2 Mose 19:5 - ŊMALƐ KRƆŊKRƆŊ LƐ

⁵ No hewɔ lɛ, agbɛnɛ kɛji nyɛaabo mi toi, ni nyɛaaye mikpãŋmɔ lɛ nɔ lɛ, no lɛ nyɛaatsɔ̃ mi diɛŋtsɛ minɔ yɛ maji fɛɛ ateŋ; ejaakɛ je lɛ fɛɛ lɛ minɔ ni.

Ṅmãle̱ Kroṅkroṅ Le̱

⁵ Nohewo̱ le̱ agbe̱ne̱ ke̱dši nyeabo migbẽ toi ni nyeye mikpãṅmo̱ le̱ ne̱ le̱, no le̱ nyeatšṍ midientše̱ *minõ ye̱ mãdši fẽ ateṅ; edšake̱ šikpoṅ le̱ fẽ le̱ minõṅ. *5 Mose 7,6.

2 Mose 19:5 ပူးပေါင်းရင်းမြစ်များ

1 Mose 17:9

Asaŋ Nyɔŋmɔ kɛɛ Abraham akɛ, “Yɛ nyɛgbɛfaŋ lɛ, bo kɛ oshwiei ni aaaba yɛ osɛɛ lɛ, nyɛyea mikpãŋmɔ lɛ nɔ yɛ amɛyinɔi lɛ fɛɛ mli.

1 Maŋtsɛmɛi 8:53

Ejaakɛ bo diɛŋtsɛ. Nuŋtsɔ Nyɔŋmɔ, oŋɔ amɛ ohã ohe, ni okɛ amɛ fee omaŋ yɛ majimaji lɛ fɛɛ ateŋ, taakɛ owo shi kɛtsɔ̃ Mose nɔ, be ni ojie wɔtsɛmɛi lɛ kɛjɛ Ijipt lɛ.”

1 Kronika 17:22

Ofee Israel bo diɛŋtsɛ omaŋ kɛmiiya naanɔ, ni bo, Yehowa, otsɔ̃ amɛNyɔŋmɔ.

Hiob 41:11

Namɔ kwraa etsɔ̃ hiɛ efee nɔ ko ehã mi, koni mato lɛ najiaŋ? Nɔ fɛɛ nɔ ni yɔɔ jeŋ lɛ, minɔ ni.

Hiob 41:3

Ani eekpa bo fai babaoo? Aloo ekɛ bo aaawie naajɔlɛ wiemɔi?

Lalai 135:4

Ejaakɛ Yehowa eŋɔ Yakob ehã lɛ diɛŋtsɛ ehe, eŋɔ Israel efee lɛ diɛŋtsɛ enɔ.

Lalai 24:1

Shikpɔŋ lɛ kɛ enɔ nii fɛɛ lɛ, Yehowa nɔ ni; ni je lɛ kɛ mɛi fɛɛ ni yɔɔ mli lɛ, enɔ ni.

Lalai 25:10

Suɔmɔ ni sɛɛ efooo, kɛ anɔkwayeli sɔŋŋ ji Yehowa gbɛi fɛɛ, kɛhã mɛi fɛɛ ni yeɔ ekpãŋmɔ lɛ kɛ ekpɔi lɛ anɔ lɛ.

2 Mose 15:26

ni ekɛɛ, “Kɛji nyɛaaye Yehowa, ni ji nyɛNyɔŋmɔ lɛ, gbee nɔ kadikadi, ni nyɛaafee nɔ ni ja gbɛ yɛ ehiɛ, ni nyɛaaye ekpɔi kɛ kitãi fɛɛ anɔ lɛ, no lɛ helai ni mihã ye Ijiptbii lɛ eko eko yeŋ nyɛ, ejaakɛ mi ji Yehowa, nyɛtsalɔ lɛ.”

2 Mose 23:22

Shi kɛji nyɛye egbee nɔ pɛpɛɛpɛ, ni nyɛfee nɔ ni mikɛɛ nyɛ lɛ fɛɛ lɛ, no lɛ matsɔ̃ henyɛlɔ mahã nyɛhenyɛlɔi, ni mikɛ mɛi ni kɛ nyɛ tswaa baatswa.

