2 Mose 18:16 - ŊMALƐ KRƆŊKRƆŊ LƐ

¹⁶ Kɛji amɛna sane ko lɛ amɛkɛbaa miŋɔɔ, ni mikuraa, ni mitsɔ̃ɔ amɛ Nyɔŋmɔ akpɔi kɛ nɔ ni Nyɔŋmɔ kɛɛ.”

Ṅmãle̱ Kroṅkroṅ Le̱

¹⁶ Ké̱ ame̱ná sane ko le̱, ame̱ke̱-baä miṅõ, ni mikodšoo̱ mo ke̱ enanyo teṅ, ni mitšõoame̱ Nyoṅmo̱ akpoi le̱ ke̱ emlai le̱.

2 Mose 18:16 ပူးပေါင်းရင်းမြစ်များ

2 Samuel 15:3

Absalom kɛɔ mɔ lɛ akɛ, “Anɔkwa, osane yɛ mli, ni eja hu; shi naa, mɔ ko bɛ maŋtsɛ lɛ he ni aaabo bo toi.”

2 Kronika 19:10

Ni be fɛɛ be ni nyɛnyɛmimɛi ni yɔɔ maji krokomɛi lɛ amli kɛ sane ko aaabahã nyɛ yeli lɛ, gbɔmɔgbee ni jio, mla loo kitã loo akpɔ nɔ ni atɔ̃ jio, nyɛtsɔa amɛ mla naa ni abaaye sane lɛ yɛ, bɔ ni afee ni nyɛkaye sɔ̃ yɛ Yehowa hiɛ koni Yehowa mli miifu, ni egbala nyɛ kɛ nyɛnyɛmimɛi lɛ fɛɛ toi.

Hiob 31:13

Kɛji miyeee mitsulɔ nuu loo mitsulɔ yoo jalɛ sane be ni amɛ kɛ mi ena lɛ,

2 Mose 18:17

Mose shaanuu lɛ kɛɛ lɛ akɛ, “Nɔ ni ofeɔ nɛɛ ehiii.

2 Mose 2:13

Je tsɛre nɔ hu Mose tee eyasara enyɛmimɛi lɛ. Kɛkɛ lɛ naa Hebribii enyɔ ni miinɔ. Ebi mɔ ni eye sane fɔŋ lɛ akɛ, “Mɛni hewɔ ni oyiɔ onyɛmi Hebrinyo?”

2 Mose 23:7

Kaafo sane ofɔ̃ mɔ nɔ, ni kaagbe jalɔ kɛ mɔ ni he bɛ sane ko mli ejaakɛ mihaŋ efɔŋfeelɔ aye ehe kɔkɔɔkɔ.

2 Mose 24:14

Shi ekɛɛ maŋ onukpai lɛ akɛ, “Nyɛhia biɛ nyɛmɛa wɔ kɛyashi beyinɔ ni wɔɔku wɔsɛɛ kɛba. Aaron kɛ Hur kɛ nyɛ yɛ biɛ. Kɛji mɔ ko hiɛ sane ko lɛ akɛyahã amɛ.”

3 Mose 24:15

Enɛ sɛɛ lɛ okɛɛ Israelbii lɛ akɛ, ‘Mɔ fɛɛ mɔ ni baalomɔ eNyɔŋmɔ lɛ lɛ, emusu baabua lɛ diɛŋtsɛ eyiteŋ;

4 Mose 15:35

Kɛkɛ ni Yehowa kɛɛ Mose akɛ, “Agbe nuu lɛ. Akɛ lɛ aje kpo kɛya shitoohe lɛ sɛɛ koni maŋ muu lɛ fɛɛ atswia lɛ tɛi ni agbe lɛ.”

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

1 Korintobii 6:1

Te kɛ nyɛteŋ mɔ ko kɛ enaanyo na sane ko lɛ, eshiɔ etsitsi ekɛ lɛ yayeɔ sane lɛ yɛ jeŋbii akojomɔhe, shi ekɛ lɛ eyaaa mɛi krɔŋkrɔŋi lɛ aŋɔɔ?

5 Mose 4:5

“Naa, mitsɔ̃ɔ nyɛ akpɔi kɛ mlai lɛ bɔ ni Yehowa, miNyɔŋmɔ lɛ, fã akɛ mifee lɛ, koni nyɛye nɔ yɛ shikpɔŋ ni nyɛyaa nyɛyaŋɔ lɛ nɔ.

5 Mose 5:1

Mose tsɛ Israelbii lɛ fɛɛ kɛbakpe, ni ekɛɛ amɛ akɛ, “Israelbii, nyɛboa akpɔi kɛ mlai ni mibajaje mawo nyɛtoiiaŋ ŋmɛnɛ nɛɛ toi; nyɛkasea ni nyɛjwɛŋa nɔ jogbaŋŋ ni nyɛye nɔ.

5 Mose 6:1

“Agbɛnɛ kitãi lɛ kɛ akpɔi lɛ kɛ mlai lɛ ni Yehowa, nyɛNyɔŋmɔ lɛ, fã akɛ mitsɔ̃ɔ nyɛ lɛ nɛ, koni nyɛyaye nɔ yɛ shikpɔŋ ni nyɛyaa ni nyɛyaŋɔ lɛ nɔ.

1 Samuel 12:23

Mi hu enɛ akagbale mi fɔ̃ŋfɔ akɛ makpa sɔlemɔ kɛ nyɛ hãmɔ ni mikɛfee esha mishi Yehowa. Shi moŋ mibatsɔ̃ɔ nyɛ nɔ ni hi kɛ nɔ ni ja ni sa akɛ nyɛfee.