2 Mose 18:21 - ŊMALƐ KRƆŊKRƆŊ LƐ

²¹ Ni asaŋ halamɔ maŋ lɛ fɛɛ mli hii ni aaanyɛ atsu gbɛnaa ni abaahã amɛ lɛ he nii, mɛi ni amɛsheɔ Nyɔŋmɔ gbeyei hu, ni amɛ ji anɔkwafoi ni heee nyɔɔŋnii, koni oto amɛ kui anɔkwɛlɔi: mɛi nyɔŋmanyɔŋma kui kɛ mɛi nyɔŋmai enumɔenumɔ kui kɛ mɛi ohaoha kui kɛ akpeakpe kui anɔkwɛlɔi.

Ṅmãle̱ Kroṅkroṅ Le̱

²¹ Ni asaṅ fãmo maṅ le̱ fẽ mli hĩĩ ní yo̱ hewale̱ ní šeo̱ Nyoṅmo̱ gbeyei, ní ame̱dši ano̱kwafoi, ní hĩe̱ hïedšōmo̱; ni owoame̱ akpei-atše̱mei, ohahai-atše̱mei, nyonmai-enumo̱enumo̱-tše̱mei, ke̱ nyoṅmanyoṅmai-atše̱mei ye̱ ame̱no̱,

2 Mose 18:21 ပူးပေါင်းရင်းမြစ်များ

1 Mose 22:12

Bɔfo lɛ kɛɛ lɛ akɛ, “Kaahã onine miisa oblanyo lɛ he, ni asaŋ kaafee lɛ nɔ ko nɔ ko! Shi mina mile agbɛnɛ akɛ osheɔ Nyɔŋmɔ gbeyei, akɛni okamaaa lɛ obi koome nɛɛ lɛ.”

1 Mose 42:18

Gbi ni ji etɛ̃ lɛ nɔ lɛ, Yosef kɛɛ enyɛmimɛi lɛ akɛ, “Nyɛfea nɔ ni mibakɛɛ nɛɛ, koni nyɛyi ana wala, shi mi lɛ Nyɔŋmɔ gbeyeishelɔ ji mi.

1 Mose 47:6

Naa, Ijipt shikpɔŋ lɛ kã ohiɛ nɛɛ, hã otsɛ kɛ onyɛmimɛi lɛ ahi shikpɔŋ lɛ he ni hi fe fɛɛ lɛ nɔ; hã amɛhi Goshen shikpɔŋ lɛ nɔ. Ni kɛ ole amɛteŋ mɛi ni he esa yɛ koolookwɛmɔ mli lɛ, tuu mitsinai lɛ akwɛmɔ owo amɛdɛŋ.”

2 Samuel 18:1

Maŋtsɛ David kane tabilɔi ni fata ehe lɛ; kɛkɛ ni ejara amɛmli mɛi akpe akui kɛ mɛi oha akui, ni eto ku fɛɛ ku nɔ tatsɛ.

2 Samuel 23:3

Israel Nyɔŋmɔ lɛ ena ewie; Israel hebulɔ lɛ kɛɛ mi akɛ, “Mɔ ni yeɔ maŋtsɛ yɛ jalɛ naa, ni eyeɔ nɔ yɛ Nyɔŋmɔ gbeyeishemɔ naa lɛ,

1 Maŋtsɛmɛi 18:12

Amrɔ pɛ ni mibashi bo matee lɛ, Yehowa Mumɔ lɛ aaabakpla bo kɛya he ko ni mileee. Kɛji mitee miyakɛɛ Ahab, ni eba, ni ebaninaaa bo lɛ, bɔ fɛɛ bɔ ni fee lɛ, ebaagbe mi. Kaimɔ akɛ Yehowa jalɔ ji otsulɔ kɛjɛ migbekɛbiiashi beebe.

1 Maŋtsɛmɛi 18:3

Nɛkɛ be mli lɛ Obadia ji mɔ ni kwɛɔ maŋtsɛwe lɛ nɔ. Obadia ji gbɔmɔ ko ni sheɔ Yehowa gbeyei naakpa,

Ezra 7:25

“Ni bo, Ezra hu, yɛ nilee ni oNyɔŋmɔ lɛ ehã bo lɛ naa lɛ, fãamɔ mɛi ni kwɛɔ sane amɛyeɔ kɛ kojolɔi fɛɛ ni le oNyɔŋmɔ lɛ mla lɛ koni amɛkojo mɛi fɛɛ ni yɔɔ Eufrate Faa lɛ anaigbɛ biɛgbɛ lɛ ateŋ saji. Mɛi ni leee lɛ, nyɛtsɔ̃a amɛ ni amɛle.

Nehemia 5:9

Kɛkɛ ni mitsa miwiemɔ lɛ nɔ, ni mikɛɛ, “Nɔ ni nyɛfeɔ lɛ ejaaa. Ani esaaa akɛ nyɛkɛ wɔNyɔŋmɔ lɛ he gbeyeishemɔ baa nyɛjeŋ koni wɔkɛku wɔhe fɛo ni jemajiaŋbii ni ji wɔhenyɛlɔi lɛ yeɔ lɛ naa lo?

