2 Mose 2:23 - ŊMALƐ KRƆŊKRƆŊ LƐ

²³ Be kplaŋŋ sɛɛ lɛ Ijipt maŋtsɛ lɛ bagbo. Ni Israelbii lɛ dɔmɔ ŋtsɔi yɛ nyɔŋ ni ayeɔ amɛ lɛ hewɔ, ni amɛfo amɛtsɛ Nyɔŋmɔ.

Ṅmãle̱ Kroṅkroṅ Le̱

²³ Ni eba mli ake̱ nakai gbĩĩ pī le̱ amli le̱ Mizraim maṅtše̱ le̱ bagbo, ni Israelbii le̱ dõmo̱ ntšo̱i ye̱ nyṍṅyeli le̱ hewo, ni ame̱fó ame̱tšé̱ Nyoṅmo̱; ni ame-nyṍṅyeli le̱ mli fómo̱-ke̱-tšémo̱ le̱ *yase̱ Nyoṅmo̱ ṅõ. *3,7.

2 Mose 2:23 ပူးပေါင်းရင်းမြစ်များ

1 Mose 16:11

Yehowa bɔfo lɛ tee nɔ ekɛɛ Hagar akɛ, “Naa, ohiɛ musu ni obaafɔ binuu ni gbɛi ni ooowo lɛ ji Ishmael, ejaakɛ Nyɔŋmɔ ena bɔ ni onaa nɔ ni oyoyro lɛ,

1 Mose 4:10

Ni Yehowa kɛɛ lɛ akɛ, “Mɛni ofee nɛɛ? Onyɛmi lɛ la miibolɔ kɛmiijɛ shikpɔŋ sũ mli eetsɛ mi.

Nehemia 9:9

“Ona amanehulu ni wɔtsɛmɛi lɛ na yɛ Ijipt lɛ, ni obo amɛtsɛmɔ ni amɛtsɛ bo lɛ toi yɛ Ŋshɔ Tsuru lɛ naa.

Hiob 35:9

Yiwaa babaoo hãa maŋbii lɛ bolɔɔ; amɛbolɔɔ amɛtsɛɔ yelikɛbuamɔ yɛ ojei ayiwalɛ nifeemɔnii ahewɔ.

Lalai 102:1

Oo, Yehowa, bo misɔlemɔ toi; hã mibolɔmɔ lɛ ashɛ oŋɔɔ.

Lalai 102:2

Mifimɔ gbi lɛ nɔ lɛ, kaaŋɔ ohiɛ otee mi. Ba otoi shi ohã mi. Gbi nɔ ni mabɔlɔ matsɛ bo lɛ, heremɔ mi nɔ nɔŋŋ.

Lalai 12:5

Yehowa kɛɛ akɛ, “Akɛni awaa ohiafoi ayi, ni mɛi ni efĩ amɛ lɛ kɛ̃mɔɔ hewɔ lɛ, agbɛnɛ, mate shi, ni mɔ ni shweɔ yiwalaheremɔ lɛ mahere eyiwala.”

Lalai 18:6

Mifĩmɔ mli lɛ, mitsɛ Yehowa; mibo mitsɛ miNyɔŋmɔ lɛ, koni eye ebua mi. Ejɛ Sɔlemɔ we lɛ tɔ̃ɔ ni enu migbee; ni mibolɔmɔ lɛ bote etoiŋ.

2 Mose 1:14

Amɛhã amɛnaa su, ni amɛfo ntayaa, ni amɛtsu ŋmɔshi nitsumɔi srɔtoi, ni enɛ hã jeŋ shihilɛ je Israelbii lɛ atsine.

2 Mose 4:19

Mose yɛ Midian lolo ni Yehowa kɛɛ lɛ akɛ, “Kuu osɛɛ oya Ijipt, ejaakɛ mɛi ni tao bo agbe lɛ egboi.”

2 Mose 6:5

Agbɛnɛ hu, minu Israelbii ni Ijiptbii lɛ yeɔ amɛ nyɔŋ lɛ akɔmɔyeli blɔmɔ lɛ he, ni mikai mi kɛ amɛteŋ kpãŋmɔ lɛ.

