ sɛɛ flɛŋŋ.

Ṅmãle̱ Kroṅkroṅ Le̱

¹⁸ Ni maṅ le̱ fẽ na nyoṅmo̱šimo̱i le̱ ke̱ srawagblamo̱i le̱ ke̱ te̱tre̱mantre̱ gbē̱mo̱ le̱ ke̱ goṅ le̱ ní dšeo̱ lasũ. Ni beni maṅ le̱ na le̱, ame̱gbla amehe ši ni ame̱yadamo̱ se̱ fle̱ṅṅ.

2 Mose 20:18 ပူးပေါင်းရင်းမြစ်များ

1 Mose 15:17

Ni be ni hulu enyɔ shi ni hiɛ ebu lɛ, naa, kukwɛi kɛ emli la ni miifã lasu kɛ kɔti ni miitso gboŋaa batsɔ̃ loi fãfãafãi lɛ ateŋ kɛho.

1 Mose 3:10

Ni Adam kɛɛ, “Minu ohe yɛ trom lɛ mli, ni mishe gbeyei ejaakɛ minyiɛ yayai ni miyatee mihe.”

Lalai 81:7

Nyɛhaomɔ mli lɛ, nyɛtsɛ mi, ni mihere nyɛ. Mihere nyɛ yɛ ŋwɛi shiimɔhe lɛ. Mika nyɛ mikwɛ yɛ Meriba nu lɛ he.

Yeremia 23:23

“Aso kɛji mibɛŋkɛ lɛ no dani Nyɔŋmɔ ji mi? Shi kɛji miyɛ shɔŋŋ lɛ jeee Nyɔŋmɔ ji mi lo?”

5 Mose 18:16

“Gbi ni akpe yɛ Sinai Gɔŋ lɛ he lɛ, nyɛkpa Yehowa, nyɛNyɔŋmɔ lɛ, fai nyɛkɛɛ akɛ, ‘Wɔnyɛŋ wɔnu Yehowa, wɔNyɔŋmɔ lɛ, diɛŋtsɛ gbee aloo wɔna enunyam ni kpɛlɛɔ nyramnyram lɛ dɔŋŋ koni wɔkagboi.’

5 Mose 4:36

Ŋwɛi tɔ̃ɔ ehã nyɛnu egbee kɛjɛ koni ekɛtsɔse nyɛ; ni ehã nyɛna ela kpeteŋkple lɛ yɛ shikpɔŋ lɛ nɔ, ni nyɛnu ewiemɔ kɛjɛ la mli.

5 Mose 5:23

“Be ni nyɛnu gbee lɛ kɛjɛ duŋ kpii lɛ mli, be mli ni gɔŋ lɛ tsoɔ kɛ la lɛ, nyɛtsi nyɛbɛŋkɛ mi, nyɛ kɛ akutseiatsɛmɛi kɛ nyɛmaŋ onukpai lɛ fɛɛ,

5 Mose 5:25

Belɛ agbɛnɛ mɛni hewɔ wɔɔgboi? Ejaakɛ nɛkɛ la kpeteŋkple nɛɛ aaaŋala wɔ wɛɛ. Wɔbaagboi kɛji wɔnu Yehowa, wɔNyɔŋmɔ lɛ, gbee ekoŋŋ lɛ.

5 Mose 5:27

No hewɔ lɛ, bo tsi obɛŋkɛ Yehowa koni obo nɔ fɛɛ nɔ ni wɔNyɔŋmɔ lɛ aaakɛɛ lɛ toi ni obakɛɛ wɔ nɔ fɛɛ nɔ ni Yehowa, wɔNyɔŋmɔ lɛ, kɛ bo aaawie. Wɔbaabo toi, ni wɔbaafee hu.’

5 Mose 5:5

Mi lɛ, nakai be lɛ mli lɛ, midamɔ Yehowa kɛ nyɛ teŋ koni majaje Yehowa wiemɔi lɛ matsɔ̃ɔ nyɛ, ejaakɛ la lɛ hewɔ lɛ nyɛshe gbeyei, ni nyɛkwɔɔɔ gɔŋ lɛ. “Yehowa kɛɛ akɛ,