2 Mose 19:6 - ŊMALƐ KRƆŊKRƆŊ LƐ

⁶ Mibafee nyɛ osɔfoi abladei, mibafee nyɛ maŋ krɔŋkrɔŋ. Nɔ ni okɛɛ Israelbii lɛ nɛ.’ ”

Ṅmãle̱ Kroṅkroṅ Le̱

⁶ Ši nye le̱, nyeatšo *oso̱foi amaṅtše̱yeli ke̱ maṅ †kroṅkroṅ nyehãmi. Ene̱mei dši wiemoi ní oṅõ-kē̱ Israelbii le̱. *1 Pet. 2,9. Kpods. 1,6. †3 Mose 19,2.

2 Mose 19:6 ပူးပေါင်းရင်းမြစ်များ

1 Maŋtsɛmɛi 3:8

Shi esa akɛ maye omaŋ kpeteŋkple nɛɛ nɔ, maŋ ni bo diɛŋtsɛ ohala, maŋ ni amɛfa babaoo bɔ ni anyɛŋ amɛ akane tete lɛ.

1 Maŋtsɛmɛi 8:53

Ejaakɛ bo diɛŋtsɛ. Nuŋtsɔ Nyɔŋmɔ, oŋɔ amɛ ohã ohe, ni okɛ amɛ fee omaŋ yɛ majimaji lɛ fɛɛ ateŋ, taakɛ owo shi kɛtsɔ̃ Mose nɔ, be ni ojie wɔtsɛmɛi lɛ kɛjɛ Ijipt lɛ.”

1 Kronika 17:22

Ofee Israel bo diɛŋtsɛ omaŋ kɛmiiya naanɔ, ni bo, Yehowa, otsɔ̃ amɛNyɔŋmɔ.

Lalai 114:2

Yuda tsɔ̃ Nuŋtsɔ lɛ maŋ krɔŋkrɔŋ, ni Israel tsɔ̃ lɛ diɛŋtsɛ enɔ.

2 Mose 15:26

ni ekɛɛ, “Kɛji nyɛaaye Yehowa, ni ji nyɛNyɔŋmɔ lɛ, gbee nɔ kadikadi, ni nyɛaafee nɔ ni ja gbɛ yɛ ehiɛ, ni nyɛaaye ekpɔi kɛ kitãi fɛɛ anɔ lɛ, no lɛ helai ni mihã ye Ijiptbii lɛ eko eko yeŋ nyɛ, ejaakɛ mi ji Yehowa, nyɛtsalɔ lɛ.”

2 Mose 22:31

“Nyɛaatsɔ̃ mɛi krɔŋkrɔŋ nyɛhã mi. No hewɔ lɛ, loo ni ŋaŋ kooloo etserɛ lɛ lɛ nyɛkayea, ashɛrɛ ashwie ahã gbei.

2 Mose 28:36

“Otswia shika ŋmiiŋmi fɛtɛfɛtɛ, ni oŋma yɛ nɔ, tamɔ nii ni aŋma yɛ wolonaasɔomɔ nɔ nɔ, akɛ, ‘Afee lɛ krɔŋkrɔŋ ahã Yehowa.’

Yesaia 43:4

Akɛni ojara wa ha mi, ni ohiɛ yɛ nyam, ni misumɔɔ osane hewɔ lɛ, maŋɔ gbɔmɛi maha yɛ onajiaŋ ni maŋɔ majimaji maha kɛtsake bo.

Yesaia 61:6

Shi nyɛ lɛ, aaatsɛ nyɛ Yehowa osɔfoi, ni mɛi aaatsɛ nyɛ wɔNyɔŋmɔ lɛ sɔ̃ɔlɔi. Nyɛaabaye jeŋ maji lɛ anii, ni nyɛmii aaashɛ yɛ jeŋ majiaŋbii lɛ anii lɛ hewɔ.

Yesaia 62:12

Ni ebaatsɛ amɛ akɛ “Maŋ Krɔŋkrɔŋ, Mɛi ni Yehowa ekpɔ̃ amɛ,” ni bo hu aaatsɛ bo, “Mɔ ni ataoɔ esɛɛgbɛ Maŋ ni akwaŋ lɛ dɔŋŋ.”