2 Mose 24:7

Agbɛnɛ ekɔ kpãŋmɔ wolo lɛ, ni ekane yɛ maŋbii lɛ atoiŋ. Kɛkɛ ni maŋbii lɛ kɛɛ akɛ, “Nii fɛɛ ni Yehowa ekɛɛ lɛ wɔɔfee, ni wɔɔbo lɛ toi.”

2 Mose 34:9

ni ekɛɛ, “Nuŋtsɔ, agbɛnɛ kɛji ona mihe miishɛɛ lɛ, miikpa bo fai akɛ Nuŋtsɔ ahi wɔteŋ kɛya, tsɛbelɛ gbɔmɛi ni kuɛŋ ti ji maŋ nɛɛ. Okɛ wɔtɔ̃mɔi kɛ wɔhe esha afa wɔ koni okɛ wɔ afee onɔ.”

2 Mose 6:7

Maŋɔ nyɛ mafee mi diɛŋtsɛ mimaŋ, ni matsɔ̃ nyɛNyɔŋmɔ, ni nyɛaale akɛ mi ji Yehowa, nyɛNyɔŋmɔ lɛ, ni jie nyɛ yɛ Ijipt nyɔŋyeli lɛ mli lɛ.

2 Mose 8:22

Nakai gbi lɛ matɛ̃ Goshen shikpɔŋ lɛ ni mimaŋ lɛ yɔɔ nɔ lɛ mashi, koni ofɔii lɛ akaya jɛi, bɔ ni afee ni ole akɛ mi ji Yehowa yɛ shikpɔŋ lɛ fɛɛ nɔ.

2 Mose 9:29

Mose kɛɛ Farao akɛ, “Amrɔ pɛ ni maje kpo yɛ maŋ lɛ mli lɛ, mahole miniji anɔ matsɛ Yehowa, ni ŋwɛi shiimɔ lɛ kɛ nyɔŋmɔŋtɛi lɛ asɛɛ aaafo, ni eko eko baŋ dɔŋŋ, koni ona ole akɛ je lɛ Yehowa nɔ ni.

Salomo Lalai 8:12

Miwaintrom, ni ji mi diɛŋtsɛ minɔ lɛ, mikoome minɔ ni. Bo Solomon, ooona akpe lɛ, ni mɛi ni ji apaafoi lɛ aaana ohai enyɔ.

Yesaia 1:19

Kɛji nyɛmiisumɔ, ni nyɛfee toibolɔi lɛ, no lɛ nyɛbaaye shikpɔŋ lɛ nɔ nii kpakpai lɛ.

Yesaia 41:8

Shi bo Israel, mitsulɔ Yakob, mishieŋtsɛ Abraham shwie, ni miŋɔ bo;

Yesaia 43:1

Shi agbɛnɛ Yakob, bɔ ni Yehowa mɔ ni bɔ bo lɛ kɛɛ nɛ. Ao Israel, bɔ ni mɔ ni shɔ̃ bo lɛ kɛɛ nɛ, “Kaashe gbeyei ejaakɛ makpɔ̃ bo. Mikɛ ogbɛi etsɛ bo; mi, minɔ ji bo!

Yesaia 56:4

Osaii ni yeɔ hejɔɔmɔ gbi lɛ, ni amɛfeɔ nii ni sa mihiɛ, ni amɛhiɛɔ mikpãŋmɔ lɛ mli tswɛ lɛ,

Yeremia 10:16

Yakob Nyɔŋmɔ lɛ tamɔɔɔ enɛɛmɛi, ejaakɛ lɛ ji mɔ ni bɔ nii fɛɛ; ni eŋɔ Israel ekɛfee lɛ diɛŋtsɛ emaŋ ni egbɛi ji Yehowa, Taiatsɛ.

Yeremia 13:11

Bɔ ni hɛŋmɔɔ bo kpɛtɛɔ mɔ he lɛ, nakai mihã Israel kɛ Yuda fɛɛ kpɛtɛ mihe koni amɛtsɔ̃ mimaŋ, koni amɛhã mana gbɛi kɛ yijiemɔ, koni amɛhã mihiɛ aba nyam; shi amɛbooo miwiemɔ toi. Bɔ ni Yehowa kɛɛ nɛ.”