2 Mose 6:9

Mose bɔ Israelbii lɛ amaniɛ, shi amɛbooo Mose toi yɛ amɛwerɛ ni eho amɛhe kɛ amɛnɔ nyɔŋyeli ni naa wa lɛ hewɔ.

2 Mose 7:7

Be ni amɛkɛ Farao yawie nɛɛ lɛ, Mose eye afii nyɔŋmai kpaanyɔ, ni Aaron hu eye afii nyɔŋmai kpaanyɔ kɛ etɛ̃.

Yesaia 19:20

Akulashiŋ nɛɛ baatsɔ̃ okadi kɛ odaseyeli nɔ ahã Yehowa, Taiatsɛ lɛ, yɛ Ijipt shikpɔŋ lɛ nɔ; ni kɛji amɛbolɔ amɛtsɛ Yehowa, Taiatsɛ lɛ, yɛ mɛi ni waa amɛ yi lɛ hewɔ lɛ, eeetsu yiwalaherelɔ kɛba amɛŋɔɔ, ni eeebafã amɛhe, ni eeehere amɛyiwala.

Yesaia 5:7

Israel ji Yehowa, Taiatsɛ lɛ, waintrom lɛ, ni Yudabii lɛ ji waintsei kpakpai ni etɛo lɛ; ni ekwɛ jalɛ saneyeli gbɛ ni naa lashishwiemɔ moŋ ena, ni yɛ ekpakpafeemɔ najiaŋ lɛ, yaafo moŋ afo!

4 Mose 20:16

Wɔfo wɔtsɛ Yehowa, ni ebo wɔ toi, ni etsu bɔfo ni ebajie wɔ kɛje Ijipt. Wɔbashɛ Kadesh amrɔ nɛɛ, ni ji maŋ ni yɔɔ ohusu lɛ naa kpaakpa.

Bɔfoi 7:30

“Shi be ni shɛ afii nyɔŋmai ejwɛ lɛ, Nuŋtsɔ lɛ bɔfo ko bajie ehe kpo etsɔ̃ɔ lɛ yɛ Sinai Gɔŋ lɛ he ŋa lɛ nɔ yɛ ŋmeitso ko lalilɛi mli.

5 Mose 24:15

Wo lɛ gbi lɛ nɔ apaa ni obɔ lɛ lɛ he nyɔmɔ dani hulu anyɔ shi (ejaakɛ ohiafo ji lɛ, ni nakai nyɔmɔwoo lɛ nɔŋŋ ebɔleɔ), koni ekafo etsɛ Yehowa ewo bo, ni no tsɔ̃ esha ehã bo.

Yakobo 5:4

Naa, nitsulɔi ni kpa nyɛŋmɔjiaŋnii lɛ anyɔmɔwoo ni nyɛkɛhãaa amɛ lɛ miibolɔ, ni nikpalɔi lɛ abolɔmɔi lɛ ebabote tai aNuŋtsɔ lɛ toiiaŋ.

Kojolɔi 4:3

Israelbii lɛ bolɔ amɛtsɛ Yehowa koni eye ebua amɛ, ejaakɛ Yabin yɛ dade tayaa shwiilii ohai nɛɛhu, ni ewa Israelbii lɛ ayi waa naakpa afii nyɔŋmai enyɔ sɔŋŋ.

1 Samuel 12:8

Be ni Yakob tee Ijipt ni Ijiptbii lɛ yeɔ nyɛtsɛmɛi lɛ anyɔŋ lɛ, nyɛtsɛmɛi lɛ bolɔ amɛtsɛ Yehowa, ni Yehowa tsu Mose kɛ Aaron ni amɛyajie nyɛtsɛmɛi lɛ yɛ Ijipt kɛba, ni amɛhã amɛbahi biɛ nɛɛ.

1 Samuel 9:16

“Wɔ benɛ mli lɛ mibatsu nuu ko ni jɛ Benyamin akutso lɛ mli oŋɔɔ koni ofɔ lɛ mu, ni owo lɛ mimaŋ Israel maŋtsɛ. Lɛ ebaahere mimaŋbii lɛ yɛ Filistibii lɛ adɛŋ. Mina amɛnɔnaa lɛ, ni minu tsɛmɔ ni amɛtsɛɔ koni ahere amɛ lɛ.”