2 Mose 17:6 - ŊMALƐ KRƆŊKRƆŊ LƐ

⁶ Naa, mibadamɔ tɛsaa lɛ nɔ, ni nu baajɛ mli aba koni maŋ lɛ anu.” Ni Mose fee nakai yɛ maŋ onukpai lɛ ahiɛ.

Ṅmãle̱ Kroṅkroṅ Le̱

⁶ Na, mibadamo̱ ohĩe ye̱ te̱sā le̱ no̱ ye̱ Horeb; ni otſa te̱sā le̱, ni nu aadše̱ mli aba, koni maṅ le̱ anu. Ni Mose fe nakai ye Israel onukpai le̱ ahĩe. 4 Mose 20,11. 1 Kor 10,4.

2 Mose 17:6 ပူးပေါင်းရင်းမြစ်များ

Nehemia 9:15

“Be ni hɔmɔ ye amɛ lɛ, ohã amɛ aboloo ni jɛ ŋwɛi, ni be ni kumai ye amɛ hu, ohã nu jɛ tɛsaa mli ba, ni amɛkɛgbe amɛkumai. Okɛɛ amɛ akɛ amɛba ni amɛbaŋɔ shikpɔŋ lɛ ni okã he kitã akɛ okɛbaahã amɛ lɛ.

Lalai 105:41

Egbele tɛsaa naa, ni nu tue kɛho; nu lɛ ho kɛnyiɛ shiaŋa lɛ nɔ tamɔ faa.

Lalai 114:8

mɔ ni hãa tɛsaa tsɔ̃ɔ kpaakpo, ni ehãa tswɛrɛbo tsɔ̃ɔ nuhiŋmɛi lɛ!

Lalai 46:4

Faa ko yɛ ni eniji lɛ hãa Nyɔŋmɔ maŋ lɛ mii shɛɔ ehe. Ehãa Ŋwɛi flooflonyo lɛ shihilɛhe krɔŋkrɔŋ lɛ mii shɛɔ ehe.

Lalai 74:15

Ohã nuhiŋmɛii kɛ faa niji tue; ni ohã faa ni hoɔ daa lɛ ŋala.

Lalai 78:18

Amɛka Nyɔŋmɔ yɛ amɛtsuiiaŋ kɛ niyenii ni baa amɛtsine ni amɛbi lɛ.

Lalai 78:20

Etswa tɛsaa lɛ nɔ, ni nuhiŋmɛi tsɛ̃ kɛjɛ mli; ni eyi kɛteke nɔ etsɔ̃ faa tete. Ani eeenyɛ niyenii hu eduro, aloo ehã emaŋ lɛ loo lo?”

Lalai 81:7

Nyɛhaomɔ mli lɛ, nyɛtsɛ mi, ni mihere nyɛ. Mihere nyɛ yɛ ŋwɛi shiimɔhe lɛ. Mika nyɛ mikwɛ yɛ Meriba nu lɛ he.

2 Mose 14:16

Shi bo lɛ, wo otso lɛ nɔ ni okpã onine mli yɛ ŋshɔ lɛ nɔ koni ogba ŋshɔ lɛ mli enyɔ koni Israelbii lɛ anyiɛ shikpɔŋ gbiŋ nɔ kɛtsɔ̃ ŋshɔ lɛ teŋ kɛya.

2 Mose 16:10

Be ni Aaron kɛ Israelbii asafo muu lɛ fɛɛ wieɔ lɛ, amɛkwɛ ŋa lɛ nɔ gbɛ, ni naa, Yehowa anunyam lɛ epue yɛ atatu lɛ mli.

Yesaia 48:21

Be ni ekɛ amɛ nyiɛ shiaŋa lɛ nɔ lɛ, kumai yeee amɛ. Eha nu jɛ tɛsaa mli ho hã amɛ; egba tɛsaa lɛ mli, ni nu lɛ tue kɛje kpo.

4 Mose 20:8

“Kɔ tso lɛ, ni, bo kɛ onyɛmi Aaron, nyɛbuaa asafo lɛ naa, ni okɛ tɛsaa ni yɔɔ jɛi lɛ awie yɛ amɛhiɛ akɛ ehã nu ni yɔɔ emli lɛ atue. Nu baajɛ tɛsaa lɛ mli aba ahã maŋbii lɛ kɛ amɛkooloi lɛ koni amɛnu.”

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

1 Korintobii 10:4

ni amɛ fɛɛ amɛnu mumɔŋ nu kome lɛ nɔŋŋ; ejaakɛ amɛnu mumɔŋ tɛsaa ni kɛ amɛ nyiɛ lɛ mli nu, ni tɛsaa lɛ ji Kristo.

5 Mose 1:2

Kɛjɛ Sinai Gɔŋ lɛ he kɛtsɔ̃ Edom Gɔŋ lɛ he gbɛ lɛ nɔ kɛtee Kadesh Barnea lɛ, gbii nyɔŋma kɛ ekome gbɛnyiɛmɔ ni.

5 Mose 8:15

Lɛ ji mɔ ni kpala nyɛ kɛtsɔ̃ shiaŋa kpeteŋkple ni nɔ yɔɔ gbeyei lɛ nɔ lɛ, he ni onufui ni naa jaraa kɛ nyɔŋmɔŋkrakroi kɛ nu hɔmɔ yɔɔ lɛ. Lɛ ehã nu tue kɛjɛ tswɛrɛbo tɛsaa mli hã nyɛ, ni nyɛna nyɛnu;

Kpojiemɔ 22:17

Ni Mumɔ lɛ kɛ Ayɛmforo lɛ kɛɔ akɛ, “Ba!” Ni mɔ ni nuɔ lɛ, ekɛɛ akɛ, “Ba!” Ni mɔ ni kumai yeɔ lɛ lɛ, eba, ni mɔ ni sumɔɔ lɛ, ebahe wala nu lɛ yaka.