2 Mose 19:10 - ŊMALƐ KRƆŊKRƆŊ LƐ

¹⁰ Yehowa kɛɛ Mose akɛ, “Yaa maŋbii lɛ aŋɔɔ, ni otsuu amɛhe ŋmɛnɛ kɛ wɔ ni ohã amɛfɔ amɛtadei ahe,

Ṅmãle̱ Kroṅkroṅ Le̱

¹⁰ Ni Iehowa kē̱ Mose ake̱: Ya maṅ le̱ ṅõ, ni otšū ame̱he ṅme̱ne̱ ke̱ wó̱, ni ohã ame̱fo̱ ametadei ahe,

2 Mose 19:10 ပူးပေါင်းရင်းမြစ်များ

1 Mose 35:2

No hewɔ lɛ, Yakob kɛɛ ewe lɛ kɛ mɛi fɛɛ ni kɛ lɛ yɔɔ lɛ akɛ, “Nyɛjiea maŋsɛɛ wɔji ni yɔɔ nyɛteŋ lɛ nyɛshɛraa nyɛshwiea, ni nyɛtsua nyɛhe ni nyɛtsakea nyɛtadei.

2 Samuel 19:24

Mefiboshet, Saul nabi lɛ hu ba ebakpee maŋtsɛ lɛ. Kɛjɛ be ni maŋtsɛ lɛ shi Yerusalɛm lɛ, Mefiboshet fɔko enaji ahe dã lɛ, eshɛko etsɛŋ lɛ, etadei hu efɔko he dã, kɛjɛ gbi nɔ ni maŋtsɛ lɛ yiŋ etee kɛbashi gbi nɔ ni maŋtsɛ lɛ ku esɛɛ eba shweshweeshwe lɛ.

2 Kronika 29:34

Shi akɛ ni osɔfoi lɛ ayi eyafaaa bɔ ni amɛaanyɛ kooloi ni akɛbaashã shãa afɔle lɛ fɛɛ ahe woji amɛkpɔlɔ hewɔ lɛ, amɛnyɛmimɛi Levibii lɛ wa amɛ kɛyashi agbe nitsumɔ lɛ fɛɛ naa. Nakai be lɛ mli nɔŋŋ lɛ, osɔfoi lɛ ekomɛi yatsuu amɛhe, ni amɛbamɔ nitsumɔ lɛ mli.

2 Kronika 29:5

ni ekɛ amɛ wie. Ekɛɛ amɛ akɛ, “Agoo Levibii, agbɛnɛ nyɛtsuua nyɛhe ni nyɛfea nyɛhe krɔŋkrɔŋ, koni nyɛfea Yehowa, nyɛtsɛmɛi aNyɔŋmɔ lɛ, We lɛ hu krɔŋkrɔŋ. Nɔ fɛɛ nɔ ni buleɔ Sɔlemɔtsu lɛ, nyɛjiea yɛ jɛi.

Hiob 1:5

Kɛji aŋmɛ okplɔ̃ lɛ kɛbɔle bihii lɛ anɔ kɛkpe lɛ, Hiob teɔ shi daa leebi maŋkpa, ni eyashãa shãa afɔlei ehãa ebii lɛ ateŋ mɔ fɛɛ mɔ, yɛ amɛyibɔ naa koni akɛtsuu amɛhe. Ejaakɛ Hiob kɛɔ akɛ, “Benɛ mibihii lɛ ateŋ mɔ ko efee esha ko ni aleee, ni ekwa Nyɔŋmɔ yɛ etsuiŋ. Enɛ ji nɔ ni Hiob feɔ daa.”

3 Mose 11:25

Mɔ fɛɛ mɔ ni aaakɔ kooloi nɛɛ ateŋ eko ni egbo he nɔ ko ehiɛ yɛ edɛ̃ lɛ, efɔ etadei lɛ ahe; ehe tseee kɛyashi gbɛkɛ.

3 Mose 15:5

Mɔ fɛɛ mɔ ni taa saa lɛ he lɛ afɔ etadei ahe ni ekɛ nu aju ehe; ehe tseee kɛyashi gbɛkɛ.

4 Mose 11:18

Ni okɛɛ maŋbii lɛ akɛ, Nyɛfea nyɛhe krɔŋkrɔŋ nyɛtoa wɔ; shi nyɛbaana loo nyɛye. Yehowa enu yaafo ni nyɛfo akɛ, ‘Namɔ aaahã wɔ loo ni wɔye, ejaakɛ be mli ni wɔyɔɔ Ijipt lɛ ehi moŋ ehã wɔ lɛ. No hewɔ lɛ, agbɛnɛ Yehowa baahã nyɛ loo ni nyɛye.’

