2 Mose 20:17 - ŊMALƐ KRƆŊKRƆŊ LƐ

¹⁷ “Ohiɛ akakɔ̃ onaanyo nɔ ko nɔ, eshĩa jio, eŋa jio, ewenuu jio, eweyoo jio, etsina jio, eteji jio, enɔ kroko jio, ohiɛ akakɔ̃ nɔ.”

Ṅmãle̱ Kroṅkroṅ Le̱

¹⁷ Ohĩe akakõ onanyo šĩa no̱. Ohĩe akakõ onanyo ṅã, lo ewenū, lo eweyō, lo etšina, lo etedši, alo noko ní dši onanyo nõ no̱. Rom. 7,7; 13,9.

2 Mose 20:17 ပူးပေါင်းရင်းမြစ်များ

1 Mose 14:23

akɛ kɛjɛ kpãa nɔ aahu kɛyashi tokota naa kpãa nɔ, nɔ fɛɛ nɔ ni ji onɔ lɛ, kɛji mikɔ eko fii! Koni okakɛɛ akɛ, ‘Mi, mifee Abram niiatsɛ.’

1 Mose 3:6

No hewɔ lɛ be ni yoo lɛ na akɛ tso lɛ hi hã yeli ni efeɔ hiŋmɛi akɔnɔ ni tso lɛ baa mɔ tsine ni ehãa mɔ leɔ nii lɛ, etse enɔ yibii lɛ eko ni eye ni ehã ewu lɛ ni kɛ lɛ yɔɔ lɛ hu eko ni eye.

1 Mose 34:23

Amɛkooloo kui kɛ amɛnii ni amɛyɔɔ kɛ amɛshĩa kooloi fɛɛ lɛ, ani jeee wɔnii ebaatsɔmɔ? Nyɛhãa wɔkpɛ̃lɛa nɔ wɔhãa amɛ kɛkɛ koni amɛkɛ wɔ ahi shi.”

Hiob 31:1

Mikã mihiŋmɛi kitã ni no hewɔ lɛ, te aaafee tɛŋŋ mahã oblayoo foro he afee mi akɔnɔ hu?

Hiob 31:9

Kɛji minaanyo ŋa he efee mi akɔnɔ pɛŋ, ni miyawo ka yɛ minaanyo shinaa shi pɛŋ lɛ,

Lalai 10:3

Ejaakɛ mɔ fɔŋ lɛ eshwãa efɔ̃ɔ etsuiŋ sɛɛdii nibii anɔ; ni amimyelɔ lomɔɔ, ni ekwaa Yehowa.

Lalai 119:36

Hã mashwe omlai lɛ anɔyeli fe ninamɔ.

Abe̱i 4:23

Ohiɛ akã otsui he fe nii fɛɛ; ejaakɛ no mli wala jɛɔ.

Abe̱i 6:29

Nakai eji hã nuu ni nyiɛɔ mɔ kroko ŋa sɛɛ; mɔ ko mɔ ko bɛ ni aaata ehe ni eeeye ehe kɔkɔɔkɔ.

Jajelɔ 4:8

No ji mɔ ko ni ebɛ mɔ ko mɔ ko, ebɛ bi lɛ, ebɛ nyɛminuu hu, kɛ̃lɛ ekpaaa deŋmegbomɔ, ni nii ni ena hu esaaa ehiɛ. Gbɔmɔ nɛɛ biko ehe dã akɛ, “Kwɛ, namɔ kwraa hewɔ ni migboɔ deŋme, ni mikamaa mihe jeŋ ŋɔɔmɔ nɛɛ?” Enɛ hu yakanii ni, kɛ awerɛho sane fɛɛ.

Yesaia 33:15

Mɔ ni feɔ jalɛnii, ni ewieɔ nɔ ni ja, mɔ ni nyaaa wieyeli mli nii he, ni eheee nyɔɔŋ nii, mɔ ni tsimɔɔ etoi koni ekanu láshishwiemɔ yiŋtoi ahe, ni eŋamɔɔ ehiŋmɛii koni ekana nɔfɔŋfeemɔ lɛ,

Yesaia 57:17

Nɔ sha ni yɔɔ ehiɛkɔ̃ɔ lɛ mli hewɔ lɛ, mimli wo la; migwao lɛ, ni mikɛ mihiɛ tee lɛ, ni mimli fu; shi etee nɔ ekwa mi, ni eye etsui naa sane.

