2 Mose 2:22 - ŊMALƐ KRƆŊKRƆŊ LƐ

²² Zipora fɔ binuu, ni Mose wo lɛ Gershom ejaakɛ ekɛɛ, “Mibato gbɔ yɛ maŋsɛɛ shikpɔŋ nɔ.”

Ṅmãle̱ Kroṅkroṅ Le̱

²² Ni efo̱ binū, ni Mose wole̱ Geršom; edšake̱ ekē̱: Mibato gbo̱ ye̱ maṅse̱ šikpoṅ no̱. 18,3.

2 Mose 2:22 ပူးပေါင်းရင်းမြစ်များ

1 Mose 23:4

“Mɔkpɔŋ ji mi, ni mibato gbɔ yɛ nyɛteŋ. Nyɛhãa mi he ko mahe koni mikɛfee fuuhe ni mato miŋa gbonyo ni kã mihiɛ nɛɛ yɛ jɛi.”

1 Kronika 16:20

ni miitsomlo kɛjɛ maŋ nɔ kɛmiiya maŋ nɔ, kɛjɛ maŋtsɛ kome nɔyeli mli kɛmiiya nɔyeli kroko mli lɛ,

1 Kronika 29:15

Ohiɛ lɛ, gbɔi kɛ mɛi kpɔ̃ji ji wɔ, tamɔ wɔtsɛmɛi lɛ fɛɛ nɔŋŋ. Wɔgbii ni wɔyeɔ yɛ shikpɔŋ lɛ nɔ lɛ hoɔ eyaa tamɔ susuma ni ehiii shi daa lɛ.

Lalai 119:19

Gbɔ ji mi yɛ shikpɔŋ lɛ nɔ; kaaŋɔ okitãi lɛ otee mi.

Lalai 39:12

Oo Yehowa, bo mifaikpamɔ lɛ toi ni ofee toi ohã mikɔmɔyeli lɛ. Mihiɛ yaafonu lɛ hewɔ lɛ kaamua onaa; ejaakɛ oshikpɔŋ nɛɛ nɔ gbɔ kɛkɛ ji mi, mɔkpɔŋ tamɔ mitsɛmɛi lɛ nɔŋŋ.

2 Mose 2:10

Be ni gbekɛ lɛ bada lɛ, yoo lɛ kɛ lɛ tee eyahã Farao biyoo lɛ, ni etsɔ̃ Farao biyoo bi. Ewo lɛ gbɛi akɛ Mose, ni ekɛɛ, “Ejaakɛ mijie lɛ kɛjɛ nu mli.”

2 Mose 22:21

“Akaye gbɔ sane ni ejaaa, ni akawa lɛ yi ejaakɛ nyɛ hu nyɛyatsɔ̃mɔ gbɔi yɛ Ijipt dã.

2 Mose 4:20

Kɛkɛ ni Mose ŋɔ eŋa kɛ ebihii lɛ etara teji nɔ, ni eyiŋ kɛmiiku esɛɛ kɛya Ijipt shikpɔŋ lɛ nɔ, ni Nyɔŋmɔ tso lɛ hiɛ edɛ̃.

3 Mose 25:23

“Akafo shikpɔŋ yibaa ni ahɔ̃ɔ lɛ owura kosɛɛ, ejaakɛ shikpɔŋ lɛ mi minɔ ni; ni nyɛ lɛ miwe kɛ mishĩa mli gbɔi kɛkɛ ji nyɛ.

Bɔfoi 7:29

Ni wiemɔ nɛɛ hewɔ lɛ Mose jo foi, ni eyato gbɔ yɛ Midian shikpɔŋ lɛ nɔ, ni efɔ bihii enyɔ yɛ jɛi.

Kojolɔi 18:30

Danbii lɛ kɛ amãgã ni akpɛ lɛ ma shi hã amɛhe. Yonatan, Mose bi Gershom bi lɛ, kɛ ebihii lɛ ye osɔfo hã Dan akutso lɛ kɛyashi gbi nɔ ni aŋɔ mɛi ni yɔɔ shikpɔŋ lɛ nɔ lɛ nom lɛ.

1 Samuel 1:20

be ni shɛɔ afi naakplɔ lɛ Hana ena musu, ni efɔ binuu. Hana wo abifao lɛ gbɛi akɛ Samuel, ni ekɛɛ, “Ejaakɛ miba lɛ yɛ Yehowa dɛŋ.”