Yesaia 66:21

“Maŋɔ amɛteŋ mɛi komɛi mafee osɔfoi kɛ Levibii,” Yehowa kɛɛ.

Yeremia 13:11

Bɔ ni hɛŋmɔɔ bo kpɛtɛɔ mɔ he lɛ, nakai mihã Israel kɛ Yuda fɛɛ kpɛtɛ mihe koni amɛtsɔ̃ mimaŋ, koni amɛhã mana gbɛi kɛ yijiemɔ, koni amɛhã mihiɛ aba nyam; shi amɛbooo miwiemɔ toi. Bɔ ni Yehowa kɛɛ nɛ.”

Yeremia 2:3

Mɔ krɔŋkrɔŋ ji Israel hã Yehowa, eŋmãakpamɔ mli klɛŋklɛŋ yibii ni. Mɛi fɛɛ ni aaata ehe lɛ baaye sɔ̃. Ni sane fɔŋ baaye amɛ, Mi, Yehowa, mi mikɛɛ.’ ”

Yeremia 7:23

Shi moŋ miwo amɛ kitã akɛ, ‘Nyɛyea migbee nɔ, ni matsɔ̃ nyɛNyɔŋmɔ, ni nyɛ hu nyɛbaatsɔ̃ mimaŋ; nyɛbaa nyɛjeŋ yɛ kitãi ni miwo nyɛ lɛ anaa, bɔ ni afee ni ahi ahã nyɛ.’

3 Mose 19:2

ni ekɛɛ Israelbii lɛ akɛ, “Nyɛfea nyɛhe krɔŋkrɔŋ, ejaakɛ mi, Yehowa, nyɛNyɔŋmɔ lɛ, mɔ krɔŋkrɔŋ ji mi.

3 Mose 20:24

Shi miwo nyɛ shikpɔŋ kpakpa ni baa nii nɛɛ he shi, ni mikɛbaahã nyɛ akɛ nyɛnɔ. Mi ji Yehowa, nyɛNyɔŋmɔ lɛ. Mijie nyɛ yɛ maji krokomɛi lɛ ateŋ mito afã.

3 Mose 20:26

Nyɛhiɛa nyɛhe krɔŋkrɔŋ nyɛhãa mi pɛ, ejaakɛ mi, Yehowa, mihe tse. Mijie nyɛ yɛ maji krokomɛi lɛ ateŋ mito afã koni nyɛfee mi pɛ minɔ.

3 Mose 21:23

shi muhɔɔ krɔŋkrɔŋ lɛ he kɛkɛ ni ekaba, ni ekatsi ebɛŋkɛ afɔleshãa latɛ lɛ, ejaakɛ kpa yɛ ehe. No hewɔ lɛ, ekawo minii krɔŋkrɔŋi lɛ ahe muji, ejaakɛ mi ji Yehowa ni feɔ amɛ krɔŋkrɔŋ lɛ.”

Amos 3:2

“Jeŋ maji fɛɛ ateŋ lɛ, nyɛ pɛ ji maŋ ni mile, ni no hewɔ lɛ, mibawo nyɛ nibii gbohii ni nyɛfee lɛ ahe nyɔmɔ.”

Hagai 2:5

tamɔ bɔ ni miwo nyɛ shi be ni nyɛshi Ijipt lɛ. Mimumɔ lɛ kɛ nyɛ yɛ, no hewɔ lɛ, nyɛkashea gbeyei.” Yehowa kɛɛ.

4 Mose 16:3

Gbɔmɛi nɛɛ kpe amɛwo Mose kɛ Aaron he, ni amɛkɛɛ amɛ akɛ, “Nyɛmiitsɛ nyɛhe tsɔ̃. Ejaakɛ asafo muu lɛ mli mɔ fɛɛ mɔ lɛ, Yehowa nɔ ni; ni Yehowa kɛ wɔ fɛɛ yɛ. Mɛɛba ni nyɛwoɔ nyɛhe nɔ yɛ Yehowa asafo lɛ nɔ mɔ?”

Romabii 12:1

No hewɔ lɛ, anyɛmimɛi, mikɛ Nyɔŋmɔ mlitsɔlɛ miikpa nyɛ fai akɛ nyɛŋɔ nyɛgbɔmɔtsei lɛ nyɛdamɔ shi akɛ afɔle ni hiɛ kã ni he tse ni sa Nyɔŋmɔ hiɛ; enɛ ji jamɔ ni sa.

