2 Mose 19:18 - ŊMALƐ KRƆŊKRƆŊ LƐ

¹⁸ Sinai Gɔŋ muu lɛ fɛɛ miije lasu, ejaakɛ Yehowa ekpeleke shi kɛba gɔŋ lɛ nɔ yɛ la mli. Lasu lɛ fãa kɛyaa ŋwɛi tamɔ flɔnɔɔ mli lasu, ni gɔŋ muu lɛ fɛɛ hoso waa naakpa.

Ṅmãle̱ Kroṅkroṅ Le̱

¹⁸ Ni Sinai goṅ mū le̱ fẽ mīdše lasũ, edšake̱ Iehowa ekpleke ši ke̱-ba ne̱ ye̱ la mli; ni elasũ le̱ fãa ke̱-yaä ṅwei ta-mo̱ flõnõ mli lasũ, ni goṅ mū le̱ fẽ mihoso naakpa.

2 Mose 19:18 ပူးပေါင်းရင်းမြစ်များ

1 Mose 11:5

Kɛkɛ ni Yehowa kpeleke shi kɛba ni ebakwɛ maŋ kɛ mɔɔ ni gbɔmɛi adesai ema lɛ.

1 Mose 15:17

Ni be ni hulu enyɔ shi ni hiɛ ebu lɛ, naa, kukwɛi kɛ emli la ni miifã lasu kɛ kɔti ni miitso gboŋaa batsɔ̃ loi fãfãafãi lɛ ateŋ kɛho.

1 Mose 19:28

ni etsɔ ehiɛ ehã Sodom kɛ Gomora gbɛ kɛ jɔɔ shikpɔŋ lɛ fɛɛ, ni ekwɛ, ni naa, lasu miifã kɛmiijɛ shikpɔŋ lɛ nɔ tamɔ flɔnɔɔŋ lasu.

Nehemia 9:13

Okpeleke shi kɛba Sinai Gɔŋ lɛ nɔ, ni ojɛ ŋwɛi okɛ amɛ wie; ohã amɛ mlai kpakpai kɛ akpɔi kɛ kitãi kpakpai.

Lalai 104:32

Lɛ ji mɔ ni kɛ ekwɛ shikpɔŋ lɛ, shikpɔŋ lɛ hosoɔ, kɛ eta gɔji lɛ ahe lɛ, amɛjeɔ lasu.

Lalai 114:4

Gɔji lɛ tumɔ tamɔ ojwɛnii, ni gɔŋkpɔi lɛ hu tumɔ tamɔ gwantɛŋbii.

Lalai 114:7

Bo shikpɔŋ, ohe akpokpo yɛ Yehowa hiɛ, yɛ Yakob Nyɔŋmɔ lɛ hiɛ,

Lalai 144:5

Oo Yehowa, kpoo oŋwɛi lɛ naa shi koni oyi shi! Taramɔ gɔji lɛ ahe koni amɛje lasu!

Lalai 18:9

Nyɔŋmɔ hã ŋwɛi kpoo enaa shi, kɛkɛ ni lɛ diɛŋtsɛ ebayi shi ni duŋ kabitii yɛ enajiaŋshi.

Lalai 68:9

Oo Naa Nyɔŋmɔ, ohã nu babaoo nɛ, ni okɛtsĩɛ shikpɔŋ ni egbo lɛ hiɛ ohã owebii ni etɔ biti lɛ.

Lalai 77:18

Oŋwɛi shiimɔ lɛ gbɛɛ kɛnyiɛ lasuogbele mli kɛho, ni osrawai kpɛlɛ ni je lɛ mli tse, ni shikpɔŋ lɛ kpokpo, ni ehoso.

Lalai 77:19

Ofo ŋshɔ kwɔŋkwɔŋ lɛ. Onyiɛ kɛtsɔ̃ ŋshɔkei lɛ amli; shi anaaa onanemaamɔhei.

