2 Mose 17:7 - ŊMALƐ KRƆŊKRƆŊ LƐ

⁷ Ni Mose wo jɛi gbɛi akɛ Masa kɛ Meriba yɛ shwamɔ ni Israelbii lɛ shwa Yehowa lɛ kɛ nɔ ni amɛwie amɛkɛka lɛ akɛ, “Ni Yehowa yɛ wɔteŋ kɛ̃ nɛ?” lɛ hewɔ.

Ṅmãle̱ Kroṅkroṅ Le̱

⁷ Ni ewo *dše̱i gbei ake̱ Masa ke̱ Meriba, ye̱ Israelbii le̱ abéi ke̱ kā ní ame̱ka Iehowa ame̱kē̱: Ani Iehowa ye̱ woteṅ lo ebe̱? le̱ hewo̱. *Lal. 95,8. 9.

2 Mose 17:7 ပူးပေါင်းရင်းမြစ်များ

Lalai 106:32

Amɛwo Yehowa mlifu yɛ Meriba nu lɛ he, ni amɛhewɔ lɛ, Mose na amane.

Lalai 78:18

Amɛka Nyɔŋmɔ yɛ amɛtsuiiaŋ kɛ niyenii ni baa amɛtsine ni amɛbi lɛ.

Lalai 81:7

Nyɛhaomɔ mli lɛ, nyɛtsɛ mi, ni mihere nyɛ. Mihere nyɛ yɛ ŋwɛi shiimɔhe lɛ. Mika nyɛ mikwɛ yɛ Meriba nu lɛ he.

Lalai 81:8

Oo mimaŋbii, nyɛboa toi, be mli ni mibɔɔ nyɛ kɔkɔ! Oo Israel, mina ni obo mi toi!

Lalai 95:8

Nyɛkawajea nyɛtsuii tamɔ eba lɛ yɛ Meriba lɛ, tamɔ bɔ ni amɛfee yɛ Masa gbi lɛ nɔ, yɛ ŋa lɛ nɔ lɛ.

2 Mose 17:2

No hewɔ lɛ, amɛkɛɛ Mose akɛ, “Hã wɔ nu wɔnu!” Mose here amɛ nɔ, ni ebi amɛ akɛ, “Mɛɛ hewɔ nyɛkɛ mi beɔ? Mɛɛ hewɔ nyɛkaa Yehowa?”

2 Mose 34:9

ni ekɛɛ, “Nuŋtsɔ, agbɛnɛ kɛji ona mihe miishɛɛ lɛ, miikpa bo fai akɛ Nuŋtsɔ ahi wɔteŋ kɛya, tsɛbelɛ gbɔmɛi ni kuɛŋ ti ji maŋ nɛɛ. Okɛ wɔtɔ̃mɔi kɛ wɔhe esha afa wɔ koni okɛ wɔ afee onɔ.”

Yesaia 12:6

Ao, nyɛ Zion maŋbii, nyɛbolɔa, ni nyɛnyaa, ejaakɛ Israel Mɔ Krɔŋkrɔŋ Koome ni da lɛ yɛ nyɛteŋ.”

Mika 3:11

Maŋ onukpai lɛ, nyɔɔŋnii amɛheɔ dani amɛbuaa sane he; osɔfoi lɛ, nyɔmɔwoo hewɔ amɛtsɔ̃ɔ Nyɔŋmɔ Mla lɛ, ni gbalɔi lɛ shika hewɔ amɛgbaa nɔ ni ajie atsɔ̃ɔ amɛ. Kɛ̃lɛ amɛkɛ amɛhe kpasaa Yehowa ni amɛkɛɔ akɛ, “Yehowa kɛ wɔ yɛ; nɔ fɔŋ ko nɔ fɔŋ ko baŋ wɔnɔ.”

4 Mose 14:22

mɛi fɛɛ ni na minunyam la kaŋkaŋ lɛ kɛ nibii fɛɛ ni mifee yɛ Ijipt kɛ shiaŋa lɛ nɔ, ni nomɛi fɛɛ asɛɛ lɛ amɛka mi shii nyɔŋma sɔŋŋ, ni amɛbooo miwiemɔ toi lɛ,

4 Mose 20:13

Awo nu lɛ gbɛi akɛ Meriba nu lɛ, ejaakɛ Israelbii lɛ kɛ Yehowa taa naa yɛ jɛi, shi Yehowa tsɔ̃ɔ amɛ yɛ jɛi akɛ Mɔ Krɔŋkrɔŋ ji lɛ lɛɛlɛŋ.

4 Mose 20:24

“Aaron naji enyɔ yiŋ shikpɔŋ lɛ ni mikɛhã Israelbii lɛ nɔ; ebaagbo ejaakɛ nyɛbooo mi toi be ni nyɛyɔɔ Meriba lɛ.

4 Mose 27:14

ejaakɛ nyɛku migbee nɔ yɛ Zin ŋa lɛ nɔ. Be ni maŋ muu lɛ wie amɛshi mi, ni kulɛ sa akɛ nyɛhã amɛna mihewalɛ krɔŋkrɔŋ kpele lɛ, koni amɛshe mi gbeyei yɛ Meriba lɛ, nyɛfeee nakai.” (Meriba nɛɛ ji nu hiŋmɛi ni tue hã Israelbii lɛ yɛ Kadesh yɛ Zin ŋa lɛ nɔ lɛ.)

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

5 Mose 31:17

Kɛji eba mli nakai lɛ mimli aaawo amɛ la yɛ nakai be lɛ mli; ni mibakwa amɛ, ni mifeŋ amɛ ejurɔ, ni aaaye amɛnɔ. Saji fɔ̃ji babaoo kɛ haomɔi baaba amɛnɔ, ni ebaahã amɛbi yɛ nakai be lɛ mli akɛ, ‘Kwɛɛ jeee Yehowa, wɔNyɔŋmɔ lɛ, ni bɛ wɔteŋ dɔŋŋ lɛ hewɔ ni nɛkɛ nifɔɔjianii nɛɛ eba wɔnɔ nɛɛ?’

5 Mose 33:8

Ekɛɛ yɛ Levi akutso lɛ he akɛ, “Bo Yehowa, hã Urim kɛ Tumim ajie osuɔmɔnaa nii kpo atsɔ̃ɔ omaŋ lɛ, kɛtsɔ̃ omɛi krɔŋkrɔŋi ni ji Levibii lɛ anɔ. Oka amɛ okwɛ yɛ Masa, ni okɛ amɛ taa naa yɛ Meriba nu lɛ he.

5 Mose 6:16

“Nyɛkakaa Yehowa, nyɛNyɔŋmɔ lɛ, tamɔ bɔ ni nyɛka lɛ yɛ Masa lɛ;

5 Mose 9:22

Nyɛku sɛɛ nyɛwo Yehowa mlifu yɛ Tabera kɛ Masa kɛ Kibrot Hataava fɛɛ.

Yoshua 22:31

Kɛkɛ ni Finehas, Osɔfo Eleazar bi lɛ, kɛɛ Rubenbii lɛ kɛ Gadbii lɛ kɛ Manasebii lɛ akɛ, “Wɔna wɔle ŋmɛnɛ akɛ nyɛ kɛ wɔ fɛɛ hiɛ Yehowa jamɔ lɛ mli, ejaakɛ nyɛtɔ̃ko Yehowa nɔ kɛ nɔ ni nyɛfee lɛ. No hewɔ lɛ, nyɛhere Israel yɛ etoi ni kulɛ Yehowa baagbala lɛ mli.”