2 Mose 19:11 - ŊMALƐ KRƆŊKRƆŊ LƐ

¹¹ ni amɛsaa amɛhe amɛto gbi ni ji etɛ̃ lɛ, ejaakɛ nakai gbi lɛ Yehowa baakpleke shi kɛba gɔŋ lɛ nɔ yɛ maŋ muu lɛ fɛɛ hiŋmɛiŋ.

Ṅmãle̱ Kroṅkroṅ Le̱

¹¹ ni ame̱sā ame̱he ame̱to gbĩ ní dši gbĩ etẽ le̱; edšake̱ gbĩ ní dši gbĩ etẽ le̱ Iehowa bakpleke ši ye̱ maṅ mū le̱ fẽ hĩe ke̱-ba Sinai goṅ le̱ no̱.

2 Mose 19:11 ပူးပေါင်းရင်းမြစ်များ

1 Mose 11:5

Kɛkɛ ni Yehowa kpeleke shi kɛba ni ebakwɛ maŋ kɛ mɔɔ ni gbɔmɛi adesai ema lɛ.

Nehemia 9:13

Okpeleke shi kɛba Sinai Gɔŋ lɛ nɔ, ni ojɛ ŋwɛi okɛ amɛ wie; ohã amɛ mlai kpakpai kɛ akpɔi kɛ kitãi kpakpai.

Lalai 144:5

Oo Yehowa, kpoo oŋwɛi lɛ naa shi koni oyi shi! Taramɔ gɔji lɛ ahe koni amɛje lasu!

Lalai 18:9

Nyɔŋmɔ hã ŋwɛi kpoo enaa shi, kɛkɛ ni lɛ diɛŋtsɛ ebayi shi ni duŋ kabitii yɛ enajiaŋshi.

2 Mose 19:16

Gbi ni ji etɛ̃ lɛ leebi lɛ ŋwɛi shimɔ, ni srawa gbala ni atatu kpii ko baha gɔŋ lɛ nɔ; tɛtɛrɛmantɛrɛ ko gbɛɛ waa naakpa, ni mɛi ni yɔɔ maŋ lɛ shitoohe lɛ fɛɛ kpokpo.

2 Mose 19:18

Sinai Gɔŋ muu lɛ fɛɛ miije lasu, ejaakɛ Yehowa ekpeleke shi kɛba gɔŋ lɛ nɔ yɛ la mli. Lasu lɛ fãa kɛyaa ŋwɛi tamɔ flɔnɔɔ mli lasu, ni gɔŋ muu lɛ fɛɛ hoso waa naakpa.

2 Mose 19:20

Be ni Yehowa kpeleke shi kɛba Sinai Gɔŋ lɛ yiteŋ lɛ, etsɛ Mose akɛ eba gɔŋ lɛ yiteŋ; ni Mose tee.

2 Mose 24:16

Ni Yehowa anunyam la lɛ kpeleke shi kɛba Sinai gɔŋ lɛ nɔ. Atatu lɛ ye gbii ekpaa ni eha gɔŋ lɛ nɔ, ni gbi ni ji kpawo lɛ Yehowa jɛ atatu lɛ mli etsɛ Mose.

2 Mose 24:17

Yehowa anunyam lɛ, kɛji Israelbii lɛ miikwɛ lɛ, amɛnaa lɛ yɛ gɔŋ lɛ yiteŋ tamɔ la grigri ni kpãtãa nii ahiɛ.

2 Mose 3:8

Naa, mikpeleke shi miba amɛ jiemɔ yɛ Ijiptbii lɛ adɛŋ, koni makpala amɛ kɛshi Ijipt kɛya shikpɔŋ kpakpa ni da, ni yɔɔ frɔ̃frɔ̃ ni niyenii pii yɔɔ nɔ lɛ nɔ, he ni Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii yɔɔ lɛ.

2 Mose 34:2

Wɔ lɛ osaa ohe, ni oba Sinai Gɔŋ lɛ nɔ okɛ ohe abatsɔ̃ɔ mi yɛ jɛi yɛ gɔŋ lɛ yiteŋ.

2 Mose 34:5

Kɛkɛ ni Yehowa kpeleke shi yɛ atatu mli kɛbanina Mose, yɛ he ni edamɔ lɛ, ni Yehowa tsɛ lɛ diɛŋtsɛ egbɛi krɔŋkrɔŋ lɛ.

4 Mose 11:17

Mibakpeleke shi mikɛ bo abawie yɛ jɛi, ni maŋɔ mumɔ ni mikɛhã bo lɛ eko mahã amɛ hu koni amɛwa bo kɛtere maŋ lɛ jatsu lɛ bɔ ni afee ni okome okatere.

Yohane 3:13

Ni mɔ ko ekwɔko kɛyako ŋwɛi, akɛ ja mɔ ni jɛ ŋwɛi kpeleke shi lɛ, Gbɔmɔ Bi lɛ ni yɔɔ ŋwɛi lɛ.

Yohane 6:38

Ejaakɛ jeee mi diɛŋtsɛ misuɔmɔnaa nifeemɔ hewɔ mijɛ ŋwɛi miba, shi moŋ mɔ ni tsu mi lɛ suɔmɔnaa nifeemɔ hewɔŋ.

5 Mose 33:2

Ekɛɛ akɛ, “Yehowa jɛ Sinai Gɔŋ lɛ nɔ ekpɛ kɛjɛ Edom eshwie wɔnɔ; ekpɛ kɛjɛ Paran Gɔŋ lɛ nɔ; ejɛ mɛi krɔŋkrɔŋi akpei nyɔŋma lɛ aŋɔɔ kɛ la plamplam ni ma eninejurɔ nɔ.

5 Mose 4:10

titri lɛ, sane ni ba gbi ni nyɛdamɔ Yehowa, nyɛNyɔŋmɔ lɛ hiɛ yɛ Sinai Gɔŋ lɛ he lɛ, be ni Yehowa kɛɛ mi akɛ, ‘Buamɔ maŋ lɛ naa ohã mi, shi miitao akɛ mahã amɛnu nɔ ni makɛɛ koni amɛkɛkase mi gbeyeishemɔ gbii abɔ ni amɛyɔɔ jeŋ lɛ, asaŋ koni amɛgba amɛbii hu.’

Yoshua 3:5

Yoshua kɛɛ maŋbii lɛ akɛ, “Nyɛtsua nyɛhe ejaakɛ wɔ lɛ Yehowa baafee naakpɛɛ nii yɛ nyɛteŋ.”