Nehemia 7:2

Kɛkɛ ni mitu Yerusalɛm miwo minyɛmi Hanani kɛ Hanania, mɔɔ lɛ mli lumɔ lɛ, dɛŋ, ejaakɛ nuu anɔkwafo ni sheɔ Nyɔŋmɔ gbeyei fe mɛi pii ji Hanania.

Hiob 1:1

Nuu ko hi shi yɛ Uz shikpɔŋ lɛ nɔ; egbɛi ji Hiob. Esheɔ Nyɔŋmɔ gbeyei, ni ewiɔ ehe yɛ efɔŋ he. Eji gbɔmɔ ni shwamɔ ko bɛ ehe, asaŋ efeɔ nii ni ja hu.

Hiob 29:16

Mitsɔ̃ tsɛ mihã ohiafoi ni mɛi ni mileee amɛ tete mitao amɛsaji amli mihã amɛ.

Hiob 31:13

Kɛji miyeee mitsulɔ nuu loo mitsulɔ yoo jalɛ sane be ni amɛ kɛ mi ena lɛ,

Lalai 15:1

Yehowa, namɔ aaabote obuu lɛŋ? Namɔ aaaja yɛ Zion, ogɔŋ krɔŋkrɔŋ lɛ nɔ?

Lalai 15:5

Mɔ ni kɛ eshika efaaa eheee hekpa ni fe nine; ni eheee nyɔɔŋnii koni ewie eshi mɔ ni yeɔ bem. Mɔ ni feɔ enɛɛmɛi fɛɛ lɛ, edidãŋ kɔkɔɔkɔ.

2 Mose 17:9

Ni Mose fã Yoshua ekɛɛ, “Halamɔ hii ni amɛya amɛkɛ Amalekbii lɛ ayawu ahã maŋ lɛ. Mi lɛ mibadamɔ gɔŋkpɔ lɛ yiteŋ wɔ, ni mahiɛ Nyɔŋmɔ tso lɛ yɛ midɛ̃.”

2 Mose 18:25

Ehala maŋ lɛ fɛɛ mli hii ni aaanyɛ atsu gbɛnaa ni abaahã amɛ lɛ he nii, ni eto amɛ kui anɔkwɛlɔi: mɛi nyɔŋma nyɔŋma kui kɛ mɛi nyɔŋmai enumɔenumɔ kui kɛ mɛi ohaoha kui kɛ mɛi akpeakpe kui anɔkwɛlɔi.

Abe̱i 28:2

Nɔsha hãa shikpɔŋ ko nɔ lumɛi ayi faa; shi kɛ emli mɛi lɛ yɛ niiashishinumɔ kɛ jwɛŋmɔ lɛ, lumɔyeli maa shi shiŋŋ, ni esɛɛ tsɛɔ.

Jajelɔ 12:13

Sane tso muu lɛ ni onu lɛ fɛɛ naagbee nɛ. She Nyɔŋmɔ gbeyei, ni oye ekitãi lɛ anɔ, ejaakɛ enɛ ji nitsumɔ kwraa ni gbɔmɔ yɔɔ tsumɔ.

Yesaia 16:5

abaajɛ suɔmɔ ni tsakeee mli afo maŋtsɛyeli sɛ̃i ko ama shi. Mɔ ko baajɛ David shwiei ateŋ eta sɛ̃i nɛɛ nɔ, ni ebaaye maŋtsɛ lɛ kɛ anɔkwayeli; ebaaye jalɛ sane yɛ kojomɔ mli, ni ebaakwɛ akɛ aaye jalɛ sane.”

Yesaia 33:15

Mɔ ni feɔ jalɛnii, ni ewieɔ nɔ ni ja, mɔ ni nyaaa wieyeli mli nii he, ni eheee nyɔɔŋ nii, mɔ ni tsimɔɔ etoi koni ekanu láshishwiemɔ yiŋtoi ahe, ni eŋamɔɔ ehiŋmɛii koni ekana nɔfɔŋfeemɔ lɛ,

Yesaia 59:4

Mɛi ni asane ejaaa lɛ moŋ ji mɛi ni samaa mɛi, ni mɔ ni sane bɛŋ moŋ ni kɛ sane yaa kojomɔ sɛi hiɛ; ejaakɛ amɛkɛ amɛhiɛ fɔ̃ɔ amale naajiemɔi anɔ, ni amɛtoɔ abla; amɛtoɔ yiŋ sha, ni no kɛ nɔshafeemɔ baa.