Yeremia 22:17

Shi bo lɛ, ohiŋmɛi kɛ otsui kã juukɛfɔ̃ nii kɛ mɛi ni efeko efɔŋ lá shishwiemɔ nɔ. Ni owaa mɛi ayi keketee.

Yeremia 5:8

Okpɔŋɔhii ni alɛ amɛ jogbaŋŋ ni, ni eko fɛɛ eko bolɔɔ kɛnyiɛɔ enaanyo ŋa sɛɛ.

Ezekiel 33:31

Ni amɛbuaa amɛhenaa kɛbaa oŋɔɔ akɛ maŋ, ni amɛbataraa ohiɛ akɛ mimaŋbii, ni amɛboɔ owiemɔ lɛ toi, shi amɛyeee nɔ. Ejaakɛ amɛsumɔɔ gbɔmɔ kɛ amɛnaabu, shi amɛkɛ amɛtsui fɔɔ amɛsɛɛnamɔ nɔ.

Mika 2:2

Amɛhiɛ kɔ̃ɔ ŋmɔji anɔ, ni amɛshɔ̃ɔ; amɛhiɛ kɔ̃ɔ shĩai anɔ, ni amɛŋɔɔ. Mɔ ko mɔ ko gboshinii kɛ ewe fɛɛ bɛ shweshweeshwe.

Habakuk 2:9

Kpoo hã mɔ ni etsɔ̃ gbɛ fɔŋ nɔ ena nii ehã ewe, ni ebɔ mɔdɛŋ eyama etsu yɛ he ko grɔŋŋ bɔ ni afee ni efee shweshweeshwe koni efɔŋ ko akasa ehe lɛ.

Mateo 20:15

Aloo mibɛ hegbɛ akɛ mikɛ mi diɛŋtsɛ minii feɔ nɔ ni misumɔɔ? Ani mimlihilɛ lɛ hewɔ ohiŋmɛi etsu nɛɛ?’

Mateo 5:28

Shi mi lɛ, miikɛɛ nyɛ akɛ, mɔ fɛɛ mɔ ni kwɛɔ yoo ni ehe feɔ lɛ akɔnɔ lɛ, ekɛ lɛ efite gbãlã momo yɛ etsui mli.

Luka 12:15

Ni ekɛɛ amɛ akɛ, “Nyɛkwɛa jogbaŋŋ ni nyɛhiɛ ahia nyɛhe nɔ yɛ hiɛjoomɔi srɔtoi fɛɛ ahe; ejaakɛ jeee gbɔmɔ nii ni ena ni eteke nɔ lɛ mli ewala yɔɔ.”

Luka 16:14

Farisifoi lɛ hu ni ji shika suɔlɔi lɛ nu nii nɛɛ fɛɛ, ni amɛye lɛ ahi.

Bɔfoi 20:33

Mihiɛ ekɔ̃ɔɔ nyɛteŋ mɔ ko jwiɛtɛi loo shika loo atade nɔ.

Bɔfoi 5:4

Ani be ni eyɔɔ lɛ, jeee bo onɔ ni? Ni be ni ohɔ̃ɔ hu lɛ, shika lɛ jee bo diɛŋtsɛ onɔ ni? Mɛɛba oto nɛkɛ yiŋ? Jeee gbɔmɛi omale otsɔ̃ɔ nɛɛ, shi Nyɔŋmɔ moŋ.”

Romabii 13:9

Ejaakɛ kɛji akɛɛ akɛ, “Kaafite gbãlã! Kaaju! Ohiɛ akakɔ̃ nɔ ko nɔ!” Ni kɛ kitã kroko hu yɛ lɛ, fɛɛ hɔ nɛkɛ wiemɔ nɛɛ ni ji “Suɔmɔ onaanyo tamɔ bɔ ni osumɔɔ bo diɛŋtsɛ ohe” lɛ mli.

Romabii 7:7

Belɛ te wɔɔkɛɛ tɛŋŋ? Aso Mla lɛ esha ni? Dabida! Shi moŋ jeee Mla lɛ hewɔŋ kulɛ mileee esha; ejaakɛ kulɛ mileee nɔ ni ji hiɛkɔ̃ɔ, kɛjeee Mla lɛ kɛɛ akɛ, “Ohiɛ akakɔ̃ nii anɔ.”

