2 Mose 19:9 - ŊMALƐ KRƆŊKRƆŊ LƐ

⁹ Yehowa kɛɛ Mose akɛ, “Miiba oŋɔɔ yɛ atatu kpii mli koni kɛ mi kɛ bo miiwie lɛ, maŋ lɛ anu ni amɛhe bo hu amɛye kɛya naanɔ.”

Ṅmãle̱ Kroṅkroṅ Le̱

⁹ Ni Iehowa kē̱ Mose ake̱: Na, mi le̱ mibaba oṅõ ye̱ atatu kpī mli, koni ke̱ mike̱o mīwie le̱ ní maṅ le̱ anu, ni bo hũ ame̱heo ame̱ye ke̱-ya nāno̱. Ni Mose dšadše maṅ le̱ wiemo̱i le̱ etšõ Iehowa.

2 Mose 19:9 ပူးပေါင်းရင်းမြစ်များ

1 Maŋtsɛmɛi 8:12

Kɛkɛ ni Solomon sɔle ekɛɛ, “Nuŋtsɔ Nyɔŋmɔ, okɛɛ akɛ, ‘Duŋ kpii mli mahi.’

2 Kronika 20:20

Yuda hii lɛ kɛ Yerusalɛm hii lɛ fã enɔ jetsɛremɔ leebi maŋkpa kɛtee Tekoa shiaŋa lɛ nɔ. Shi dani amɛfã lɛ Yehoshafat ho edamɔ shi ni ekɛ ta lɛ wie. Ekɛɛ amɛ akɛ, “Agoo! Yuda hii kɛ Yerusalɛm hii, nyɛhea Yehowa, nyɛNyɔŋmɔ lɛ, nyɛyea, ni nyɛbaanyɛ shi nyɛfi; ni nyɛhea gbalɔi lɛ hu nyɛyea, ni nyɛbaaye omanye.”

2 Kronika 6:1

Kɛkɛ ni Maŋtsɛ Solomon sɔle ni ekɛɛ akɛ, “Yehowa, oto akɛ obaahi atatu duŋ kpii lɛ mli.

Lalai 97:2

Oblɔtu kɛ duŋ kpii ebɔle lɛ kɛkpe! Emaŋtsɛ sɛi lɛ ma jalɛ kɛ jalɛ saneyeli nɔ.

Lalai 99:7

Ekɛ amɛ wie yɛ atatu kutuu lɛ mli; amɛye emlai kɛ akpɔi ni eŋɔ hã amɛ lɛ anɔ.

2 Mose 14:31

Ni Israelbii lɛ na Yehowa hewalɛ wulu ni ejie lɛ kpo etsɔ̃ɔ Ijiptbii lɛ, ni Israelbii lɛ she Yehowa gbeyei, ni amɛhe Yehowa kɛ etsulɔ Mose amɛye.

2 Mose 19:16

Gbi ni ji etɛ̃ lɛ leebi lɛ ŋwɛi shimɔ, ni srawa gbala ni atatu kpii ko baha gɔŋ lɛ nɔ; tɛtɛrɛmantɛrɛ ko gbɛɛ waa naakpa, ni mɛi ni yɔɔ maŋ lɛ shitoohe lɛ fɛɛ kpokpo.

2 Mose 20:21

Shi maŋ lɛ damɔ sɛɛ flɛŋŋ lolo; kɛkɛ ni Mose tsi ebɛŋkɛ duŋ kpii lɛ ni Nyɔŋmɔ yɔɔ mli lɛ.

2 Mose 34:5

Kɛkɛ ni Yehowa kpeleke shi yɛ atatu mli kɛbanina Mose, yɛ he ni edamɔ lɛ, ni Yehowa tsɛ lɛ diɛŋtsɛ egbɛi krɔŋkrɔŋ lɛ.

2 Mose 4:31

Maŋ lɛ he lɛ ye. Ni be ni amɛnu akɛ Yehowa ekwɛ ni ena Israelbii lɛ amanehulu lɛ, amɛmamɔ amɛyitsei ashi ni amɛja.

2 Mose 4:5

Kɛkɛ ni Yehowa kɛɛ Mose akɛ, “Enɛ amɛkɛaahe amɛye akɛ Yehowa, ni ji Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ, ejie ehe kpo etsɔɔ bo.”

Yesaia 19:1

Ijipt toigbalamɔ he gbalɛ nɛ. Naa, Yehowa ta atatu ni hiɛ foi nɔ kɛmiiba Ijipt. Ijipt amãgãi lɛ atsui efã yɛ ehiɛ.

Yesaia 7:9

Israel he waaa fe Samaria, emaŋ wulu lɛ, ni Samaria he waaa fe Maŋtsɛ Peka, Remalia binuu lɛ. Kɛji nyɛheee nyɛyeee lɛ, no lɛ nyɛhiŋ shi akɛ maŋ.”

4 Mose 12:5

Kɛkɛ ni Yehowa kpeleke shi yɛ atatu kutuu lɛ mli, ni ebadamɔ Kpee Buu lɛ shinaa lɛ shi, ni etsɛ Aaron kɛ Miriam. Amɛyi enyɔ lɛ amɛtsi amɛbɛŋkɛ;

Mateo 17:5

Be ni ewieɔ lolo lɛ, naa, atatu halaŋŋ ko bakete amɛnɔ, ni gbee ko jɛ atatu lɛ mli kɛɛ, “Mɔ nɛ ji misuɔmɔ Bi ni minaa ehe tsui lɛ; nyɛboa lɛ toi!”

Marko 9:7

Ni atatu ko bakete amɛnɔ, ni gbee ko jɛ atatu lɛ mli kɛɛ, “Mɔ nɛ ji misuɔmɔ Bi lɛ, nyɛboa lɛ toi!”

Luka 10:16

“Mɔ ni boɔ nyɛ toi lɛ, mi toi eboɔ lɛ, ni mɔ ni kwaa nyɛ lɛ, mi ekwaa lɛ; ni mɔ ni kwaa mi lɛ, mɔ ni tsu mi lɛ ekwaa lɛ.”

5 Mose 4:10

titri lɛ, sane ni ba gbi ni nyɛdamɔ Yehowa, nyɛNyɔŋmɔ lɛ hiɛ yɛ Sinai Gɔŋ lɛ he lɛ, be ni Yehowa kɛɛ mi akɛ, ‘Buamɔ maŋ lɛ naa ohã mi, shi miitao akɛ mahã amɛnu nɔ ni makɛɛ koni amɛkɛkase mi gbeyeishemɔ gbii abɔ ni amɛyɔɔ jeŋ lɛ, asaŋ koni amɛgba amɛbii hu.’

5 Mose 4:36

Ŋwɛi tɔ̃ɔ ehã nyɛnu egbee kɛjɛ koni ekɛtsɔse nyɛ; ni ehã nyɛna ela kpeteŋkple lɛ yɛ shikpɔŋ lɛ nɔ, ni nyɛnu ewiemɔ kɛjɛ la mli.

Kpojiemɔ 1:7

Naa, eeba kɛ atatui lɛ, ni hiŋmɛi fɛɛ hiŋmɛi aaana lɛ kɛ mɛi ni tsulɔ lɛ nii lɛ hu. Ni shikpɔŋ lɛ nɔ akutsei lɛ fɛɛ aaawo yara yɛ ehewɔ. Aba mli nakai. Amen!