1 Korintobii 3:17

Kɛ mɔ ko fite Nyɔŋmɔ Sɔlemɔtsu lɛ, fitemɔ Nyɔŋmɔ aaafite lɛ; ejaakɛ Nyɔŋmɔ Sɔlemɔtsu lɛ yɛ krɔŋkrɔŋ, ni no ji nyɛ.

5 Mose 14:21

“Nyɛkayea kooloo ni lɛ diɛŋtsɛ egbo. Aaanyɛ akɛ kooloo lɛ ahã gbɔ ni nyɛkɛyɔɔ nyɛmaŋ lɛ mli koni eye, aloo ahɔ̃ɔ ahã gbɔ kroko ko, ejaakɛ nyɛ lɛ, Yehowa, nyɛNyɔŋmɔ lɛ, mɛi krɔŋkrɔŋi ji nyɛ. “Nyɛkahoa toobi kɛ lɛ diɛŋtsɛ nɔŋŋ enyɛ fufɔ mli nu.”

5 Mose 26:19

koni yɛ yijiemɔ kɛ gbɛi kɛ anunyam gbɛfaŋ lɛ, Israel agbojee akwɔ fe maji fɛɛ agbojee yɛ je lɛ mli. Oootsɔ̃ Yehowa, oNyɔŋmɔ lɛ, maŋ krɔŋkrɔŋ bɔ ni ekɛɛ lɛ.”

5 Mose 28:9

“Yehowa aaaŋɔ bo, Israel, akɛ lɛ diɛŋtsɛ emaŋ krɔŋkrɔŋ tamɔ bɔ ni ekã bo kitã lɛ, kɛji oye Yehowa, oNyɔŋmɔ lɛ, kitãi lɛ anɔ, ni oba ojeŋ bɔ ni etaoɔ lɛ.

5 Mose 7:6

“Nyɛfea nakai ejaakɛ Yehowa, nyɛNyɔŋmɔ lɛ, eŋɔ nyɛ ehã ehe akɛ emɛi krɔŋkrɔŋ. Eje gbɛ ni eŋɔ nyɛ yɛ majimaji lɛ fɛɛ ateŋ yɛ shikpɔŋ lɛ nɔ koni nyɛtsɔ̃ lɛ diɛŋtsɛ ewebii krɛdɛɛ.

1 Tesalonikabii 5:27

Miikã nyɛ Nuŋtsɔ lɛ kitã akɛ nyɛhãa akanea nɛkɛ wolo nɛɛ atsɔ̃a nyɛmimɛi lɛ fɛɛ!

1 Petro 2:5

Ni nyɛ hu nyɛhãa atswaa nyɛ akɛ tɛi ni hiɛ kãmɔ afea mumɔŋ tsu ni afee nyɛ osɔfoi aweku krɔŋkrɔŋ, koni akɛshã mumɔŋ afɔlei ni sa Nyɔŋmɔ hiɛ yɛ Yesu Kristo hewɔ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

Kpojiemɔ 1:6

ni ekɛ wɔ efee maŋtsɛmɛi kɛ osɔfoi ehã eTsɛ Nyɔŋmɔ lɛ, lɛ aŋɔ anunyam kɛ hewalɛ ahã kɛyashi naanɔi anaanɔ. Amen!

Kpojiemɔ 20:6

Mɔ ni naa gbɛ yɛ klɛŋklɛŋ shitee lɛ mli lɛ ajɔɔ lɛ ni mɔ krɔŋkrɔŋ ji lɛ. Gbele ni ji enyɔ lɛ bɛ hewalɛ ko yɛ nakai mɛi lɛ anɔ; moŋ amɛaatsɔ̃mɔ Nyɔŋmɔ kɛ Kristo osɔfoi, ni amɛkɛ lɛ aaaye maŋtsɛ afii akpe.

Kpojiemɔ 5:10

Ni okɛ amɛ efee maŋtsɛmɛi kɛ osɔfoi ohã wɔNyɔŋmɔ lɛ, ni amɛaaye maŋtsɛ yɛ shikpɔŋ lɛ nɔ.”