2 Mose 17:14 - ŊMALƐ KRƆŊKRƆŊ LƐ

¹⁴ Kɛkɛ ni Yehowa kɛɛ Mose akɛ, “Ŋmaa kunimyeli nɛɛ he sane lɛ owo wolo mli ofɔ̃ shi koni etsɔ̃ kaimɔ nɔ; ni okpã owo Yoshua toiŋ akɛ mibagbe Amalek kwrakwra yɛ shikpɔŋ nɛɛ nɔ.”

Ṅmãle̱ Kroṅkroṅ Le̱

¹⁴ Ni Iehowa kē̱ Mose ake̱: Ṅmã ene̱ owo wolo mli oṅo-fe kaime̱nõ, ni okpã owo Iošua toiiaṅ; ši mibagbe *Amalek kaimo̱ kwrā ke̱-dše̱ ṅwei šiši. *5 Mose 25,17-19. 1 Sam. 16,2. 3.

2 Mose 17:14 ပူးပေါင်းရင်းမြစ်များ

2 Samuel 1:1

Saul gbele sɛɛ be ni David ku esɛɛ kɛjɛ ta ni efã kɛyaplene Amalekbii lɛ eba lɛ, ebahi shi gbii enyɔ yɛ Ziklag.

2 Samuel 8:12

Maji lɛ ji Edom kɛ Moab kɛ Amon kɛ Filisti kɛ Amalek. Zoba Maŋtsɛ Hadadezer, Rehob bi lɛ, nibii ni ashɔ̃ lɛ ekomɛi hu fata he.

1 Kronika 4:42

Fee sɛɛ lɛ Simeonbii lɛ nɔŋŋ ateŋ mɛi ohai enumɔ fã kɛtee Edom bokãgbɛ. Asafoiatsɛmɛi ni nyiɛ gbɔmɛi nɛɛ ahiɛ ji Ishi bihii Pelatia kɛ Nearia kɛ Refaia kɛ Uziel.

1 Kronika 4:43

Amɛyatua Amalekbii ashwiei ni eshwɛ lɛ ateŋ mɛi ni na foijee hegbɛ lɛ, ni amɛgbe amɛ ni amɛŋɔ amɛshikpɔŋ lɛ, ni amɛhi jɛi kɛbashi ŋmɛnɛ.

Ezra 9:14

Aso wɔɔku okitãi lɛ amli ekoŋŋ, ni wɔkɛ wɔhe ayabɔ maji ni feɔ nihiinii nɛɛ ahe ni wɔkɛ amɛ aye yooŋɔɔ lo? Aso omli fuŋ wɔ kɛyashiŋ beyinɔ ni oookpãtã wɔhiɛ ogbe naa bɔ ni eshwɛŋ mɔ ko mɔ ko aloo mɔ ko mɔ ko hu ejeŋ mli lo?

Hiob 18:17

Akaiŋ lɛ yɛ shikpɔŋ lɛ nɔ, ni atsiŋ egbɛi atã yɛ blohuŋ.

Hiob 19:23

Oo, mina ni kulɛ aŋmã minaa wiemɔi lɛ! Oo, mina ni kulɛ aŋmã awo wolo mli!

Lalai 9:6

Henyɛlɔi lɛ asɛɛ efo kɛmiiya naanɔ; obutu amɛmaji wuji lɛ; ni kaimɔ po, akaiŋ amɛ dɔŋŋ.

2 Mose 12:14

Nɛkɛ gbi nɛɛ atsɔ̃ kaimɔ gbi ahã nyɛ, ni nyɛye lɛ akɛ Yehowa gbi jurɔ, ni etsɔ̃ akpɔ ehã nyɛ kɛ nyɛshwiei kɛya naanɔ.”

2 Mose 13:9

Nyɛkaia gbijurɔ nɛɛ. Nyɛhãa efea tamɔ okadi ko ni fi nyɛnineshi aloo ni kpɛtɛ nyɛhiɛŋtso nɔ koni Yehowa mla lɛ akã nyɛdaaŋ, ejaakɛ nineshiwalɛ naa Yehowa jie nyɛ kɛje Ijipt.

2 Mose 17:13

Ni Yoshua kpãtã Amalek kɛ emaŋ lɛ hiɛ.