4 Mose 19:19

Mɔ ni he tse lɛ kɛ nu nɛɛ baashwã mɔ ni he tseee lɛ nɔ yɛ gbi ni ji etɛ̃ lɛ, kɛ nɔ ni ji kpawo lɛ nɔ. Gbi ni ji kpawo lɛ nɔ lɛ ebaatsuu mɔ ni ebule ehe lɛ he; ni gbɔmɔ nɛɛ baafɔ etadei lɛ ahe, ni ebaaju ehe, ni gbi lɛ gbɛkɛ lɛ mɔ ni kulɛ ehe tseee lɛ he aaatse.

4 Mose 31:23

no ji nɔ fɛɛ nɔ ni yaa la mli lɛ, nyɛkɛwoa la mli koni ehe atse; shi no sɛɛ lɛ akɛ hetsuumɔ nu lɛ hu eko atsuu he. Shi nii ni eyaaa la mli lɛ, nyɛkɛ hetsuumɔ nu lɛ kɛkɛ atsuua he.

4 Mose 31:24

Gbi ni ji kpawo lɛ nɔ lɛ nyɛfɔa nyɛtadei lɛ ahe koni nyɛhe atse; ni no sɛɛ dani nyɛba shitoohe lɛ mli.”

4 Mose 8:21

Levibii lɛ tsu kusum kɛfɔ amɛhe eshai; amɛfɔfɔɔ amɛtadei ahe, ni Aaron jɔɔ amɛnɔ ehã akɛ keenii krɛdɛɛ hã Yehowa. Asaŋ etsuu amɛhe hu.

4 Mose 8:7

Ni bɔ ni ofee amɛ ni otsuu amɛhe nɛ. Okɛ nu ni akɛtsuɔ mɔ he lɛ ashwã amɛnɔ; amɛshɛ amɛhe tsɔi fɛɛ kɛ kakla, ni amɛfɔ amɛtadei ahe koni amɛhe atse.

1 Korintobii 6:11

Ni nɛkɛ nyɛteŋ mɛi komɛi yɔɔ sa; shi agbɛnɛ aju nyɛhe, ni asaŋ atsuu nyɛhe, ni abu nyɛ bem hu yɛ Nuŋtsɔ Yesu Kristo gbɛi kɛ wɔNyɔŋmɔ lɛ Mumɔ lɛ mli.

Hebribii 10:22

nyɛhãa wɔkɛ anɔkwa tsui ababɛŋkɛa yɛ hemɔkɛyeli ni wɔyɔɔ hewalɛ yɛ nɔ lɛ mli, kɛ tsui hu ni atsuu he ni ebɛ henilee fɔŋ ko dɔŋŋ, kɛ gbɔmɔtso ni akɛ nu ni mli tse eju he.

Yoshua 3:5

Yoshua kɛɛ maŋbii lɛ akɛ, “Nyɛtsua nyɛhe ejaakɛ wɔ lɛ Yehowa baafee naakpɛɛ nii yɛ nyɛteŋ.”

Yoshua 7:13

Tee shi; tsuumɔ maŋbii lɛ ahe. Kɛɛmɔ amɛ akɛ, ‘Nyɛtsua nyɛhe nyɛkɛfea nyɛhe krɔŋkrɔŋ nyɛtoa wɔ’, ejaakɛ bɔ ni Yehowa, Israel Nyɔŋmɔ lɛ, kɛɛ nɛ, ‘Israelbii, nyɛkɔlɔ musu nibii lɛ eko, no hewɔ lɛ, nyɛnyɛŋ nyɛhenyɛlɔi lɛ ahiɛ nyɛdamɔ kɛyaashi beyinɔ ni nyɛaajie musunii lɛ nyɛshwie.’

Kpojiemɔ 22:14

Ajɔɔ mɛi ni fɔɔ amɛtadei lɛ ahe, koni amɛna hegbɛ yɛ walatso lɛ he ní amɛtsɔ̃ agboi lɛ amli kɛbote maŋ lɛ mli lɛ.

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.

1 Samuel 16:5

Samuel jie naa ekɛɛ akɛ, “Hejɔlɛ baa miba! Miba mibashã afɔle mahã Yehowa. Nyɛtsuua nyɛhe, ni nyɛ kɛ mi ayaa afɔle lɛ shãa.” Etsuu Yeshai kɛ ebihii lɛ ahe, ni ekpee amɛ kɛtee afɔleshãahe lɛ.