Yeremia 7:23

Shi moŋ miwo amɛ kitã akɛ, ‘Nyɛyea migbee nɔ, ni matsɔ̃ nyɛNyɔŋmɔ, ni nyɛ hu nyɛbaatsɔ̃ mimaŋ; nyɛbaa nyɛjeŋ yɛ kitãi ni miwo nyɛ lɛ anaa, bɔ ni afee ni ahi ahã nyɛ.’

Ezekiel 16:8

“Be ni mibatsɔ̃ omasɛi kɛho ekoŋŋ lɛ, naa, mina akɛ oda ni oshɛ gbãlã, ni miha bo mimama lɛ eko ni mikɛtsi oyayai nɔ. Hɛɛ, misumɔ bo kɛha gbãlãshihilɛ, ni mikɛ bo kpãŋ, ni otsɔ̃ minɔ.” Nuŋtsɔ Yehowa kɛɛ.

3 Mose 20:24

Shi miwo nyɛ shikpɔŋ kpakpa ni baa nii nɛɛ he shi, ni mikɛbaahã nyɛ akɛ nyɛnɔ. Mi ji Yehowa, nyɛNyɔŋmɔ lɛ. Mijie nyɛ yɛ maji krokomɛi lɛ ateŋ mito afã.

Amos 3:2

“Jeŋ maji fɛɛ ateŋ lɛ, nyɛ pɛ ji maŋ ni mile, ni no hewɔ lɛ, mibawo nyɛ nibii gbohii ni nyɛfee lɛ ahe nyɔmɔ.”

Amos 6:1

Kpoo hã mɛi ni ahe ejɔ amɛ yɛ Zion, kɛ mɛi ni nyɛsusuɔ akɛ amɛyɛ shweshweeshwe yɛ Samaria Gɔŋ lɛ nɔ, mɛi ni ji lumɛi wuji yɛ maŋ wulu, Israel mli lɛ, mɛi aŋɔɔ ni Israelbii lɛ baa lɛ.

Maleaki 3:17

Yehowa kɛɛ akɛ, “Gbɔmɛi nɛɛ baatsɔ̃mɔ mimɛi, mi diɛŋtsɛ minɔ krɛdɛɛ, gbi nɔ ni mibatsu minii lɛ. Mikɛ amɛhe baake amɛ tamɔ bɔ ni tsɛ Ataa kɛ ebi ni sɔmɔɔ lɛ lɛ he keɔ lɛ lɛ.

1 Korintobii 10:26

ejaakɛ “shikpɔŋ lɛ kɛ emlinii lɛ fɛɛ lɛ, Nuŋtsɔ lɛ nɔ ni.”

1 Korintobii 10:28

Shi kɛji mɔ ko kɛɛ nyɛ akɛ, “Enɛ lɛ akɛshã afɔle ahã amãgã” lɛ, nyɛkayea yɛ mɔ ni tswa adafi lɛ kɛ henilee hewɔ.

5 Mose 10:14

Naa, Yehowa, nyɛNyɔŋmɔ lɛ, ŋwɛi kɛ ŋwɛi amli ŋwɛi lɛ enɔ ni; ni shikpɔŋ lɛ kɛ emli nii lɛ fɛɛ hu enɔ ni.

5 Mose 11:27

Ebaafee jɔɔmɔ ehã nyɛ kɛji nyɛye Yehowa, nyɛNyɔŋmɔ lɛ, kitãi lɛ ni miwoɔ nyɛ ŋmɛnɛ nɛɛ nɔ;

5 Mose 14:2

Ejaakɛ Yehowa je gbɛ eŋɔ nyɛ yɛ shikpɔŋ lɛ nɔ maji fɛɛ ateŋ ehã ehe akɛ lɛ diɛŋtsɛ emaŋ.

5 Mose 14:21

“Nyɛkayea kooloo ni lɛ diɛŋtsɛ egbo. Aaanyɛ akɛ kooloo lɛ ahã gbɔ ni nyɛkɛyɔɔ nyɛmaŋ lɛ mli koni eye, aloo ahɔ̃ɔ ahã gbɔ kroko ko, ejaakɛ nyɛ lɛ, Yehowa, nyɛNyɔŋmɔ lɛ, mɛi krɔŋkrɔŋi ji nyɛ. “Nyɛkahoa toobi kɛ lɛ diɛŋtsɛ nɔŋŋ enyɛ fufɔ mli nu.”

