2 Mose 18:12 - ŊMALƐ KRƆŊKRƆŊ LƐ

¹² Ni Yetro, Mose shaanuu lɛ, yashã shãa afɔle kɛ afɔlei krokomɛi ehã Yehowa, ni Aaron kɛ Israel onukpai lɛ fɛɛ ba koni amɛ kɛ Mose shaanuu lɛ abaye nii yɛ he krɔŋkrɔŋ lɛ.

Ṅmãle̱ Kroṅkroṅ Le̱

¹² Ni Ietro, Mose šānū le̱, ṅõ šā̃-afo̱lei ke̱ gbē-afo̱lei ebahã Nyoṅmo̱; ni Aaron ke̱ Israel onukpai le̱ fẽ ba, koni ame̱ke̱ Mose šānū le̱ abaye nii ye̱ Nyoṅmo̱ hĩe.

2 Mose 18:12 ပူးပေါင်းရင်းမြစ်များ

1 Mose 12:7

Kɛkɛ ni Yehowa jie ehe kpo etsɔ̃ɔ Abram ni ekɛɛ, “Oshwiei mikɛ nɛkɛ shikpɔŋ nɛɛ baahã.” No hewɔ lɛ, Abram mã afɔleshãa latɛ yɛ jɛi ehã Yehowa, mɔ ni jie ehe kpo etsɔ̃ɔ lɛ lɛ.

1 Mose 26:25

Isak mã afɔleshãa latɛ yɛ jɛi, ni eja Yehowa yɛ jɛi; ni eshi ebuu lɛ yɛ jɛi. Ni Isak je nubu yɛ jɛi hu.

1 Mose 26:30

Ni Isak ŋmɛ amɛ okplɔ̃, ni amɛye nii, ni amɛnu nɔ ko.

1 Mose 31:54

Kɛkɛ ni eshã afɔle yɛ gɔŋ lɛ nɔ, ni etsɛ ewekumɛi lɛ niyeli. Amɛye nii, ni amɛhi shi yɛ gɔŋ lɛ nɔ nyɔɔŋ lɛ mli fɛɛ.

1 Mose 4:4

Habel hu kɛ etoi lɛ akromɔbii ni ewo fɔ ba ekɛbashã afɔle. Yehowa hiɛ sɔ Habel kɛ efɔle lɛ;

1 Mose 43:25

Kɛkɛ ni Yakob bihii lɛ fee nikee nii ni amɛhiɛ lɛ klalo amɛto Yosef shĩabaa shwane lɛ ejaakɛ amɛnu akɛ amɛ kɛ lɛ baaye nii yɛ jɛi.

1 Mose 8:20

Kɛkɛ ni Noa ma afɔleshãa latɛ ehã Yehowa. Eŋɔ shĩaŋ kooloi ni he tse lɛ fɛɛ mli eko kɛ loofɔji ni he tse lɛ fɛɛ mli eko, ni ekɛshã shãa afɔle yɛ afɔleshãa latɛ lɛ nɔ.

2 Samuel 9:7

David kɛɛ lɛ akɛ, “Kaashe gbeyei! Miyɛ ejurɔ ni mafee bo yɛ otsɛ Yonatan hewɔ. Mibakpale onii Saul shikpɔji lɛ fɛɛ mahã bo; ni kɛjɛ kɛyaa nɛɛ lɛ obaata mikpɔlɔ̃ lɛ he, ni okɛ mi baaye nii daa.”

2 Kronika 30:22

Ni Maŋtsɛ Hezekia jie Levibii lɛ ayi pam yɛ bɔ ni amɛhe esa kɛ sɔɔmɔ kɛji aaja Yehowa lɛ hewɔ. Maŋbii lɛ shãshãa shidaa afɔlei, ni amɛyeyee nii kɛyashi gbii kpawo, ni amɛda Yehowa, amɛtsɛmɛi aNyɔŋmɔ lɛ, shi.

Hiob 1:5

Kɛji aŋmɛ okplɔ̃ lɛ kɛbɔle bihii lɛ anɔ kɛkpe lɛ, Hiob teɔ shi daa leebi maŋkpa, ni eyashãa shãa afɔlei ehãa ebii lɛ ateŋ mɔ fɛɛ mɔ, yɛ amɛyibɔ naa koni akɛtsuu amɛhe. Ejaakɛ Hiob kɛɔ akɛ, “Benɛ mibihii lɛ ateŋ mɔ ko efee esha ko ni aleee, ni ekwa Nyɔŋmɔ yɛ etsuiŋ. Enɛ ji nɔ ni Hiob feɔ daa.”

Hiob 42:11

Kɛkɛ ni Hiob nyɛmimɛi hii lɛ kɛ enyɛmimɛi yei lɛ fɛɛ kɛ mɛi fɛɛ ni le lɛ sa lɛ ba eŋɔɔ; ni amɛ kɛ lɛ ye nii, ni amɛye lɛ ŋkɔmɔ, ni amɛshɛje emii yɛ sane fɔŋ ni Yehowa hã ye lɛ lɛ hewɔ. Amɛteŋ mɔ fɛɛ mɔ ke Hiob jwiɛtɛi kuku kɛ shika ga.

Hiob 42:8

No hewɔ lɛ, agbɛnɛ nyɛmɔmɔa tsinahii kpawo kɛ ojwɛnii hu kpawo kɛyaa mitsulɔ Hiob ŋɔɔ koni nyɛkɛyashãa shãa afɔle nyɛhãa nyɛhe. Mitsulɔ Hiob baakpa fai ehã nyɛ ni mibabo efaikpamɔ lɛ toi, ni mikɛ nyɛ yeŋ yɛ nyɛkooloofeemɔ lɛ naa, ejaakɛ nyɛwieee mihe bɔ ni ja tamɔ Hiob fee lɛ.”

