2 Mose 18:20 - ŊMALƐ KRƆŊKRƆŊ LƐ

²⁰ ni otsɔ̃ɔ amɛ Nyɔŋmɔ akpɔi, nɔ ni ekɛɛ lɛ, ni ohã amɛle bɔ ni sa akɛ amɛba amɛjeŋ amɛhã, kɛ nɔ ni sa akɛ amɛfee.

Ṅmãle̱ Kroṅkroṅ Le̱

²⁰ ni otšõame̱ akpoi ke̱ mlai le̱, ni ohã ame̱le nõ gbe̱ ne̱ ní sa ake̱ amenyie kē̱ nitšumo̱ ni sa ake̱ ame̱tšu.

2 Mose 18:20 ပူးပေါင်းရင်းမြစ်များ

Lalai 143:8

Leebi lɛ hã manu osuɔmɔ ni tsakeee lɛ he, ejaakɛ bo onɔ mihiɛ kã. Hã male gbɛ ni sa akɛ manyiɛ nɔ, ejaakɛ bo miŋɔɔ misusuma mihãa.

Lalai 32:8

Mi, Yehowa, mawo bo ŋaa, ni matsɔ̃ɔ bo gbɛ ni onyiɛ nɔ; mihiŋmɛi aaakã ohe.

2 Mose 18:16

Kɛji amɛna sane ko lɛ amɛkɛbaa miŋɔɔ, ni mikuraa, ni mitsɔ̃ɔ amɛ Nyɔŋmɔ akpɔi kɛ nɔ ni Nyɔŋmɔ kɛɛ.”

Yesaia 30:21

Ni ninejurɔgbɛ esa akɛ nyɛtsɔ jio, abɛkugbɛ esa akɛ nyɛtsɔ jio, nyɛtoii aaanu wiemɔ ko yɛ nyɛsɛɛgbɛ akɛ, “Gbɛ lɛ nɛ, nyɛyia nɔ!”

Yeremia 42:3

koni Yehowa, oNyɔŋmɔ lɛ, atsɔ̃ɔ wɔ gbɛ ni wɔtsɔ̃ kɛ nɔ ni sa akɛ wɔfee hu.”

Yeremia 6:16

Kɛkɛ ni Yehowa kɛɛ akɛ, “Nyɛyadamɔa gbɛjegbɛi lɛ ahe, ni nyɛkwɛ. Nyɛbia he ni blema gbɛi ni ja lɛ ateŋ nɔ ni ji gbɛ kpakpa lɛ yɔɔ koni nyɛnyiɛ no nɔ, ni nyɛsusumai atsuii aaanyɔ amɛmli.” Shi hetoo ni amɛhã ji, “Wɔnyiɛŋ nɔ!”

Ezekiel 3:17

“Gbɔmɔ Adesa, mito bo bulɔ mihã Israel we lɛ; ni be fɛɛ be ni ooonu minaa wiemɔ lɛ, obɔ amɛ kɔkɔ ohã mi.

Mika 4:2

Ni maji amli bii pii aaaba abakɛɛ akɛ, “Nyɛbaa ni nyɛhãa wɔyakwɔa Yehowa gɔŋ lɛ, kɛya Israel Nyɔŋmɔ lɛ Sɔlemɔ we lɛ; ejaakɛ eeetsɔ̃ɔ wɔ nɔ ni etaoɔ ni wɔfee; koni wɔnyiɛ egbɛi lɛ anɔ. Ejaakɛ Yehowa Mla lɛ, Yerusalɛm ebaajɛ; ekɛ emaŋ lɛ wieɔ kɛjɛɔ Zion.”

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Marko 13:34

Etamɔ nuu ko ni edom eshi ewe, ni ehã etsuji lɛ hegbɛ kɛ amɛteŋ mɔ fɛɛ mɔ enitsumɔ, ni efã agbonaakwɛlɔ lɛ akɛ ebu.

5 Mose 1:18

Nakai be lɛ mli nɔŋŋ lɛ, mitsɔ̃ɔ nyɛ nibii fɛɛ ni sa akɛ nyɛfee.”

5 Mose 4:1

Agbɛnɛ Mose kɛɛ Israelbii lɛ akɛ, “Nyɛyea akpɔi kɛ mlai ni mitsɔ̃ɔ nyɛ lɛ anɔ koni nyɛyi ana wala koni nyɛya nyɛyaŋɔ shikpɔŋ ni Yehowa, nyɛtsɛmɛi aNyɔŋmɔ lɛ, kɛhãa nyɛ lɛ.

5 Mose 4:5

“Naa, mitsɔ̃ɔ nyɛ akpɔi kɛ mlai lɛ bɔ ni Yehowa, miNyɔŋmɔ lɛ, fã akɛ mifee lɛ, koni nyɛye nɔ yɛ shikpɔŋ ni nyɛyaa nyɛyaŋɔ lɛ nɔ.

5 Mose 5:1

Mose tsɛ Israelbii lɛ fɛɛ kɛbakpe, ni ekɛɛ amɛ akɛ, “Israelbii, nyɛboa akpɔi kɛ mlai ni mibajaje mawo nyɛtoiiaŋ ŋmɛnɛ nɛɛ toi; nyɛkasea ni nyɛjwɛŋa nɔ jogbaŋŋ ni nyɛye nɔ.

5 Mose 5:27

No hewɔ lɛ, bo tsi obɛŋkɛ Yehowa koni obo nɔ fɛɛ nɔ ni wɔNyɔŋmɔ lɛ aaakɛɛ lɛ toi ni obakɛɛ wɔ nɔ fɛɛ nɔ ni Yehowa, wɔNyɔŋmɔ lɛ, kɛ bo aaawie. Wɔbaabo toi, ni wɔbaafee hu.’

5 Mose 7:11

No hewɔ lɛ, kitãi kɛ akpɔi kɛ mlai ni miwoɔ nyɛ ŋmɛnɛ gbi nɛɛ lɛ, nyɛkwɛa jogbaŋŋ koni nyɛyea nɔ.”

1 Tesalonikabii 4:1

Naagbee lɛ, anyɛmimɛi, nyɛkase yɛ wɔŋɔɔ bɔ ni sa akɛ nyɛba nyɛjeŋ ni esa Nyɔŋmɔ hiɛ. Nyɛmiifee nakai, shi wɔmiikpa nyɛ fai ni wɔmiiwo nyɛ ŋaa yɛ Nuŋtsɔ Yesu mli akɛ nyɛfee ni ateke nɔ fe tsutsu lɛ.

1 Samuel 12:23

Mi hu enɛ akagbale mi fɔ̃ŋfɔ akɛ makpa sɔlemɔ kɛ nyɛ hãmɔ ni mikɛfee esha mishi Yehowa. Shi moŋ mibatsɔ̃ɔ nyɛ nɔ ni hi kɛ nɔ ni ja ni sa akɛ nyɛfee.