5 Mose 26:18

Yehowa hu egba mli kpoo ekɛɛ bo, ŋmɛnɛ gbi nɛɛ, akɛ lɛ diɛŋtsɛ emaŋ ji bo tamɔ bɔ ni ewo bo shi lɛ, ni eebi bo koni oye ekitãi lɛ fɛɛ nɔ,

5 Mose 26:19

koni yɛ yijiemɔ kɛ gbɛi kɛ anunyam gbɛfaŋ lɛ, Israel agbojee akwɔ fe maji fɛɛ agbojee yɛ je lɛ mli. Oootsɔ̃ Yehowa, oNyɔŋmɔ lɛ, maŋ krɔŋkrɔŋ bɔ ni ekɛɛ lɛ.”

5 Mose 28:1

“Kɛji ooobo Yehowa, oNyɔŋmɔ lɛ, toi, ni ooojwɛŋ nɔ, ni oooye kitãi fɛɛ ni miwoɔ bo ŋmɛnɛ nɛɛ nɔ pɛpɛɛpɛ lɛ, no lɛ Yehowa, oNyɔŋmɔ lɛ, baawo onɔ gojoo fe shikpɔŋ lɛ nɔ maji fɛɛ.

5 Mose 28:9

“Yehowa aaaŋɔ bo, Israel, akɛ lɛ diɛŋtsɛ emaŋ krɔŋkrɔŋ tamɔ bɔ ni ekã bo kitã lɛ, kɛji oye Yehowa, oNyɔŋmɔ lɛ, kitãi lɛ anɔ, ni oba ojeŋ bɔ ni etaoɔ lɛ.

5 Mose 4:20

Shi nyɛ lɛ, Yehowa yakpɔ̃ nyɛ yɛ Ijipt, kɛje dade flɔnɔɔ lɛ mli, koni nyɛbatsɔ̃ lɛ diɛŋtsɛ ewebii tamɔ bɔ ni nyɛyɔɔ ŋmɛnɛ gbi nɛɛ lɛ.

5 Mose 5:2

Yehowa, wɔNyɔŋmɔ lɛ, kɛ wɔ kpãŋ yɛ Sinai.

5 Mose 7:6

“Nyɛfea nakai ejaakɛ Yehowa, nyɛNyɔŋmɔ lɛ, eŋɔ nyɛ ehã ehe akɛ emɛi krɔŋkrɔŋ. Eje gbɛ ni eŋɔ nyɛ yɛ majimaji lɛ fɛɛ ateŋ yɛ shikpɔŋ lɛ nɔ koni nyɛtsɔ̃ lɛ diɛŋtsɛ ewebii krɛdɛɛ.

5 Mose 9:29

Bɔ fɛɛ bɔ ni fee lɛ, bo diɛŋtsɛ omɛi ni oje gbɛ oŋɔ ji amɛ, ni oyakpɔ̃ amɛ yɛ Ijipt shikpɔŋ lɛ nɔ kɛ nineshiwalɛ yɛ ohewalɛ lɛ naa.’

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Hebribii 11:8

Hemɔkɛyeli Abraham kɛbo toi be ni Nyɔŋmɔ tsɛ lɛ lɛ, ni eyiŋ etee he ni baatsɔ̃ enɔ lɛ, ni eyiŋ etee, tsɛ eleee he ni eyaa.

Hebribii 8:9

jeee tamɔ kpãŋmɔ ni mikɛ amɛtsɛmɛi lɛ kpãŋ Gbi nɔ ni mimɔ amɛnine shi ni mikɛ amɛ je Ijipt shikpɔŋ lɛ nɔ lɛ, ejaakɛ amɛyeee mikpãŋmɔ lɛ nɔ. Ni mi hu mijwɛŋŋ amɛnɔ, Nuŋtsɔ lɛ kɛɛ.

Yoshua 24:24

Maŋbii lɛ here Yoshua nɔ akɛ, “Yehowa, wɔNyɔŋmɔ lɛ, lɛ wɔɔsɔ̃mɔ, ni lɛ toi wɔɔbo!”

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

1 Samuel 15:22

Shi Samuel kɛɛ Saul akɛ, “Ani Yehowa nyaa shãa afɔlei kɛ gbee afɔlei ahe fe ni abaabo lɛ toi lo? Naa, toiboo hi fe afɔleshãa, ni ehi fe toi agboi amli fɔ.