2 Mose 18:13

Enɔ jetsɛremɔ leebi lɛ, Mose ho eta shi, ni ekura maŋbii lɛ ateŋ saji, ni maŋ lɛ jwere enɔ kɛjɛ leebi kɛyashi gbɛkɛ.

2 Mose 2:20

Yetro bi ebiyei lɛ akɛ, “Ni nɛgbɛ nuu lɛ yɔɔ? Mɛɛ hewɔ nyɛshi lɛ? Nyɛyatsɛa lɛ kɛba koni ebaye nii.”

2 Mose 20:24

Nyɛshɔ̃a su afɔleshãa latɛ nyɛhãa mi, ni no nɔ nyɛshãa afɔlei yɛ, shãa afɔlei kɛ shidaa afɔlei kɛ gwantɛŋi kɛ tsinai lɛ yɛ. He fɛɛ he ni mato mahã nyɛ akɛ aja mi yɛ lɛ, maba nyɛŋɔɔ yɛ jɛi ni majɔɔ nyɛ.

2 Mose 24:11

Nyɔŋmɔ efeee Israel onukpai nɛɛ nɔ fɔŋ ko, shi amɛna Nyɔŋmɔ kɛ amɛhiŋmɛi, ni amɛye nii ni amɛnu nɔ ko.

2 Mose 24:5

Ni etsu Israelbii lɛ ateŋ oblahii komɛi, ni amɛkɛ tsina hii yashã afɔle kɛ shidaa afɔle amɛhã Yehowa.

2 Mose 3:1

Mose miikwɛ eshaanuu Yetro, Midian osɔfo lɛ, toi. Gbi ko lɛ ekpala toi lɛ kɛtee ŋa lɛ nɔ anaigbɛ, ni eyaje Horeb, Yehowa Gɔŋ lɛ he.

2 Mose 33:7

Kɛji Israelbii lɛ to shi lɛ Mose kɛ Buu Krɔŋkrɔŋ lɛ yaa ni eyashiɔ yɛ shitoohe lɛ sɛɛ flɛŋŋ. Ewo lɛ gbɛi akɛ Kpee Buu, ni mɔ fɛɛ mɔ ni miitao Yehowa nii ebi lɛ, ejeɔ kpo kɛyaa Kpee Buu lɛ mli yɛ shitoohe lɛ sɛɛ.

Daniel 10:3

Miyeee niyenii ni ŋɔɔ, miyeee loo lɛ, minuuu wain, ni mikpaaa mu hu kɛyashi otsii etɛ̃ lɛ fɛɛ shɛ.

4 Mose 10:29

Be ni Israel asafoi lɛ baafã nyiɛmɔ lɛ, Mose kɛɛ eŋa nyɛmi nuu Hobab, ni ji eshaanuu Yetro, Midiannyo lɛ, binuu lɛ akɛ, “Wɔmiifã kɛya he ni Yehowa wo wɔ shi yɛ he akɛ ekɛbaahã wɔ lɛ. Fatamɔ wɔhe ni wɔtee. Yehowa ewo shi akɛ ebaahã Israel aye ejurɔ; no hewɔ lɛ, wɔ hu wɔɔfee bo ejurɔ.”

Luka 14:1

Be ni Yesu tee niyeli yɛ Farisifoi lɛ anukpai lɛ ateŋ mɔ kome we yɛ hejɔɔmɔ gbi lɛ nɔ lɛ, amɛwɔɔ lɛ.

Luka 14:15

Ni be ni mɛi ni kɛ lɛ tara niyenii ashi lɛ ateŋ mɔ kome nu nii nɛɛ lɛ, ekɛɛ lɛ akɛ, “Ajɔɔ mɔ ni yeɔ aboloo yɛ Nyɔŋmɔ Maŋtsɛyeli lɛ mli!”

1 Korintobii 10:18

Nyɛkwɛa Israel! Ani mɛi ni yeɔ afɔleshãanii lɛ, jeee naanyo amɛkɛ afɔleshãa latɛ lɛ bɔɔ lɛ?

1 Korintobii 10:21

Nyɛnyɛŋ Nuŋtsɔ lɛ kpulu lɛ kɛ mumɔi fɔ̃ji akpulu fɛɛ nyɛnu shi kome; nyɛnyɛŋ Nuŋtsɔ lɛ okplɔ̃ lɛ nɔ nii kɛ mumɔi fɔ̃ji anɔ lɛ nɔ nii fɛɛ nyɛye shi kome.

1 Korintobii 10:31

No hewɔ lɛ, nii nyɛyeɔ jio, nii nyɛnuɔ jio, aloo nɔ kroko nyɛfeɔ jio, nyɛfea fɛɛ nyɛkɛwoa Nyɔŋmɔ hiɛ nyam.

5 Mose 12:7

Nyɛyea nii lɛ yɛ Yehowa, nyɛNyɔŋmɔ lɛ hiɛ yɛ jɛi, koni nyɛ kɛ nyɛshĩaŋbii fɛɛ amii ashɛ nyɛhe yɛ nyɛninenaa nitsumɔ nii ni Yehowa, nyɛNyɔŋmɔ lɛ, ejɔɔ nɔ lɛ hewɔ.

5 Mose 27:7

Nyɛshãa shidaa afɔlei lɛ hu yɛ jɛi, ni nyɛyea nii yɛ jɛi koni nyɛnyaa yɛ Yehowa, nyɛNyɔŋmɔ lɛ, hiɛ.