1 Korintobii 6:10

loo julɔi loo hiɛjoolɔi loo dãatɔlɔi loo mɛi ajɛlɔi loo ojotswalɔi anine shɛŋ Nyɔŋmɔ maŋtsɛyeli lɛ nɔ.

Efesobii 5:3

Shi ajwamãŋbɔɔ kɛ nyaŋemɔ nitsumɔ fɛɛ loo hiɛjoomɔ lɛ akatsĩ tã tete yɛ nyɛteŋ, tamɔ bɔ ni sa mɛi krɔŋkrɔŋi.

Efesobii 5:5

Ejaakɛ nyɛnaa nyɛlea enɛ akɛ, ajwamãŋbɔlɔ ko ajwamãŋbɔlɔ ko loo hiɛjoolɔ ko ni ji wɔŋjalɔ bɛ gbɛfaŋ nɔ yɛ Kristo kɛ Nyɔŋmɔ maŋtsɛyeli lɛ mli.

5 Mose 5:21

“‘Ohiɛ akakɔ̃ onaanyo nɔ ko nɔ ko nɔ; eŋa jio, eshĩa jio, eshikpɔŋ jio, ewenuu jio, eweyoo jio, etsina jio, eteji jio, nɔ fɛɛ nɔ ni ji onaanyo nɔ nɔ.’

5 Mose 7:25

Nyɛmamɔa amɛnyɔŋmɔi ni ji amãgãi lɛ anaa la nyɛshãa. Nyɛhiɛ akakɔ̃a jwiɛtɛi loo shika ni yɔɔ nibii nɛɛ ahe lɛ anɔ ni nyɛŋɔ eko nyɛhã nyɛhe, koni no akafee kaa miihã nyɛ, ejaakɛ musu nii ni hã Yehowa, nyɛNyɔŋmɔ lɛ.

Filipibii 3:19

Amɛnaagbee ji hiɛkpãtãmɔ, ni amɛmusu taomɔnii ji amɛnyɔŋmɔ, ni amɛhiɛgbele mli amɛnunyam yɔɔ, shikpɔŋ nɔ nii ahe amɛjwɛŋɔ.

Kolosebii 3:5

No hewɔ lɛ, nyɛgbea nyɛhenii ni yɔɔ shikpɔŋ lɛ nɔ lɛ: ajwamãŋbɔɔ, nyaŋemɔ nitsumɔ, mlila, akɔnɔ fɔŋ, kɛ hiɛjoomɔ ni ji wɔŋjamɔ lɛ.

Hebribii 13:5

Shikasuɔmɔ akaba nyɛjeŋba mli; ni nyɛmii ashɛ nii ni nyɛyɔɔ lɛ he; ejaakɛ Nyɔŋmɔ diɛŋtsɛ ekɛɛ, “Mishiŋ bo ni misaa mikwaŋ bo gbi ko gbi ko.”

Yoshua 7:21

Mina Babilon mama fɛɛfɛo ko kɛ jwiɛtɛi ni tsiimɔ ji shekeli ohai enyɔ kɛ agbɛnɛ shika ŋmiiŋmi antɛle kome ni tsiimɔ ji shekeli nyɔŋmai enumɔ yɛ ofɔ̃yeli nibii lɛ ateŋ; mihiɛ kɔ̃ nibii nɛɛ anɔ, ni mikɔlɔ. Mikɛ jwiɛtɛi lɛ hɔ nibii nɛɛ ashishi, ni mifu fɛɛ yɛ mibuu lɛ teŋ tuuŋtu.”

1 Samuel 12:3

Mi nɛ; nyɛyea odase nyɛshia mi yɛ Yehowa hiɛ, kɛ emɔ̃ ni efɔ lɛ mu lɛ hu hiɛ. Namɔ tsina mishɔ̃, ni namɔ teji mishɔ̃? Aloo namɔ ojo mitswa, aloo namɔ yi miwa? Ni namɔ dɛŋ mihe nyɔɔŋnii yɛ koni maku mihiɛ mafɔ esane nɔ? Nyɛwiea koo, koni mato nyɛ najiaŋ.”

1 Samuel 15:19

Mɛɛ hewɔ mɔ ni oyabooo Yehowa toi, ni otee oyaha ofɔ̃yeli nii, ni okɛtɔ̃ Yehowa nɔ nɛɛ?”