2 Mose 19:13

Mɔ ko mɔ ko nine akata nakai gbɔmɔ lɛ he, shi atswia lɛ tɛ aloo atsɛ̃rɛ lɛ gãi. Kooloo ni jio, gbɔmɔ ni jio, akahã eyi na wala. Shi kɛji akpã tɛtɛrɛmantɛrɛ lɛ, ni esɛɛ tsɛ aahu lɛ, no dani amɛba gɔŋ lɛ he.”

2 Mose 19:17

Kɛkɛ ni Mose kɛ maŋ lɛ je kpo kɛjɛ shitoohe lɛ koni amɛkɛ Nyɔŋmɔ ayakpe, ni amɛyadamɔ gɔŋ lɛ shishi.

2 Mose 20:18

Be ni Israelbii lɛ na bɔ ni ŋwɛi shimɔɔ, ni srawa gbalaa, ni tɛtɛrɛmantɛrɛ gbɛɔ, ni gɔŋ lɛ fãa lasu lɛ, amɛshe gbeyei, ni amɛkpokpo, ni amɛdamɔ sɛɛ flɛŋŋ.

2 Mose 24:17

Yehowa anunyam lɛ, kɛji Israelbii lɛ miikwɛ lɛ, amɛnaa lɛ yɛ gɔŋ lɛ yiteŋ tamɔ la grigri ni kpãtãa nii ahiɛ.

2 Mose 3:2

Kɛkɛ ni Yehowa bɔfo bajie ehe kpo etsɔ̃ɔ lɛ akɛ lalilɛi, yɛ ŋmeitso ko mli. Mose kwɛ ŋmeitso lɛ gãa ejaakɛ eetso nɛ, shi eshãaa.

2 Mose 34:2

Wɔ lɛ osaa ohe, ni oba Sinai Gɔŋ lɛ nɔ okɛ ohe abatsɔ̃ɔ mi yɛ jɛi yɛ gɔŋ lɛ yiteŋ.

Yesaia 6:4

Serafim lɛ abolɔmɔ lɛ ha Sɔlemɔ we lɛ shinai lɛ ashishi hoso, ni Sɔlemɔ we lɛ yi tɔ kɛ lasu.

Yesaia 64:1

Ao, kulɛ otserɛ ŋwɛi mli, ni okpeleke shi koni gɔji lɛ ana bo ni amɛhe akpokpo yɛ ohiɛ,

Yeremia 4:24

Mikwɛ gɔji lɛ, naa, amɛmiihoso, ni gɔ̃ŋkpɔi lɛ miitsi kɛmiiya kɛmiiba.

Habakuk 3:6

Ewa edamɔ shi, ni shikpɔŋ hoso, Ekwɛ, ni maji lɛ ahe kpokpo. Naanɔ gɔji lɛ gbɛ shwã ni naanɔ gɔŋkpɔi lɛ ba shi, yɛ hei ni enyiɛ blema ko lɛ.

Zakaria 14:5

Nyɛbaajo foi kɛtsɔ̃ jɔɔ ni kã migɔŋ ni emli egba enyɔ lɛ mli. Nyɛbaajo foi tamɔ bɔ ni nyɛtsɛmɛi lɛ jo foi be ni shikpɔŋ hoso yɛ Yuda maŋtsɛ Uzia yinɔ lɛ. No sɛɛ lɛ, Yehowa, miNyɔŋmɔ lɛ kɛ emɛi krɔŋkrɔŋi lɛ fɛɛ baaba abapue.

Mateo 24:7

Shi maŋ aaate shi awo maŋ, ni maŋtsɛyeli aaate shi awo maŋtsɛyeli; ni hɔ̃ji kɛ shikpɔŋ hosomɔi aaaba hei srɔtoi.