Yeremia 5:1

Nyɛjoa foi kɛyaa kɛbaa yɛ Yerusalɛm gbɛjegbɛi lɛ anɔ, koni nyɛkadi nɔ ni nyɛbaana. Nyɛtaoa yɛ Yerusalɛm blohuiaŋ akɛ nyɛaana mɔ ko ni eyeɔ jalɛ sane ni taoɔ akɛ eye anɔkwa lo? Kɛji nyɛaana lɛ, no lɛ mikɛ Yerusalɛm he aaafa lɛ.

Ezekiel 18:8

“Ekɛ shika efaaa ni ehe hekpa fe nine. Ewiɔ ehe yɛ eshafeemɔ he, ni ekojoɔ mɔ kɛ mɔ teŋ yɛ jalɛ naa.

Ezekiel 22:12

Mɛi heɔ nyɔɔŋnii, koni ashwie lá shi yɛ omli; aheɔ hekpa ni fe nine, ni atswaa nanemɛi ojo. Nyɛhiɛ ekpa minɔ.” Nuŋtsɔ Yehowa kɛɛ.

Zakaria 7:9

“Bɔ ni Yehowa, Taiatsɛ, lɛ kɛɛ nɛ, ‘Nyɛkojoa yɛ jalɛ naa, ni nyɛkɛ musuŋtsɔlɛ kɛ mɔbɔnalɛ ahia shi akɛ nyɛmimɛi.

Zakaria 8:16

Nyɛfea nibii nɛɛ: nyɛteŋ mɔ fɛɛ mɔ kɛ enaanyo awiea anɔkwale; asaŋ nyɛyea jalɛ sane yɛ nyɛkoii ashi bɔ ni baahã toiŋjɔlɛ aba.

4 Mose 1:16

Gbɔmɛi nɛɛ ji hiɛnaanɔbii, ni asaŋ amɛ ji amɛtsɛmɛi akutsei lɛ amli onukpai, ni ahala amɛ, ni afee amɛ Israel akutsei lɛ ahiɛnyiɛlɔi lɛ.

4 Mose 1:4

Akutso fɛɛ akutso mli nuu kome ni ji onukpa yɛ etsɛmɛi awe afata nyɛhe.”

4 Mose 10:4

Shi kɛji tɛtɛrɛmantɛrɛ kome kɛkɛ akpã lɛ, no lɛ Israelbii lɛ atsɛmɛi awei lɛ amli onukpai lɛ sɔŋŋ kɛkɛ ababua amɛhe naa yɛ oŋɔɔ.

Luka 18:2

Ekɛɛ, “Kojolɔ ko yɛ maŋ ko nɔ, ni esheee Nyɔŋmɔ gbeyei, ni asaŋ ebuuu gbɔmɔ ko.

Luka 18:4

Ni ekpɛlɛ̃ɛɛ aahu. Shi fee sɛɛ lɛ ekɛɛ yɛ eyiŋ akɛ, ‘Yɛŋ akɛ misheee Nyɔŋmɔ gbeyei, ni mibuuu gbɔmɔ hu moŋ nɛ,

Bɔfoi 20:33

Mihiɛ ekɔ̃ɔɔ nyɛteŋ mɔ ko jwiɛtɛi loo shika loo atade nɔ.

Bɔfoi 6:3

No hewɔ lɛ, anyɛmimɛi, nyɛtaoa nyɛteŋ hii kpawo ni yɔɔ gbɛi kpakpa ni Mumɔ Krɔŋkrɔŋ kɛ nilee eyi amɛ obɔ̃, koni wɔkɛ amɛ ato nɛkɛ nitsumɔ ni he hiaa nɛɛ nɔ;

5 Mose 22:18

Maŋ onukpai lɛ amɔ nuu lɛ koni agwao lɛ.

1 Timoteo 3:3

jeee dãanulɔ, jeee ninekpokpookpotsɛ, shi moŋ mɔ ni he jɔ, mɔ ni beee, mɔ ni hiɛ ekɔ̃ɔɔ shika nɔ,

Yoshua 22:14

Ahã lumɛi nyɔŋma komɛi fata Finehas he kɛtee tsumɔ nɛɛ. No ji akɛ Israelbii lɛ akutso fɛɛ akutso hã lumɔ kome, ni lumɛi nɛɛ ateŋ mɔ fɛɛ mɔ yafee wekunukpa hu yɛ Israelbii lɛ ateŋ.

1 Samuel 8:12

Ebaawo mɛi komɛi asafoiatsɛmɛi ehã mɛi akpekpei kui kɛ mɛi nyɔŋmai enumɔenumɔ kui ehã ehe. Ebaahã mɛi komɛi ahu eŋmɔji amɛhã lɛ, ni mɛi komɛi hu akpa eŋmɔshinii, ni mɛi komɛi atswia etawuunii kɛ eshwiilii ahe nii.

1 Samuel 8:3

Shi Samuel bihii lɛ eyakɔɔɔ amɛtsɛ jeŋba kwraa. Amɛyadi ninamɔ sɛɛ ni amɛhehee nyɔɔŋnii, ni amɛtsɔ̃mɔ saji ahiɛ amɛbumɔ shi.