2 Mose 24:4

Mose ŋmala Yehowa wiemɔi lɛ fɛɛ eshwie shi. Kɛkɛ ni ete shi leebi maŋkpa, ni ema afɔleshãa latɛ yɛ gɔŋ lɛ shishi, ni ehole tɛi nyɔŋma kɛ enyɔ edamɔ shi yɛ Israel akutsei nyɔŋma kɛ enyɔ lɛ anaa.

2 Mose 32:33

Shi Yehowa kɛɛ Mose akɛ, “Mɔ ni efee esha eshi mi lɛ, lɛ egbɛi magbe yɛ miwolo lɛ mli.

2 Mose 34:27

Kɛkɛ ni Yehowa kɛɛ Mose akɛ, “Ŋmaa wiemɔi nɛɛ, ejaakɛ wiemɔi nɛɛ anaa mi kɛ bo kɛ Israel ekpãŋ yɛ.”

Abe̱i 10:7

Kɛ akai jalɔ lɛ, ajɔɔ lɛ; shi efɔŋfeelɔ lɛ atsiŋ egbɛi tã ajɔŋ lɛ.

Yeremia 30:2

Yehowa, Israel Nyɔŋmɔ lɛ, kɛɛ Yeremia akɛ, “Ŋmãa wiemɔi ni mikɛ bo ewie lɛ fɛɛ owo wolo mli.

Yeremia 36:2

“Kɔ wolo kpo ko koni oŋmã wiemɔi fɛɛ ni mikɛ bo ewie yɛ Israel kɛ Yuda kɛ maji krokomɛi fɛɛ ahe, kɛjɛ Yosia yinɔ aahu kɛbashi ŋmɛnɛ lɛ, owo mli.

4 Mose 24:20

Agbɛnɛ Balaam na Amalekbii lɛ yɛ ninaa lɛ mli. Kɛkɛ ni etsɔ̃ gbalɛ lɛ kɛtee amɛnɔ ni ekɛɛ akɛ, “Amalek ji majimaji lɛ ateŋ mɔ ni yɔɔ hewalɛ fe fɛɛ; shi naagbee mli aahu lɛ, ehiɛ baakpãtã kwraa.”

4 Mose 33:2

Mose ŋmã he fɛɛ he ni yɛ Yehowa fãmɔ naa lɛ ayiɔ mli yɛ lɛ, kɛ he fɛɛ he ni atoɔ shi yɛ lɛ hu gbɛi; ni nomɛi baa nɛɛ.

5 Mose 31:9

Kɛkɛ ni Mose ŋma mla lɛ ewo wolo mli, ni ekɛhã osɔfoi lɛ, ni ji Levi shwiei, mɛi ni tereɔ Yehowa Kpãŋmɔ Adeka lɛ, kɛ Israelbii lɛ amaŋ onukpai lɛ fɛɛ.

Yoshua 4:7

nyɛjie naa nyɛhã amɛ akɛ, ‘Yordan Faa lɛŋ nu lɛ sɛɛ fo yɛ Kpãŋmɔ Adeka lɛ hiɛ be ni akɛfo Yordan lɛ.’ No hewɔ lɛ, tɛi nɛɛ baatsɔ̃ kaimɔ nɔ ahã Israelbii kɛya naanɔ.”

1 Samuel 15:18

ni Yehowa tsu bo, ni ekɛɛ bo akɛ, ‘Yaa koni oyaplenee Amalekbii eshafeelɔi lɛ. Okɛ amɛ awu kɛyashi beyinɔ ni oookpãtã amɛhiɛ kwrakwra.’

1 Samuel 30:1

Gbii etɛ̃ sɛɛ be ni David kɛ ewebii lɛ bashɛ Ziklag lɛ, amɛyanina akɛ Amalekbii lɛ ebatua Yuda wuoyigbɛ shikpɔŋ lɛ kɛ Ziklag hu, ni amɛwo Ziklag mli la amɛshã maŋ lɛ,

1 Samuel 30:17

Kɛkɛ ni David kɛshwie amɛnɔ, ni egbe amɛ kɛjɛ hulushinyɔɔ mli aahu kɛyashi enɔ jetsɛremɔ gbɛkɛ mli. Amalekbii lɛ ateŋ mɔ ko mɔ ko he ejeee gbele mli fe oblahii ohai ejwɛ komɛi ni shara yoomai ni amɛtara nɔ kɛjo foi lɛ.