5 Mose 33:2

Ekɛɛ akɛ, “Yehowa jɛ Sinai Gɔŋ lɛ nɔ ekpɛ kɛjɛ Edom eshwie wɔnɔ; ekpɛ kɛjɛ Paran Gɔŋ lɛ nɔ; ejɛ mɛi krɔŋkrɔŋi akpei nyɔŋma lɛ aŋɔɔ kɛ la plamplam ni ma eninejurɔ nɔ.

5 Mose 4:36

Ŋwɛi tɔ̃ɔ ehã nyɛnu egbee kɛjɛ koni ekɛtsɔse nyɛ; ni ehã nyɛna ela kpeteŋkple lɛ yɛ shikpɔŋ lɛ nɔ, ni nyɛnu ewiemɔ kɛjɛ la mli.

5 Mose 5:22

“Nɛkɛ kitãi nɛɛ Yehowa kɛ gbee ni wa jɛ la lɛ kɛ atatu kpii lɛ mli ewo nyɛsafo muu lɛ fɛɛ yɛ gɔŋ lɛ nɔ; ni ekɛ nɔ ko fataaa he. Kɛkɛ ni eŋma ewo tɛi tɛtɛrɛbii enyɔ nɔ, ni ekɛhã mi.”

5 Mose 5:4

Yehowa jɛ la lɛ teŋ yɛ gɔŋ lɛ nɔ ni ekɛ nyɛ wie hiɛ kɛ hiɛ.

2 Tesalonikabii 1:7

ni nyɛ mɛi ni ahaoɔ nyɛ lɛ, eeehã nyɛ kɛ wɔ fɛɛ hejɔɔmɔ, be ni aaajie Nuŋtsɔ Yesu kpo kɛaajɛ ŋwɛi kɛ ebɔfoi ni yɔɔ hewalɛ lɛ.

2 Tesalonikabii 1:8

Ekɛ lalilɛi aaatɔ owele yɛ mɛi ni leee Nyɔŋmɔ kɛ mɛi ni booo wɔNuŋtsɔ Yesu Kristo Sanekpakpa lɛ toi lɛ anɔ.

Hebribii 12:18

Jeee Sinai Gɔŋ ni tsoɔ kɛ la ni anaa kɛ hiŋmɛi kɛ atatu kpii kɛ duŋ kabitii kɛ ahum,

Hebribii 12:26

Lɛ egbee hoso shikpɔŋ lɛ yɛ no be lɛ mli, shi agbɛnɛ ewo shi ekɛɛ, “Mahoso shikpɔŋ lɛ shi kome ekoŋŋ, ni jeee shikpɔŋ lɛ kɛkɛ, shi ŋwɛi hu.”

2 Petro 3:10

Shi Nuŋtsɔ lɛ Gbi lɛ baaba tamɔ julɔ, ni no mli lɛ ŋwɛi lɛ aaaho aya kɛ gbɛɛmɔ, ni je nɛɛ mli shishijeenii lɛ aaashã ni amɛaatserɛ, ni shikpɔŋ kɛ emli nii lɛ aaashã.

Kpojiemɔ 15:8

Ni Sɔlemɔtsu lɛ yi obɔ̃ kɛ lasu ni jɛ Nyɔŋmɔ anunyam lɛ kɛ ehewalɛ lɛ mli lɛ, ni mɔ ko nyɛ̃ɛɛ Sɔlemɔtsu lɛ mli abote kɛyashi beyinɔ ni aaagbe bɔfoi kpawo lɛ ahaomɔi kpawo lɛ anaa.

Kpojiemɔ 9:2

Ni egbele bu kwɔŋkwɔŋ lɛ naa, ni lasu te shi kɛjɛ bu lɛ mli tamɔ flɔɔnɔɔ kpeteŋkple mli lasu, ni hulu kɛ atatuiaŋ wo duŋ yɛ bu lɛ mli lasu lɛ hewɔ.

Kojolɔi 5:5

Gɔji lɛ hoso yɛ Yehowa hiɛ, nakai nɔŋŋ hu Sinai fee yɛ Yehowa, Israel Nyɔŋmɔ lɛ, hiɛ.